Rəhim Rəhimli avtomobil qəzasına düşdü - Rehim Rehimli

[

Tanınmış estrada müğənnisi Rəhim Rəhimli avtomobil qəzasına düşüb. Bu barədə Lent.az-a Yasamal rayonu hüquq-mühafizə orqanlarından məlumat verilib. Məlumata görə, iyunun 13-də Alatava qəsəbəsi ərazisində Rəhim Rəhimlinin idarə etdiyi “Mercedes” 156 saylı xətt üzrə hərəkət edən marşrut avtobusuna çırpılıb.

Mənbənin bildirdiyinə görə, həmin vaxt müğənni özündə olmayıb və tum çırtlayırmış. Qəzaya səbəb də elə bu amil olub. R.Rəhimli qəfildən əlini sükandan çəkib və avtomobil sərnişin avtobusuna çırpılıb. Xoşbəxtlikdən qəza nəticəsində xəsarət alan olmayıb. Avtomobillərə isə xeyli miqdarda ziyan dəyib.