Yuxu yozmaları

BABA-Röyada babanızı görmək-çoxlu uşağınız olacaq və məsud bir həyat sürəcəksiniz deməkdir.

BAQAJ (yük)-Röyada bi yığın şəxsi əşya və baqajla əlləşmək məcburiyyətində qalarsınızsa, bu-pulla bağlı bir çox dərdlərin və qayğıların fəna halda canınızı sıxacağı, sizi incidəcəyi anlamına gəlir.

BAQQAL-Dini məsələlərlə dünya işlərindən daha çox vaxt ayırmanız üzündən gələcəkdə maddi baxımdan sıxıntılı günlər yaşayacağınıza işarədir.

BAĞBAN-Röyada bağçada çalışan bir bağban görmək-ailə səadətiniz mükəmməl bir hal kəsb edəcəkdir.

BAĞIRSAQ-Yuxuda bağırsağın qarından çıxıb görünməsi-arvadı boşamağa və ya ailədə bir nəfərin xəstələnəcəyinə; bağırsaqlardan birinin yarılıb dəlinməsi-ayrılığa və ya ölümə; yalnız bağırsaq görmək-mala, vara işarədir. Yuxuda bağırsağını yeyən adam öz malını yeyir deməkdir. Başqasının bağırsağını yemək-röya sahibinin əlinə bir qədər mal-dövlət keçəcəyinə yozulur.

Yuxuda bir adamın bağırsağını çıxarıb qarnını su ilə doldurduğunu və ya təmizlədiyini görməsi-onun şəhid olacağına yozulur. Bağırsaq-eyni zamanda, gizli mal anlamına gəlir.

BAĞÇA-Röyada bağça görmək qədər xeyrə əlamət sayılıan bir şey ola bilməz, bağça röyaları ən xoşbəxt, taleli yuxulardandır.

Özünü bağçada gəzişən görmək-yorulmadan, tər tökmədən həyatın başlanğıcında uğurlar qazanacağınıza yozulur. Bağçada oturub dincəlmək-möhkəm sağlamlığa və xoşbəxt sevgiyə işarədir. Bağçada işlədiyini görən adam ömrünün yaşlı çağlarını səadət içərisində, sadiq və sevimli dostlarının arasında keçirəcəkdir. Yağlı boyayla işlənmiş tablolarda, bir rəsmdə və ya poçt açıqcasında bağça şəkli görən adam dünyanın hər yerindən gətirilmiş çeşid-çeşid əşyalarla dolu gözəl bir evə sahib olacaqdır. Röyada cənnət bağçasını görən isə çox maraqlı və ürəkaçan təcrübələr, eksperimentlər keçirəcəkdir.

BAĞÇA DIRMIĞI-Yaxın günlərdə əlinizə çoxlu pul gələcəkdir.

BAĞÇADA GÜL-ÇİÇƏK AÇMASI-Röyada gül-çiçək açmış bağça görmək-sərvəti, səhhəti, eşqi, xoşbəxtliyi, incə artistik zövqü və iqtidarı bildirir. Ayaq altında əzilən bahar çiçəkləri-məyusluğa, taleyin öz axarıyla getməyəcəyinə yozulur.

BAĞÇA KÜRƏYİ (bel)-Yuxuda bel görmək və ya bağçada yer belləmək-yeni və zəhmətli işlərlə qarşılaşacağınıza yozulur.

BAĞÇA ÇƏPƏRİ-Yuxuda bağçanızı divarla çəpərlənmiş görmək-gördüyünüz işlərin doğru-düzgün olduğuna, fəaliyyətinizin həm özünüz, həm də vətəniniz üçün faydalı və səmərəli nəticələr verəcəyinə işarə sayılır.

BADAM-Bdam yemək çox sevincli bir hadisə ilə qarşılaşacağınıza; badam qırmaq-yeni bir işə qtılacağınıza və ya nişanlanıb evlənəcəyinizə; badam satın almaq-yüksək qiymətləndirdiyiniz tanınmış bir adam tərəfindən məsul bir vəzifəyə təklif olunacağınıza yozulur.

BADAM AĞACI-Röyada çiçək açmış badam ağacı görmək-bir gənc qız, yaxud cavan oğlan tərəfindən bəyənilib seviləcəksiniz.

Meyvələri yetişmiş badam ağacı-zənginliyə və rifaha yozulur.

BADIMCAN-Şöhrətə yozulmaqla bərabər, etibarınızın sarsılacağına da işarə sayılır. Badımcan qızartması yemək-acı xəbərə yozulur. Uzun badımcan görmək-xoş xəbərdir.

BAZAR-Röyada bazara girib ev ehtiyaclarını təmin etmək üçün alış-veriş etmək, yaxud sadəcə bazarı gözdən keçirmək-cavan oğlan üçün çox gözəl bir röya olub, işlərinin geniş miqyasda inkişaf edəcəyinə; yaşlı kişilər üçün-məqamında cürət və cəsarət göstərərək çox mənfəətli bir durum təmin etməyə; gənc qızlar üçün-taleyin və bəxtin açılacağına; yaşlı qadınlar üçün-çox rahat və sakit bir həyat sürməyə yozulur.

BAZUBƏND-Röyada qolunda üzəri8ndə gümüşdən bir bazubənd və ya qolçaq taxılmış qumaş parçası görmək-röya sahibinin qardaşı qızıyla evlənməsinə işarədir. Əgər bazubənd muncuqlarla işlənmiş olarsa, röya sahibinin qardaş və bacısı bir-birinin ardınca yasa və üzüntüyə uğrayacaqlar.

Röyada qadının ziynətli əşya taxması-o qadının ərinə işarədir. Yuxuda qolunda və ya üstündə ziynətli bir şey görən qadın maaşla dolanan adamdır. Görülən bazubənd çox yaraşıqlı olarsa, röya sahibinin şahidlik edəcəyini xəbər verir.

BAYQUŞ-Yuxuda ötən bayquş görmək-aranız olmayan iş yoldaşlarınızın sizi böhtanlamağa çalışdıqlarına yozulur.

BAYRAQ-Yuxuda bayraq görmək-önəmli bir iş və ya başqanlıq, eyni zamanda, alim, zəki, igid, zəngin, comərd və güclü adam anlamındadır.

Bayraq görən röya sahibi camaat, xalq üçün çalışan bir adamdır. Qadının bayraq görməsi-ərinə işarədir.

Bayraq-evlənməyi; hamilə qadın üçün-uşağı ifadə edir. Çoxlu bayraq-küləkli və yağmurlu havaları xəbər verir.

Bayraq sahibi olmaq, yaxud bayra daşımaq-hakim olacağınıza işarədir.

Öz evinin üstündə bayraq görmək-o evdə bir kimsənin öləcəyinə yozulur. Böyük bir bayraq daşımaq-röya sahibi evlənəcəkdir. Bayraq qırmızı isə-evləndiyi qadının əxlaqsız olacağına; ağdırsa-o qadının namuslu və təmiz bir adam olub yaxşı ailədən çıxdığına işarə sayılır.

BAL-MASKARAD-Nəşəli bir xəbər alınacağına yozulur.

BALAQ (camış balası)-Seks baxımından işlərinizin uğurlu olacağını göstərir.

BALDIR-Baldırını dəmirdən yapılmış görən adamın ömrü uzun olacaq, şüşədən görərsə-əcəli yaxınlaşıb. Baldırının birini çəkər, digərini uzadar görmək-tam bir əcəllə ölmək deməkdir. Belə yuxu görənin qorxunc və təhlükəli bir iş görməsi də gözlənilir.

Kişi yuxusunda qadın baldırı görüb onu tanıyarsa-yaxın olduğu birisiylə və ya tanış bir qadınla evlənəcək.

Qadın baldırının açıldığını görərsə-o qadının möminliyinə və halının əvvəlkindən daha yaxşı olacağına yozulur.

Baldırın çox qıllı olması-yuxu sahibinin çoxlu borcu olduğuna və cəza evində (dustaqxanada) öləcəyinə; baldırın əyri olduğunu görmək-arvadbazlığa yozulur.

Baldır insanın malı və güzəranı deməkdir. Baldırın ağacdan yapılmış olduğunu görmək-yaşayışın, güzəranın darlığına, qazancın azalacağına işarədir. Baldırın çox gözəl olması-dostlardan biri hədiyyə bağışlayacaq.

BALIQ-Yuxuda görülən balığın sayı bəllidirsə-qadına; bəlli deyilsə, çoxsa-oğurluq mala yozulur.

Dənizin dibində iri və kiçik balıqları bir yerə toplanmış halda görmək, onları bir-bir sudan çıxarıb yemək və ya hissə-hissə doğrayıb bölmək-o adam çıxartdığı balıqlar qədər var-dövlət sahibi olar. İri balıq-ölkənin baş vəziri və ya baş vəkilidir. Balıqlar məmləkətin əsgərinə, dəniz isə dövlətə yozulur.

Özünü suda balıq ovlayan görmək-0fərəhli və şad bir xəbər anlamındadır. İri balıq tutmaq-mənfəət və xeyrə yozulur; kiçik balıqlar isə-əldə ediləcək gəlirin kəsilməsinə yozulur.

Sazan balığı görmək-evlənməyə və xeyrə yozulur.

Yatağında balıq görmək-dəniz səyahətində bulunan adam üçün xəstəliyə yozulur.Bulanıq suda balıq ovlamaq-tasa, qayğı deməkdir. Balığı diri-diri yemək-yuxu görənin mal-mülk sahibi olacağına və körpəsinin doğulacağına işarədir.

Məhrəm yerindən balıq çıxdığını görmək-yuxu sahibinin arvadı boyludursa, qız doğacaq. Qızardılmışbalıq görənin duası qəbul ediləcəkdir.

Bir nəfər röyasında göydən balıq endiyini və onu yediyini görərsə, xeyir xəbər eşidəcək, düşmənlərini məğlub edərək yüksələcəkdir.

BALTA-Yuxuda balta-imdad, ianə, yardım və gələcək xoşbəxtliyi xəbər verir. Başı ağrıyan adam rahatlıq tapar. Yuxuda balta-yeməyə-içməyə möhtac xəstənin şikayət və qorxularının yox olacağını bildirir.

Balta oğlan uşağıdır. Yuxuda balta tapan adam vəkil, qəyyum və ya müdir olur. Mömin və dindar olduğu üçün düşmənləri ilə mübarizədə də həmişə qalib gəlir.

Balta qulluq göstərməyə, qüvvət və üstünlüyə də işarədir.

BANAN-Röyada banan görmək-gizli var-dövlətə, ana bətnində olan uşağa, qəbirdəki ölüyə, həbsdə olan adama, yaxud köhnə fal kitablarına işarə sayılır. Bir ayətə görə, banan cənnət meyvələrindəndir və geyim, dostluq sevgi rəmzi kimi də yozulur.

Röyada evdə banan olduğunu görən adamın bir övladı dünyaya gələcək. Əgər röya sahibi banan yediyini görərsə, əlinə mal keçəcək. Yuxuda banan yediyini görən xəstənin öləcəyindən qorxulur.

Banan ağacı-din, dünya, sərvət sahibi, zəngin bir adama işarədir.

BARDAQ (səhəng)-Xeyrə yozulmur, gözlənilməz bir xəbərə işarə sayılır.

BARMAQ-Yuxuda barmaq görmək-oğlunuz olacaq. Yuxuda barmağı yanan adam günah və suç işləyəcək. Barmaqlarının gərmək-sərvətə və yaxşı bir məqama yetişəcəyinizə işarədir.

BARMAQ YALAMAQ-Ruziyə işarədir.

BARMAQLIQ-Qüvvətə, sərvətin artmasına, əmin-amanlığa yozulur. Barmaqlıq arxasından qonşu ilə danışmaq-ətrafınızdakı adamlarla xoş keçinəcəksiniz.

BASDIRMAQ-Röyada basdırmaq, sucuq və kolbasa kimi şeyləri satın almaq, yaxud satmaq-qismətə, nemətə yozulur. Basdırma görmək-çox xeyirli röyalardan olub, pul və iş sarıdan xoş xəbərlər alacaqsınız deməkdir. Röyada basdırma, sucuq və s. ye4mək isə xeyrə yozulmur, bu günün işini sabaha qoymağa, boş-boçuna vaxt keçirməyə və bu səbəbdən də işdə çətinliklərin meydana çıxmasına əlamət sayılır.

BATAQLIQ-Özünü bataqlıqda görmək-bədbəxtliyə və bir çox çətinliklərə yozulur. Bataqlıq içində özünü çırpınan görmək-ömrün ixtiyar çağında rahatlığı, firəvanlığı bildirir.

BATTANİYƏ (odyal)-Təmiz battaniyə-tale pərisinin sizə gülər üz göstərəcəyinə, işlərinizin yaxşı olacağına yozulur. Kirli battaniyə-bədbax yoldaşların həm işdə, həm sosial çevrələrdə adınızı ləkələməyə çalışdıqlarını göstərir. Yırtıq battaniyə isə unudaraq yerinə yetirmədiyiniz bir vədlə heç də incitmək və xətrinə dəymək fikrində olmadığınız bir nəfərin həyatını pərişan edəcəyiniz anlamına gəlir.

BACA-Röyada eviniz bacasını tüstülənərkən görmək-evinizdə bolluq, bərəkət, nəşə və sevinc hökm sürəcəkdir.

Baca təmizləmək-bütün işləriniz normal şəkildəinkişaf edəcəkdir.

Bacanızın alovlandığnı görmək-kədərə və acıya işarədir.

Bacanızın uçduğunu görmək-ölüm xəbəri alacağınıza və ya ailə üzvlərinizdən birinin ağır xəstəliyə tutulacağına yozulur.

BACI-Böyük bacını yuxuda görmək, röya sahibi subaydırsa-yaxın zamanda evləbnəcək; evlidirsə-xoş bir xəbər alacaq.

BEŞİK-Özünü beşikdə görmək və ya beşiyi satın aımaq-yuxu görənin xeyrə və bərəkətə qovuşacağaına, onun xeyriyyəçiliyinə və xeyirxahlığına işarədir.

Beşik bəzən də firəvan bir ailəyə və ya şəfqətli bir anaya da işarə sayılır. Beşik kişi üçün tasa, hüzn və həbs kimi yozulur. Beşikdə uyumaq-darlıq işində olan ailəyə; subay üçün-evlənməyə; qadın üçün-uşağa yozulur. Bəzən də beşik şərqi söyləməyə, rəqs salonu anlamına da uyğun gəlir.

BƏBƏ-Kasıb birisi yuxuda özünü anadan doğma bir cocuq olaraq görsə, zənginləşəcək, var-dövlət sahibi olacaqdır.

BƏBİR-Yuxuda bəbir-böyükluyə, yüksəlişə, qəsbkarlığa, düşmənşiliyə, sırtıqlığa, eyni zamanda, işvəyə və şuxluq edib nazlanmağa yozulur.

Bəbir-düşmənşiliyini gözləmədiyiniz və qəfil hücumuna məruz qalacağınız düşməndir.Yuxuda bu hüyvanla qovğada olmaq-onun kimi mütərəddid bir düşmənlə qovğada olmağa işarədir.

BƏDƏN SAĞLIĞI-Röyada bədən sağlığı pis bir xəstəliyə və zəhmətə işarədir. Cünki sağlıq xəstəliyin tərsidir. Bəzən bədən sağlığı nemətə qovuşmağa da yozulur.

BƏDƏNİN SƏPMƏSİ-Röyasında səpdiyini görən adamın ya bir övladı olacaq, ya da gözləmədiyi bir yerdən yardım görəcəkdir.

BƏLĞƏM-Var-dövlətə yozulur. Yuxuda ağzından bəlğəm gəldiyini görən adam xəstəlikdən qurtular.

BƏLƏDÇİ-Röyada bələdçi görmək-səfərə, səyahətə yozulur, yaxud bərbərə, elçiyə, tacirə işarə sayılır.

BƏNNA-Sevincə, şadlığa yozulur. Yuxuda bənna görənin uşaqlarını xoş gələcək gözləyir. Bütün sınaqlar uğurla qurtaracaqdır.

BƏNÖVŞƏ-Yuxuda bənövşə görmək xoş və gözəl röya olaraq yozulur. Röya sahibinin bilgili və uzun ömürlü olacağını xəbər verir. Bir kimsə röyasında bənövşəni yerdən qaldırdığını görərsə, o, gözəl bir qadını öpər. Röyada bənövşə-təmiz əxlaqlı qadını ifadə edir.

BƏHMƏZ-Röyada bəhməz görən adamın işi düzələcək, halı, durumu yaxşılaşacaq. Bəhməz qabına milçəklərin yığışdığını görmək-ətrafınızda bir çox xeyirsiz dost-yoldaşın olduğuna işarədir.

BƏHSƏ GİRMƏK-Eqoizmi, xudbinliyi bildirir.

BƏXŞİŞ-Röyada bir qarsona və ya hər hansı bir kimsəyə bəxşiş vermək-könül zənginliyi və sevincə işarədir. Bəxşiş qadına verilərsə, bəxşiş verənə əhəmiyyətsiz bir narahatlıq üz verəcvəkdir.

BIÇAQ-Yuxuda bıçaq görmək-qüvvət və qüdrətin davamlı olacağına yozulur. Bıçaqla bir şey kəsmək-pul, var-dövlət sahibi olacaqsınız.

BİLDİRÇİN-Bildirçin Tanrı tərəfindən gələcək gözəl bir ruziyə və ya sıxıntılardan qurtulmağa yozulur.

Yuxuda bir dəstə bildirçin görmək-başınıza bir iş gələcəyinə əlamətdir. Bir qovğa təhlükəsi olan yerdətəmkin göstərin, səbirsizlik etməyin.

BİBƏR-Yuxuda bibər yeyən adam-dostluqda möhkəmdir, lakin tutduğu işdən peşman olacaqdır.

BİBİ-Yuxuda atanın bacısı, yəni bibi xuma ağacıyla yozulur. Bibidə olan bir dəyişiklik xurma ağacında görülər. Röyanı görərnin xurma ağacı yoxdursa, o hal, o dəyişiklik yuxu sahibinin əmisi, atası kimi yaxınlarından birində ola bilər.

BİLET-Nə biçimdə olursa-olsun, bilet itirmək-mühakimə yoluyla çözüləcək bəzi çətinliklərlə qarşılaşmağa; bilet almaq-bu çətinliklərdən qurtulmağa yozulur.

BİLƏRZİK-Yuxuda bilərzik taxamaq-sevgiliniz heç zaman sizi tərk etməyəcəkdir.

Başqa birini bilərzik tamış görmək-xoş olmayan bir işdən ötrü sizdən yardım istəyəcəklər. Bilərzik itirmək-heç vaxt həyata keçməyəcək bir şey üçün boş yerə üzülüb xiffət çəkməkdə olduğunuzu göstərir. Bilrəzik tapmaq-miras yoluyla əlinizə bir az pul və yaq torpaq sahəsi keçəcəkdir. Bilərziyi sahibinə qaytarmaq-yaxın vaxtlarda başınızdan xoş bir eşq macərasının keçəcəyini bildirir.

BİYAN-Uzun sürən bir xəstəlikdən qurtulacağınızı xəbər verir.

BİNA-Yuxuda yeni binalar görmək-işinizi, sənətinizi dəyişdirəcəyinizə işarədir. Köhnə və uçulmaqda olan evlər-firəvanlığa, qayğısızlığa yozulur.

BİR ÇEYDƏN KEÇMƏK (bağışlamaq)-Röyada bir şeyi başqasına vəsiyyət etmək, bağışlamaq hər iki dünyada işlərinizin ürəyiniz istəyən kimi olacağına, haqq qarşısında düzgün və məqbul adam olduğunza əlamət sayılır.

BİRƏ-Yuxuda birinin üstündə birə, yaxud bit görmək-o adamın hər baxımdan zəif olduğuna işarə sayılır.

BİRJA-Yuxuda birjaçılıqla bağlı çoxlu vəsiqə görmək-işlərinizn ürəyiniz istəyən kimi davam edəcəyinə yozulur.

Birja oynamaq-ufaq və keçici maliyyə sıxıntısına işarə sayılır.

BİRÇƏK (saç)-Röyada alına tökülmüş saç, birçək-mala, mənfəətə, izzət və qüvvətə, gözəlliyə , yetginliyə, eyni zamanda, bu keyfiyyətlərə malik olan bir xəstə qadına işarə olub, o gözəl qadınla röya sahibinin evlənəcəyinə yozulur.

BİÇİN-Röyada taxıl biçmək, toplamaq, taxıl döymək, yəni məhsul yığımı mövsümünü yuxuda görmək-səadətə, xoşbəxtliyə müjdədir.

BOY-Boyun uzunluğu fitnə-fəsada, xəsisliyə, çətinliyə, malla yardıma və lovğalığa işarədir.

Boyun qısaldığını yuxuda görmək-xeyrə yozulmur. Bu, röya sahibinin gücünün-taqətinin əldən getməsinə, əcəlin yetişməsinə işarədir.

Boyunu qeyri-adi dərəcədə uzanmış görmək-əcəlin yetişdiyini və ya mövqeyin-məqamın itirildiyini bildirir.

BOYA-Yuxuda boya görmək, evi, anbarı, avtomobili, barmaqlığı və ya buna bənzər bir şeyi rəngləmək-təkcə ailə üzvləriniz üzərində deyil, eyni zamanda, dost-tanışın, iş yoldaşlarınızın, sözün qısası, təmasda olduğunuz hər kəsin həyatındatəsirə və nüfuza malik olacqsınız. Röyada boyaqnın tökülməsi sizi tanıyan və nələrə yetənəkli (qabil) olduğunuzu bilən bir adamın sizə olan ümidləri doğrulacaqdır. Sənətlə ilgili röya, məsələn, yağlıboya tablo və ya peyzaj görmək-əgər yuxu görənin gerçəkdən, sənət qabiliyyəti, istedadı varsa və çalışıb xırda, əhəmiyyətsiz işlərlə az məşğul olarsa, bu sənət yetənəyi (qabiliyyəti) misilsiz parlaq nəticələr verə bilər. Röyada boyaları qarışdırmaq-anlaşılmazlıq üzündən bir-birindən ayrılmış adamları bir araya gətirib barışdırmaq sayəsində fövqəladə qabiliyyət sahibi olduğunuzu göstərir.

BOYNU VURULMAQ-Röyada buynun vurulması mala-mülkə və ya namazı tərk edənə işarə olub, dinində, imanında şəxsin səbatlı olmadığını göstərir.

Boynun vurulub bədəndən ayrılması-hürriyyətə qovuşacağınıza, tasa və qayğılardan qurtulacağınıza işarədir. Belə röya görən borclu isə borclarını ödəyəcək, böyük var-dövlətə qovuşacaq.Boynunu kimin vurduğunu bilirsə, ondan yaxşılıq görəcək, bir uşaq vurarsa, xəstəlikdən qurtulacaq.

Hökmdar və ya dövlət başçısı yuxuda kiminsə boynunu vurarsa, boynu vurulan üzüntü və sıxıntılardan qurtular.

BOYUN-Röyada öz boynunu qaba, qalın və ya qısa görmək-üzərinə düşən vəzifəni ədalətlə, qanun-qaydayla yerinə yetirməyə yozulur.

Boynunun incə olduğunu görmək-zalımlığa, üzərinə düşən vəzifəni ədalətlə yerinə yetirmək imkanından məhrumluğa işarədir.

Boynuna dolanmış bir ilan görmək-ayəti-kəriməyə görə, röya sahibinin malının zəkatını vermədiyinə, borclu olduğuna yozulur. İmamın öz boynunu yoğun görməsi-ədalət sahibi olduğu və düşmənlərini yenəcəyi anlamına gəlir.

Boynunda ağrı hiss etmək-cəmiyyətə və əmanətə xəyanət edilməsinə işarə sayılır.

Boynunda buğum (düyün) görmək-borcların yığılıb qaldığını göstərir.

Boynunun qılıncla vurulduğunu görmək-xəstəlikdən qurtulmağa yozulur.

Tasa və sıxıntı içərisində olan bir adam yuxuda boynunun vurulduğunu görərsə, Uca Tanrı onu bu sıxıntı və tasadan qurtarar.

Yuxuda boynunu gözəl və yağlı görmək-yüksək məqama yetişəcək, seviləcək və kişilik sahibi olacaqsınız.

Boynunda iri çibanlar və ya fistul kimi iltihablı qan axdığını görmək-röya sahibinin şəhadət, vəsiyyət və zəkat kimi müqəddəs borclarla yüklü olduğunu bildirir.

Boynunda dəmir zəncir görmək-yuxu sahibinin onu atəşə yaxınlaşdıracaq bir davranışda bulunduğuna və ya qadınların taxdıqları bilərzik, yaxud boyunbağı kimi zinəy əşyası anlamına gəlir.

Boynuda mirvari boyunbağı görmək-röya sahibinin təhsilli, bilikli olduğuna işarədir.

Həzrəti Peyğəmbərin yuxuda boynunu çimdiklədiyini görmək-pis bir hərəkətdən yayınmağa yozulur.

Boynunun üstündən uçan quş görmək-quş ağdırsa, yuxu görənin davranışlarının gözəl olmasına, qaradırsa-pis və çirkin hərəkətə yozulur.

BOLLUQ-Röyada özünü hər şeyə bol-bol sahib görmək-yuxu görən adam özünü, nəfsini saxlamağı bacarmalıdır.

BORAZAN (boru, şeypur)-Yuxuda bir şeypurçu əsgərin boru çaldığını görmək-əgər röyanı görən əsgərsə, başına yaddan çıxara bilməyəcəyi bir hadisə gələcəkdir; əsgər deyilsə, həyatı bir çox dəyişikliklərə məruz qalacaq və ya bir yerdən başqa yerə köç edəcəkdir.

Ağızla çalınan boru-dostlarınız sirlərinizdən xəbərdardır.

BORAN-Yuxuda şiddətli boran, fırtına görmək-başınız üstündə böyük bir təhlükənin dolaşmaqda olduğuna işarədir.

BORNUS (əba)-Yuxuda bornus görmək-bir işə, vəzifəyə keçəcəyinizə işarədir.

Çöl ərəblərinin geydikləri bornus görmək-Ərəbistan tərəflərinə səyahət edəcəyinizə və ya Həccə gedəcəyinizə yozulur.

BORU-Röyada hər hansı bir boru görmək-ruzinizin və qazancınızın artacağına işarədir.

BORC-Röyada borc ödəmək-hansısa bir işin ucbatından can sıxıntısına düçar olacaqsınız.

Birindən borc pul almaq-yoxsulluğa düşəcəksiniz.

BORC SƏNƏDİ-Röyada borc sənədi görmək-borclarınızı ödəyərək rahat və arxayın olacaqsınız, dost-tanış arasında çərəf və etibarınız artacaqdır.

BORC VERMƏK-Röyada bir şeyi borc vermək, yaxud borc almaq-pis duruma düşməkdir.

Borc vermək-bir fəqirə əl tutmağa, sədəqəyə işarədir.

Borc vermək-günahkarın tövbəsi, fakirin islama tapınması, yoxsulun var-dövlətə çatması deməkdir.

Röyada bir kimsənin dəyərli bir əşyasını istəyənə borc olaraq verməsi-onun haqq yolunda etibarlı olduğuna yozulur.

BOSTAN-Yaxın vaxtalarda nişanlanmaq və ya evlənmək-arzunuz həyata keçəcəkdir.

Borstanda bir şey əkmək-xeyirxah, qanacaqlı övladınız olacaq.

Bostan sulamaq-maddi vəziyyətinizyaxşılaşacaq və ictimai mövqeyiniz yüksələcəkdir.

BOXÇA-Yuxuda boxça aparmaq-gözləmədiyiniz və çox sevdiyiniz bir dostunuz yaxın vaxtlarda sizi ziyarət edəcək və bu görüş xeyirli bir işlə nəticələnəcəkdir.

