Namiq Qaraçuxurlu “Toy olsun” proqramına qatıldı

Bu gün ANS TV-nin evlənmə proqramı “Toy olsun”un qonağı olan Namiq Qaraçuxurluya elçi düşənlər olub. Müğənni hətta evlənmək üçün proqrama qatılanlarla bir cərgədə oturub. Bunu görən aparıcı Ülvira digər iştirakçılar kimi Namiq Qaraçuxurlunun da yaxasına adı yazılan lövhə asıb. Bundan sonra studiya ilə telefon bağlantısı yaradaraq meyxanaçıya eşq elan etmək istəyənlərin sayı 100-ü keçib.

Leyla adlı bir xanım isə telefon bağlantısı yarada bilib və Namiqlə evlənmək istəyini bildirib. Meyxanaçı xanıma tanışlıq üçün bir neçə sual da ünvanlayıb. Məsələn, “Yaxşı yemək bişirə bilirsizmi?”, “İctimai nəqliyyatdan istifadə edirsizmi?” suallarına cavab alan Namiq xanıma xoşbəxtlik arzulayaraq sağollaşıb. İlk başdan özü də həvəslə bu oyuna qatılan Namiq vəziyyətin ciddiləşdiyini görüb bunun bir zarafat olduğunu, proqrama sadəcə qonaq olaraq qatıldığını bildirib. show-biznes.az