Leyla Ramazanlı 9-cu klipində yeniliklər edəcək

[

Leyla Ramazanlı qeyri-adi çəkilişi və keyfiyyəti ilə seçilən klip çəkdirməyi planlaşdırır.

Gənc ifaçı Leyla Ramazanlı artıq 9-cu klipinin çəkilişlərinə hazırlaşır. Bu barədə Milli.Az xəbər portalına müğənninin meneceri Ceyhun Məhərrəmov məlumat verib. Onun sözlərinə görə, müğənni bu yaxınlarda sözləri Arzu Əsədova və musiqisi İsmayıl Əsədova məxsus “Qələbə” adlı mahnısının klipini tamaşaçılara təqdim edib.

Müğənni bu dəfə, musiqisi Minayə xanıma, sözləri Arzu Əsədova məxsus “Gələcəksən” adlı mahnını, internet və radio dinləyicilərinə təqdim edib. Bu ifa Leylanın 2011-ci ildə oxuduğu ilk yeni mahnısı olub və dinləyici kütləsinin marağını nəzərə alaraq, “Gələcəksən” adlı ifasına klip çəkdirməyi planlaşdırır.
Meneceri deyir ki, bu dəfə də klip qeyri-adi və maraqlı görüntüləri ilə müğənninin digər kliplərindən seçiləcək.
Bu klipin rejissorluq işi Xavər Ağamalıyevaya məxsusdur.

Mələk
Milli.Az