BOŞANMA-Evli kişinin yuxuda arvadını boşaması xeyrə yozulmaz. Çünki onun bu hərəkəti ilə gün-güzəranı daralacaq, həyatı ikiyə bölünəcək və ya ikisindən biri vəfat edəcəkdir.

Evli qadın belə bir röya görərsə, bu-ər-arvad arasına başqa birisinin girəcəyinə, bir çox üzüntü və dartışmalara səbəb olacağına yozulur. Röya sahibi xəstə və tərəddüt içindədirsə, yaxud daha geriyə dönmək imkanı yoxdursa, düşmənləriylə razılığa gələməyi məsləhətdir.

Ayəti-kəriməyə görə, bir kişi röyasında arvadını boşadığını görərsə, o çox zəngin olar, var-dövlətə çatar.

Subay adam boşanma yuxusu görərsə, ehtiyatlı olmalıdır.

BÖYÜK ADAM-Röyada mövqe və rütbə sahibi, alim, fazil bir adamla qarşılaşmaq xeyrə yozulur. Rəhbərlərinizdən və ya mövqecə sizdən üstün olan bir kimsədən xeyirxahlıq və fayda görəcəksiniz.

BUĞA-Yuxuda qızmış buğa görmək-yaxın vaxtlarda başınıza pis bir iş gələ biləcəyinə yozulur.

BUĞDA-Röyada evinə buğda alan adamın yaşayışı, güzəranı çətinliklə başa gələr. Aldığı buğdadan yediyini görərsə, əlinə çoxlu pul gəkləcəkdir.

Buğdanı çuvalda görmək-qıtlığa; bazarda görmək-bolluğa yozulur.

BUDAQ-Yarpaqla, bahar çiçəkləriylə və ya meyvəylə dolu ağacbudaqlarına baxmaq-bir az da səbr etsəniz, bütün ümidlərinizin birər-birər gerçək olacağı anlamındadır. Yuxuda yarpaqsız, çiçəksiz, meyvəsiz qupquru ağac budağı görmək-yaxşılığa yozulmur. Yaxın vaxtlarda yoxsulluğa düçar olacaqsınız deməkdir.

BUYNUZ-Heyvan başında buynuz görmək-göründüyü kimi də karlı, xeyirli olmayan işlərə girişməkdən çəkinməyiniz gərəkdir. Öz başınızda buynuz görmək-xəyanətə, alçaqlığa qurban getməmək üçün hər addımınızı ölçüb-biçməniz məsləhətdir. Röyada buynuzdan düzəldilmiş düdük səsi eşitmək-hərəkətlərinizə və söylədiyiniz sözlərədiqqətli olmaq anlamına gəlir.

BULAQ-Röyada şəffaf və dadlı suyu olan çoxlu bulaq görmək-etibarlı bir adsamla dostluq quracaqsınız. Acı suyu olan bulaq-qayğısına qalmasanız, səhhətinizin pozula biləcəyinə işarədir.

BULVAR-Özünüzə təzə bir dost tapacaq, birlikdə gəzintiyə çıxacaqsınız.

BULDOQ KÖPƏYİ-Yuxuda hər hansı bir vəziyyətdə buldoq köpəyi görmək-röya sahibinin çox sadiq bir dostu olduğunu göstərir.

BULUD-Bulud islama işarə olub, xalqın həyatı və qurtuluşudur. Bulud su və yağmurdan ibarət olduğundan bərəkətə, bolluğa səbəbdir, eyni zamanda, dini elmlərin öyrənilməsi anlamına da gəlir. Canlıların ayaradılışına səbəb olan bulud bir çox arkadaşlara və yoldaşlara da işarə sayılır. Bulud, həm də dəvə, gəmi, yağmur və hamilə qadına yozulur.

Subay adam röyada bulud mindiyini görsə, namuslu bir qadınla evlənəcəyinə işarədir. Belə yuxunu görən səyahət arzusundadırsa, diləyinə çatar. Bulud dinin, imanın sağlam olmasına da əlamətdir.

BURĞU-Gəlirli, mənfəətli işlərə girişəcəyinizə işarədir.

Burğu ilə bir yeri dəlmək-qismətiniz açılacaq, arzu və əməlləriniz həyata keçəcəkdir.

BURUN-Röyada burun, ümumiyyətlə, uzun ömrə, xeyrə və sevincə yozulur.

Burnunuzun axdığını görmək-böyük bir zatdan fayda və mənfəət görəcəksiniz.

Burnunuzdan çöp kimi bir şey çıxdığını görmək-bir körpəniz dünyaya gələcək.

Burnunuza bir şey düşdüyünü görmək-maddi zərərə uğrayacaqsınız.

Burnunuzun dəlindiyini görmək-bir qadının vasitəsiylə var-dövlətə çatacaqsınız.

Burnunuzdan qan gəldiyini görmək-mal və pul itgisinə işarədir.

BUFET-Röyada zəngin bir bufet görmək-nəticəsiz bir eşqədüşərək çox iztirab çəkəcəyinizə yozulur.

BÜLBÜL-Yuxuda bülbül səsi eşitmək-yeni bir eşqə düşəcəksiniz və bu sevda əbədi olacaqdır.

BÜRO (dəftərxana)-Həyatda bir şeyə nail olmaq üçün daha çox çalışmaq və əhəmiyyətli sənədlərinizi daha diqqətlə qoruyub saxlamaq lazımdır. Hər hansı bir təşkilatda dəftərxanaya gətirildiyinizi görmək-maliyyə vəziyyətinizin çox yaxşı olacağını və düzələcəyini bildirir.

BÜRÜNC-Zənginlik və var-dövlətdir.

BÜT, HEYKƏL-Yuxuda ağacdan yonulmuş bir bütə tapınmaq-din haqqında küfr danışmağa işarədir. Gümüş bütə tapınmaq-bir qadına xəyanət eləməkdir. Qızıl bütə tapınmaq-dində qanunsuz hərəkətlərə yol verməyə və bu səbəbdən də var-dövlətin əldən getməsinə yozulur.

Bütləri qırıb-dağıtmaq-röya sahibi yüksək məqama yetişəcək, düşməninə üstün gələrək hər cür kin və qərəzdən qorunacaqdır.

CADUKƏR-Yuxuda qorxunc bir cadukər görən adamın ona dəxli olmayan hər cür qovğadan çəkinməsi gərəkdir. Belə qovğalara girişmək təhlükəli nəticələr verə bilər.

CAMAŞIR-Çox istənən bir şeyə qovuşmaq anlamına gəlir. Röya sahibi qadındırsa, evində arzu etdiyi xoşbəxtliyə nail olacaqdır.

CANAVAR (vəhşi heyvan)-Xeyrə yozulur.

CAN VERMƏ-Röyada can vermə-qovğaya və yaxud şiddətli mübahisəyə, Qur`ani-Kərimə şübhə etmək, eyni zamanda, hörmət-izzətlə qonaq qarşılayıb yola salmağa; subaylar üçün-evlənməyə, bir evdən başqa evə, bir peşədən başqa sənətə keçməyə yozulur. Bu röya-bəzən arvad boşamaq anlamına da gəlir.

Bir kimsə özünü can verən məqamda, ölümün şiddəti içində görərsə, bu röya-o adamın özünə, yaxud başqasına qarşı çox zalım olduğunu xəbər verir.

CANLI VƏ AÇIQ RÖYALAR-Canlı və açıq-aydın röyalar nə şəkildə görülmüşsə və açıq-aydın xatırlanırsa, çox tezliklə həyatda baç verir.

CAMİ (məscid)-Röyada cami və ya məscid görmək-yuxu sahibinin dindar adam olduğunu və zəngin rifaha qovuçacağını bildirir.

Məsciddə namaz qılmaq-xeyirli bir işə başlayacaq, istəkəlrinizdə uğurlar qazanacaqsınız.

Cami, məscid tikdiyini görmək-o məmləkətin böyüklərinin halal və düz əxlaqlı olmalarını göstərir.

Namazdan sonra arxasının mehraba döndüyünü görən adam bütün pisliklərdən qurtulacaq və istəkləri yerinə yetəcəkdir.

Camaatla məscidə getdiyini görən gənc oğlan subaydırsa-təmiz və gözəl qızla evlənəcək, evlidirsə-bəxtli və gözəl bir qızı olacaqdır.

Mehrabı kirlətdiyini görənin təzə övladı doğulacaq.

Camidə şam yandıran adamın uşağı ağıllı və ziyalı olacaq. Röyada məhfil və ya minarəni görən, yaxud məbədi təmir edən bir kimsənin şərəfi-şöhrəti artacaq, istəklıəri qəbul olunacaqdır.

Minarənin yıxılması-o yerə xalq içindən irəli gələn adamlar arasında ixtilaf, fitnə-fəsad çıxacağına və ya xalqın din baxımından qüsurlu əməllərinə işarədir.

CASUSLUQ-Röyada casusluq etmək, yaxud izlənmək-yaxın vaxtlarda yuxu sahibinin başına önəmli bir hadisə gələcəkdir.

CEVİZ-Yuxuda ceviz yemək-xərda, əhəmiyyətsiz içlərdənböyük qazanc əldə edəcəyinizə yozulur. Ağacvdan və ya yerdən ceviz toplamaq-ərinizlə, yaxud arvadınızla xoşbəxt ömür yaşayacaq və qəşəng, göyçək övladlarınız olacaqdır.

CAVİZ AĞACI-Röyada ceviz ağacının altında oturub ceviz yemək-ciddi bir xəstəliyə tutulacağınıza yozulur.

Ağaca çıxıb ceviz yığmaq-bir qadın vasitəsilə sərvətə qovuşacaqsınız.

CEYRAN-Röyada siyah gözlü ceyran görmək-heç gözləmədiyiniz bir qadınla (kişiylə)tanış olub evlənməyə işarədir.

Ceyranı diri-diri tutmaq-qısqac bir qızla (oğlanla) evlənəcəksiniz.

Ceyran ovlamaq-kədər və üzüntüyə yozulur.

Ceyran öldürüb ətini yemək-narahatlıq və üzüntü içində keçən həyatınız daha bir müddət davam edəcəkdir.

CƏBBƏXANA-Bir dedi-qoduya məruz qalacaq, bundan çox üzüntü və zərər çəkəcəksiniz.

CƏBRAİL-Bir adamın yuxuda mələk görməsi onun din və ibadət baxımından çox sağlam iradəyə malik və vədindən dönməyən xoş əxlaqlı bir insan olduğuna işarədir. Belə böyük mələklərdən biri-Cəbrail əleyhissəlamı röyada görmək o insanın bütün istəklərinin yerinə yetməsi deməkdir.

Belə röya görən eyni zamanda, dövlət başçısına yaxın və onun bütün sirlərindən agah olan xüsusi katib deməkdir. Cəbrail əleyhissəlamı görən adam tibb və ulduzlar elmini bilən bir alim hesab edilir, onun hər işi uğurlu olur.

CƏVAHİRAT (daş-qaş)-Röyada cəvahirat, daş-qaş görmək və ya satın almaq-röya sahibinin çoxlu var-dövlətə, eyni zamanda, övlad yiyəsi olacağına yozulur.

CƏDVƏL-Röyada cədvəl görmək-bütün hərəkətlərinizdə dürüstlüyü və istiqaməti özünüzə şüar etdiyiniz təqdirdəhəyatda çox şeyə müvəffəq olacaq və hər cür nə muradınız varsa, hamısına qovuşacaqsınız.

CƏLLAD-Yuxuda cəllad-qübətdə qalmaq deməkdir.

CƏNAZI MƏRASİMİ-Ailə üzvlərindən və ya qonşulardan birisinin acı ölüm xəbərinə yozulur. Cənazıni izləmək və ya çiynində aparmaqbir şeydən faydalanmaq anlamına gəlir.

Gənclər üçün bu röya-ümidlərinin boşa çıxacağını; orta yaşlılar üçün-işlərində çox diqqətli olmağın gərəkliyini bildirir. Yaşlılar belə yuxu görərsə-zəngin bir mirasa qovuşacaqlar. Cənazəsinin aparıldığını görmək-röya sahibinin şərəfli və yüksək bir mövqeyə yetişəcəyi şəklində yozulur.

CƏNNƏT-Yuxuda özünü cənnətdə görmək-çox rahat və fərəhli bir həyat sürəcəyinizə işarə olduğu kimi, həm də özü-sözü doğru bir insan olduğunuza, hər nə muradınız varsa, hamısının hasilı olacağına yozulur.

Cənnətdə hurilərlə bir yerdə olmaq-nişanlanma və ya evlənmə kimi xeyirli arzularınız tezliklə həyata keçəcəkdir.

Cənnətə girmək, lakin istədiyiniz kimi qəbul edilməmək-günahkar adam olduğunuza işarədir.

Tövbəylə cənnətə girmək-axirətə tam inamla dünyanızı dəyişəcəyinizə yozulur.

CƏRRAH-Yuxuda cərrah görən kiçik bir cərrahiyyə əməliyyatına məruz qalacaq.

CƏSƏD-Qorxunc bir hadisə ilə qarşılaşacağınıza işarədir.

CƏHƏNNƏM-Yuxuda cəhənnəm-sıxıntıya, tasaya və şiddətli ailə çəkişmələrinə, dedi-qoduya işarədir.

CƏFƏRİ (göyərti)-Çoxdan bəri əziyyətini çəkdiyiniz mədə xəstəliyindən qurtulacağınıza yozulur.

CIR-CINDIR-Yuxuda cır-cındır görmək kasıb düşəcəyinizə yozulur. Köhnə pal-paltar alveri etmək isə zənginliyə, var-dövlətə işarədir.

CIRMAQLAMAQ-Yuxuda birisini cırmaqlamaq-tənbəllik etdiyinizə, quruçanaqlılıqla məşğul olduğunuza işarədir.

Başqası tərəfindən cırmaqlanmaq-güvəndiyiniz dostların belə, sizi pisikdirmək və yolunuzdan azdırmaq üşün fürsət güddüklədini göstərir.

CİB-Yuxuda cibini qurdalamaq-işinizi böyük etina və diqqətlə tutduğunuza və o səbəbdən də gəlir və qazancınızın daima artmaqda olduğuna işarədir.

CİB KİSƏSİ (portmanat)-Röyada cib kisəsi tapmaq xeyrə əlamətdir.

CİBGİR-Yuxuda bir cibgirin cibinizə girdiyini və ya özünü cibgir olaraq görmək-çox kədərli bir olaya şahid olacaq, yaxud ortaqlı bir işə girişəcəksiniz.

CİVİLTİ-Röyada quş və ya körpə civiltisi eşitmək-sevgiliyə qovuşmaq anlmına gəlir.

CİLD-Kitab cildi xeyrə yozulur. Yuxuda tarix kitabı görmək isə röya sahibinin əcaib işlərlə uğraşması anlamına gəlir.

CİLDÇİ-Yuxuda cildçi görmək-ölüyuyan və kəfənləyən, yaxud dərzi anlamına gəlir.

CİN ÇARPMASI-Bir kimsə yuxuda onu cin vurduğunu görsə və qorxub bayılsa, ona riya və haram mal düşəəcək, malı-varı əlindən çıxacaqdır.

CİNAYƏT-Röyada cinayətkarlıq barədə roman və ya qəzetdən cinayət xəbərləri oxumaq-gözləmədiyiniz məqamlarda işinizlə bağlı tez-tez uzun müddət evinizdən uzaq düşməli olacaqsınız. Yuxuda birini öldürmək-şəxsi istəklərə enmədiyiniz üçün əleyhinizə cəbhə quranların hücumlarından heç bir zərər görməyəcəksiniz. Röyada təsadüfən bir cinayətin şahidi olmaqişinizdə sizi önəmli bir yüksəliş gözləyir. Birirnin sizi öldürmək istədiyini görmək-iş yerinizdə sizə düşmən müxalifətlə qarşılaşacağınız və bu müxalifəti yenməyin gərəkliyini göstərir.

CİNSİ ƏLAQƏ-Röyada bir qadınla münasibətdə bulunmaq, cinsi əlaqədə olmaq-çox yüksək bir məqama və vəzifəyə çatacaqsınız.

Düşmənlə cinsi münasibətdə olmaq-ona qalib gəlməyə; dost-tanışla əlaqədə olmaq-onlara xeyirxahlıq etməyə; naməlum bir adamla münasibətdə bulunmaq-varını-pulunu israfçılıqla xərcləməyə işarədir. Cinsi əlaqə-namaz borcunu, dünyəvi borcları ödəməyə, qayğı və xata-bəladan qurtulmağa da yozulur.

Quşla əlaqədə olmaq-düşməni yenməyə, yaxud məhkəmədə bəraət almağa yozulur.

Hər hansı bir heyvanla əlaqədə olmaq-istəklərin xeyrə qovuşacağına işarə sayılır.

Münasibətdə bulunmaq istədiyiniz cazibədar bir qadının kişi olduğunu görmək-röya sahibi vəzifə istəyindədirsə, o vəzifəyə keçə bilməyəcək, ümidi boşa çıxacaq. Çılpaq bir qadınla münasibətdə olmaq-hər necə olursa-olsun, düşmən yeniləcək. Qızla əlaqədə olduğunu görən adam bakirə bir qızın üzünü açıb qızlığını pozacaq.

Cəhhət qadınlarından birisiylə cinsi əlaqədə olmaq-çox xeyirli röya hesab edilir.

COKEY (jokey)-At üstündə cokey görmək-bir işə yatırdacağınız sərmayənin sizə xeyli qazanc gətirəcəyini göstərir. Özünü at üstündə, cokey görmək-gözlədiyinizdən də tez yüksələcək, irəli çəkiləcəksiniz. Bir at üstündə iki cokey görmək-pis xəbərə yozulur.

CORAB-Röyada corab satın almaq-maliyyə durumunuzun düzələcəyi anlamına gəlir. Hədiyyə etmək üçün corab satın almaq-yaxın vaxtlarda ailənin əski bir dərdinə dair yaxşı xəbərlər alacaqsınız. Corabının qaçmış olduğunu görən qadın bir çox romantik macəralara düşəcəkdir. Röyada corab yamamaq-əhəmiyyətsiz şeulərə çox baş qoşduğunuza işarədir. Öz corablarını cırmaq-başınıza gələn üzücü bir olay artıq unudulmaqdadır.

CÖKƏ-Xeyrə yozulur.

Dost-tanışla birlikdə çökə çayı içmək-xəstə olan tanışlarınızdan biri şəfa tapacaqdır.

Limonlu cökə çayı içmək-gözləmədiyiniz bir vaxtda gözləmədiyiniz bir yerdən xəbər alacaqsınız.

Cökə çiçəyi-evlənmək yolunda atacağınız addımın yaxşı nəticəsi olacaqdır.

Cökə ağacı-əlinizə pul gələcək, büdcəniz düzələcəkdir.

CÜBBƏ-Yuxuda cübbə yemək-xeyirli röya olub mövqeyin yüksəlməsinə və var-dövlətin artmasına yozulur.

CÜLLÜT-Yuxuda cüllüt quşu görmək-irəlidə sizi son dərəcə xoçbəxt edəcək bir qadınla (kişiylə) tanış olacaqsınız.

Cüllüt ovlamaq-acı xəbərə yozulur.

Röyada cüllüt quşu-əkin-biçin baxımından xoş müjdəyə, bol məhsula işarə sayılır.

Cüllüt-xanəndəliyi olan birisinin əyləncələrə və boş mənasız işlərə baş qoşduğuna, eyni zamanda, yazı-pozuyla pul qazanmağa yozulur.

Cüllüt-həbs olunası və cəzalandırılası bir suç sahibini də ifadə edir.

CÜCƏ-Çoxdan uzaq düşdüyünüz bir sevgilinizlə qovuşmaq və xoş taleli bir ömür yaşamaq anlamındadır.

ÇAQQAL-Zalım və mərhəmətsiz bir adamın ayağına düşəcəksiniz. Çaqqal tutmaq-düşmənlərinizlə aranızın düzələcəyinə işarədir.

ÇAĞRILMAQ-Röyada birisi tərəfindən çağrılmaq və ya kimisə çağırmaq-bir adamdan böyük yardım görəcək və bu yolla işlərinizi yoluna qoyacaqsınız.

ÇADIR-Yuxuda çadır görmək-həyatınızın bir çox dəyişikliklərə məruz qalacağına işarədir. Çadır qurmaq-gəlirli bir işə girişəcəksiniz. Çadır sökmək-işlərinizin alt-üst olacağına və zərərə uğrayacağınıza yozulur. Yaşıllıqlar qoynunda qurulmuş çadır (dəyə)-sonsuz bir sevincə, xoşbəxtliyə işarədir. Çadır-eyni zamanda şan-şöhrət müjdəsidir.

ÇAY (irmaq)-Röyada çay (irmaq) görmək-qədri, şanı-şərəfi yüksək bir adama yozulur. Özünü çaya girmiş görmək-röya sahibi böyük adamlar arasındadır deməkdir. çaydan su içmək-məqbul yuxulardan deyildir. Saf və təmiz sulu çay-ürəkaçan işlərə, tükənməz ruziyə; bulanıq və pis qoxulu çay-bəd işlərə əlamətdir. Bir kimsə röyasında evinə saf və şəffaf sulu çay axdığını görərsə-işləri asanlaşacaq, sərvətə və mala qovuşacaq. Çayda suyun içiylə yerimək-röya sahibinin xoş niyyətli olduğuna, imanının doğruluğuna və sağlamlığına işarədir. Cənnət çayını yuxuda görmək-ruzidir. Sud çayı-müsəlman xarakterinə işarədir. Şərab çayı-Allah sevgisindən sərxoş olmağa və haramdan çəkinməyə işarədir. Bal çayı-elmi və Qur`anı ifadə edir. Çayın üstündən atılıb o biri sahilə keçmək-tasadan və kədərdən qurtulmağa, düşmənə qalib gəlməyə əlamət sayılır.

ÇAY İÇMƏK-Röyada çay içmək-iş və mənəvi həyatınız üçün xeyrə yozulur; işinizdə başarılı, sevgidə xoşbəxt olacaqsınız deməkdir. Qonaqlara çay vermək-yaxın vaxtlarda xoş xəbərlər alacaqsınız. Çayı tökmək və ya çay dolu fincanı devirmək-mühüm əhəmiyyət kəsb edən planların gerçəkləşəcəyini göstərir.

ÇAYIR-Röyada çayır görmək (çayır içindən və ya tarlalardan keçmək)-işinizdə xoşbəxt olacağınıza və başqalarını da son dərəcə xoşbəxt edəcəyinizə işarədir. Bir çayırda şərqilər eşitmək-sənətdə qabiliyyət sahibi və bu qabiliyyətinizin yüksək dərəcədə inkişaf edəcəyinə yozulur.

ÇAYIR VƏ ÇƏMƏN-Röyada çayır və çəmən-zəhmətsiz və asan ruziyə, çətinliyi olmayan qadına və ya dünyəvi elmə, cari sədəqəyə yozulur. Çeşidli yaşıl otlar və çiçəklərlə bəzənmiş çayırlar-dünya və dünya varlığına, mal, mülk sahibi olacağınıza işarədir. Çayırlıq-bəzən də auksionsalonu və ya univermaqlar kimi böyük mağazalar anlamına gəlir.İslamın da rəmzi çayırdır. Yuxuda çayırlıqda və ya otlu yaşıl bir çöldə ot toplamaq, yaxud göylük görmək-röya sahibinin halı diqqətlə izlənir, yoxsul isə-zəngin olur, varlıdırsa-varı daha da artır. Əgər dünya ilə ilişgisini kəsmişsə və dinə, ibadətə dönmüşsə, o kimsə dünya varına aldanıb tamaha düşər, yenə əvvəlki vəziyyətinə qayıdar. Bir çayırdan digər bir çayıra keçmək-röya sahibi bir evdən başqa bir evə, yaxud bir ticarətdən başqa bir ticarətə keçərək, qazanc üçün durmadan səyahətdə olar.

ÇAY YATAĞI-Röyada gözəl mənzərəli bir çayın şırıl-şırıl axdığını seyr etmək-qısa bir zamanda əməl və arzularınız həyata keçəcək, iş həyatınızda bol qazanc əldə edəcəksiniz. Çirkin mənzərəli yerlərdən axan, bulanıq sulu çay görmək-böyük bir təhlükədən qurtulacaq, lakin bundan sonra dərin bir kədərin qucağına düşəcəksiniz.

ÇALAĞAN-Xoş xəbərlərə işarədir. Uçan çalağan görmək-rahatlığa, əmin-amanlığa yozulur. Çalağan vurma-qorxulu röya hesab edilir, bəxtin əbədi olaraqbağlanması deməkdir. Çalağan yaxalamaq-sərvətə yozulur.

ÇALĞIÇI-Röyada çalğıçı görən adam arxasına düşdüyü bəzi mənasız mübarizələrdən əl çəksə yaxşıdır. Əgər bir yerdə çoxlu çalğıçı yuxuya girərsə, bu-toy-düyün, şadyanalıq, vur çatlasın-çal oynasın deməkdir. Qərbli röya yozucularışərqlilərin əksinə olaraq, yuxuda çalğıçı görülməsini, ümumiyyətlə, nikbin mənada açıqlayırlar. Şərq yozucuları isə yuxuda çalğıçı toplumunu o qədər də xeyrə yozmurlar.

ÇALIŞMAQ (işləmək)-Röyada bir adamın qan-tər içində çalışıb işləməsi xeyrə yozulur. Belə bir röya görən adam işində böyük uğurlar qazanacaqdır.Bu cür yuxu görən orta yaşlıdırsa və vəzifə sahibidirsə-uğurlu bir mükafata yayiq görüləcək, fəhlədirsə-ustalığa yüksələcək, tələbədirsə- kursunu bitirəcəkdir.

ÇAMUR-Yuxuda çamur görən adam son vaxtlar keçirdiyi həyat tərzini dəyişməlidir. Əgər evli bir qadın belə bir yuxu görərsə, ərinə qarşı daha yumuşaq, həlim və anlayışlı davranmalı, özünü tamamilə ev işlərinə və uşaqlarına həsr etməlidir. Röyada birisi sifətini çamurla bulanmış görərsə, iftiraya düşər.

ÇANTA-Yuxuda bez torba və ya çanta görmək-işinizdə başarıqlı olduğunuza işarədir. Dəri çanta-dincəlmək üçün səyahətə çıxacaqsınız. Kağız torba-ailə həyatınızdakı çətinlikləri sevindirici sonluqla aradan götürəcəksiniz. Kətan qumaşdan torba və ya çanta-bir çox adamları xilas edəcəksiniz. Yırtıq çanta-mənasız və gərəksiz bir işə düşünmədən pul xərcləməyə yozulur.

ÇARDAQ-Yuxuda çardaqda yaşadığını görmək-qısa bir müddət yoxsulluq və sıxıntı içində yaşamalı olacaqsınız. Çardaq-eyni zamanda, bolluğa və bərəkətə də yozulur.

ÇARPAYI-Doğum xəbəri kimi yozulur.

ÇARŞAF-Röyada çarşaf görən subay oğlanyaxın gələcəkdə evlənəcək. bu röya evli qadın üçünuşağı olacağına yozulur.

