Elza Seyidcahan: Bəziləri məni müğənni kimi də bəyənmir

Qəribə layihələri ilə ictimaiyyətin marağında olan müğənni Elza Seyidcahan qonşuları üçün nəzərdə tutulan konsert layihəsinin son tamamlama işlərini görür.

Sənətçinin bu dəfəki layihəsi də birmənalı qarşılanmır. Xüsusən də onun həmkarları Elza Seyidcahanın bu işinə bir qədər ironiya ilə yanaşmaqda davam edir. Buna əhəmiyyət verməyən Elza xanım Milli.Az xəbər portalına açıqlamasında deyib: “Əslində, bəzi həmkarlarım məni nəinki bəstəkar, heç müğənni kimi də bəyənmirlər. Amma özlərindən bixəbərdirlər. Mən maraqlı və yeni yaradıcılıq işi ilə insanları təəccübləndirə bilirəm. Amma bizim elə xalq artistlərimiz var ki, bu adın böyüklüyü qədər işlər görə bilmirlər. Nə sənətdə naxışlarını yarada biliblər, nədə ki qeyri-adilikləri var. Yəni, sıravilərdən seçilmirlər”.

Müğənni qonşular üçün nəzərdə tutulan konsertindən sonra daha maraqlı layihənin həllinə başlaycağını da bildirdi.

Xədicə
Milli.Az