Nura oğlunun 2 yaşını qeyd etdi

Ötən gün müğənni Nura Suri oğlu Davidin 2 yaşını qeyd edib. Müğənni əvvəlcədən də vəd etdiyi kimi məclisinə çox az dost-tanışlarını toplayıb. Onun yaxın dostları sırasında vizajist Nigar İbrahimova, stilist Fuad Hacıyev, Telman Heybətov, müğənni Səidə Sultan və başqaları olub.

Milli.Az xəbər portalının məlumatına görə, bahalı gecə geyimində məclisə daxil olan Nura bir az gecikdiyini etiraf edəndən sonra qonaqları ilə əylənib. Gecənin səbəbkarı isə qonaqlardan maraqlı hədiyyələr almaqla yanaşı, balaca dostları ilə yetərincə əylənə bilib. Ad gününün qonaqları Nuranın ifasında bir neçə mahnıları dinləyiblər. Gecəyarısına kimi sürən ad günü məclisi daha sonra Nuranın yaxın bir neçə dostu ilə daha başqa bir elit-restoranda davam edib.