ÇARŞI VƏ BAZAR-Röyada çarşı və bazar məscid anlamına gəlir (məscid də çarşı və bazara yozulur). Bəzən çarşı-müharibəyə də işarə sayılır. Çünki hərbdə də qazanc olur, çoxlu alış-veriş və gəlir əldə edilir. Tərəflərdən biri hər şeyini itirərəkziyana düşür. Ayəti-Kərimənin yazdığına görə, hərb və cahada ticarət adı verilir. Çünki tacirlər bir biriylə daima rəqabətdə və mübarizədədirlər. Bir kimsə tanımadığı bir çarşıda mal itdiyini, yaxud o maldan zərər çəkdiyini və özünə gəlib cəng etdiyini görərsə, o, hərbdən qaçaraqşəhadət mərtəbəsindən məhrum olacaq. Elm təhsilində isə-təhsilini yarımçıq buraxacaq, bunların heç biri yoxsa-cümə namazını tərk edəcəkdir. Röya sahibi alimdirsə, mübahisə və diskusiyalarında başqalarına zülm edəcək, yaxudverdiyi səhlənkar cavablarla qarşı tərəfi başdan etməyə çalışacaqdır. Çarşını bolluq içində qaynar alış-verişdə görmək-röya sahibinin ailə həyatında, güzəranında artım olacaqdır. Çarşını boş və fəaliyyətsiz, alış-verişsiz görmək-bazar əhlinin tənbəlliyinə, kasadlığına işarə sayılır. Halvaçılar çarşısı-islama; qumaşçılar çarşısı-səadətə və yüksək vəzifələrə; daş-qaş çarşısı-Allah adının uca tutulmasına, elmə, təhsilə; sərraflar çarşısı-elmə; silah çarşısı-gərginliyə və hərbə; mis qab-qacaq çarşısı;baş ağrısı və qəddarlığa; subaylar üçün izdivaca; yun satanlar çarşısı-xeyirli ruziyə və mirasa; pambıqçılar çarşısı-var-dövlətin artacağına, zənginliyə yozulur. Taxıl çarşısı-əkinşilik sahəsində bol məhsula; göy-göyərti-güzəran, yaşayış darlığına; balıq bazarı-ərzağa, davamlı gəlirə, dəniz səfərlərindən xoş xəbərə; qəssab çarşısı-qan tökülməsinə, evdə qovğaya; zeytun, kərə yağı və bal bazarı-istəklərə və şəhvətə, xəstəlikdən şəfa tapmağa; xalça, kilim çarşısı-dəniz yolculuğuna; sərrac çarşısı-xoş davranışa, elmə, övlada; məzə, çərəz çarşısı-sevincə və fərəhə; əczaçılar çarşısı-malı, var-dövləti saxlamağa, sirr saxlamaqda möhkəmliyə; buğda və un çarşısı-ucuzluğa və bolluğa, əmin-amanlığa; ağac-taxta çarşısı-nifaq və təfriqəyə; dəmirçi bazarı-şərə və çətinliyə, ruzi və mənfəətə; ipək çarşısı-yüksəlişə və sərvətə; şam çarşısı-yüksəlişə, günahkarlar üçün tövbəyə; çadırçılar çarşısı-yolculuğa, səfərə; qalayçılar, sandıqçılar çarşısı-razılıq və gözəlliyə; aşçılar və restoranlar-xəstəlikdən şəfa tapmağa, ehtiyaclardan qurtulmağa; şüşə və şüşə qablar çarşısı-riya, nifaq və böhtana; kağız çarşısı-məhkəməyə, əzilənin qurtulması və zalımlardan qosasını alması anlamına gəlir.

ÇARX (təkər)-Belə yuxu görən adamın işləri mütləq düzgün bir biçimdəöz yoluna düşəcəkdir.

ÇAXMAQ-Əgər çaxmağı yuxuda yanarkən görsəniz-istəkləriniz gerçəkləşəcəkdir. Çaxmaq yanmırsa-məyusluğa, ümidsizliyə yozulur. Röyada yeni çaxmaq sahibi olduğunu görən adam xeyir xəbər alacaqdır.

ÇAŞQINLIQ-Röyada bir meşədə böyük bir çaşqınlıq içində qaldığını görmək-yaxın vaxtlarda dostlarınızın çoxunu itirəcəyinizə yozulur.

ÇAMADAN-Yuxuda çamadan və ya böyük sandıq görmək-sandıq açılsa da, bağlansa da, hansısa bir səfərə yozulur. Çamadana nəsə qabğarmaq-ünvanınızı tez-tez dəyişəcəksiniz. Çamadandan bir şey çıxarmaq-gedəcəyiniz yerdə uzun müddət qalacağınıza işarədir.

ÇEŞMƏ-Röyada çeşmə görmək böyük xoşbəxtlikdir, bütün ailənin xoşbəxt olması deməkdir. Su şəffafdırsa və bərq vura-vura axırsa-sərvətə qovuşacağınıza; bulanıq su isə-yoxsulluğa yozulur. Çeşmə röya sahibinə doğru fışqırıb axarsa-var-dövlətə və şan-şöhrətəqovuşacağını xəbər verir.

ÇƏKİC-Yuxuda çəkiclə bir yeri döyəcləmək, mismarlamaq-keçici bir sıxıntıya və tasaya; uzaqdan çəkic səsi eşitmək-gözləmədiyiniz bir yerə dəvət olunacağınıza işarədir.

ÇƏKMƏ (ayaqqabı)-Aşağıdakı yozumlarla açıqlanır: Təzə çəkmə-bolluq və bərəkət xəbəri. Köhnə çəkmə-bir dostun xəyanəti, sədaqətsizliyi. Cırıq çəkmə-bir işin uğurla sona çatması. Qara çəkmə-toy-düyün xəbəri. Başqa rəngdə çəkmə (qaradan savayı)-səyahət və pul qazanmaq imkanı. Ayağı sıxan çəkmə-səxəntəların bitməsi və rahat, firəvan həyatın başlanğıcı.

ÇƏLƏNG-Yuxuda çələng görmək və ya çələngdən tac qoymaq-ətrafındakı adamlar tərəfindən sevilərək bəyənilməyə yozulur.

ÇƏLLƏK-Nə şəkildə olur-olsun, çəllək röyada bollur deməkdir.

ÇƏNGƏL-Yemək yeyərkən çəngəldən istifadə etmək-ailə həyatınız səadət və sağlıq içərisində keçəcək, dinc ömür sürəcəksiniz.

ÇƏPGÖZ-Röyada çəpgöz adam görmək-işlərinizin və sağlamlığınızın qaydasında olduğuna işarədir. Çaş olduğunu görmək-anlaşmaları pozmağı xəbər verir.

ÇƏRPƏLƏNG-Yuxuda havaya çərpələng uçurtmaq-hörmət-izzətə, yüksək mövqelərə çatmağa işarədir. Özünü çərpələnglə oynayan görmək-sehrbazlığa qurşanıb boş, mənasız işlərlə məşğul olmaq kimi yozulur. Yaşadığı evin üstünə çərpələng düşdüyünü görmək-röya sahibi caduya-pitiyə məruz qalacaqdır. Çərpələng-caduya da yozulur.

ÇƏRÇİ-Kitab yığan kolleksiyaçı alimə işarə sayılır.

ÇƏTİR-Yuxuda yağmurlu havada başına çətir tutub getdiyini görmək-röya sahibinin üzüntülü və ağır günündə ona kömək əli uzadacaq bir dostu var deməkdir.

ÇİBAN-Röyada çiban çıxarmaq-sıxıntıdan fərəhə qovuşacaqsınız.

ÇİYƏLƏK-Yuxuda çiyələk yemək-sevgidə xoşbəxtliyə yozulur.

ÇİMDİK-Röyada kimisə çimdikləmək-çimdiklənən adamın malına göz dikilməsinə, yaxud acgözlüyə yozulur. Yanını çimdikləmək-onun arvadına göz qoyulduğunu və ona qarşı bir fənalıq ediləcəyini bildirir. Qarnını çimdikləmək-o kimsənin gizli malına göz dikilir. Budunu çimdikləmək-bütün ailəsinin mülkünə və arvadına göz qopyulduğuna; əlini çimdikləmək-qardaşının malına göz dikdiyinə işarədir.

ÇİNAR AĞACI-Varlı birisindən gözlədiyiniz pulu ala bilməyəcəksiniz.

ÇİT-Röyada yaşıl çit görmək-subay üçün yaxın vaxtlarda evlənəcəyinə; evli üçün-işində sıxışdırılması üzündən daha kiçik bir şəhərəvə ya qəsəbəyə göndərilməyə yozulur.s

ÇİÇƏK-Çox yaxşı, uğurlu bir xəbərdir. Qurumuş çiçəklər-keçici bir üzüntüyə və sıxıntıya; özünü gül mağazasında görmək-sevdası bütün həyatınız boyu davam edəcək gənc bir xanımla dostluq qutacağınıza yozulur.

Çiçəkli bir bağçada istirahət etmək-dostlarınızdan biri xoşbəxt ailə quracaqdır. Çiçəkləri sulamaq və ya onlara tamaşa eləmək-əlinizdəki işiniz böyüyəcək, daha da artıb inkişaf edəcəkdir. Röyada süni, yapma çiçəklər görmək-bir nəfəri xoşbəxt edəcəksiniz. Bir tablo və ya rəsmdə çiçək çəkmək-ictimai həyatda böyük bir mövqe qazanacaqsınız. Ayaq altda çiçək görmək-başarılı olmaqdan ümidinizi üzəsiniz gərək. Yuxuda birinin yaxasına sancaqla çiçək taxmaq-röya görən də, yaxasına gül taxılan da uğur qazanacaqdır.

ÇIĞ (qar qalıağı)-Soyuq və rütubətli olduğundan çığ-yaxşı yuxu kimi yozulmur. Bir çox çətinlik və əngəllərin yaxınlaşmaqda olduğunu göstərir.

ÇILPAQ-Yaxşı, təmiz bir adam yuxuda özünü çılpaq görsə, hər cür tasa və qayğılardan qurtulur. Əxlaqı pozğun bir kimsə belə yuxu görərsə-üzüntüyə, tasaya və qayğıya düşər. Əyin-başını cır-cındir görən, inanclı, mömin adamdırsa-sərvətə yetişər, yüksələr;əks halda, sıxıntı və üzüntüyə məruz qalar.

ÇIRA-Röyada çıra çox xeyirlidir, isti yuva quracağınızı bildirir.

ÇOBAN-Yuxuda qoyun otaran çoban görmək-çoxlu mala və zənginliyə çatacaq, yoxsulluğun daşını atacaqsınız.

ÇOBANYASTIĞI-Təkbaşına, yaxud yoldaşıyla birgə bəm-bəyaz çobanyastığı gülləriylə dolu bir çəməndən keçmək və ya çobanyastığı toplamaq-cavan oğlan üçün bu röya-kəndçi bir qızla eşqbazlığa; yaşlı kişilər üçün-az maaşla sabit bir işə girməyə işarədir.

ÇOVDAR-Röyada çovdar çörəyi yemək-yaxşı və gümrah səhhətə; çovdar dəni görmək-gözəl taleyə yozulur.

ÇOCUQ-Sud əmən çocuq-sevincə, xoş xəbərə yozulur. Qız çocuğu-yaxşı röya deyildir. Oğlan uşağı-tasa və kədərdən qurtulmağa; gülər və gözəl üzlü, nəşəli bir oğlan uşağı-mələk kimi gözəl bir xəbərlə müjdələnməyə işarədir. Çirkin oğlan uşağı-kədər və sıxıntı anlamına gəlir.

ÇOCUQLAR-Çocuğa baxmaq, çocuqları oxşamaq və ya çocuq sahibi olmaqla ilgili hər çeşid röya, uşaqlarla bağlı səhnələr və xəbərlər çox xeyirli əlamətlər hesab edilir, çoxuqlarınızdan dərd görməyəcəyinizə, onların da həmişə sizdən razı qalacağına və aranızda heç bir cansıxıcı hadisə olmayacağına yozulur.

ÇOCUQ ARABASI-Röyada çocuq arabasını boş görmək-bulunduğunuz vəziyyətdən daha yüksək həyata qovuşacaqsınız. Arabada çocuq yoxdursa-tasaya, qayğıya işarə sayılır.

ÇÖL-Yuxuda özünü bir çöllükdə yapyalnız görmək-dost-tanış və ailə içində tək-tənha yaşamaqdan məmnun olduğunuzu və şəxsi düşüncələrinizinhəyatınızı idarə etməyə, irəlilətməyə yetərli olduğunu göstərir. Özünü çöllükdə sevgilisiylə birlikdə görən adam həyatda da onunla birgə xoşbəxt olacaq deməkdir.

Hansı bir durumda olursa-olsun, çöl-həyəcan, sıxıntı və qayğıdan çıxıb rahatlığa, əmin-amanlığa qovuşmağa, yaxud darlıqdan genişliyə, hər cür pisliklərdən tövbəyə, zərərdən qurtulmağa, xəstəlikdən sağalıb yaxşılaşmağa yozulur.

ÇÖL ÖRDƏYİ-Yuxuda çöl ördəyi-xoş bir əyləncəli işarədir.

Göldə üzən çöl ördəyi görmək-qəbul olmayan dilək anlamındadır. Tabaqda bişmiş çöl ördəyi görmək-qazanc və gəlirin azalacağını xəbər verir.

ÇÖL ÇİÇƏYİ-Röyada özünü bir çəmənlikdə, çöl çiçəkləri arasında görən gənc yaxın vaxtlarda ürəkaçan bir ziyafətə çağrılacaq. Orta yaşlı adam üçün bu yuxu-əyləncəli ziyafətə; gənc qız üçün-gözləmədiyi bir istirahətə və əyləncəyə; daha yaşlılar üçün-onları gözləyən xoş gələcəyə işarədir. Çöl çiçəklərindən toplanmış bir buketi ərmağan olaraq almaq-üzüntülərə yozulur.

ÇÖRƏK-Röyada çörək bişirmək-ailə həyatında xoşbəxt olacaqsınız.

ÇUVAL-Boş çuval-evinizin bərəkətsiz və uğursuz əllər tərəfindən idarə edildiyinə, bu səbəbdən güzəranınızın çətin olduğuna və sizi qayğılandırdığına işarədir.

Dolu çuval-bugünlərdə girişəcəyiniz işlərdən bol qazanc əldə edəcəksiniz.

Çuval yumaq-qismətiniz açılacaqdır.

ÇUĞUNDUR-Röyada çuğundur, turp, yerkökü yeyən adam qarışıq və narahat bir vəziyyətə düşəcəkdir.

ÇUXUR-Yuxuda çamurlu bir çuxur görmək-arzu etdiyiniz və olmasını istədiyiniz işlər maneələrlə qarşılaşacaq və bunları yoluna qoymaq üçün çox böyük zəhmət sərf etməkzorunda qalacaqsınız.

Çuxura düşmək-boşboğazlığınız üzündən başınıza cürbəcür işlər açmaqdasınız.

Çuxur qazmaq-pis qonşu ucbatından zərərə düşəcəksiniz.

ÇÜRÜK-Röyada çürümüş şeylər görmək-nəticəsi olmayacaq bir sevdaya düşəcək və ya çox sevdiyiniz adamlardan ayrılmaq zorunda qalacaqsınız.

Bir yerinizi çürümüş olduğunu görmək-keçmişdə yaşamış olduğunuz dadlı eşq anlarını təkrar yaşamağın mümkünsüzlüyünə işarədir.

Birisi tərəfindən üstünüzə çürük yumurta atıldığını görmək-həyatınız boyu daima gəlirli və qazanclı işlərdə olacaq və xoşbəxt günlər yaşayacaqsınız.

Bir topa adam tərəfindən çürük pomidor yağmuruna tutlmaqsiyasət meydanına atılsanız, mühüm mövqelər əldə edəcək, ölkə miqyasında ad qazanacaqsınız.

Bir siyasət adamına çürük yumurta atıldığını görmək-məmləkətdə qarışıqlıq olmasının mümkünlüyünə işarə sayılır.

DABAN (dabanlıq)-Röyada görülən ayaqqabı dabanı övlada işarədir. Yuxuda ayaqqabında dabanın olmadığını görmək-röya sahibinin özündən sonra övladı qalmayacaq, nəsli tükənəcəkdir. Dabanının qırıldığını və ya kəsildiyini görən adamın uşağı öləcək. Sol daban-qız uşağına, sağ daban-oğlan uşağına əlamət sayılır. Röyada dabanın gözəlliyi-xeyirxah işlərə, gözəl xasiyyətə işarədir. Yuxuda ayaqqabı dabanı-insanın aqibətini də ifadə edir.

DABBAQXANA-Yuxuda dabbaqxana-eynən sallaqxana kimi yozulur. Gözəl əxlaqlı, tərbiyəli, yoxluğa və çətinliyə qatlaşa bilən evdar qadına işarə sayılır. Bəzən də çirkin və pis söz danışan əxlaqsız, adi bir qadına və ya mala yozulur.

DAVAR-Xoşbəxtlik və zənginlik bəlirtisi kimi yozulur.

DAVUD-Peyğəmbərlərdən Davud əleyhissəlamı yuxuda görmək sağlam iradəyə, günahlarından dolayı tövbəkarlığa və xeyirxahlığa işarə sayılır. Röyada peyğəmbər görmək-ana və ata uşaqlarına necə şəfqət və mərhəmət göstərib, onların üstündə əsirsə, onlar da özünə tabe olan millətə eyni şəfqət və mərhəmət göstərməkdə əsla tərəddüd etməzlər. Bu səbəbdən də peyğəmbər röyada bir böyük, bir müəllim və ya sayğılı bir ustad anlamındadır. Peyğəmbər doğru yol göstərən ən yaxşı rəhbərdir. Peyğəmbərin yuxuda bütün gözəl keyfiyyətləriylə görən və ya ondan çox ləziz bir şərbət alan, yaxud da peyğəmbərdən bilgi öyrənən adam əmr və yol göstərməyə uyub ki, bu da o kimsənin pozğun yolda olduğuna işarədir.

DAVUL (təbil)-Yuxuda təbil səsi eşitmək, təbil çalmaq, yaxud da təbil çalınmasına tamaşa etmək-kişi üçün pul itkisinə; subay qadın üçün sevgili bulacağına, yaxud bir toplantıya dəvət alacağına; evli qadın üçün isə sonu istədiyi kimi bitəcək bir olaya və ya buna bənzər bir hadisəylə qarşılaşacağına yozulur.

DAVULÇU (təbilçi)-Dalğınlığa və unutqanlığa işarədir.

DAĞ-Röyada dağa dırmanan, özünü dağın zirvəsinə kimi çıxmış görən adam işində, peşəsində ən yüksək yerlərə yüksələcək, nə qədər böyük çətinliklərlə qarşılaşarsa, başarıları və uğurları da o qədər parlaq olacaqdır.Dırmaşdığınız dağın zirvəsinə yetişmədən geri dönmək-xarakterinizə görə sizə kənardan bir çox hücumlar olduğunu və iş-işdən keçməmiş mudafiə olunmağın zəruriliyini göstərir. Yuxuda özünü uzaqdan dağları seyr edən görmək-çətin bir işi yoluna qoyacaq və mükafatlandırılacaqsınız, yaxud işinizdə yüksələcəksiniz. Dağdan aşağı yuvarlanmaq-eşitdiklərinizə həmişə inandğığnızda və bu xasiyyətiniz üzündən yaxın vaxtlarda sizi gercəkdən üzəcək olaylar baş verəcəkdir. Röyada dağ rəsmləri çəkmək-sevdiyiniz adamların gələcəyindən əmin ola bilərsiniz.

DAĞ KEÇİSİ-Yuxuda dağ keçisi-bir cariyə və ya dini, əxlaqı pozuq bir qadınla qeyri-qanuni birləşmək anlamındadır. Dağ keçisinin piyli və ətli olduğunu görmək-çox zəngin bir qadına; zəif və xəstə keçi-yoxsul qadına işarədir. Dişi dağ keçisini ələ keçirmək-röya sahibi bolluğa və bol ruziyə qovuşacaq. Qadının dişi dağ keçisini yuxuda görməsi-o qadın bircə il kasıblıq görəcəkdir. Bəzi yozuculara görə, dişi keçi-təhqir edilmiş qadına, yaxud da iş bilməyən qulluqcuya işarə sayılır.

DAĞARCIQ-Xeyrə yozulur. Belə yuxu görən adam gərək gəlir-çıxarına diqqət etsin, yoxsa onu yoxsulluq gözləyir.

DADAŞ-Röyada özünü və ya yaxın adamını dadaş olaraq görmək-röya sahibi ətrafındakılara və ailəsinə yardım edəcəkdir.

DAZLIQ-Röyada özünü daz görmək-yaxın vaxtlarda xoşagəlməz xəbərlər alacağınıza işarədir.

DAYƏ-Ümumiyyətlə, xeyrə yozulur. Belə röya görən adaməgər yardıma möhtac bir durumdadırsa, mütləq bu yardımı alacaqdır. Xəstə olan qısa muddətdə yaxşılaşacaq, borclu borcundan, dərdli dərdindən qurtulacaqdır. Dayə məfhumunun “yarı ana” kimi mənimsənilməsi bu cür yozumlara dayanaq olmuşdur.

DAYI-Röyada əmi, dayı kimi yaxın qohunları görmək-yaxın vaxtlarda dostlarınızdan biri borc pul üçün üstünüzə gələcəkdir. Əgər dayınız sağdırsa, bu yuxu dəniz gəzintisini bildirir, sağ deyilsə-uzaq bir məmləkətdə məskunlaşacağınıza işarədir.

DALANDAR (süpürgəçi)-Cavan oğlanın yuxuda özünü dalandar görməsi xeyrə yozulur. İşində yüksəlməsi üçün səy göstərməyin gərəkliyini göstərir. Orta yaşlı kişilər üçün bu yuxu-işlərinin bir müddət düz gətirməyəcəyinə; evli olmayan qadın üçün-hər baxımdan özündən aşağı olan, lakin çox zəngin bir adamdan evlənmə təklifi alacağına və bu təklifi qəbul edəcəyinə yozulur. Ərli qadın belə yuxu görərsə, o, çox da şərəfli olmayan bir iş tutacaqdır.

DALĞA-Röyada özünü böyük bir dənizdə nəhəng dalğalarla çarpışan görmək-həyatınız son dərəcə uğurlu olacaq deməkdir.

DALĞIC-Dalğıc yuxuda-balıq kimi xeyrə, qismətə yozulur.

DALYAN (balıqçı toru)-Balıq ovlanan dalyan görmək-tale və bəxt artıq üzünüzə gülməyə başlayır deməkdir.

DAM-Yuxuda damdan düşmək-qorxunc bir olayla qarşılaşaraq, özünüzü itirəcəyinizə işarədir. Damda bir-bir seçib kirəmit düzmək-bəzi vasbası və unutqan kimsələrlə tanışaraq böyük ziyan çəkəcəyinə işarədir.

DAMA-Röyada dama oynamaq-vaxtınızı boş yerə sərf edib tükədirsiniz deməkdir.

DAMAR-Röyada damarlarınızdan qan axdığını görmək-zənginlər üçün yoxsulluğa, kasıblar üçün vəziyyətinin bir qədər yaxşılaşacağına işarədir.

DAN ÜZÜ-Röyada səhərin açıldığını, dan üzünü müşahidə etmək-parlaq və bəxtiyar bir istiqbala namizəd olduğunuza işarədir.

DANA-Dostlarınızın sevgi və etibarını qazanaraq xoşbəxt olacaqsınız. Bir dana satın almaq-iş həyatınızda və tutduğunuz vəzifədə böyük uğurlar əldə edəcəyinizə işarədir.

DANA GÖNÜ-Ömrünüz zaman-zaman sıxıntı içində keçəcək, lakin əvvəl-axır, xoş günləriniz başlayacaqdır.

DANTEL (kurjeva)-Paltar üzərində dantel görmək-yaxın vaxtlarda evlənməyə işarədir. Röyada özünü dantel hörən görən gənc qadın özü də bilmədən bir çox sənətkaranə fəzilətlərə sahibdir və öz zövqünə uyğun bir oğlanla evlənəcəkdir. Bir parça yırtıq dantel görmək-çirkin dedi-qodulara hədəf olmamaq üçün hər addımınızı ölçüb-biçməlisiniz.

DAR AĞACI-Bəzi qarışıq və müəmmalı vəziyyətlərin ortaya çıxa biləcəyini xəbər verir.

DARAQ-Yuxuda daraq görən gənc və subay qız cavan bir oğlana ərə gedib xoşbəxt olacaq. Subay oğlan üçün isə bu yuxu-sıxıntıya, üzgünlüyə yozulur. Daraq, eyni zamanda, səbirli və möhtərəm bir qadına işarə sayılır.

DARI-Royada darı görən adamın uzunmuddətli sıxıntıdan sonra əlinə xeyli miqdarda var-dövlət keçəcəkdir.

DARÇIN-Üzüntülü bir xəbərə yozulur.

DAŞ-Röyada bir yerə toplanmış çoxlu daş görmək-şad xəbərə yozulur. Bir adama daş atmaq-düşmənləriniz tərəfindən təqib edildiyinizi göstərir. Daş almaq-qısqanclıq üzündən şöhrət və etibarınızı itirəcəksiniz. Yuxusunda daş olduğunu görən adam asi və daşürəkli bir adamdır. Bu röyanı görən xəstədirsə-öləcək; varlıdırsa-var-dövlətdən kənar ediləcək.

DAŞINMA (köçmə)-Röyada bir evdən başqa evə, bir şəhərdən başqa şəhərə daşınmaq (köçmək)-təcili səyahətə çıxmaq barədə təklif alacaqsınız.

DEPO (anbar)-Röyada depoya, kömür, odun, ərzaq və s. anbarına girmək-yaxın vaxtlarda var-dövlətə çatacağınıza; əgər depo (anbar) boşdursa, ümidsizliyə uğrayacağınıza yozulur. Şərab, yaxud buna bənzər içki deposu (anbarı) görmək-əyləncəli bir qonaqlıq və ya toy olacağını xəbər verir.

DƏBİLQƏ-Qovğa işarəsi olaraq açıqlanır.

DƏVƏ-Röyada erkək dəvə görmək-təmasda olduğunuz kimsələrdən pis xasiyyətlər öyrənərək, getdikcə inadcıl və əsəbi bir adama çevrilirsiniz. Dişi dəvə-həmin il məmləkətinizdə dişi heyvan və sud bolluğu olacaqdır. Dəvəni qaçan görmək-bir qız tanışınızın yaxın vaxtlarda səyahətdən dönəcəyinə işarədir. Dəvənin sırtına minərək dolaşmaq-kasıblıq çəkən bir məmləkətə müəyyən qədər şey-şüy göndərəcəyinizə yozulur.

DƏVƏQUŞU-Kədər və üzüntülərinizin uzun çəkəcəyinə işarə sayıldığı kimi, bəzən də çox gözəl, lakin gözəl olduğu qədər də qısqanc və şıltaq bir qadının sevda toruna duşəcəyinizə yozulur. Dəvəquşuna minmək-zəngin bir evlənmə xəbəridir.

DƏVƏTİKANI-İşlərinizin bir anda alt-üst olacağına, arzu və əməllərinizin yerinə yetəcəyinə işarədir.

DƏVƏTNAMƏ (çağırış vərəqəsi)-Bir kişi yuxusunda məhkəmədən çağırış vərəqəsi alarsa və özünümüdafiədən qalib çıxarsa, onu parlaq gələcək gözləyir, uduzarsa-çox əhəmiyyət verdiyi bir işdə zərər çəkəcəkdir. Belə röyanı qadın görərsə, udub-uduzmağından asılı olmayaraq, ev sahibi, əri və ya ağası ilə onun arasında dartışma, mübahisə olacaq və nəticədə fikrini, diləyinin qəbul etdirəcəkdir. Toy, nigah, iclas dəvətnaməsi isə yaxın adamlarinizdan xeyirli və xoş xəbər eşidəcəyinizə yoxulur.

DƏZGAH-Yuxuda dəzgah görmək və ya dəzgah başında çalışmaq-işlərinizin xeyli irəli gedəcəyinə yozulur.

