Stressdən qorunmağın daha bir üsulu

İtaliyanın “La Stampa” qəzetində çıxan xəbərə görə, Fransa Əkinçilik Elmləri Araşdırmaları İnstitutunun bir qrup elm adamı qovunun ehtiva etdiyi antioksidanların stressə qarşı qoruyucu olduğunu təsbit edib.


Lent.az-ın məlumatına görə, qovunun antioksidan müdafiə etmə fermentlərindən superoksit dismutaz (SOD) baxımından zəngin olduğunu deyən elm adamları heyvanlar üzərində apardıqları araşdırma nəticəsində bu bostan bitkisinin həzm sistemində yığılan stress zülallarının səviyyəsini sala bildiyini müşahidə ediblər.


Qəbul edilən qovun miqdarıyla qandakı SOD səviyyəsinin yüksəldiyini ortaya qoyan araşdırmanın nəticələri “Nutrition” jurnalında da dərc olunub.

LENT.AZ