Elnarə

Müğənni Elnarə ana olacağı ilə bağlı səhnədə görünmür.
Onun tamaşaçılar qarşısında sonuncu çıxışı Novruz bayramı münasibətilə Milli Parkda keçirilən tədbirdə baş tutub. Analıq məzuniyyətindən sonra efirə çıxmağa hazırlaşan müğənni bildirdi ki, o, tamam fərqli repertuarla, fərqli görünüşlə tamaşaçılarının görüşünə gələcək. Belə ki, o, səhnədə yaratdığı şıltaqlıqlara artıq son qoyacaq: "Səhnədə özümü ağır, xanım-xatın, ailəli qadın kimi aparacağam. Artıq o şıltaqlıqlar mənə yaraşmaz". Müğənni qeyd etdi ki, düzdür, o ritmik mahnılar ifa edəcək, amma bundan sonra səhnədə nə dinamik hərəkətlərlə çıxış edəcək, nə də oynayacaq. Onun yaradıcılıq işlərinə gəlincə isə müğənni söylədi ki, vaxtilə fəaliyyət göstərdiyi "W-trio" qrupunun digər üzvü tanınmış müğənni Röya ilə birgə mahnı ərsəyə gətiriblər. Bu mahnını onlar duet şəklində ifa edəcəklər. Eyni zamanda müğənnilər bu mahnıya klip çəkdirməyi də planlaşdırırlar. Mahnının musiqisi İsa Məlikova, sözləri isə Elnarənin özünə məxsusdur. Mahnının mövzusu hər iki müğənninin keçdiyi həyat yollarından bəhs edir. Müğənni həm də neçə illərdir Röya ilə rəfiqəlik etdiyini də gizlətmədi. Bundan başqa, Elnarə yeni oranjimanda ifa etdiyi "Leyla" xalq mahnısına klip çəkdirir.
Klipin bir hissəsi müğənni hamiləikən artıq çəkilib, qalan hissəsinə isə gələn aydan dünyaya gələcək yeni övladı çəkiləcək.
Qeyd edək ki, ərsəyə gələn bu klipə Elnarənin toyundan kadrlar da əlavə olunacaq.