DƏYƏNƏK (əsa)-Diqqətə, qürura, şərəfə, qüdrət və qüvvət sahibi olan, xalqa imdad göstərən bir adama işarədir. Yuxuda dəyənək görən-istəklərinə qovuşur, düşmənə qalib gəlir, varı-malıyla qüvvətli olur. Əgər dəyənəyin, yaxud əsanın içi boşsa və röya sahibi ona söykənibsə, varı əldən gedəcək. Dəyənəyin sınması-vəzifə sahibidirsə, işindən atılacaq, tüccardırsa, qazancından məhrum olacaqdır. Yuxuda biri özünün dəyənək olduğunu görərsə öləcək, öz dəyənəyinin sındığını görsə, şiddətli xəstəliyə düçar olacaq. Dəyənək-qüvvət rəmzi olub, güvənilən, inanılan bir adama işarədir.

DƏYİRMAN-Röyada dəyirman görən-mənsəbcə yüksələr. Dəyirmanda un üyütmək-böyük bir adamdan mal alacaqsınız. Dəyirman daşını qırıq görmək-əcəlin yetişdiyinə dəlalətdir.

DƏYİRMANÇI-Yuxuda dəyirmançı görmək-dünyasını, yaşayışını düzəltməklə məşğul olan adama işarədir. Özü üçün un üyüdən adam görmək-röya sahibi dəyirmançılıqla öz ehtiyaclarını təmin edəcək və üyütdüyü unun miqdarınca güzaranını, yaşayışını düzəldəcəkdir. Yuxuda dəyirmançı-bəzən qəm, tasa, düşmənçilik, mənfəət, sələmçilik, çətin və ağır işlər anlamına da gəlir. Zəfəran üyüdən adam görmək-gizli işlərə, elmə yozulur. Qadının zəfəran, yaxud buğda dəni üyütməsi-qayğıdan, tasadan qurtarmağa və təmizliyə işarə sayılır.

DƏLİ-Yuxuda dəli olduğunu görən adamın ömrü uzun olar, o, hamı tərəfindən xoş üzlə qarşılanar və sevilər.

DƏLİQNLI (cavan oğlan)-Röyada sevimli və gülərüzlü bir gənc görmək-sevincə, xoçbəxtliyə yozulur. Bütün istəklərinizə çatacaqsınız. Çirkin və vəhşi üzlü bir gənc görmək-düşmənçiliyə, qəmə, kədərə işarədir. Bir dəliqanlının (gənc qızın) arxasına düşüb getmək-düşmənlərinizə üstün gələcəksiniz, qismətiniz açılacaq. Subay bir gənc qızın yuxusunda cavan oğlan görməsi, onunla danışması və ya arxasınca getməsi-həmin qızın bəxti açılacaq və qısa bir zamanda xoşbəxt ailə həyatı quracaqdır.

DƏLİLİK-Dəliliyə dair yuxular tərsinə yozulur və bu cür röya görənin ağlının sağlamlığına işarə olmaqla bərabər, həm də onun qarşıya çıxacaq çətin bir olayı hamını məmnunedəcək bir biçimdə yoluna qoyacağı anlamına gəlir.

DƏLİXANA-Yuxuda dəlixana görmək-dostlarınızı ağıllı cə ciddi adamlar arasından seçmədiyiniz üçün işləriniz, sən deyən, irəli getməyəcək. Dəlixanaya atıldığını görmək-ağıllı hərəkətləriniz sayəsində işlərinizi yoluna qoyacağına yozulur.

DƏLLAL-Yuxuda dəllal görmək-bir çox gəvəzə adamlarla münasibətdə olacağınıza və bu səbəbdən də çətin durumlara düşəcəyinizə, bəlkə də işinizi, mövqeyinizi itirəcəyinizə işarədir. Bir sığorta dəllalı görmək-böyüklərinizin faydalı nəsihətlərinə qulaq asmağın vacibliyini göstərir.

DƏLMƏK-Röyada hər hansı bir yeri dəlmək-hələ kişi üzü görməmiş subay qızlar istəyində olmaq və məmləkətin ətraflarını gəzərək durumu pis gözlə izləmək anlamına gəlir. Bəzən də bir yeri deşmək-Peyğəmbərin həyatına dair müqəddəs rəvayətlari oxuyub araşdırmağa yozulur. Özünün şəhər içində bir şeyi dəldiyini görmək-qaba və qəddar bir valini (rəhbəri) nəzarətə almağa işarədir. Evin divarını deşərək içəri keçmək-röya shibi istədiyi bir qadına sahib olacaq və o qadın haqqındakı hiyləsi həyata keçəcəkdir.

DƏMİR-Röyada dəmir döymək-kimsə sizinlə pis rəftar edəcək Əyilmiş, burulmuş dəmir görmək-sevdiyiniz bir adamdan küsüb inciyəcəksiniz. Emal edilmiş dəmir görmək-istədiyiniz hər şeyi əldə edəcəyinizə və ad-sanınızın artacağına işarə sayılır. Röyada dəmirdən düzəldilmiş alətlər görmək-əsasən, əminamanlığa yozulur.

DƏMİR BARMAQLIQ-Çox çətinliklə qazanılacaq xoşbəxtliyə işarədir.

DƏMİR YOLU-Yuxuda dəmir yoluyla heç bir əngələ uğramadan qatarda yolçuluq etmək-işləriniz bundan sonra çox genişlənəcəkdir. Dəmir yoluyla səfər zamanıyolda gecikib yubanmaq-həyatınızın son günlərində çox acı şeylərlə qarşılaşacaqsınız. Hərəkətdə olan qatar görmək-gözlədiyiniz bir xəbər sizə doğru yolgəlməkdədir. Qəzaya uğrayıb çevrilmiş qatar görmək-şöhrət və etibarınız sarsılacaq, işləriniz pozulacaq, min bir çətinliklərlə qarşılaşacaqsınız.

DƏMİR SOBA-Qüvvət və qüdrət sahibi bir adamın ailəsindən olan qadına işarədir. Soba misdən və ya tuncdan isə-qadın var-dövlətli birisinin arvadıdır. Ocaq gur yanırsa-övlad sahibi olmağa və evə baxan kişiyə işarədir.

DƏMİYOLU STANSİYASI (vağzal)-Yuxuda dəmiryolu stansiyası görən əməlinə qovuşacaq, istəyinə nail olacaqdır.

DƏMİRÇİXANA-Çoxdan arzusunda olduğunuz bir işin könlünüzcə sonuclanacağına yozulur.

DƏNİZ-Röyada sakit dəniz görmək-həyatınız çox rahat və var-dövlət işində keçəcəkdir. Dalğalı dəniz-bir təhlükəylə qarşılaşacaqsınız. Yaşıl və ya mavi dəniz-eşqdə və ya iş həyatınızda uğur qazanacaqsınız. Cavan oğlan yuxuda özünün gözəl və sakit bir dənizdə səfərdə olduğunu görərsə, bu yuxu onun eşq macərasından xoşlandığını və yeni bir eşq fırtınasına tutulmaq üzrə olduğunu göstərir. Evli qadının gəmiylə sakit bir dəniz səyahətinə çıxmasə-o qadın əri tərəfindən aldadılacaqdır. Dalğalı və qaranliq, zülmət dəniz-işləriniz bütünlüklə tərsinə gedəcəkdir. Dənizə düşmək-kiçilik və mövqeyinizin itiriləcəyinə yozulur.

DƏNİZ DONANMASI-Röyasında donanma görən adam kişi xeylağıdırsa, bir qadın tərəfindən aldadılacaq, qadındırsa-qarşı cinsdənt olan bir nəfər tərəfindən çətin vəziyyətdə buraxılacaqdır.

DƏNİZÇİ (matros)-Böyuk bir təhlükəyləqarşılaşacaq, lakin bunu soyuqqanlılığınız sayəsində dəf edəcəksiniz.

DƏRVİŞ-Zəngin bir adamla dostluq quraraq xeyir və mənfəət görəcəyinizə yozulur. Özünü dərviş olmuş görmək-zənginliyə, ululuğa qovuşacaqsınız.

DƏRƏBƏYİ (feodal)-Qədim və tarixi əsərləri öyrənib incələmək fürsəti əldə edəcəksiniz.

DƏRƏOTU (şüyüd)-gələcəkdə aydınlaşacaq bir məsələyə işarədir.

DƏRZİ-Yuxuda dərzi-ədalət sahibi bir kimsəylə, yaxud sərvət yığan bir adama işarə sayılır.

DƏRİ-Röyada hər hansı bir heyvan dərisi qorxunc bir xəbərə işarə sayılır. Bəyaz dərili adam görmək-sevincə yozulur. Qara dərili adam-kədərə yozulur. Yuxuda qadın bədəni görüb bəyənmək-başınızdan yeni bir eşq macərası keçəcəkdir.

DƏRİ SOYULMASI-Yalançı, fırıldaqçı adamlarla dostluq etdiyinizə, onlardan ayrılmasanız başınıza böyük bəlalar gələcəyinə işarədir.

DƏRMAN-Bir kimsə yuxuda dərman qəbul etdiyini görərsə, elm və nəsihətlərdən faydalanacaq.Verilən dərmanı qəbul etmək-azğınlığa və sapqınlığa yozulur. Qadınların uşağa qalmaq üçün istifadə etdikləri dərmanı röyada görmək-subay qız üçün evlənəcəyinə, uşağa qalmayan qadın üçün isə uşağı olacağına işarədir. Röyada dərman içdikdən sonra yaxşılaşacağını gözləyən adam-dünyasını, gözünə dərman tökdüyünü görən adam isə-dinini islah edəcək. İkran doğuran və udulması çətin olan dərman görmək-tezliklə yaxşılaşacaq xəstəliyə əlamət sayılır. Aci olmayan və asanlıqla udulan dərman-zəngin üçün xeyrə, kasıb üçün pisliyə yozulur. Röyada buruna çəkilən dərman görmək-uğursuzluğa, ata-anaya qarşı üsyan və ya ruhi xəstəliyə işarə sayılır. Yuxuda burnuna dərman çəkildiyini görən adam hiyləyə məruz qalacaq.

DƏRS KİTABI-Röyada hər hansı bir dərs kitabı görmək-vaxtilə böyüklərinizin nəsihətlərini eşitmədiyinizə və indi bundan peşmanlıq duyduğunuza işarə sayilir.

DƏSMAL (məhrəba)-Röyada islaq dəsmal görmək, quru və təmizini tapmaq-bir dost haqqında hasız yerə pis fikrə düşməyə işarədir. Dəsmalla üzünü silib qurulamaq-dostlarınızdan biri haqsızlıq edəcək və sonra vicdan əzabı çəkəcəkdir.

DƏSTİ (səhəng)-Röyada boş dəsti görmək-gözəl, fəqət qısqanc bir qadınla əlaqə yaradacaq və uzun müddət onunla birlikdə yaşayacaqsınız. Sonunda isə bu qadının fəna bir hərəkətini qurbanı olacaqsınız. İçi su dolu dəsti görmək-yaxın günlərdə bir qızınız dünyaya gələcək.

DƏHRƏ (nizə)-Girişdiyiniz bir işdə parlaq nəticə və uğur əldə edəcəyinizi göstərir.

DƏFİNƏ-Röyada dəfinə tapmaq-gənc kişi üçün xoş taleyə işarə sayılır və həyatda yaşamağın yolunu asanca tapmağa yozulur.

DƏFNƏ AĞACI-Sənətin gözəl bir sahəsində həqiqətən parlaq uğurlar qazanacaqsınız.

DƏFN ETMƏ-Yuxuda birisini dəfn etmək-toya dəvətdir. Dəfn edilən adam həyatda yaşayırsa, yuxu görəni toyda nəsə maraqlandırıb diqqətini çəkəcəkdir. Birini diri-diri torpağa gömülə görmək-uzun ömrə yozulur.

DƏFTƏR-Alacaq-verəcək hesablarında daha diqqətli olmağın gərəkliyini bildirir. Belə yuxu görən tacir və ya dükançıdırsa, vekselləri protest ola bilər, hətta iflasa uğrama ehtimalı da var.

DƏFTƏRDAR (maliyyə müdiri)-Maliyyə-pul işlərinin bir müddət yaxşı getməyəcəyinə yozulur. Bu röya evlənməmiş qadın üçün varlı bir kişiyə ərə gedəcəyinə, yaşlıdırsa-qumarda pul qazanacağına işarədir.

DZÜ-DO-Röyad dzü-do ilə məşğul olduğunu görən adam çox xəyalpərəstdir. Həyata gerçəkci (realist) gözlə baxması gərəkdir.

DİV-Yüksəlmə və irəliləyiş kimi yozulur. Əgər div yuxuda boş-mənasız sözlər söylərsə, əsla yüksəlməyəcək və bugünkü durumunuzu olduğu kimi mühafizə edəcəksiniz.

DİVAR-Bir dostunuz və ya sevgilinizlə sizin aranızda çəkilmiş divar görmək-o adamla aranızda olan bir çox əngəllər aradan götürüləcəkdir.

DİVAR KAĞIZI (oboy)-Yuxuda divar kağızı görən adam gözlənilmədən çox dəyərli bir əşyasını itirəcəkdir. Tüccar olanların belə yuxudan sonra bank krediti almaları xeyirli sayılmaz. Məmurlar da rəislərini xəbərdarlıqlarına əhəmiyyət verməli, şagirdlər müəllimlərinin sözlərini dinləməlidirlər.

DİVAR SAATI-İşlərin yaxşı gedəcəyinə əlamətdir. Saatı yatmış görmək isə xeyrə yozulmaz, ölüm xəbəri sayılır.

DİYİRCƏKLİ KÜRSÜ-Röyada diyrcəkli kürsü almaq, yaxud rahat bir kürsüdə oturub dincəldiyini görmək-bir sənət sahibinin öz peşəsində uğur qazanacağına; ərə getməmiş qadın üçün-kübar dairələrdə yüksək mövqe sahibi olan bir adamla ailə quracağına; ərli qadın üçün-hazırkı durumunu daha da yaxşılaşacağına yozulur.

DİLƏNÇİ-Röyada dilənçi görmək və ya sədəqə vermək-cavan kişi üçün yaxın vaxtlarda qiymətli bir dost qazanacağına; orta yaşlı bir adam üçün cansıxıcı itkiyə əlamət sayılır. Bu yuxu gənc qadın üçün yaxın zamanda hər hansı bir təklif olacağına, evli deyilsə, ona evlənmə təklifi ediləcəyinə, yaxud dalğınlığından peşmanlıq duyacağı anlamına gəlir. Röyada bir dilənçıyə yardımda bulunmaq-mirasa qovuşacaq, durumunuz düzələcək və eşqdə xoşbəxt olacaqsınız. Yuxuda dilənçiyə sədəqə verməmək-o anda əlinizdə olan işdə uğur qazanmayacağınızı göstərir. Bir dilənçiylə birlikdə çörək yemək-öz dairələrinizdə sayılan adam olacaq və çoxlu dost qazanacaqsınız.

DİPLOM-Röyada diplom almaq-poçt vasitəsilə sevindirici bir xəbər alacaqsınız. Çərçivəyə alınmış və divardan asılmış diplom görmək-uzun səfərlərə çıxacaq və işinizdə yüksələcəksiniz.

DİRSƏK-Yuxuda dirsəyinizin sıyrıldığını görmək-gedişatınız dəyişdirmədikcə xoşagəlməz işlərə qarşılaşacaqsınız.

DİŞ-Röyada diş çeşidli yozumlarla incələnir: Üst çənədəki ön dişlər-ananı, atanı, böyük əmini; sağ tərəfədə olan-atanı; sol tərəfdəkidişlər isə əmini bildirir. Öndəki dörd dişin arxasında olan sivri dişlər röya sahibinin əmisi oğluna, yaxud da iki yaxın dostuna işarədir. Bu sivri dişlərin arxasında gələn göz dişləri ailə üzvlərinə, həyat yoldaşına və evin möhtərəm böyüyü anlamına uyğun gəlir. Göz dişini ardında bulunan dişlər isə dayılar və onların oğullarıdır. Azı dişlər babalar, yaxud da sevilən, oyünülən kiçik oğlan nəvələrdir. Alt çənədəkidişlər ana tərəfdən qadın qohumlara işarədir.İki alt, iki üst çənədəolan dörd ön diş-röya sahibinin öz törəmələri olan uşaqlardır. Alt çənədəki iki ön diş xalalardır. Əgər röyanı görənin anası və xalası yoxdursa, o dişlər onun iki balası və balaca qızlarıdır. Alt çənədəki sivri dişlər yuxu sahibininqaynatası və ya həyat yoldaşının atasıdır. Göz dişlərinin arxasındakı dişlər hörmətli, izzətli adamlara işarədir. Azı dişlərailədən uzaqda olanları, nənələri və sevimli kiçik qız nəvələri bildirir. Yuxuda dişlərdən birini sallanması-xəstəliyə əlamətdir, düşməsi isə-o diş kimi bildirirsə, həmin adamın ölümünə, yaxdu da izsiz-soraqsız itkin düşməsinə işarə sayılır. Diş çıxarıb onu görmək-röya shibi qohumu olan bir yaxınından o dişin dəyəri qədərində vara yetişəcək. Dişlər çürüyüb görünməz olarsa, o dişin bildirdiyi adama pislik gələr. Ön dişləri normadan uzun və ya qısa görmək-röya sahibinin atası və ya əmisi dünyada çox böyük çətinliklərlə qarşılaşacaq. Bütün dişlərini sallanan görmək-ailə üzvləri arasında çəkişməyə və qovğaya işarədir. Ön dişlərini çürüməsi digərlərinə də zərər vermişsə-yuxu görənin həyat yoldaşının əxlaqsız olmasına işarə sayılır. Dişlərinin qamaşdığını görmək-ailədən yardım gözləmək hədərdir. Röyada çəkib çıxartdığı dişi dəyişmək-gəlirli bir ticarətlə məşğul olmağa yozulur. Damağında qızıl və gümüş dişlərin çıxması-bədbəxtliyə və xəstəliyə işarə sayılır. Artıq diş görmək-röya sahibi gözünü, qulağını, burnunu, ümumiyyətlə, dişlərindən birini itirəcəkdir.

DİŞ FIRÇASI-Əgər qadın yuxuda diş fırçası görərsə, başına üzücü bir olay gələcək. Kişi üçün bu yuxu-yaşayışında bir qayda-qanun, səliqə-səhman yaratmağıngərəkliyinə yozulur.

DİŞ HƏKİMİ-Pul baxımından ziyana düşəcəksiniz.

DİŞLƏMƏK, GƏMİRMƏK-Röyada dişiylə bir şeyi gəmirən adam hiylə yapar. Röyada öz ətini dişləyib qoparan adamın fitnə-fəsadçı olduğu bəllənir. Dişlənən yerdən qan çıxması-günah içində olmağa işarədir. Yuxuda bir adamı dişləmək-röya sahibini ömrü fərəh və xoşbəxtlik içində keçəcək, ancaq gözü və ya ürəyi zəifləyəcəkdir.

DIRMANMAQ-Röyada bir yoxuşa, təpəyə dırmanmaq, yaxud nərdivanla yuxarı çıxmaq-cavan oğlan üçün bu yuxu-başarılması çox çıtin işlərə; yetgin yaşdakılar üçün-səadət və rifaha gedən yolun tapıldığına; subay qız üçün-yad məmləkətdən yabancı birisiylə təhlükəli tanışlığa yozulur. Nərdivan və ya dairəyə dırmanmaq-gözlənilməz və ani bir uğur qanacağınıza işarədir.

DIRMIQ-Tarla işlərində istifadə edilən dırmıq-kədər və üzüntüyə işarə sayılır.

DIRNAQ-Yuxuda dınaqlarını çox biçimli bir halda görmək-səhhətinizin mükəmməl olduğuna işarədir. Qopmuş dırnaq-səfalətə, fəqirliyə yozulur. Çirkli və uzun dırnaq-pul və mal itkisi kimi açıqlanır. Dırnaq kəsmək və ya düzəltmək-çətin və yorucu işlərlə qarşılaşacağınızı göstərir. Manikürlü dırnaqlar-eşq acılarıyla qıvrılmaqda olduğunuza əlamət sayılır.

DIRNAQ LAKI-Bəzək-düzəyə həddən artıq aludəçiliyə və bunu dost-tanış tərəfindən yaxşı qarşılanmadığına işarədir.

DOVŞAN-Yuxuda dovşan-bir qadınla dostluq edəcəyinizə işarə sayılır. Əgər dovşan qaçırsa və arxasından güllə atırsınızsa, bu- tez-tez aldadılacağınıza əlamətdir. Ovda dovşan vurmaq-şad bir xəbərdən sonra kiçik bir kədərlə də qarşılaşacağınızı göstərir.

DODAQ-Röyada qarşı cinsdən birinin dodaqlarını görən qadın və ya kişi özünə ən uyğun olan həyat yoldaşı seçmiş və onunla gözəl bir həyat yaşayacaq deməkdir. Yuxuda öz cinsinizdən birinin dodaqlarını görmək-haqqınızda mənasız və pis söz-söhbət getdiyinə yozulur.

DODAQ POMADASI-Yuxuda bir qadını dodağını və ya yanağını boyadığını görmək-yaxın günlərdə gözəl bir surprizlə qarşılaşacaqsınız.

DOLAB-Röyada dolab və ya qarderob almaq, yaxud satmaq-bir evdən digər evə köçməyə işarədir. Qarderobuniçi boşdursa, lüzumlu bir iş üçün gözləniləndən də artiq pul sərf ediləcək. Dolab köhnə pal-paltarla dolu olarsa, qonaq gələcək. Paltaryeni və qəşəng görülərsə, röya sahibi dünya miqyasında şöhrətli bir adam olacaqdır.

DOLMA QƏLƏM (avtoqələm)-Dolma qələmlə yazı yazmaq-peşədə, sənətdə uğur qazanacaq. Bu yuxu-evlənməmiş qadın üçün bir dostu ilə onun qovğa edəcəyinə; ərli qadın üçün isə-məktubunun itməsindən çox üzüləcəyinə yozulur.

DOLÇA-Etibarınızın geniş ölçüdə artacağına işarə sayılır.

DONDURMA-yuxuda dondurma yemək-eşqdə uğur qazanmağa işarədir. Dondurma almaq-maliyyə işlərində bic və ayıq hərəkət etdiyinizə, yerində qərarlar verdiyinizə yozulur. Dondurma satmaq-bir il ərzində işinizdə yuksələcəyinizi bildirir.

DONUZ-Röyada donuz görən adam fitnəkar, pis adamlarla dostluq edir. Donuz öldürmək-günahkar bir adamın cəzasını vermək deməkdir. Donuz əti yeyənin əlinə haram mal keçəcək. Özünü donuz olmuş görən-xalq içində alçalar, donuza minən-var-dövlət qovuşar, düşmənini məğlub edər.

DOST-Röyada dost görmək xeyrə əlamətdir. Yuxuda dost qazanmaq-geçək həyatda da dost qazanılacağını göstərir. Röyada bir dosta yaxşılıq etmək və ya bir dostunuzun sizə yaxşılıq etməsi-geçək həyatda da bir dostunuza yardım edəcək və ya dostunuzdan yardım görəcəksiniz. Bir dosta hədiyyə almaq-həyatınızın vacib anlarında anılacaq, unudulmayacaqsınız.

DÖVLƏT BAŞÇISI-Röyada məmləkətinizin dövlət başçısını görmək-ruziniz artacaq, evinizdə bolluq və bərəkət olacaq, işləriniz çox düzgün gedəcəkdir.

DÖRD YOL AĞZI-Röyada dörd yolun birləşdiyi bir nöqtədə durmaq-hər kəsin həyatında mühüm bir dönüş nöqtəsini və bu dönüş nöqtəsinin seçiləcək istiqamətə görə yaxşı və ya pis olacağını bildirir. Yola ağzında istiqamət göstəriciləri, yəni işarələr mövcudsa, röya sahibi seçəcəyi yol üçün heç kəsdən nəsihət almayacaq, heç bir yardıma ehtiyacı olamayacaq, doğru yolu ancaq özü arayıb tapacaqdır.

DÖŞƏK-Rğyada döşək-kişinin ən yaxını olan arvadına işarədir.Öz döşəyini satmaq-arvadı boşamağa, arvadı xəstə isə-onun ölümünə yozulur. Döşəyin üstündə donuz görmək-bədniyyət bir adam yuxu görənin arvadına qarşı xəyanətkar bir qəsddədir. Döşək-röyada kişinin arvadına, qulluqçusuna, yaxud oynaşına işarə olub, o kişinin rahat həyat sürəcəyini birdirir. Döşəyin yumşaq olduğunu görmək-röya sahibinin arvadı itaətkar və ciddi qadındır. Döşəyin genişliyi-qadının yaradılış etibarilə gözəlliyinə; döşəyin təzə olması-qadının gəncliyinə və təzəliyinə, yəni bakirə olduğuna işarədir. Döşək yundan, tukdən və ya pambıqdan olarsa, qadın mərifətli və dövlətlidir deməkdir. Döşək ipəkdən və atlasdandırsa, qadının atəşpərəst olduğunu göstərir. Ağ döşək-qadının dindarlığına yozulur. Qara döşək-həyat yoldaşınız Uca Tanrının heç də razı olmadığı bir davranışda bulunmaqdadır.

DÖŞƏMƏ YOL-Röyada döşəmə yol görmək-nəticəsi olmayan işlərin ardinca düçdüyünüzü və bu işləri buraxmağın gərəkliyini göstərir. Döşəmə yolda minikdən düşmək isə xeyirli bir xəbər anlamına gəlir.

DUA-Röyada özünüzü dua edərkən və ya ibadət məqamındagörmək-səhhətinizin çox yaxşı olacağını, həyatınızın səadət içində keçəcəyini bildirir.

DUVAQ-Murada çatmaq.

DUEL-Yuxuda özünü dueldə dalaşan görmək-röya sahibi uzaqgörən deyil, ətrafındakı təcrübəli adamlarınməsləhətlərinə qulaq asması gərəkdir.

DUZ-Röyada duz-zəhmətsiz mala işarədir. İki düşmən arasında duz görmək-o adamların barışmasını ifadə edir. Duz, eyni zamanda, bir şeylə məşğuliyyətə və xəstəliyə də əlamət sayılır. Bəyaz duz-xeyir və nemətdir. Çörəyi duza batırıb yeyən adam aza qane olar. Yuxuda duz tapmaq-sıxıntı və xəstəlik anlamına gəlir. Duz, bəzən də, arvada, mala, uşağa, halal qazanca yozulur.

DURBİN-Röyada dubin-maraq göstərilən bir məsələninyaxın vaxtda aydınlaşacağını xəbər verir. Durbinə tərs baxmaq isə, üzüntü yaradacaq bir hadisə olacağını bildirir. Durbinin yerə düşüb qırılması-gözlənilməz bir xəbərə yozulur.

DURNA-Yuxuda durna görmək-gücsüz və fəqir bir kimsəyə, toplantl və şirkət qurmağı sevən bir qrup adama yozulur. Yuxusunda durna görən adam uzaq bir yerə yolculuğa (səfərə) çıxar, qürbətdədirsə-vətəninə dönər. Durnaya mindiyini görən adam yoxsullaşacaq. Durna əti və tuku-kasıb bir kimsənin gəlirini ifadə edir.

DUDUK SƏSİ (fit)-Röyada duduk səsi eşitmək çeşidi biçimdə yozulur: Gözətçi fiti-gözlənilməz xəbər. Gəmi fiti-uzun bir yolculuq həsrəti. Futbol hakiminin fiti-uğursuz cəhd. Fabrik fiti-bir işə uğurlu cəhd. Qatar fiti-vətən həsrəti.

DÜYÜN-Bir işin yaxşı sonluqla həll ediləcəyinə yozulur.

DÜKAN-Bir dükanda, ya da mağazada işlədiyinizi görmək-rahat yaşayış imkanı təmin olunacaqdır.

DÜLGƏR-Ümumiyyətlə, xeyrə əlamət sayılmır, pis xəbərə yozulur.

DÜMBƏLƏK (kiçik təbil)-Röya sahibinin şəxsi həyatda yetərincə ciddi davranmadığına işarədir.

DÜŞƏRGƏ-Röyada özünüzü bir düşərgədə görmək-heş bir işdə duruş gətirə bilməyəcəyinizə, avara və mənasız keçən həyatınızın beləcə daha bir müddət davam edəcəyinə işarədir. İş-güc sahibi kamil insanlar üçün bu röya onların həvəsini sönəcəyinə, öz iş-gücündən soyuyacaqlarına yozulur. Əsgərlər üçün bu röya-onların hədəf və qayələrinə yetişmək yolunda böyük inkişaf və yüksəlişə nail olacaqlarını göstərir.

DÜŞMƏK (yıxılmaq)-Röyada yıxıldığını görən adam çox üzülməməlidir, yuxuda yıxılan gec-tez yıxılacaq demək deyil. O, diqqətli hərəkət etməsə yıxıla bilər. Çox yüksəklərdən düşmək-pul xərcləyərkən diqqətli olmasanız və ağıllı hərəkət etməsəniz iş həyatında uğursuzluğa uğrayacaqsınız. Pəncərədə və ya körpüdən yıxılmaq-sağlamlıq qaydalarına və tibbi qadağalara əməl etmədiyiniz təqdirdə səhhətinizin pozulacağı anlamına gəlir. Nərdivandan, yaxud damdab yıxılmaq-işinizə ürəkdən can yandırmasanız, qabağa çəkilmək niyyətində olduğunuz iş, umduğunuz vəzifə başqasına veriləcəkdir.

DÜŞMƏN-Yuxuda düşmən görmək-sizə qarşı inadlı müxalifətdə olanlardan yüsəkdə dayanacaq, daima düşmənlərinizə qalib gələcəksiniz. Kimsə yuxuda sizi özünə düşmən olmuş görərsə, onunla sadiq dost olacaqsınız. Düşmən xeyirli bir vəddə bulunarsa, zərərə uğrayacaqsınız. Düşməni yerə yıxmaq-bir təhlükə gözlənilir. Düşməni əsir etmək-kədər və tasaya işarədir. Ayəti-kəriməyə görə, belə yuxu görən çoxlu günah işləyəcək və bu səbəbdən də həbsə məruz qalacaqdır.

DÜŞMƏNÇİLİK-Birinin röyada kiminləsə düşmənçilik etməsini görməsi-röya sahibi düşmən bildiyi adamı seçib onunla dost olacaq. Allah düşmənləriylə düşmənçilik isə Allah sevgisi anlamına gəlir.

Ev quşları – toyuq, ördək, hind quşu yumurtlayan ev quşlarını yuxuda görmək – cavan oğlan üçün yüksək mövqeyi olan birisiylə düşmənçilik etməkdən cəkinməyin vacibliyini göstərir. Orta yaşlılar üçün bu röya – təcrübəli hərəkət edərsə, işlərini genişləndirmək və inkişaf etdirmək baxımından əlinə yaxşı bir fürsət düşəcəyini xəbər verir. Heç evlənməmiş qadın belə bir yuxu görərsə, bir əkin-biçin adamı ilə evlənəcək və əkinçi həyatı yaşayacaqdır.
Ev tikmək – Yuxuda ev tikmək – röya sahibi torpaqla uğraşır, vaxtı xoş keçir, əlinə mal gələcək. Evini şüşədən tikilmiş görmək – röya sahibi yaxında vəfat edəcəkvə ya düşmən tələsinə, fitnəsinə məruz qalacaqdır.
Evlənmək - Röyada evlənən varlı olur. Birisi röya görəni öpsə, muradına çatacaq. Yuxuda bir qadınla görüşmək – böyük bir adamdan fayda görəcəksiniz. Bir qızla görüşmək – muradınız hasil olacaq.
Edam – Röyada özünün edam edildiyini görən adam yüksələcək və önəmli mövqeylərə kecəcəkdir. Özünün asıldığını görmək – bacarığı varsa, röya sahibi vali olacaq. Asılıb da canını tapşırırsa, o valinin vilayətə din baxımından səhvən qoyulduğuna işarədir. Əgər sağ qalsa röya sahibi vali olur və vəzifəsində ədalətli hərəkət edir. Şəhərin qala divarında aslı olduğunu və camaatın onu seyr etdiyini görən adam böyük bir səltənətə və şöhrətə çatacaq, xalqın bütün zənginləri və şərəfli adamları onun əli altında olacaqdır.
Eyş-işrət - sıxıntıya əlamət sayılır.
Ekzema (dəri xəstəliyi) - Dəri xəstəliyi ilə ilgili yuxular görmək – əlinizə az miqdarda da olsa, pul və mal gələcəyinə işarə sayılır.
Elan - Qazetdə və ya dərgidə cap edilən elanları oxumaq – həyat tərzinizi düzəldəcəyinizə yozulur. Qəzetdəki bir elana cavab vermək – önəmli bir mövqeyə gətiriləcəyinizi bildirir. Röyada özünü elan hazırlayan görmək – calışdığınız iş yerində sizə düşmən münasibətdə olanların aktivliyi, fəaliyyəti zəifləyəcək. Yuxuda kücədə vurulmuş elanları, reklam və afişaları oxumaq – işlədiyiniz müəssisənin uzaq bir şöbəsinədəyişiləcəyinizi ifadə edir.
Elani-eşq – Röyada birisinə eşq elan etdiyini görülməsi – dostlarınızdan biri sizə böyük bir yaxşılıq edəcəkdir.
Elektrik mantyoru – Röyada elektrik mantyoru görmək – işlərinizin maşın sürətiylə inkişaf edib irəli gedəcəyinə işarədir.
Eleksir (dərman) – Röyada eleksir qoxulamaq – xəstəliyə vəqəfil bəd xəbərə yozulur.
Elçi - Yüksək məqama və şan-şöhrətə çatacağınıza işarədir.
Eniş – Röyada hündür bir yerdən aşağı endiyini görən adam həyatda yüksələcək, önə-şöhrətə çatacaqdır,amma sağlamlığına da diqqət yetirməlidir.
Etiket – Röyədə etiket görən buyruq qulu bir adamdır.
Etiraf Röyada birinin gərcəkdə sirr kimi saxlanan bir şeyi etiraf etməsi – onun diqqətsizŞ, ehtiyatsız və tədbirsiz bir anlaşmayapacağı anlamına gəlir.
Ehram – Böyük bir kədərdən sonra təkrar öz əski halınıza qayıdacağınıza işarədir.
Efir – Röyada efir qoxulamaq xeyrə yozulur, pis xəbərə işarə sayılır.
Eşq – Kişi yuxusunda sevgilisinin bir başqa aşiqini görərsə, sevgilisinin ona sadiq dost olduğuna yozulur. Ancaq qadın röyada öz sevgilisini görərsə, bu – onun rəqibinin mövcudluğuna işarədir, sevgilıisi əlindən alına bilər.
Eşik (kandar) – Bir sınaqdan, imtahandan uğurla cıxacağınıza və xoşbəxtliyə işarədir.
Eşşək – Röyada eşşək görmək və minmək – rəsmi mövqeyiniz və durumunuz güclənəcəkdir. Eşşək əti yeyən cahil bir adamdan xeyir görəcək. Eşşək kəsmə – fəna bir iş tutmağa, eşşəkdən düşmək – varlılıqdan yoxsulluğa düşməyə yozulur.
Eşşək arısı – Səfərə cixmaq kimi aciqlanır.

ƏBRİŞİM (ipək sap)-Varlılar üçün sərvətə, mala; orta hallılar və kasıblar üçün sıxıntıya və yoxluğa yozulur.
ƏBUBƏKR-Yuxuda Əbubəkr həzrətlərini görmək-sağlam dini, dürüst əxlaqı, əliaşıq və yardımsevər bir adam olduğunuzu ifadə edir.
ƏQİQ (qiymətli daş)-Sağlam və uzun ömrə işarədir.
ƏQRƏB-Ümumiyyətlə, xeyrə yozulmur. Əqrəblə bağlı çeşidləmələr bunlardır: Evdə əqrəb görmək-hiyləgər və dələduz, üstəlik də, cahil və tərbiyəsiz birisi tərəfindən yoldan çıxarıla bilərsiniz. Əqrəb sancması-ən pis yozumlardan biridir, ölüm, ağır xəstəlik, faciəli qəza və bu kimi bəd hadisələrlə açıqlanır. Əqrəbi yataqa, ya da divarda gəzən görmək-röya sahibinin yaxınlarından birinin başına fəlakət gələcəkdir. Əqrəb öldürmək-düşmənlə çətin bir mübarizəyə girişəcəksiniz.
ƏDALƏTLİ OLMAQ-Röyada özünüzü ədalətli bir şəxs kimi görmək-hər cür fənalıqlardan, pisliklərdən təmizlənmiş olduğunuza işarədir.
ƏDƏBİYYAT-Röyada ədəbiyyatla məşğul olmaq-yuxu görənin incə ruhlu və duyğulu bir adam olduğuna, işlərində uğur qazanacağına işarədir.
ƏJDAHA-yuxuda əjdaha və ya buna bənzər qorxunc heyvan görmək-düşmənin öhdəsindən gələ bilmək anlamındadır.
ƏZVAY (aloe) AĞACI-Bu röyanı görən adam çox varlı olur.
ƏZAN-Röyada məsciddə əzan çəkmək-həcc ziyarətinə getməyə müqtədir olacaqsınız. Təsadüfi bir yerdə əzan oxumaq-mal və pul itkisinə uğrayacaqsınız. Qonşunun damı üstündə əzan oxumaq-yaxın bir adamınızdan pislik görəcəksiniz. Çarşı və ya bazarda əzan çəkmək-yoxsulluğa düşəcəksiniz. Qadını əzan çəkməsi-ailə həyatında narazılığa yozulur. Mehrabda əzan çəkmək-səyahətə çıxmağa və sağ-salamat qayıtmağa işarədir. Hər hansı bir nəqliyyat vasitəsilə gedərkən əzan çəkmək-səfərə çıxacaqsınız. Gəmidə əzan çəkmək-iş yerində imkan yaranacaq və müşkülləriniz öz həllini tapacaqdır.
ƏZMƏK-Röyada hər hansı bir şeyi ayaqla və ya əllə əzmək-düşmənlərəüstün gələcəyinizə yozulur.
ƏZRAYIL-Böyük və uca mələklərdən olan Əzrayılı röyada mehriban, gülərüz görmək-yuxunu görən adam şəhadət və imanla vəfat edəcək. Əzrayıl hirsli görülərsə-röya sahibi tövbə etmədən öləcəkdir. Əzrayıl ilə görüşmək, ya da on aqalib gəlmək-xəstəlikdən qurtarmağa yozulur. Əzrayılı normal halda görmək-yuxu görənin Böyük Allahın sevimli və sadiq qulu olmasına, məqsədinə çatacağına, xeyirxah və yardınsevər adam olduğuna işarədir. Röyada Əzrayılın əlini öpən adam mirasa çatacaq. Əzrayılın sifətinin dəyişdiyini görmək-yuxu sahibinin xalq içində qədr-qiymətli, nüfuzlu olduğuna yozulur. Bu yuxunu görən xəstədirsə, öləcək.
ƏYİLMƏK-Yuxuda bir adamın özünü əyilən, donqarlanan görməsi xeyrə yozulur, işləri yaxın vaxtlarda və gözlənilməyən bir şəkildə düzələcəyi anlamına gəlir.
ƏYYUB-Röyada Əyyub peyğəmbəri görmək-qayğıya, narahatlığa, zəhmətə, xəstəliyə, yoxsulluğa və ehtiyaca yozulur. Bu sıxıntılara səbrlə qatlaşa bilsəniz, durumunuz düzələcək, əmin-amanlığa və xeyrə qovuşacaqsınız.
ƏYLƏNCƏ-Röyada bir əyləncədə olmaq-böyük bir sevincdən sonra təkrar əvvəlki halınıza dönəcəyinizi bildirir.
ƏKİZLƏR-Röyada əkiz övladı olduğunu görmək-işinizdə orta səviyyəli uğur qazanacaq, orta səviyyəli bir həyat tərzi keçirəcəksiniz.
ƏKMƏK (çörək)-Yuxuda çörək yemək-xeyir və gözəlliklərlə dolu bir röya olaraq yozulur, yaxın zamanda istəkləriniz hasil olacaq deməkdir. Çörək kəsmək-ümidlərin boşa çıxacağına yozulur.
ƏKMƏKÇİ (çörəkçi)-Röyada çörək satan görmək-ayağınızın altını eşən, sizə quyu qazmağa çalışan düşmənləriniz var.
ƏKMƏK ÇEYNƏMƏK-Şəxsi həyatınızın iztirablar içində keçməkdə oluğuna işarədir.
ƏKMƏK QABIĞI-Röyada çörək qabığı görmək və ya yemək xəfif bir kədərə və sıxıntıya yozulur.
ƏL-Röyada gözəl əllər görmək-sənətin bir sahəsində uğur qazanacaqsınız. Qüvvətli və qüdrətli əllər-siyasətdə, idmanda, sənayə sahəsində uğurlar qazanacaq və böyük mövqelərə yüksələcəksiniz. Röyada görülən əllər röya sahibini qınayırsa, günahlandırırsa, o, bir müddət öncə xətrinə dəymiş olduğu həqiqi bir dostuyla dil tapmalı, barışmalıdır. Röyada görulən əl yuxu sahibinə qarşı öyücü, təqdiredici işarələr edirsə, o adam şan-şöhrətə çatacaq, çalışdığı firma, yaxud rəhbəri tərəfindən təqdir ediləcək vəzifədə irəli çəkiləcəkdir. Əllərinizi çirkin görmək-irəlidə çətinliklərlə qarşılaşacaq, lakin bu çətinlikləri zəkanızla yenərək zəfərə qovuşacaqsınız. Kəsik əllərə sahib olmaq-xəstəliyəç tutulacaqsınız. Əl yaxalamaq (yumaq)-eqois həyat tərzinə yozulur. İri və qüvvətli əllərə sahib olmaq-yaxınlarınızı məmnun edəcək dərəcədə çalışmadığınıza işarədir. Röyada əlləri və barmaqları itirmək-bir müddət işləriniz tərd gedəcəkdir. Qadının öz əllərini biləkdən qopmuş halda görməsi-evlənmə anlamına gəlir.
ƏL ARABASI-Yuxuda əl arabası görənin, ya da onun yaxınlarından birinin səhhəti pozulacaq.
ƏL QANDALI-Yuxuda əlinə qanda və ya zəncir vurulduğunu görmək-xeyrə yozulmur, məhkəmədə işi uduzmaq kimi mənalandırılır.
ƏL YAZISI-Yuxuda çətin oxunan, qarma-qarışıq əl yazısı görmək-yol göstərməli olduğunuz adamlara məramınızı yetərincə anlada bilmirsiniz. Divarda və ya qara taxtada əllə yazılmış yazılar görmək-yaşayış intizamınızda dəyişiklik olacaqdır. Göydə tüstüylə yazılmış yazı görmək-gerçəkləşmək ehtimalı olmayan bir sıra fantastik istəklərdən və xəyallardan vaz geçməyiniz gərəkdir. Qabaliyyətiniz və imkanınız çatan, praktik nəticəsi olan işlərlə məşğul olmalısınız.
ƏLƏK-Röyada ələk görmək və ya ələkdə un ələmək-əsli və əsası olmayan işlərlə həddən artıq məşğul olduğunuza və bu xasiyyətdən vaz geçməyin gərəkliyinə işarə sayılır.
ƏLİ ƏBU TALİB (Həzrət Əli)-Röyada Həzrəti Əlini görmək ən xeyirli yozumlarla açıqlanır. Böyük bir müjdə və fərəhdən xəbər verir. Həzrəti Əlini evində görmək-yuxu görəni xeyirxah, yaxşı adam olduğuna və yaxın zamanda ummadığı, gözləmədiyi bir yerdə böyük yaxşılıq görəcəyinə yozulur. Yuxuda Həzrəti Əlini Qurani-Kərim oxuyarkən görəni cocuqları dərslərinədə böyük uğurlar qazanacaqdır.
ƏLYAZMA-Gözləmədiyiniz birisindən maddi yardım alacaqsınız.
ƏLSİLƏN DƏSMAL-Mənəvi təmizliyə işarədir.
ƏLÜZYUYAN-Röyada əlüzyuyan görən adamın təmizliyi ifrat dərəcədədir və bu, onun çevrəsindəki adamların rahatlığını pozmaqdadır.
ƏLCƏK-Sevincə və nəşəyə yozulur. Yırtıq əlcək-kədərə və üzüntüyə işarədir. Əlcək almaq-bir dostunuz tərəfindən ziyafətə dəvət ediləcəksiniz. Əlcək geymiş çoxlu adam görmək-tutduğunuz bir pisliyin cəzasın gec-tez çəkəcəksiniz.
ƏMƏKÖMƏCİ-Yaxın gələcəkdə gözəl, ürəkaçan bir olayla qarşılaşacaqsınız.
ƏNGƏL (maneə)-Divar, qapi, sədd, uçurum və ya hündür bir yer kimi aşılması çətin olan maneə görmək-röya sahibinin ən böyük istək və məqsədinə çatması deməkdir, bir çox çətinliklərə uğrayacaq, lakin sonda uğur qazanacaqdır.
ƏNGİNAR-Ömrünüzü unutqanlıqla keçirib, işlərinizdə uğur qazana bilməyəcəyinizə yozulur. Ənginar bişmişsə, bir fəlakət xəbəri var deməkdir.
ƏNCİR-Yuxuda təzə əncir yemək-xoş bir röya olub sevinc, evlənmək, rahatlıq və var-dövlətlə yozulur. Mövsümü keçdikdən sonra əncir yemək-qəmə-qayğıya və yoxsulluğza işarədir. Quru əncir-sərvətin artacağını; əncir ağacı-mənfəətli, lakinçox sərt və qəddar var-dövlət sahibi olan adamı ifadə edir. Röyada əncir yemək-xoş bir eşq macərasına da yozula bilir.
ƏRİŞTƏ-Röyada əriştə şorbası içmək-mədənizin şox sağlam olduğunu xəbər verir.
ƏRZAQ-Ərzaqla ilgili röyalar, bu cür yuxu görəni boğazını otardığına, gödən qulu olduğuna və bu səbəbdən də mədə rahatsızlığı keçirəcəyinə işarə sayılır.
ƏSİR-Röyada əsir düşmək-başqasının malına göz dikməyə, borcunu inkar etməyə, yaxud ailə həyatında bədbəxtliyə işarədir.
ƏSGƏR-Xeyrə yozulur. Böyük bir fürsət və imkana işarə sayılır.
ƏSHABİ-KİRAM (möhtərəm adamlar)-Röyada Əshabi-kiramı görmək, Həzrəti Peyğəmbər əfəndimizin yaxınında bulunmaq-dinə bağlı olmağa, sünnəti-şəriflərin yolunu tutmağa və düşmənə üstün gəlməyə yozulur.
ƏT-Yuxuda ət yemək yaxşı yuxulardan hesab olunur. İnsan əti yemək-çox fəna bir dedi-qoduya; qoyun əti-xəstəliyə və ya fəlakətə; quş əti isə-hansısa bir məqsədə, həvəsə yozulur.
ƏTİR (cövhər)-Röyada gözəl ətirlərlə ətirlənmək yaxın bir səadətdən xəbər verir. Cövhər və ya gözəl ətir almaq-röya sahibini sevən birisi daima onu düşünməkdədir. Ətir almaq-evlənməyə də yozulur. Yuxuda ətir görmək, evlilər üçün xoşbəxtlik və uğur anlamındadır.
ƏTİRŞAH-Röyada ətirşah çiçəyi görmək-mənəvi çirkablardan təmizlənərək normal yaşayışa başlamaq barədə gəldiyiniz qərarın doğru və yerində olduğunu göstərir.
ƏFƏ (igid, qoçaq)-Mərdlik və igidlik kimi yozulur. Əgər əfə zeybək oyunu oynayırsa, yaxın günlərdə röya görənin başında bir toy-düyün, şənlik qurulacaqdır.
ƏFLATUN (bənövşəyi rəng)-Xetrə yozulumur, bir rahatsızlıq olacağını xəbər verir.
ƏHVALİ-RUHİYYƏ-Röyada gözəl və nikbin bir əhvalda olmaq-həyatda bir çox sürprizlərlə qarşılaşacaqsınız.
ƏCƏMİLİK-Röyada əcəmicə bir iş tutulması, yəni naşı bir hərəkətə yol verilməsi-yuxu görənin fərəhli günlər ərəfəsində olduğuna yozulur.
ƏCZA (dərman)-Bir könül macərasının başlanğıcı kimi yozulur.
ƏCZAXANA-Yuxuda əczaxanaya girib dərman alan kişini əbəs yerə qınayacaqlar, yanlış suçlamaya məruz qalacaq. Gənc qadın üçün bu yuxu-yad kişilərlə dostluq etməyin zərərli olduğuna; yaşlı qadın üçün isə yüngül bir rahatsızlıqdan sonra halının yaxşılaşacağına yozulur.
ƏCNƏBİ-Röyada başqa irqdən olan yad dilli yabancı görmək-çeşidli yozumlarla açıqlanır: Ətrafınızdakılar davranışınıza yanlış qiymət verməkdədir; Nəzərdə tutmadığınız bir səfərə çıxa bilərsiniz; Məmursunuzsa, çox yaxında bir işə təyin edilə bilərsiniz; Ailənizdən birisinin xoşbəxtliyini və toyunu görəcəksiniz; Şagird, yaxud tələbəsinizsə, kursu başa vurmaq imkanınız olacaq. Gənc qızlar üçün bu cür röya xeyirli qismətə, bəxtə yozulur.
ƏŞYA GÖNDƏRMƏK-Röyada harasa bir şey göndərmək-yuxu sahibi davranışını, hərəkətlərini məqbul ölçülərə uyğunlaşdırmalıdır.

FABRİKA (zavod)-Cavan oğlanın özünü fabrikdə və ya zavodda işləyən görməsi-başqalarının öyrətməsi və təhriki ilə tutacağı işdən peşman olacağına işarədir. Gənc qadın üçün bu röya onun hədiyyə olaraq xoşuna gələn bir geyim əşyası alacağına; yaşlı adam üçün isə-öhdəsinə düşən işi yaxşı nəticəylə başa vuracağına yozulur.

FABRİK (zavod) SAHİBİ-Yeni bir iş təşəbbüsündə olmaq anlamına gəlir.

FAİZ (sələm)-Faiz (sələm) ödəmək-istəmədən günaha batacaqsınız. Faizlə (sələmlə) pul almaq-birisi tərəfindən öyrədilib yoldan çıxarılacaqsınız.

FAKİH (şəriət bilicisi)-Fikh elmini, xüsusən də, şəriəti yaxşı bilən bir adamı yuxuda görmək-dərrakəyə, zəkaya, işgüzarlığa, elm və texnikanı dərindən öyrənmək həvəsinə yozulur. Fakih görmək, bəzən daxili təmizliyə, imanın təzələnəcəyinə; əgər röya sahibi ası və günahkar bir adamdırsa-tövbə və istiğfar ilə haqq yoluna dönəcəyinə; cahildirsə-yenidən doğru yolu bulacağına; kafirdirsə-müsəlman olacağına işarədir. Hədisi-Şərifdə Rəsulullah Sallallahu-əleyhi-vəssəlam əfəndimizin buyurduğu kimi, şəfii məzhəbində olan birisi başqa bir məzhəbə keçdiyini görürsə, onun istədiyi yerə getməsinə müsaidə edilir, yaxud başqasından borc pul almağa yozulur. Eyni zamanda, onun bir qadını qoyub başqa bir qadınla evlənəcəyinə işarə sayılır.

FAKTURA (haqq-hesab kağızı)-Yuxuda faktura yazmaq-ticarət meydanında mövqe əldə edərək xeyli pul qazanacağınıza işarədir.

FALA BAXMAQ-Falçı-boş və qeyri-real işlərlə aldanan və aldadan, gerçəyi bilmədiyi halda, düşünmədən “bilirəm” deyə ətrafdakıları çaşdıran, məşğul edən bir adamdır. Röyada özünün falçı olduğunu görmək-hamı üçün xeyrə yozulur. Yaxud münəccim və ya kahinlərin özlərinə xas ifadələrlə danışan görmək-röya sahibinin həyatda boş şeylərlə məşğul olduğuna, aldanmağa və qürura yozulur.

FALAQQA-Hiyləgərliyə məruz qalacaqsınız.

FALÇI-Az müddət içində bəzi xırda-para sıxıntılarda qurtulacaq və fərəhə, şadlığa qovuşacaqdır.

FANER-Yuxuda faner görmək-birisinin öz yalanlarıyla sizi qandırıb çaş-baş salacağına işarə sayılır.

FARSCA DANIŞMAQ-Röyada özünü farsca danışan görmək-hadisələri bir az mübaliğəli qiymətləndirmək, şişirtmək anlamına gəlir.

FARFOR (çini)-Röyada farfordan düzəldilmiş bir əşya görmək-köhnə tanışlardan biri röya sahibinə böyük miqdarda maddi yardımda bulunacaqdır.

FATEH-Röyada Konstantinopolu fəth edən Fateh Sultan Mehmet xanı görmək-şan-şöhrət və uğur bəlirtisidir. Bu röyanı görən adamın bəxti açılacaqdır.

FATİMATÜZZƏHRA-Həzrəti Məhəmməd peyğəmbərimizin kərimeyi-möhtərəməsi Fatimatüzzəhra ananı röyada görmək-ailənizi itirəcəyinizə yozulur.

FAHİŞƏ-Bəxtin qapıları üzünüzə açılacaq və hamı tərəfindən sevilən bir adam olacqsınız.

FƏVVARƏ-Röyada fəvvarə-halal mala, uzun ömrə və rifaha işarədir. Fəvvarədən su içmək-rəsmi qaydada xəzinədən pul almağa; fəvvarəyə su doldurmaq-borcları ödəməyə; fəvvarədən su götürmək-rəsmi bir müqaviləyə girişib onu uğula başa vurmağa yozulur.

FƏQİR (dilənçi)-Röyada özünü fəqir, kasıb görmək-yuxu sahibi zənginləşərək və ayəti-cəliləyə görə, əli ruziyə, çörəyə yetişəcəkdir. Özünü kasıblıq üzündən dilənən görmək-mənəvi zənginliyə yozulur. Bir yerdə çoxlu dilənçi görmək-varlı bir adamın vəfatına, günahların bağışlanmasına və sədəqəyə işarə sayılır. Yuxuda bir nəfərin röya sahibinə nəsə verməsi-onun zəhmətsiz mala sahib olacağına yozulur, belə ki, dilənçilik-heç bir sərmayə və kapitala ehtiyac duyulmadan əldə edilən bir ticarətdir.

FƏLAKƏT-Röyada fəlakət tərsinə yozulur. Yuxuda başınıza bir fəlaktə gəldiyini görsəniz, bilin ki, yaxın dostlarınızdan biri tezliklə vəzifədə irəli çəkiləcəkdir. İş həyatında bir fəlakətlə qarşılaşdığını görmək-işləriniz düzələcək və çox yaxşı inkişaf edəcəkdir.

FƏLLAH (qaraşın adam)-Yuxuda bir fəllah, yəni ərəb görmək-tezliklə xoş xəbər alacaqsınız.

FƏNALIQ (pislik, ziyankarlıq)-Röyada kiməsə pislik etmək-təhlükəyə və əndişəyə işarədir. Tanış bir adama pislik etməyi planlaşdırmaq-kədər və iztirablarınız uzun müddət sizi tərk etməyəcəkdir.

FƏNƏR-Röyada yanan əl fənəri görmək-təhlükəli bir gəzintiyə çıxacaqsınız. Sönmüş əl fənəri-uzun müddət kədər və iztirablardan qurtula bilməyəcəksiniz. Küçə fənəri-boş və faydasız işlərə baş qoşmağa işarədir. Maşın fənəri (farası)-röyada uzaqdan görünən avtomobil işığı-ağır gününüzdə bir dostunuzdan böyük yaxşılıqlar görəcəyinizə işarədir.

FƏRAT ÇAYI-Röyada Fərat çayından su işmək-bolluğa qovuşacaqsınız. Fəratı qurumuş görmək-böyük dövlət adamlarından birinin vəfat edəcəyinə yozulur. Fəratdan su içmək, eyni zamanda, dinə bağlılığa, namaz və ibadətin davamlılığına, röya sahibinin aza da qane olduğuna işarə sayılır.

FƏRAÇƏ (geyim)-Könül arhatlığına və bolluğa yozulur.

FƏRYAD-Röyada qorxudan dolayı fəryad etmək-rahatlığa, sevincə qovuşacaqsınız. Səksənərək fəryad etmək-ayəti-cəlilədən də anlaşıldığı kimi, gözəl iman, əmin-amanlıq, rahatlıq və asayiş anlamına gəlir. Ancaq röya sahibinin fəryad və fəğanına səbəb hansısa bir adam və ya öz nəfsidirsə, bu-onun qüsurlu və xətakar bir şəxs olduğuna işarədir.

FƏS-Röyada başa fəs geymək-kədərə və üzüntüyə; fəsi başdan çıxarmaq-sıxıntı və üzüntüdən qurtulmağa dəlalət edir (qərbli röya təbirçilərinə görə, başa fəs geymək-Misirə və ya digər ərəb ölkələrinə səyahətə yozulur).

FİDAN-Övladınızın xeyrini görəcək, bol qazanc əldə edəcəksiniz.

FİDAN ƏKMƏK-Yuxuda əkilən fidanın tumurcuqlarını görmək-varlı bir ailəyə gəlin (və ya kürəkə) olacaqsınız.

FİZİKA-Röyada özünü fizika elmi ilə məşğul olan görmək-hər mənada üstün səviyyəli bir iş adamıyla uöurlu əməkdaşlığa başlayacaqsınız.

FİL-Röyada fil-heybətli, möhkəm bədənli, sərt, böyük gücə malik savaşçı adama işarə sayılır. Filə minmək və ya birisinin filə üstün gəlməsi-onun hökumət adamları və dövlət başçısıyla yaxın əlaqəsinin və bu səbəbdən də yüksək bir məqama çatacağını bildirir. Bu cür röya görən xoşbəxtlik və var-dövlət içində uzun ömür sürəcəkdir. Filin bir tərəfini parçalamaq-röya sahibi hökumət tərəfindən bir bəlaya düçar olacaq, xəstədirsə-vəfat edəcək. Gündüz olduğu kimi filə minmək-zülmə, qəddarlığa yozulur. Yəhərli filə minmək-röya sahibi ticarət adamıdırsa, qazancı artacaq. Yuxuda filin xortumuyla sizi vurması-xeyrə və nemətə qovuşacaqsınız. Fil gübrəsi (peyini) almaq-aldığınız qədər zəngin olub fərəhə qovuşacaqsınız. Fil-dindar, şərəfli bir insan olduğunuzu və ya zəhmət və çətinliklərə qarşı barışmaz mübarizə aparacağınızı xəbər verir. Son nəticə sıxıntı və çətinliklərdən qurtulmuşdur. Fildən qorxduğunu görmək-xəstəliyə; filin ayaqları altında qalmaq-ölümə işarədir. Qadınlar fili nə şəkildə görür-görsün bu röya onlar üçün xeyrə əlamət deməkdir. Fili danışan görmək-xeyrə əlamət sayılır, hökumətdən böyük fayda görəcəyinizi bildirir. Fil əti yemək-dövlətdən mal, sərvət əldə edəcəyinizi göstərir.

FİL DİŞİ-Fil dişindən hazırlanmış bəzək-düzək şeyləri görmək-çox xeyirli röya olub, bəxt açıqlığı deməkdir.

FİLM ÇƏKMƏK-Filmçəkmək və ya özünü bir filmdə rol oynayan görmək-ehtiraslı arzunuzun və şöhrətinizin gerçəkləşəcəyini xəbər verir.

FİLOSOF-Röyasında filosof görən adam çevrəsindəki xain qəlbli iftiraçılardan mütləq özünü qorumalıdır.

FİNCAN-Az da olsa, bir şeydən faydalanacağınıza yozulur.

FİRON-Röyada Misir fironlarından biriylə tanış olduğunu görmək-elm sahəsində qazanılacaq uğura işarədir.

FİRUZƏ-Aşiqlər üçün bu mavi daşı yuxuda görmək çox xeyirlibir yuxu olub, qarşılıqlı xoşbəxtliyi xəbər verir. Gənc qız firuzə daşını görərsə və bu daşdan hazırlanmış bir hədiyyə üzük alarsa, bəyəndiyi və çox sevdiyi bir cavanla evlənib xoşbəxt həyat quracaq. Evli qadını firuzə daşını görməsi və ya bir bəzək əşyası alması-ərinin onu çox sevdiyinə və sadiq olduğuna yozulur.

FİT (fışqırıq) SƏSİ-Röyada fit səsləri çeşidli yozumlarla aşıqlanır. Belə ki: Gecə vaxtı eşidilən fit səsi-xeyrə yozulmur. Ucadan çalınan cingiltili fit səsi-röya sahibi gözlənilmədən pul itirəcəkdir. Astadan çalınan fit səsi-röyanı görən yaxınlarına qarşı daha nəzakətli və anlayışlı davranmalıdır.

FİTNƏ-Yuxuda adamı yoldan azdıran fitnə-fəsad görmək-ayəti-cəliləyə görə, var-dövlətə və övlada yozulur.

FİŞƏNK (benqal fişəngi)-Şən və nəşəli günlərin başlandığına yozulur.

FIRIN-Bolluq və könül rahatlığı anlamına gəlir. Fırından isti çörək çıxdığını görmək isə parlaq gələcək deməkdir.

FIRTINA-Röyada fırtına görmək-yaxın vaxtlarda şaşırdıcı bir xəbər, ya da olayla qarşılaşacağınıza işarə sayılır. Əgər yuxuda fırtına ilə birlikdə yağmur da görülmüşsə, bu cür röyalar bol qazanca yozulur.

FIRFIRA-Xeyrə yozulmaz, xəstəliyə və can sıxıntısına işarədir.

FIRÇA (şotka)-Hansı növdən olur-olsun, röyada fırça görmək-qarşıda yüksək mövqe sahibi olacağınıza işarədir. Yuxuda şotka ilə paltar təmizləmək-son zamanlar çəkdiyiniz sıxıntılardan artıq qurtulmaq üzrə olduğunuzu bildirir.

FISTIQ-Bir qadın yuxusunda fıstıq görərsə, yaxın zamanda hamilə olacaq. Kişi bu yuxunu görərsə-səfərə çıxacaq.

FLANEL GEYİM-Karlı bir alış-veriş işinə girişəcəksiniz, ancaq sizi bir qəlb acısı da gözləyir.

FLEYTA-Röyada fleyta və ya qaval səsi eşitmək-yaşayışınız xoşbəxtlik və razılıq içində keçəcək, hər cür maliyyə çətinliklərindən uzaq olacaqsınız. Röyada fleyta və ya qaval çalmaq-istər artistlik, istər elm, istərsə də ticarətdə bağlı olsun, hansı sahədə işləyəcəksinizsə, o səhədə uğurlar qazanacaqsınız. Qırıq fleyta və ya qaval-yaxın gələcəkdə bir dostunuzu itirəcəyiniz güman olunur.

FOTOQRAFÇILIQ-Röyada fotoqrafçılıq etmək-gözləmədiyiniz halda ən yaxın dostlarınızdan və ya qohumlarınızdanbir tərəfindən aldadılacaqsınız. Şəkil çəkdirmək-heç də hamıya inanmayıb etimadsızlıq göstərməkdə haqlı olduğunuza işarədir.

FRAK-Röyada frak geydiyini görən adam mənasız yerə vas0vası və şübhəçidir.

FRANSA-Yuxuda Fransaya getdiyini görən adamyeni eşq macəraları ərəfəsindədir.

FÜRSƏTİ ƏLDƏN VERMƏK-Röyada fürsəti əldən verən adam elə ertəsi gün böyük bir fürsət qazanacaq, amma bu fürsətdən yararlana bilməyəcəkdir.

GAHI (bitki)-Çox ehtiraslı və doymaq bilməyən birisiylə tanış olacaqsınız.

GEYİK (maral)-Yuxuda geyik və ya geyiklərlə dolu heyvanat bağı görmək çox gözəl bir röya olaraq yozulur. Bu röya gənc bir oğlanı bəxtiyar edəcək xoş macəraya işarədir. Röya sahibi tacirdirsə-qzancı artacaq; məmurdursa-vəzifəsi böyüyəcək və yüksək məqama yatişəcəkdir. Gənc qız üçün bu yuxu-arzu və diləklərin gerçəkləşəcəyi anlamına gəlir. Geyik (maral) ovlamaq isə xeyrə əlamət sayılmır.

GEM (yüyəndə atın ağızlığı)-Röyada gem görmək-sənət adamı üçün mal mənasında çətinlik anlamına gəlir. Eyni zamanda, gem-hökmdar və ya dövlət başçısının əmrinə zidd gedən mehtər, ilxıcı mənasında da yozulur. Yuxuda qəşəng yəhərlənmiş, yuyələnmiş ata minmək-bir vilayətdə vali olacaqsınız deməkdir. Öz ağzına gem vurulduğunu görmək-pis sözlərdən dilini saxlamağa işarədir. Əgər röya sahibi başqasıyla mühakimə və dava vəziyyətindədirsə, ona qarşı dəlil və sənədlərin boş və tutarsız olduğunu göstərir. Atın geminin kəsildiyini görmək-xidmətçinin namus və ya malını qorumağa, yaxud zəkata yozulur. Yuyənin atın başından düşdüyünü və əlindən çıxdığını görmək-röya sahibi işlərində təlaş içindədir, yaxud da arvadının ona haram olmasına və ya oruc tutmağa yozulur.

GENBALAQ ŞALVAR-Bu röya hamı üçün izdivaca və gözəl bir ailə ocağı qurmağa, zənginliyə; röya sahibi məmurdursa-onun böyüyüb vali olacağına yozulur. Yuxuda şalvar görmək, eyni zamanda, könül rahatlığına da işarə sayılır.

GENERAL-Yuxuda general görmək, yaxud özünün general olduğunu görmək-yaxın zamanda böyük və şərəfli mövqeylərə çatacaqsınız.

GENERATOR-Yuxuda generator görmək-Röya sahibi gözlənilmədənə və gözlənilməz bir olay səbəbiylə öz işində yüksələckdir. Röyanı görən qadınsa-oğul sahibi olacaq.

GEOLOQ-Yuxuda geoloq görən adam yaxın zanamda iftiraya uğrayacaqdır.

GEOLOGİYA-Röyada geologiya elmiylə məşğul olduğunu görən adamın başından dadlı bir eşq macərası keçəcəkdir.

GEROİN-Röyada geroin qəbul etdiyini görən adam son günlər bpöyük bir xəyal aləmi içərisindədir.

GECƏ-Bu röya sıxıntıya, qəmə-qyğıya, kədərə yozulur.

GECƏYARİSİ YAMƏYİ-Röyada gecəyarısı yemək yemək-çox nəşəli və dostanə şəraitdə keçəcək bir ziyafətə dəvət ediləcəksiniz.

GƏVƏZƏ ADAM-Röyada gəvəzə adam görən gözləmədiyi bir adamdan yaxşılıq, bir başqasından isə pislik görəcəkdir.

GƏZİNTİ-Dostlarla gəzintiyə, səfərə çıxmaq-gəlirli bir işi, təkbaşına gəzinti isə-yabancı bir məmləkətdə uğur qazanacağına işarədir.

GƏLİN-Röyada gəlin olduğunu görmək-yaxşı və gəlirli işlərə girişəcəyinizə işarədir. Bir gəlin görmək-əlinizə pul və mal-dövlət keçəcəkdir. Bakirə qızın röyada gəlin olduğunu görməsi-yaxın gələcəkdə o, muradına, niyyətlərinə qovuşacaq, məsud və bəxtiyar olacaqdır. Gəlinlə adaxlını bir yerdə sevişən, bir-birinə şirnikən görmək-hər kəs üçün böyük miqyaslı şöhrətə yozulur. Qızlar üçün-ərə getməyə; oğlanlar üçün-xeyirli və xoşbəxt bir yuva qurmağa işarədir.

GƏMİ-Gözəl və əyləncəli bir gəzintiyə işarədir.

GƏMİ BATMASI-Röyada gəmi batdığını görmək-xeyirli və mənfəətli bir işə başlayacaqsınız. Gəmi batarkən fit səsi eşidilmişsə, gəlir lap çox olacaq deməkdir. Dəniz qəzasında gəminin batdığını görmək-qurduğunuz xəyalları, əməlləri heç vaxt həyata keçirə bilməyəcəyinizə işarədir. (Eyni zamanda, hər dürlü fəna hərəkətlərə meyilli olduğunuz və bu kimi uyğunsuzluq, özünüzə zərər gətirən iş və hərəkətlərdən sakınmanın gərəkliyini göstərir).

GƏMİ DORU (dor ağacı)-Uzaqdan dor ağacı görmək-gözləmədiyiniz bir vaxtda çox uzaqlardan qonağınız gələcək. Gəmi qarmağı-bir çoxlarının sizi aldadacağına işarədir.

GƏNC QIZ-Röyada gənc qız görmək-bir qəzla tanış olub dostluq quracağınızı göstərir (Yuxuda gənc qızlarla tanışlıq və dostluq çox gözəl, bəxtiyar və məsud bir həyat sürəcəyinizə, möhkəm səhhətə və afiyətə qovuşacağınıza dəlildir).

GƏNCLİK-Röyada yaşlı bir adamın özünü cavanlaşmış görməsi-sağlam və uzun ömrə, eyni zamanda, bir çox çətin işləri asanlıqla yoluna qoyacağınıza işarədir.

GƏRDAN-Şux bir qadının gərdanını yuxuda görmək-cinsi baxımdan təminsizlik şəklinə yozulur.

GƏRDƏK-Yuxuda gərdəyə girmək-sonu göz yaşıyla bitəcək bir hadiənin başlanğıcı kimi yozulur.

GƏRGƏDAN-Röyada bir çirkin heyvanı görmək-üzvü olduğunuz ictimai və sənaye dairələrində son dərəcə nüfuzlu bir adam səviyyəsinə yüksələcəksiniz.

GİBS-Yuxuda gibs görmək-uğurlu bir işə, yeni bir əşya, ya da paltar əldə edəcəyinizə, ümumiyyətlə, sevinc, şadlıq anlamına gəlir.

GİL-Röyada gil-işdə uğursuzluğa və üzüntülü günlərə işarə sayılır.

GİLAS-Röyada gilas ağacı görmək-röya sahibini və onun yaxınlarının xoşbəxt günlər yaşayacağına, səhhətinin, sağlamlığının tamamilə düzələcəyinə, işlərində uğur qazanacağına yozulur.

GİRDAB (burulğan)-Yaxın vaxtlarda bir təhlükəylə qarşılaşacağınıza işarədir.

GİRİŞ – Röyada bir binaya, mağazaya, bağçaya və s. giriş qapısını görmək-bu röyanı görən adam bir çox həyati məsələləri yoluna qoymaq zorunda qalacaq və zövqü-səfa ardınca getməkdn vaz keçməyincə, sistemli sürətdə çalışaraq öz səriştə və bacarığını daha da artırmayınca bu mühüm məsələləri həll edə bilməyəcəkdir.

GİROV-Yuxuda bir yerdə girov olaraq saxlandığını görən adamın günahları çoxdur və pis işləri səbəbindən cəhənnəm həbsində olacaqdır. Bir əşyanı girov olaraq yanında saxladığını görən adam bnaşqasına zülm edər.

GİTARA-Röyada gitara çalmaq-artistik qabiliyyətlərə malik olduğunuza işarədir. Sənətinizi dəyişdirsəniz belə, bu yetənək və qabiliyyətinizi inkişaf etdirməniz məsləhətdir. Yuxuda gitara səsi eşitmək-poçt vasitəsiylə çoxdan intizarında olduğunuz xəbəri alacaqsınız.

GİCİTKƏN-Röyada gicitkən görmək-bəxtin aşıqlığına və çoxlu pul qazanmağa işarədir. Ancaq bəzi yozucular yuxuda gicitkən görməyi pis xəbərə də yozurlar. Gicitkəndən hazırlanmış xörək yemək isə, ümumiyətlə, bəd xəbər kimi mənalandırılır.

GÖBƏK-Yaşayışınızı təmineən ən yaxın adama, həyat yoldaşına, yaxud da öhdəliyə, mərifətə, sənətə işarə sayılır. Göbək, bəzən röya sahibinin arvadına, xidmətçisinə və ya oğluna da yozula bilər. Göbəyində pis və çirkin bir şeyin olduğunu görmək-yuxarıda deyildiyi kimi, anaya, ataya, yaxud da mala uyğun gəlir. Göbəyin açıldığını görmək-yuxu görən xəstəridsə, vəfat edəcək. Əliylə göbəyini açmaq-anbara ehtiyac üçün yığılmış buğda və ya arpa işlənib sərf ediləcək. Göbək-sirrə və sevincə, gizli işlərə də yozulur. Yuxuda göbəyinin iki olduğunu görən adam iki gözəl qadınla evlənəcək. Göbək, eyni zamanda, kişinin arvadı, oynaşı anlamına gəlir. Göbəyində çirklilik, fəna bir hal və ya ağrı hiss etmək-ərə (arvada) işarədir. Röya sahibinin ata-anası yoxdursa bu yuxu övladlarına yozulur. Göbəyinin ağrıdığını görən adam anasını və atasını itirəcək, yaxud da atasının olduğu şəhərdən uzaq düşəcəkdir. Qürbətdə bulunan bir kimsə bu cür yuxu görərsə, öz vətəninə dönəcəkdir.

GÖBƏLƏK-Yuxusunda göbələk görən adam bəzi yanlış təşəbbüslərə girişibdir.

GÖZ-Yuxuda kimsə gözlərini çəkmədən diqqətlə sizə baxırsa, yaxud da bir cüt sizə dikilərək ətrafınızda dolaşarsa, bu röya cavan oğlan üçün iş eşq həyatında onu izləyən qorxulu bir qəribin olduğunu göstərir. Röya sahibi orta yaşlı adamdırsa, işlərində və haqq-hesabında daha diqqətli hərəkət etməlidir. Gənc qadın belə yuxu görərsə, lovğalığı üzündən başqalarının məsxərəsinə məruz qalacaqdır. Yaşlı qadınlar üçn bu yuxu-onların dost-tanış və qohumları haqqında dedi-qodu yaydıqlarına işarə sayılır.

GÖZ QAPAĞI-Himayə və mühafizəyə yozulur. Göz qapağının kənrlarını çox gözəl və parlaq görmək-dininin gözəl və bütöv olmasına yozulur. Hər iki göz qapağının gözəlliyi və bəyazlığı-röya sahibinin başına, gözünə və qulaqlarına düşəcək xəstəliyi xəbər verir.

GÖZ YAŞI-Röyada görülən isti göz yaşı-qayğı və kədərə, soyuq göz yaşı-sevincə yozulur.

GÖZ MUNCUĞU (nəzərlik)-Röyada at nalı, göz muncuğu, uzərlik otu, göhnə ayaqqabı kimi bəd nəzərdən qorunmaq üçün istifadə olunan şeylər görmək-bir-birini izləyən xoş müjdəli xəbərlərə yozulur.

GÖZƏLLİK-Röyada çox gözəl əşya və geyimlər görmək-arzusunda olduğunuz bir çox əşya və paltarı satın almaq imkanı əldə edəcəksiniz.

GÖZƏTÇİ-Yuxuda gözətçi görmək-qüvvət və qüdrətin artacağını xəbər verir.

GÖZÜAÇIQ ADAM-Gözüaçıq, bacarıqlı bir adamı yuxuda görmək-hər hansı bir tasadan (təklükədən, narahatlıqdan) qurtularaq sevincə və nəşəyə qovuşacaqsınız.

GÖY (səma)-Röyada aydın və masmavi bir səma görmək-sonsuz sevinc və səadətə yozulur. Buludlu göy-hər hansı bir hadisə üzündən çox kədərlənəcəksiniz. Göy gurultusu eşitmək-ruhunuzu dərin kədər və iztirablar saracaqdır. Od kimi qızarmış səma-yaxın vaxtlarda həyatınızda mühüm dəyişiklər olacaqdır. Göyə çıxmaq-yüksək bir mövqeyə çatacaqsınız. Göy üzndən yerə düşmək-iş həyatında bir sarsıntı keçirəcəyinizə işarədir.

GÖY QURŞAĞI-Yuxuda göy qurşağı görmək-təşəbbüsündə bulunduğunuz bütün işlərdə müvəffəq olacaqsınız, arzu və əməlləriniz həyata keçəcəkdir. Göy qurşağında sarı rəngin görülməsi-xəstəliyə işarədir. Qırmızısı çox görünərsə-müharibə və qan tökülməsinə əlamətdir. Yaşılı çox görərsə-ucuzluq olacağına, bolluğa və bərəkətə yozulur. Göydən yerə doğru dik sallanmış və tamamilə qırmızı rəngli göy qurşağını müşahidə etmək-dövləyinizin, millətinizin şərəf və etibarı daha da yüksələcək, ailənizdə səadət, xoşbəxtlik hökm sürəcəkdir.

GÖYƏÇİN-Röyada bir və ya çoxlu göyərçin görmək-birisinə dərin bir eşq və məhəbbətlə baölanacaqsınız. Göyərçin bəsləmək-bir çox işlərdə yanılacaq və xətalara düşəcəksiniz. Göyərçinlərin uçduğunu görmək-sizin üçün döyünən bir qəlbin varlığını göstərir. Göyərçin öldürmək-fəna və qara xəbərə yozulur.

GÖYRÜŞ AĞACI-Yaxın adamlar bir toplantıya yığışacaq və mühüm qərarlar çıxaracaqlar.

GÖL-Röyada gölə girən adam hiylə ilə aldadılacaqdır.

GÖRÜŞ-Röayda görüş vəd etdiyiniz adamla gecikmədən, deyildiyi vaxtda görüşmək-sevincə və nəşəyə işarədir. Görüşə gecikərək dostunuzu gözlətmək-yeni bir kədərlə qarşılaşacaqsınız deməkdir.

GÖSTƏBƏK-Qara niyyətli bəzi adamların röya sahibinə qəsd hazırladığı anlamına gəlir.

GURULTU (hay-küy)-Yuxuda bir çox adamın hay-küyünü eşitmək, fəqət nə danışdıqlarını anlamamaq-röya sahibi cavan oğlandırsa, bir təklif alacaq, lakin o təklifin ətraflı götür-qoydan sonra qəbul edilməsi məsləhətdir. Orta yaşlı adam üçün bu yuxu-imzalamağa verilən hər sənədidiqqətlə incələməyin gərəkliyini göstərir, əks təqdirdə, davranışı onu özü üçün fəlakətli ola bilər. Gənc bir qadının bu cür yuxu görməsi-gəvəzəliyi üzündən məsxərəyə qoyulacağına işarədir. Yaşlı qadın üçün-dedi-qodu olacağını xbər verir.

GÜBRƏ (peyin)-Heyvan pisliyi xeyrə, var-dövlətə yozulur.

GÜZGÜ-Röyada güzgüyə baxmaq-yeni dostlar və yoldaşlar qazanacağınızı göstərir. Güzgünün sınması pis xəbər anlamındadır. Əgər güzgüdə heç nə görünmürsə, belə yuxu xəstəliyə yozulur.

GÜYÜM (bardaq)-Su güyümü-xidmətçiyə işarə sayılır. Güyüm suyla doludursa, çalışqan; boşdursa-tənbəl qulluqçu və uşağa yozulur.

GÜL-Röyada sevdiyiniz və qoxuladığınız gül çox yaxşı yuxu olub xeyrə yozulur. Birinin yuxuda gül toplaması-vaxtının boş keçəcəyinə, murad və məqsədinə çatacağına, çox xeyirli xəbərlər alıb sevinəcəyinə işarədir. Əgər gül mövsümü deyilsə, bu yuxu xəfif bir rahatsızlıq anlamına gəlir. Toplanan gülün rəngi qırmızı isə-qızıla; bəyaz isə-gümüşə; sarı isə-xəstəliyə əlamət sayılır.

GÜL-Hər kəs üçün pul və xoşbəxtlik müjdəsidir. Aşiq bir qadın röyada gül görmüşsə, sevdiyinə qovuşacaq.

GÜL DİBÇƏYİ-Röyada gül dibçəyi görən adam gözəl və cavan bir qızla evlənəcək; evlidirsə-qazancı bol olacaq.

GÜL YAĞI-Gülab kimi gözəl qoxulu gül yağı, yaxud gül suyu almaq, istifadə etmək-nemətə, fərəhə və xeyrə əlamət sayılır.

GÜL KƏLƏM-Alacağınızı çətinliklə də olsa, əldə edə biləcəyinizə işarədir.

GÜLMƏK-Səhər-səhər yuxudan gülərək oyanmaq-çoxlu pul və xoşbəxtliyin gələcəyini xəbər verir. Bir zarafata gülmək-sevincə, mala və zənginliyə qovuşmağa yozulur.

GÜMÜŞ-Röyada gümüş-toplanmış mala; pula çevrilmiş gümüş-bəyaz və çox gözəl bir qadına yozulur. Gümüş mədənindən gümüş çıxarmaq-röya sahibi bir qadınla hiyləgər oyun oynamaqdadır. Çıxarılan gümüş çoxdursa, bu yuxunu görən adam böyük bir dəfinəyə qovuşacaq. Biri yuxuda gümüş əritdiyini görərsə, arvadı ilə qovğa edərək dilə-dişə düşəcək. Gümüşdən düzəldilmiş bəzək-düzək şeyləri və bu cür əşyalarin yuxuda röya sahibinə verilməsi-qiymətli daş-qaş bir əmanət və ya ərmağan kimi onun ixtiyarına buraxılacaq. Gümüş güzgünün yozumu da eyni biçimdədir. Əgər güzgüyə baxılmışsa, yüksək bir məqam sahibindən röya sahibinə çirkin bir əməl toxunacaq, çünki gümüş aynaya baxmaqda xeyir yoxdur. Torpaq altında gümüş mədəninin içinə girərək xam maddə tapmaq-röya sahibinin arvadı onu aldadır və hiylə gəlir. Gümüş və qızıldan yapılmış tabaq və çanaqlar-ticarətə və cənnətə yozulur. Gözəl və qiymətli tabaqların pis tabaqlarla bərabər görülməsi-fəsada, yanlışlığa və röya sahibinin saplanıb qaldığı bir şübhəyə işarədir. Gümüşlə süslənmiş yəhər və qılınc-düşməni qaçırmağa, həsədçi və paxıl adamları qəhr etməyə, qələbəyə yozulur. Röyada kiməsə gümüş kasa və ya zərf içində gümüş pul verdiyini görən adamın yanında bəzi qiymətli mallar və daş-qaş əmanət kimi qoyulacaq. Gərək o, Allahdan qorxaraq həmin əmanəti sahibinə qaytarsın. Bu əmanəti başqa birisinə vermək-röya sahibi sirkərini o adama açacaq deməkdir.

GÜNDILİK QAZANC (muzd)-Röyada birisinə gördüyü işin müqabilində muzd ödəmək-xetirxahlığa; bir iş görüb əvəzində haqqını almaq isə-qazancınızın düzələcəyinə yozulur.

GÜNDÜZ-Röyada gündüz olduğunu görmək-hər dürlü qayğı və tasadan qurtuluşa, əyin-başı təzələməyə, gözəl bir işə, sevimli övlada, işlərin aşıqlığına, gizli və qapalı şeyləri kəşf edib aydınlaşdırmağa, zindandan azad olmağa, qürbətdə olan adamın qayıdışına, uğura yozulur.

GÜNƏŞ-Röyada görülən parlaq və qaynar günəş-böyük hökmdar və xəlifə, möhtərəm bir ata, qızıl, yüksək çinli komandir, yaxud gözəl qadın anlamına gəlir. Özünü günəşə döndüyünü görmək-röya sahibi günəşin işıq və parlaqlığı qədər böyük bir mülk sahibi olacaq. Özünü günəşə yapışan, ilişən görmək-bir mövqeyə yetişəcək və ya yardımçılardan xeyir görəcəkdir. Zəncirdən sallaşaraq günəşə çatmaq-bir vilayətə vali təyin ediləcək və oranı ədalətlə idarə edəcəksiniz. Günəşə yaxın olmaq-hökumətdən mal, nemət və yardım alacaqsınız. Gündoğandan günbatana qədər bütün yer üzünün günəşinn işığına, nuruna boyandığını görmək-röya sahibi öz işinin ustasıdırsa, şöhrəti dünyanın hər yerində yayılacaqdır. Röyada günəşdən güc-qüvvət almaq-böyük hökmdar və hökumətdən qüvvət və qüdrət almağa yozulur. Əgər röya sahibi ordunun baş komandiridirsə, hökumətin himayəsində keçinəcəkdir. Sadə xalq nümayəndəsi üçün bu röya-bol ruziyə və halal mala işarə sayılır. Qadın üçün-ərindən sevindirici bir ərmağan alacağına yozulur. Gün işığının öz evinə düşdüyünü görən kişi evlənəcək; qadın isə böyük bir sərvətə qovuşacaqdır. Əgər bu röyanı görən tacirdirsə, alış-verişındə çoxlu qazanc əldə edəcəkdir. Gün işığı-hökmdar və ya padşahın böyüklüyü və adilliyi deməkdir. Günəşlə danışdığını görən adam hökumət tərəfindən yüksək bir məqama qaldırılacaq. Ayın danışması da belə yozulur. Günəşin bir yürdə çıxıb başqa yerdə batdığını görmək-röya sahibi hərbi işdədirsə, orda o, əziz və möhtərəm adam kimi seviləcək. Hərbdə deyilsə-bir bilgi və sənət sahəsində uğur qazanacaqdır. Günəşi başının üstündə görmək-bu yuxunu görən böyük bir qulluğa və ya hədsiz sərvətə nail olacaqdır. Ayaqları üstünə gün işığını düşdüyünü görmək-meyvə və taxıl məhsullarının çoxluğuna, yaşayışının bərəkətli olacağına yozulur. Gün işığının paltarı üstünə düşdüyünü görmək-bilinməyən bir xəstəliyə tutulacaqsınız. Gün işığının sinəsi üstünə düşdüyünü görmək-xəstəliyə işarədir. Bir qadın günəşin boyunbağından girib ətəyindən çıxdığını görərsə, o, bir hökmdar və ya dövlət başçısı ilə evlənəcəkdir. Qarnının yarılıb oraya günəşin yeridiyini görmək-yuxu görən vəfat edəcəkdir. Günəşi öz ölkəsinin səmasında parlaq və yanar görmək-röya sahibi qonaqdırsa, sağ-salamat öz yurduna dönəcəkdir. Günəşin güneydən bütövlükdə doğduğunu və onu bir hissəsini də batan görmək-xeyrə dəlil sayılır. Orda yaşayanların səfalı və xoş ömür sürdüklərinə işarədir. Günəşi udmaq-qayğıya, kədərə yozulur. Günəşin üstündə oturmaq-nemətə və səmadan enəcək bərəkətə əlamətdir. Günəşin qərbdən doğduğunu və şərqdə batdığını görməkxeyrə və ürəkdən davranışlara işarə sayılır. Bundan başqa, günəş röyada oğlan uşağını doğulmasına, kölələrin azad edilməsinə, insan sevincinə, səfərdəkilərin qayıdışına da yozula bilir. Günəşi qaranlıq görmək-pis və çirkin yuxu hesab edilir. Günəşin bağ-bostanı yaxdığını görmək-vəba xəstəliyinə, zülmə, ərzağın qiymətinin artacağına, bahaçılığa yozulur. Gün işığının yorğan-döşəyə düşdüyünü görmək-şiddətli bir xəstəliyə işarədir. Ay, günəş və ulduzları görmək-Yusif əleyhissəlamın ünlü hekayəsinə görə, bəlaya uğramağa, zindana düşməyə, həsədə, paxıllığa məruz qalmağa, ən sonda isə mülk və səltənət sahibi olmağa yozulur.

GÜRZƏ-Xeyrə yozulmaz, düşmənlərinizin sizin üçün bir qəsd hazırladığını göstərir. Diqqətli davranmanız gərəkdir.

HABİL-Habil Adəm əleyhissəlamın oğlu olub, qardaşı Qabil tərəfindən Şamda, Cebel Fasyon deyilən yerdə, bir mağara öldürülmüşdür. Röyada Habili görmək-yuxu sahibinə həsəd və kin bəslənəcəyinə, düşməndən ona bir pislik və bədbaxlıq yetişəcəyinə yozulur. Bəzən də adam suçsuz yerə öldürülür, yaxud zalım bir kimsədən ona zərər toxunur. Habili yuxuda görmək, eyni zamanda, Allah-təalaya itaət etmək kimi yozulur, lakin röya sahibinin dost deyə tanıdıqlarından çəkinməsi, çox diqqətli olması gərəkdir.

HAYQIRMAQ-Röyada bir topluluğa hayqırdığını görən adam sərvətə qovuşacaq, baxtı açılacaq. Röyada hayqırmaq-bir fitnəni, ya da xəstəliyi ifadə edir. Yuxuda yalqızca, təkcə bağıran adamın çılğınlığı get-gedə sozalar, qüvvəti zəifləyər.

HAZIRCAVABLIQ-Röyada hazırcavablıq etmək və ya hazırcavab bir adamın söhbətini dinləmək-xeyir xəbər alacağınıza işarə sayılır.

HAVA-Açıq və sakit havada gəzmək-hər kəsin dostluğunu, sayğısını qazanaraq düşmənlə də dost olmağa, itmiş bir əşyanın tapılacağına, işlərin qaydasında getməsinə işarədir. Yuxuda buludlu, sıxıntılı və dumanlı hava görmək-qayğıya, sıxıntıya və ələmə yozulur. İlk baharın ilıq havasını görmək-rahatlığa, yaxşı yaşamağa, bütün işlərdə ağıllı hərəkət edərək uğurlar qazanmağa əlamətdir. Röyada yer ilə göy arasında ayaq üstə durduğunu görmək-hökmdar tərəfindən qısa sürən şərəf və etibara layiq görüləcəksiniz. Yuxuda açıq hav şəraitində torpaq üzərində gəzdiyini görən adam böyük şərəf və halal mal sahibi olacaq. Yalanşı və təkəbbürlü adamın belə yuxu görməsi heç bir məna ifadə eləmir. Özünü yerlə göy arasında görən kimsənin qəlbi doludur, lakin nə iş görəcəyini bilmir. Röyada havadan yerə düşdüyünü görən adamvəzifəsindən, rütbəsindən məhrum olacaq, əgər vəzifə adamı deyilsə, istədiyinə nail ola bilməyəcəkdir. Havanı saf və bərraq (açıq, şəffaf) görmək-aydın havaya ehtiyac bulunduğundan səfərə çıxmağa hazırlaşan adam üçün bu röya xeyrə yozulmur. Hava insan istəkləri olaraq yozulur. Özünü göylə yer arsında ayaq üstə durub danışan görmək-xeyrə, xoşbəxtliyə, var-dövlətə yozulur. Açıq havada bina tikmək, yaxud çadıq qurmaq-röya sahibi xəstədirsə, bu yuxunun mənası onun ölümünə işarədir. Röya sahibi dənizdədirsə, o gəmi batacaq. Havada uçmaq-dənizdə vəya quruda səyahətə çıxmağa işarədir. Havada qanadlanıb uçduğunu görən adam bu röya qüvvətli və açıq şeyi ifadə edir, bəzən də alacağı mala və sərmayəyə, sayəsində səfərə çıxacaq hökmdara, gəmisinin yeni və möhkəm olduğuna işarə sayılır. Havada qanadsız uçduğunu görmək-quruda və dənizdə səyahət anlamındadır. Göy üzü görünməyəcək dərəcədə hava qaranlıq görünərsə-röya sahibinin başqanla və ya öz rəhbəriylə arası pozulacaq. Rəhəbəri və ya başqanı yoxsa-gözləri kor olacaq.

HAKİM-Bir hakimi haqsızlıq və zülm edən görmək-o şəhər əhalisinin ölçüdə-çəkidə bir-birilərini aldatdığını, düzgünlüyün gözlənmədiyini göstərir. Şikayətlə hakimə müraciət etmək və hakimi bu şikayəti ədalətlə, insafla yoluna qoyması-röya sahibi düşməndən haqqını tamamilə ala biləcəkdir. Bu röyanı görən zərərdədirsə, yaxud məğlub olandırsa-üzüntülərinə son qoyulacaq. əgər hakim ədalətli qərar çıxarmazsa, röya sahibi düşmənindən haqqını tamamilə ala bilməyəcəkdir. Röyada özünü hakim və ya namuslu bir bilgin (alim) donunda görmək-şöhrətə, bərəkətə, xoşbəxtliyə qovuşacaqsınız. Müsafir bu cür yuxu görərsə, yolu bağlanacaq. Röyada hakimin üzünü xoşbəxt və gülər görmək-şikayət və tələbiniz xoş sonluqla bitəcəkdir. Hakimin oturduğu yeri, onun kürsüsünü görmək-fəryad və fəğana, düşmənçiliyə işarədir. Bu röyanı görən xəstənin ağrıları şiddərlənəcək. Xəstə adam hakimi onun xeyrinə hökm çıxaran görərsə, bu yuxu onu n vəfat edəcəyinə işarə sayılır. Bəzən hakim həkim kimi də yozulur.

HALVA-Röyada halva görmək-məhbusun qurtuluşuna, səfərdəki adamın sağ-salamat geri döməcəyinə, xəstənin şəfa bulacağına, subayların evlənəcəyinə, təzə doğulmuş övlada, yaxşı qulluqçulara, halal ruziyə yozulur.

HAMAM-Röyada görülən hamam və hamam sobası-qayğıya, tasaya işarədir. Hamama girmək, hamamda olmaq da sıxıntı anlamlndadır. Hamamda yuyumub yaxalanmaq-borcdan qurtarmaqdır. Suyun istiliyi-xəstəliyə, tabsızlığa;ilıq su-sağlamlığa, işlərin öz qaydasınca getməsinə yozulur.

HAMİLƏLİK (uşağa qalmaq)-Yuxuda özünün və ya başqasının hamilə olduğunu görən qadın gühan iş tutacaq. Qız xeylağı belə yuxu görərsə-haqqında dedi-qodular çıxacaqdır. Yuxuda doğmaq-günahlardan və hər cür pisliklərdən sıyrılıb təmizlənməyə yozulur.

HARUN ƏLEYHİSSƏLAM-Röyada Harun peyğəmbəri görən adambir kimsəyə vəkillik edəcək, onun ucbatından başı müsibət və bəla çəkəcək, lakin sonunda xeyrə qovuşacaqdır. Yaxud qəddar və zalım adamlar onun qarşısında qəhr olacaqdır. Səfərə çıxmaq istəyənlər üççn yuxuda Harun peyğəmbəri görmək-qələbəyə, bol ruziyə yozulur.

HAFİZ (Qur`anı əzbərdən bilən adam)-Röyada bir hafizi Qur`an oxuyarkən görən adam muradına çatacaq deməkdir.

HACI OLMAQ-Röyada özünü hacı olmuş görmək-əlinizə böyük miqdarda pul keçəcəyinə, yaxud isti məmələkətlərə səyahətə çıxacağınıza yozulur.

HEBƏ-İki qardaşa, ər-arvada, iki uşağa və ya iki günüyə işarədir. Bir kimsə yanında heybə olduğunu, heybə satın aldığını və ya ona heybə hədiyyə edildiyini görərsə, bu yuxu-səfəri, üzüntü və kədərədn uzaqlaşmağı ifadə edir.

HEYVA-Yuxuda heyva görməyin çeşidli yozumları var. Başlıca yozumlar bunalrdır: xəstəlikdən, şəfa tapmaq, səfərə çıxmaq, doğum, işdə uğur, yeni dostlar, qazanc.

HEYVAN QIRXMAQ-Röyada heyvan qırxan adam görmək-pisliyə, düşmənçiliyə, israfa işarədir.

HEYKƏL-Qara-qorxudan qurtulmağa, düşmənə qalib gəlməyə, övlada, həyat yoldaşına və mənfəətə işarə sayılır. Röyada xristian kilsəsində heykəl görmək-İncili ifadə edir.

HEYRANLIQ-Yuxuda hamının sizə heyran olduğunu və ya heyranlıqla sizdən danışdığını görmək-sevgilinizin, əgər sevgiliniz yoxsa, həyatda özünüzə ən yaxın bildiyiniz bir kimsənin sizə gerşəkdən sadiq və səmimi olaraq bağlı olduğu anlamına gəlir.

HEYRƏT ETMƏK-Yuxuda heyrətlənmək, yaxud şaşırdıcı bir duruma düşmək-anadangəlmə sahib olduğunuz yetənək və məziyyətlər sayəsində hər cür çətin durumdan çıxa biləcəyinizi göstərir.

HEKAYƏÇİ (nağılçı)-Gecələr, xüsusən də qış günlərində dastan və hekayətlər söyləyən birisini yuxuda görmək-tərbiyə və ədəbə dəvət etməklə insanları bir-biriylə barışdıran adama işarədir.

HEROQLİF YAZISI-Röyada əski misirlilərin heroqlif yazılarını görmək-bütün hərəkətləriniz normal və məntiqli olduğuna, təbiət qanunlarına zidd heç bir davranışda bulunmadığınıza işarədir.

HESAB (haqq-hesab kağızı)-Hər hansı bir yerdən haqq hesab kağızı almaq, ödəmək, yaxud bu səbəbdən üzülmək-gənc oğlan üçün-unudulub getmiş üzüntülərin təkrar meydana çıxmasına; yaşlı adam üçün-yaxınlarından birinin itgisinə; gənc qız üçün yoxsul birisiylə evlənməyə; qadın üçün-puldan korluq çəkəcəyinə yozulur.

HƏBƏŞ-Yuxuda həbəş, efiopiyalı görmək-bəzi xoşagəlməz xəbərlər alacağınıza yozulur.

HƏBS-Röyada həbs olunduğunu görmək-çevrənizin düşmənlər tərəfindən fəna halda sarıldığına və diqqətli olmağın gərəkliyinə işarədir. Həbsxana yuxusu isə xoş xəbər müjdəçisi kimi yozulur.

HƏVƏNGDƏSTƏ-Həyata keçməyi mümkün olmayan işlərə yozulur. Eyni zamanda, şərəf və ucalığı, oxuyan uçağı, sadist qadınları, musiqiçiləri, yaxud da çox danışan gəvəzə xidmətçini ifadə edir.

HƏDİYYƏ-Sərvət dəyişikliyinə işarədir. Tanıdığınız kiçik bir uşaqdan hədiyyə almaq-fitnə və fəsada; hədiyyə vermək-sıxıntı və pisliyə yozulur. Hədiyyə-fərəh və rahatlıq işarədir. Hədiyyə-sevgi rəmzidir. Hədiyyə-birisiylə evlənmək üçün anlaşma baxımından ən gözəl sevgiyə işarədir. Yuxuda sizə bir tabaq təzə meyvə göndərilərsə-qızınıza adaxlı tapılaçaq, qızınız yoxsa-hədiyyə göndərən adamla aranızda yaranacaq sevgiyə, səmimiyyətə işarə sayılır.

HƏDİS-Röyada hədisi-şərif oxumaq-islam baxımından çox böyük xeyrə, axirətdə Həzrəti Peyğəmbər əfəndimizin himayəsinə qovuşacağına dəlil olaraq qəbul edilir.

HƏZM (sinirmək)-Yuxuda yediyiniz yeməyi həzm etmək, sinirmək-sənətinizdə diqqətli və çalışqansınız. Yeməyi tamam sinirmək-hər cür qorxudan qurtarmağa və hər işdə nəşəli və sevincli olmağa yozulur.

HƏKİM-Röyada xəstənin evinə həkim gəldiyini görmək-o xəstənin yaxşılaşacağı, lakin röya sahibinin xəstələnəcəyi şəklində yozulur.

HƏLLAC (pambıq əyirən)-Röyada həllac görənin işi daima yoldadır.

HƏMAYİL (tilsim)-Röyada boynunuzdan bir həmayil asıldığını görmək-xeyir xəbər eşidəcəksiniz.

HƏRARƏT (istilik)-Nəşəli və sevincli adamların röyada hiss etdikləri hərarət, zəiflik zəbunluq kimi hallar onların rəqibləriylə danışmağa, bəhsləşmədə zəifliyinə və qorxaqlığına; çətinlik və sıxıntı içində olanların isə rahatlığına dəlalət edir.

HƏRƏMXANA-Röyada özünün hərəmxanada olduğunu və ya hərəmxana qurduğunu görən qadın, yaxud kişi ailə həyatında xoşbəxt olmayacaqdır. Belə röya görənlər həm özlərini, həm başqalarını bədbəxt etməmək üçün yüz ölçüb-bir biçməli, sonra evlənməyə qərar verməlidir.

HƏSƏD-Röyada birinə var-dövləti, dostları, sosial durumu, xoşbəxtliyi və ya hər hansı bir səbəbdən dolayı həsədlə baxmaq-tam tərsinə yozulur, yəni o röyanı görən adamlayaradılış etibarı ilə, zərrə qədər də olsa, həsəd deyilən hiss yoxdur və yuxuda həsədlə baxdığı şeylər onun özündə də artıqlamasıyla mövcuddur.

HƏSİR-Peşmanlıq gətirəcək bir davranışa işarə sayılır.

HƏCC-Röyada həccə getmək-iş və ya məmuriyyət həyatında böyük irəliləyişlər qazanacağınıza, yoxsulsunuzsa-zəngin olacağınıza, zənginsinizsə-sərvətinizin daha da artacağına işarədir. Həccə getmək istədiyiniz halda, buna müvəffəq olmamaq-əməl və arzularınıza uzun müddət nail ola bilməyəcəksiniz deməkdir.

HƏŞƏRAT-Həşərat görmək yaxşı yuxulardan sayılmır. Qarışqa-gəvəzə və çox gəzən adamlardan toxunacaq xətəri; arı-yüksək və zəngin dostlardan birinin qaba davranışını; ağcaqanad-amansız bir düşməni göstərir. Eşşəkarısı da bu cür yozulur. At çibini-saxtakar bir yoldaşa işarədir. Digər milçək bə böcəklər də yaxşı şeyə əlamət hesab olunmur. Kəpənək-abdal və saf qəlbli dost-yoldaş kimi yozulur.

HƏŞİŞ ÇƏKMƏK-Xeyrə yozulmayan röyalardandır.

HİDDƏT-Yuxuda hiddətlənmək-süründürülən bir işin sona yetəcəyini xəbər verir.

HİYLƏ-Röyada hiyləyə uğramaq və ya hiyləgər bir adamla qarşılaşmaq-aldanmamaq üçün öz işlərinizdə daha diqqətli olmanız gərəkdir. Yuxuda bir başqasına hiylə gəlmək-röya sahibi şübhə etdiyi bir dostu tərəfindən aldadılacaq və ya söz qandırılıb yoldan çıxarılacaqdır.

HİMAYƏ-Röyada birisini himayə etmək-bir qadının sevgisini qazanacaq və ya mirasa qovuşacaqdır.

HİND QUŞU-Hind quşunu satın və ya hədiyyə olaraq almaq-çox xeyirli yuxudur. Bir müddət hər işdə bəxtinizin gətirəcəyinə yozulur. Hinduşka yemək, hinduşka qonaqlığında bulumaq yaxşı yuxu hesab edilmir, iş həyatında ümidsizliyə uğramaq kimi mənalandırılır.

HİND CEVİZİ-Hind cevizinin ağacını röyada görmək-uzaqdan bir xəbər alacaqsınız. Hind cevizi almaq-cəsarətlə hərəkət etdiyiniz bir işdəuğursuzluğa uğrayacaqsınız. Hind cevizindən hazırlanmış şirin əzmə yemək-fırıldaqla, əyri yolla pul əldə etməyə yozulur.

HİNDU-Həyatınızda bir dəfə də olsa, Şərqə səyahətə çıxacağınıza işarədir.

HİPNOZÇULUQ-Röyada bir hipnoz nömrəsini və ya özünüzün hipnoz edildiyinizi görmək-başınıza çeşidli işlər gələcək və bunlar sizi çaşdıracaq, çətin durumlara salacaqdır. Hörmətdən düşə və etibarınızı itirə bilərsiniz.

HİRS (qəzəb)-Röyada hirslənmək-yaxınlaşmaqda olan bir üzüntünü səssiz-səmirsiz aradan qaldıra biləcəksiniz.

HIRXA (arxalıq)-Yuxuda hırxa (arxalıq) geymək-işlərinizdə irəliləyişə nail olacaqsınız.

HOVUZ-Röyada içi suyla dolu gözəl bir hovuz görmək-əlinizə böyük miqdarda pul gələcək və bununla daha da varlıqlı bir ömür sürəcəksiniz. Şəklinin hovuzda əks olunması-evli olmayan qadın və ya kişi üçün bu röya ailələrinin qəbul etməyəcəyi bir izdivaca yozulur. Röya sahibi evli isə, həyat yoldaşı başqsı ilə eşq macərasındadır. Hovuzun suyu soğulmuşsa-son ümidin də boşa çıxacağını göstərir.Hovuzun üstünü çiçəklərlə bəzənmiş və süslü görmək-qara-qorxudan qurtulmağa işarədir. Hovuzda qırmızı balıq üzdüyünü görmək-xarici səfərə yozulur.

HOQQABAZ-Röyada heyrətamiz nömrələr göstərən hoqqabaz görmək-bədniyyət və məlun düşüncəli düşmənlərinizi alt-üst edəcəyinizi göstərir.

HÖKM-Məhkəmədə mühakimə olunduğunu yuxuda görmək-bir çox faydalı biliklər əldə edərək qüvvtlənəcəyinizi göstərir. Öz günahı ucbatından məhkum olunmuş bir adam görəmək-röya sahibi dost bildiyi bədniyyət birisinin üzündən üzüntüyə və əzablara düşəcəkdir.

HÖKMDAR-Bu yuxu hökmdarın görünüş şəklinə görə yozulur. Əgər hökmdar gülərüzlü isə xeyrə və mənfəətə; hirsli və qaraqabaqdırsa-zərərə və şərə işarə sayılır. Hökmdarı at üstündə görmək-şan-şöhrətinizin artacağını xəbər verir.

HÖRÜMÇƏK-Yuxuda hörümçək görmək-asi bir qadına işarədir. Hörümçək-hiyləgər, zəif və tənbəl bir adam anlamındadır.

HÖRÜMÇƏK TORU-Röyada hörümçək toru görmək-cavan oğlan üçün bu yuxu-onun bütün işlərini alt-üst edən düşmənə və bu düşməni axtarıb-öyrənmədən işlərinin düz gətirməyəcəyinə yozulur. Yetgin yaşda kişilər üçün bu röya-uğura; adınlar üçün-bir qəribinin sevgilisiylə arasını vuracağına; yaşlı qadınlar üçün-maliyyə-pul baxımından sıxıntılı duruma düşəcəyinə işarə sayılır.

HÜZN-Röyada məhzun olmaq, qəm-qüssə çəkmək-günahları üçün tövbəyə və ya eşqə yozulur.

HÜRKMƏK (qorxmaq)-Mədə rahatsızlığına yozulur.

HÜCRƏ-Röyada bir həbsxana hücrəsi görmək-tək-tənha və səssiz bir həyat sürəcəyinizə işarədir. Həbsxanada olanlar üçün bu röya-səbirli olduqları təqdirdə onların yaxın zamanlarda azadlığa çıxacağını göstərir.

HÜCUM ETMƏK-Bir adamın yuxuda düşmənindən qaçdıqdan sonra dönüb ona hücum etməsi-röya sahibinin düşmənlərinə qalib gələcəyini göstərir. Başqa yozumlara görə, bu yuxu-peşmanlığa, tövbəyə və xeyrə də yozula bilir.

XADİMƏ – Sərbəst ticarətdə xoş tale sahibi olacaqsınız.

XAKİ RƏNG – Röyada xaki rəng görmək – yuxu sahibi oğlandırsa əsgərliyə gedəəcək, gənc qız isə ərə gedib ailə quracaqdır.

ardı yaxın zamanlarda əlavə olunacaq ……….

İANƏ-Röyada birinə ianə verildiyini görmək-röya sahibinin sağalmaz bir xəstəliyə tutulmaq ehtimalı var. Bu cür yuxu görən adamın tezliklə həkim müalicəsindən keçməsi, onun sağlamlığı baxımından çox yararlı ola bilər.

İAŞƏ-Röyada iaşə işləriylə məşğul olduğunu görmək-qəza və bəlanın sizdən yan keçəcəyinə, Tanrının sevimli qulu olmağa namizəd bulunduğunuza yozulur.

İBADƏT LİBASI-Röyada həcc zamanı ibadət libasının geyilməsi-xeyirli və müqəddəs bir xəbər alacağınıza yozulur.

İBADƏTXANA-Yaxın vaxtlarda xeyirlə nəticələnəcək bir səyahətə çıxacaqsınız.

İBRAHİM ƏLEYHİSSƏLAM-Böyük peyğəmbərlərdən İbrahim əleyhissəlamı yuxuda görmək-Allah-təalanın mərhəmətinə nail olmaq deməkdir. Bu böyük peyğəmbəri röyasında görənin üzünə bütün rəhmət qapıları açılacaq və həyatı xoşluqla keçəcəkdir.

İDARƏ (iş yeri)-Bir idarəni, müəssisəni, dəftərxananı, ümumiyyətlə iş yerini yuxuda görmək-yaxşı bir iş təklifi alacaqsınız.

İDEAL-Röyada bir idealın müsbət nəticə verdiyini görmək-nəqliyyat qəzasının xəbərçisi olaraq qəbul edilir.

İDEALİST-İdealist bir adamı yuxuda görmək-yoldaşlarınız arasında şərəf və etibarınız artacaq, əlinizə çoxlu pul gələcəkdir.

İDRİS ƏLEYHİSSƏLAM-İdris peyğəmbəri yuxuda görmək-röya sahibinin işləri düzələcək, biliyi artacaq, xalq onu çox sevəcək, evində əmin-amanlıq və xoşbəxtlik hökm sürəcək. Bu röyanı görən ibadət və inanc sahibidir.

İY-Qadın yuxuda iyə ilişdiyini görərsə və evlidirsə, qızı olacaq, ya da bacısı dünyaya gələcək. İyə dolanan ip tağalağının kəsildiyini görmək-röya sahibi səfər üstədirsə, bu işdən vaz geçəcəkdir. İp əyirmək-qəriblikdə yad bir adamdan yardım istəməyə yozulur. Yuxuda iy görmək-səfərə çıxmağa və yuk daşıyan bir minik heyvanına da əlamət sayılır. Polad iy də eyni şəkildə yozulur.

İYDƏ-İydə ağacı-iş həyatında bir uğursuzluğa yozulur. Bu cür röyalar eşq və mənəvi həyatınızda gözlənilməz və qeyri-adi gəliılər olacağına da yozula bilər.

İYNƏ-Röyada iynə görmək-həyatda çox yorulmuş olduğunuza və səhhətinizə diqqət yetirməyin gərəkliyinə işarədir. Subay adam iynə görərsə-evlənəcək, kasıb isə iqtisadi durumunu yaxşılaşdıracaqdır. İynənin üzərundə sap da varsa və röya sahibi hər hansı bir söküyü, yaxud paltarını tikirsə-o, hər muradına, istəyinə yetişəcəkdir. İynənin qırıldığını görmək-yuxu görənin halı pisləşəcək, işləri pozulacaq. Röyada əlində çuvalduz olduğunu görənin arvadı hamilədirsə-qız olacaq, hamilə deyilsə səfərə çıxacaq. Yuxuda iynə yediyini görən adam bir nəfərə sirrini açacaq və bundan zərər çəkəcək. Kiməsə iynə batırıldığını görən şəxs o adamı pisləyəcək. Röyada bir neçə iynə görmək də eyni cür yozulur.

İZ-Röyada bir izi tutub getmək-sirləri açmağı, gizli şeylərin üzə çıxmasını, elm yolunda getməyi ifadə edir. İzciliklə, bələdçiliklə ilgili yuxular güvənilən bir dostla qısa bir səfərə çıxılacağına yozulur.

İLAN-Röyada ilan-çox təhlükəli və hiyləgər bir düşmənlə qarşılaşmağa yozulur. İlanın üstünüzə hücum çəkməsi-düşməniniz sizi qəfildən vurmaq üçün fürsət gözləyir.

İLAN BALIĞI-Qısqanclıq əlaməti kimi açıqlanır.

İLAHİ VARLIQLAR-Röyada mələk, övliya kimi müqəddəs varlıqların görülməsi həmişə xeyrə yozulur.

İLBİZ-Röyada ilbiz-yavaş-yavaş da olsa, işlərinizdə uğur qazanacağınıza, qarşılıqlı sevgiyə, əlinizə çoxlu sərvət imkanı düşəcəyinə, xoşbəxt olacağınıza yozulur.

İLĞIM-Röyada ilğım-mümkün olmayan, nəticəsiz qalacaq boş bir işə işarə olyb, ümid olunan işin başa gələmyəcəyinə, arzuların boşa çıxacağına yozulur. İlğım-ayrılıq, dində küfr, dünya ziynətlərinə meyl və rəğbət, arzu və təmənna, əl yetməyən bir şeyə ümid bağlamaq deməkdir. Müxtəlif yozumlara görə, yuxuda ilğım görmək-əsli olmayan xəbərlərə və ya yalançı şahidliyə də işarə sayılır.

İLDIRIM-Röyada evə ildırım düşdüyünü gormək-əzab, xəstəlik, ölüm anlamındadır. Bir adamı ildırım vurması-o adam haqqında yalan xəbərləri və xoşağəlməz söz-söhbəti ifadə edir. Düşdüyü yerdə ildırımın bir şeyi vurması-o bölgədə olacaq fitnə-fəsada və din baxımından ödənməsi lazım gələn borca, tövbəyə işarədir.

İLİK-Sümük içində olan iliyi yuxuda görmək-gömülü (gizlin saxlanan) şeylərə və miras olaraq qalan taxıla işarədir. Öz sümüyünün içində ilik olduğunu görmək-röya sahibinin torpağa göməcəyi mala yozulur. Yuxu görən xəstədirsə, xəstəlikdən qurtilib ayağa duracaqdır.

İLYAS PEYĞƏMBƏR-Röyada İlyas peyğəmbəri görmək-bir xəstəliyin sona yetəcəyinə, şad xəbərə, arzuların gerçəkləşəcəyinə, xoşbəxtliyə yozulur.

İLK BAHAR-Röyada yaz mövsümü görmək-xeyrə əlamət sayılır. Bolluq və bərəkət anlamına gəlir.

İMAM-Yuxuda imam görənin mərtəbə və məqamı yuksələcək, şöhrət sahibi olacaq. İmamın minbərə çıxdığını görmək-röya sahibini bacarığı varsa, böyük bir məqama şatacaq. Xəstə və qayğılı bir adam belə yuxu görərsə, yaxşılaşacaq, tezliklə xəstəliyi keçəcək.

İMARƏT-Röyada əski zamanlarla bağlı bir imarət görmək-röya sahibinin mənəvi baxımdan böyük bir ucalığa yüksələcəyini göstərir.

İMDAD-Röyada birisindən imdad istəmək-işlərin pisləşəcəyinə işarədir. İmdad istəyənə yardım etmək isə doğum, ya da evlilik xəbəri sayılır.

İMZA-Röyada imza atmaq-xeyirli bir yuxu olaraq yozulur. Bu cür röya görən adam qısa müddət ərzində düşdüyü sıxıntıdan qurtulacaq, əmin-amanlığa qovuşacaqdır.

İMPERATOR-Yuxusunda imperator görənin bəxti açılacaq, lotoreya, sport-loto kimi oyunlardan böyük miqdarda pul qazanacaqdır.

İMTAHAN-Çeşidli yozumlarla açıqlanır. Belə ki: İmtahandan uğurla çıxmaq-bir sıxıntıdan qurtulmaqdır. İmtahanda uğursuzluq-qəfil xoş xəbərdir. İmtahan etmək-qəfil bəd xəbərə işarədir. İmtahan məsuliyyəti-eşqə düşməkdir. İmtahan qorxusu-yeni bir işə girişməyin başlanğıcındasınız.

İNAD (inadcıllıq)-İnadkarlıqla ilgili yuxular röya sahibinin işlərində böyük uğur qazanacağı şəklində yozulur.

İNQİLAB-Röyada inqilab görən adam özünü psixiatr həkimə göstərməli, sağlamlığı qayğısına qalmalıdır.

İNƏK-Yuxuda inək-bolluq və bərəkət anlamına gəlir. Belə yuxu görən adamın əlinə bolluca pul gələcəkdir. Ancaq inəyin sağılığını röyada görmək-pul xərcinə, pul itgisinə yozulur.

İNGİLİS-Şərqin röya təbirçiləri yuxuda ingilis görməyi son dərəcə pis yuxu kimi yozurlar. Röyada ingilis görmək-gözləmədiyiniz bir adamdan xəyanət görəcək, ya da iftiraya məruz qalacaqsınız.

İNSAN-Tanımadığınız və anşırda bilmədiyiniz bir insanı yuxuda görmək-etrəsi gün xeyirli bir xəbər, ya da məktub alacaqsınız.

İNTİHAR-İntihar ilə ilgili yuxular aşağıdakı kimi yozulur: İntihar etmək-cavanlığınız sıxıntılı, yaşlı çağlarınız isə rahatlıq içində keçəcəkdir. İntihar edəni yuxuda görmək-üzüntülü bir xəbərdir. İntihar təşəbbüsündə olmaq-bir eşq xəbərçısı olaraq yozulur.

İNCƏ (zərif) BUDAQ-Ər-arvad arasında lüzumsuz yerə narazılıq olacaq, fəqət bu narazılıq qısa müddət içində aradan qaldırılacaqdır.

İNCƏLMƏK (zəifləmək)-Röyada özünü incələn, zəifləyən görmək-xeyrə əlamətdir. Yuxuda zəifləmək-taleyinizin açılacağına və giriçdiyiniz işdən böyük qazanc əldə edəcəyinizə işarədir.

İNCİ (mirvari)-Röyada sapa düzülmüş inci görmək-Qur`anı, elmi, oğlan övladı, yaxud kölələri ifadə edir. İnci dəldiyini görmək-Qur`ani-Kərimi haqq və səvab üzrə təfsir etməyə; inci udmaq və ya satmaq-Qur`anı unutmağa işarədir. İnci-bigi anlamına gəlir. İnci almaq-elm, fəzilət sahibi olmaq və xalq tərəfindən sevilmək deməkdir. Ağzına inci soxmaq-röya sahibinin dininin gözəl olduğuna yozulur. Ağzından inci, dürr tökmək, camaatın və ya röya sahibinin özünün bu inciləri toplaması-yuxu görənin bir çox hikmətamiz hekayətlər anlatmaqla xalqa xidmət etməsini və nəsihətdə bulunmasını, xalqın bundan yararlandığını bildirir. Röyada sizə inci bağışlanarsa, öz qohumlarınızdan inci kimi zərif bir qız alacaqsınız. Yuxuda inci sahibi olduğunu görən adam evlənəcək. Bir kimsənin röyasında əlamət bir inci alması-ömrü çox qısa bir cocuğu olacağını xəbər verir. Dəniz və ya çaydan çoxlu inci çıxarmaq, qutulara yerləşdirmək-röya sahibi dövlət xəzinələrindən, yaxud o çayın sahibi olan kimsənin malından halal sərvətə qovuşacaqdır. Çoxlu inci görülməsi-xidmətçilərə və böyük mirasa yozulur. Röyada görülən inci axan göz yaşı da sayıla bilir. Böyük bir inci dənəsini yuxuda görmək-hamilə qadın üçün bu yuxu oğlu olacağına yozulur. İnci çeynəmək-riyakarlığa, inci qusmaq-hiyləgərliyə əlamətdir. İncini qabığındançıxarmaq və qabığını götürmək-o kimsənin qəbir açıb kəfən soyan bir soyğunçu olduğunu göstərir. Bir xəzinəni açarla açıb, ordan inci və cəvahir aparmaq-röya sahibi bir bilginə önəmli bir məsələ barədəsorğuda bulunacaqdır. Yuxuda inci saymaq-çətinliyə uğrayacaq, sıxıntıya düşəcəksiniz. Xam, cilalanmamış inci almaq-yuxu görənin küçə başında və yol üzərində Qur`ani-Kərim oxuması deməkdir.

İNCİL-Röyada İncili görmək-nə qədər pul xərcləmişsinizsə, əlinizə o qədər pul gələcəkdir.

İNCİÇİÇƏYİ-İciçiçəyini yuxuda görən adamla yaxınları araında mövcud olan umu-kusulərə son qoyulacaq, ortada barışıq olacaqdır.

İP-Uzun ömürdən dolayı belin bükülməsi anlamına gəlir. Yuxuda ip-xoş xəbərlər müjdəçisidir.

İPƏK-Yuxuda ipək görmək bu şəkildə yozulur: Saf ipək-xoş xəbərdir. İpək qalstuk-ailə həyatında, xoş davranışa işarədir. İpək paltar-bir tanış vasitəsilə böyük miqdarda sərvət əldə etməyin mümkünlüyünə əlamətdir. ipək iplik-uzaqdakı bir yaxınınızla görüşə bilmək ehtimalı var. İpək mələfə-qısa müddətdə keçıb gedəcək sıxıntılı günlərə yozulur.

İPƏKQURDU (barama qurdu)-Röyada ipəkqurdu görən adamın içindəki şəkk-şübhələr əsassızdır.

İPOTEKA (malın, mülkün girov qoyulması)-Röyada bir şeyinizi girov qoyduğunuzu görmüşsünüzsə, sıxıntı içində keçən yaşayışınız xoş bir təsaduf nəticəsində dəyişəcək, xoşbəxtliyə qovuşacaqsınız.

İRAQ (ucqar) YER-Röyada iraq, ucqar bir yerə getdiyini görən adam yaxınlarda mövqeyində yüksələcək, sevgidə uğur qazanacaqdır.

İRANLI (fars)-Yuxuda iranlı (fars) görmək-yaxın vaxtlarda şişirdilmiş bir iftiraya düçar olacaqsınız.

İRQ-Röyada başqa irqdən olan adamla danışıb söhbət eləmək-çox keçmədə xarici ölkələrə səfərə çıxacağınızı bildirir.

İRİN-Yuxuda bir yerinizdən irin çıxdığını görmək-ruhunuzu saran acılarda və iztirablardan uzun zaman qurtara bilməyəcəyinizə işarədir.

İRMAQ (çay)-Röyada böyük bir irmağa düşmək-təhlükəyə işarədir. Əgər çapalayıb çıxa bilsə, salamatlıq olacaq, çıxa bilməsə-röya sahibi vəfat edəcək.

İSA PEYĞƏMBƏR-Yuxuda İsa əleyhissəlamı görmək-Allahın məthəmətini qazanmağa, təhsilə, uzun səfərə, xeyirə, ibadət əhli olduğunuza işarə sayılır. İsa peyğəmbəri röyada görmək-qənaətcil və tibb elmində mərifət sahibi olduğunuza, on il sizə heç bir pisliyin, hiylənin yetişməyəcəyinə yozulur. Belə yuxu görən adam tibb təhsili almaq arzusundadırsa, muradına çatacaq, alim olacaqdır. Qara qorxudan qurtarmaqla bərabər çəkingənliyə də əlamət sayılır. Bir çəhər və ya camedə bütün camaatın İsa peyğəmbərə baxdığını görmək-xalq müsibət və bəla içindədirsə, bu bəladan qurtaracaq, əmin-amanlıq içindədirsə-aralarında fitnəkarlıq olacaqdır. İsa peyğəmbər anasıyla birlikdə görülərsə, bu, böyük bir əmin-amanlıq xəbəridir. İsa peyğəmbərin çəklini almaq, onun surətinə çevrilmək-röya sahibi hökmdar və dövlət başçısı isə, səltənəti böyük olacaq; alim və ya dindardırsa, mənfəəti çox, fəziləti açıq olacaqdır. Həkimdirsə -şöhrəti artacaqdır. Harda olur-olsun, İsa peyğəmbəri yuxuda görmək-izzəti və bərəkəti, ucuzluğu, xəstəlikdən sağalmağa xəbər verir. Peyğəmbəri xəstə görmək-xalqın çaşıb heyrətdə qalacağına, haqqa, ədalətə işarədir. Hamilə qadının İsa peyğəmbəri yuxuda görməsi-gözəl bir oğlan övladı doğulacaq. Sənət sahibi üçün bu röya onun sənətində yüksələcəyini, səadətə qovuşacağını göstərir. Uşaq röyasında İsa peyğəmbəri görərsə, o uşaq atadan yetim qalacaq, anasının tərbiyəsi altında yararlı, yetgin və bilikli bir adam olacaqdır. Bu böyük peyğəmbəri yuxuda görən adam başlanğıcda şöhrət və etibardan düşmüş olsa belə, ömrünün sonu xeyirli keçəcəkdir.

İSVEÇRƏ-İsveçrəni yuxuda görmək-bir neçə gün dincəlməyiniz məsləhətdir.

İSLAQ (höyüş) ƏŞYA-Röyada islaq bir şeyi əlləşdirən adamın yolu yaxın gələcəkdə məhkəmə qapısına düşəcək və işinin həll etmək məqsədiylə xeyli pul sərf etməli olacaqdır. Əgər islaq əşya pambıq və ya buna bənzər bir şeydirsə, onda bu röya acı xəbər anlamına gəlir.

İSLANMAQ-Yuxuda başdan-ayağa islandığını görmək-həyatınız bir müddət ümidsizlik və uğursuzluq içində keçəcək, sonra isə səadət və sevinc dolu yaşayış tərzinə qədəm qoyacaqsınız.

İSLAH-ƏMƏK KOLONYASI-Röyada islah-əmək düşərgəsi görən adamın özünün islaha möhtac olduğuna və hərəkətlərinə diqqət etməsi gərəkliyinə yozulur. İslah-əmək düşərgəsində bağça və ağaclar görülərsə, röya sahibinin ozünü psixiatr həkimə göstərməsi və əməlli-başlımüayinə olunması lazım bilinir.

İSMAYIL PEYĞƏMBƏR-Röyada İsmayıl əleyhissəlamı görən adam haqqın yoluna hamıdan çox bağlıdır. Xeyirxahlıq yolunda xalq içində iman sahibi olan və sevilən bir kimsədir. İsmayıl peyğəmbəri yuxuda görən adamlar şər işlərdən çəkinir və Allahın kitabına uyğun hərəkətlər edirlər. Xoş xasiyyətlidirlərsə, uşaqlara şəfqət və məhəbbət göstərirlər, əxlaqlı və yurdsevərdirlər.

İSPAN-Yuxuda ispan görən adamın ertəsi gün işi şən-şaqraq keçəcək, sonrakı gün isə pozulacaqdır.

İSPANAQ-Röyada ispanaq yemək-muradınız, istəyiniz hasil olacaqdır.

İSRAİL-İsraili yuxuda görənin başına ya fəlakət gələcək, ya da başına dövlət quşu qonacaqdır.

İSTEFA-Röyada istefa verdiyini görən adam işində yüksək bir pilləyə yüksələcək.

İSTEHKAM (qoruğan)-Röyada yaxşı qorunan bir yer, istehkam görmək-röya sahibinin sıxıntı içinə düşəcəyinə, başına fəna işlər gələcəyinə, ancaq qısa müddət ərzində bu sıxıntılardan qurtaracağına yozulur.

İSTİQLAL-Röyada bir ulusun istiqlalı uğrunda savaşdığını görmək-röya sahibinin ərdəmli, ləyaqətli bir adam olduğuna, öz çıxarını düşündüyü kimi, başqalarının da çıxarı barədə fikirləşdiyinə işarə sayılır.

İSTİLİK (hərarət)-Röyada istilik hiss edib tərləmək-yaxınlarda bir xəstəliyə tutulacağınıza işarədir.

İSTRİDYƏ (dəniz ilbizi)-Dənizdə istridyə, yaxud midyə (molyusk) görmək-etgili kişiliyi olan bir nəfərlə tanış olacaqsınız və bu tanışlıq həyat tərzinizdə yaxşılığa doğru böyük dəyişikliklərə səbəb olacaqdır.

İSHAQ PEYĞƏMBƏR-Röyada İshaq peyğəmbəri görmək-zalım düşmənlərinizi məğlub edib qalib gələcəksiniz.

İSHAL-Yuxuda birinin özünü ishal olmuş görməsi xeyrə yozulmaz. Belə röya görən adam ən yaxın dostundan pislik görəcəkdir. Diqqtli olması gərəkdir.

İTALYAN-Yuxuda italyan görmək-röya sahibi vaxtını boş və gərəksiz gəvəzəliklərlə keçirir. Ağlını başına toplamasa, başına xoşagəlməz işlər gələcək və sonrakı peşmançılıq fayda verməyəcəkdir.

İTGİN ADAMIN DÖNMƏSİ- Çoxdan görünməyən itgin adamın yolçuluqdan geri döndüyünü və yurduna qovuşduğunu röyada görmək – narahatçılıqdan, həyəcanlardan qurtulmağa, xəstəlik və illətin yaxşılaşacağına, sağlığa, öz əslinə dönüşə işarədir. Əgər röya sahibi itginin qayıtması səbəbindən qayğı və tasaya düşərsə, bu yuxu qorxuya yozulur.

İFLAS - Röyada iflasa uğradığını və özünü üzüntü içində görən adam qazanclı və mənfəətli işlərə girişəcək, çoxlu fayda və qazanc əldə edəcəkdir.

İFLİC – Röyada özünü iflic olmuş görmək-tam tərsinə yozulan bir röyadır, həyatda çox sağlam və hər zamankından daha fəal yaşayacağınıza əlamətdir.

İFTAR-Röyada iftar edildiyinin görülməsi xeyrə əlamətdir. Ya röya sahibi, ya da onun yaxın bir adamı çox qısa müddət içində xəstəlikdən qurtulacaqdır.

İFTİRA-Yuxuda iftiraya məruz qaldığını görmək-qaibdə bir xəbər gələcək və gözlənilməz bir olay baş verəcəkdir. Röyanı görən qadındırsa, ərinin sözlərinə son dərəcə diqqət yetirməli, övladlarına qarşı daha şəfqətli və xeyirxah olmalıdır.

İXRACAT-Yuxuda ixracaq işləriylə məşğul olduğunu görmək-röya sahibinin acgöz, özündən razı adam olduğuna, hərəkət və davranışlarıyla çevrəsindəkilərin hörmət və sevgisini itirməkdə olduğuna işarə sayılır.

İXTİYAR ADAM-Tanımadığınız ixtiyar bir adamı yuxuda görmək-o adam qüvvətli isə, röya sahibini qüvvətinə işarədir. Əgər həmin qocaman adam zəifdirsə, röya sahibi də o durumda olacaq. İxtiyar adamın yuxarıdan aşağı sizə baxması-xeyirli bir iş görməyə yetərli və qabiliyyətli olduğunuza əlamətdir. Röyada tanımadığınız yaşlı bir adama uyub onun arxasınca getmək-xeyirə və bolluğa çatacaqsınız. Görülən qoca kəndçidirsə, o, röya sahibinin səmimi dostu kimi yozulur. Əgər ixtiyar kişi türk təbəəsidirsə və müsəlman deyilsə-vəfasız dost kimi mənalandırılır. Röyada ixtiyar adam görüb ondan xoşlanmaq-röya sahibinin birdən-birə dostu peyda olacaq və ona öyüd-nəsihət verəcək, ancaq bu öyüdlər eşidilməyəcək. İxtiyarı sevib, nəsihətini eşıtmək isə xeyrə yozulur. Cavan adam yuxuda ixtiyar bir kişinin söhbətinə qulaq asarsa, o gənc elm və ədəb yiyəsi olacaqdır.

İXTİRAÇILIQ ŞƏHADƏTNAMƏSİ-Yuxuda ixtitaçılıq şəhadətnaməsi görmək-röya ahibi çox xəyalpərvərdir və həyatda uğur qazanmaq üçün real işlərin qulpundan tutması gərəkdir.

İÇ YAĞI-Qonaq gedəcəyinizə, ya da sizə qonaq gələcəyinə işarə sayılır.

İÇMƏK-Röyada ləzzətlə su içdiyini görmək-elmə və haqq yoluna çatmağa yozulur. Yuxuda səhər tezdən soyuq və dadlı su içdiyini görən adam halal mala və xeyrə qovuşacaq.

İCAD (kəşf)-Bir şeyi icad etdiyini yuxuda görən adam müdhiş bir macəraya atılacaqdır.

İCARƏ-Röyada hər hansı bir bina və ya evin icarə haqqını ödəmək-gözləmədiyiniz halda əlinizə pul gələcək. Kirə pulunu verməmək, borclu olmaq-bəzi əmlakın itiriləcəyi deməkdir.

İŞ-Röyada hər hansı bir iş üzərində çalışdığını görmək-yuxunu görənin sıxıntı içində olduğuna və ailədə baş açmadığı durumda bulunduğuna işarədir. Yuxuda özünü bir işçi və ya günəmuzd çalışan görmək-yaxşılığa yozulacaq röya deyildir, etibar və etimadınızın itirilmək təhlükəsi var.

İŞIQ-Röyasında işıq görən adam çeşidli çətinliklərdən sonra rahatlığa və xoş güzərana qovuşacaq, rahat nəfəs alacaqdır. Gecəyarısı işıq görmək-röya sahibinin ay parçası kimi nurlu bir övladı dünyaya gələcəkdir. Kibrit işığı-qismət anlamındadır. Ay işığı-üzüntülü və həzin bir vəziyyətə işarədir. Çıraq işığı-əyləncə, boç vaxt keçirmək imakanıdır. Şam işığı-parla gələcək deməkdir. Gün işığı-parlaq gələcək deməkdir.

İŞGƏNCƏ-İşgəncə ilə ilgili yuxular həmişə tərsinə yozulur. Yuxuda işgəncəyə məruz qalmaq-rahatlığa, əmin-amanlığa işarə sayılır. İşgəncəverən isə məsuliyyətli, ciddi durumlara düşəcəkdir.

Jaluzi – Röyada taxta pəncərə pərdəsi – jaluzi görmək – yaxın vaxtlarda xeyirli bir xəbər alacağına, yaxud bir xəstəliyin carəsini bulub sağalacağınıza işarə sayılır.
Jandarma - Yuxuda jandarma görən adamı yaxın gələcəkdə böyük mübarizələr gözləyir və o, bu mübarizələrin sonunda qətiyyətli uğurlar qazanacaqdır.
Jambon (vetçina, donuz budu) – röyada jambon görmək və ya yemək – qərbli yuxu yozucularına görə, zənginliyə, var-dövlətə əlamət sayılır. Şərqin müsəlman yozucuları isə bu cür yuxuları xeyrə yozmur, uğursuzluq olaraq qəbul edirlər.
Jeton – Yaxşı pul qazanılacağına yozulur.
Juri - Röyada juri görmək – yaxın zamanda qələbəlik, bir bayram mərasiminin olacağına və röya sahibinin bu törəndə (mərasimdə) ön sıralarda bulunacağına yozulur.

KABAB-Röyada kabab görmək-ruzi, güzəran müjdəsidir. Bişməmiş kabab-röya sahibinin cocuğu tərəfindən gələcək bir tasaya, üzüntüyə yozulur. Qızarmış yağlı quzu kababı-çoxlu var-dövlətə; quzu arıqdırsa-az mala, sıxıntı və çətinliklə əldə ediləcək ruziyə işarədir. Yuxuda quzu kababı yemək-övladının qazanc və mənfəətindən röya sahibinin güzəranı yaxşılaşacaq. Sığır kababı-qorxaq adam üçün əmniyyət , iman; hamilə qadın üçün-oğlan uşağı ilə müjdələnir. Mal və dana ətindən kabab-ucuzluğa və bolluğa işarədir. Oğlaq kababı-oğlan uşağını ifadə edir. Erkək dəvə ətindən kabab yeyən adamın oğlu olacaq. Dəvənin budlarından tutulmuş kabab-röya sahibinin qüvvətli və qüdrətli olacağına, ölüm təhlükəsindən qurtulacağına yozulur. Quş ətindən kabab yemək-bir qadından hiylə və fitnəylə gələcək haram mala; yetginləşməmiş quş ətindən kabab yemək isə o qadının şərəfli, hörmətli olacağına, eyni zamanda, zülmə, zəhmət və çətinliklə əldə ediləcək mala yozulur. Bütün heyvanların bud ətindən tutulmuş kabab-sıxıntıya, qəmə, kədərə və qadına işarədir. Kabab satın almaq-bir nəfəri pulla tutub öz işinizi gördürəcəksiniz. Dişi qoyun ətindən kabab yemək-röya sahibinin arvadı,anası, yaxud ailə üzvlərindən biri xəstələnəcəkdir.

KABARE-Birisinin röyada kabareyə getdiyini görməsi-röya sahibinin mənasız bir məsələ üstündə yaxın dostu ilə arası dəyəcək, münasibətləri pozulacaq.

KAĞIZ-Röyada insanın kağıza yazı yazması-bir şeyi aşkar etməyə işarə sayılır. Yuxuda kağız, bəzi yozumlara görə, üzüntülü, kədərli adamı, yaxud hidayətə yetən və ya üzüntüdən, kədərdən qurtulan kimsəni ifadə edir. Bir adam röyasında əlində kağız görərsə, onun ehtiyacı təmin ediləcək, işi görüləcək. Kağızşılıqla məşğul olan adamı yuxuda görmək-insanlara hiylə öyrədən və ya hiyləgərliyə yardım edən kimsələrə işarədir.

KADAYIF (qənnadı növü)-Xoş xəbərə, toy-düyünə yozulur.

KAZİNO-Röyada bir kazinoda oturub əylənmək-bütün cəhdlərə baxmayaraq,ruhi və mənəvi rahatlığı saxlamağın mümkünsüzlüyünə yozulur. Kazinoda dava-dalaş salmaq da yaxşı röya sayılmır.

KAYUT-Röyada gəmi kayutu görmək-dost zənn etdiyiniz bir adamdan gözləmədiyiniz halda xəyanət görəcəksiniz. Kayut xidmətçisi-yoxsul adam üçün bu röya var-dövlətə yozulur.

KAMANÇA-Kamança ilə ilgili yuxular işlərinizdə tələsmək lazım olduğunu göstərir.

KAMELİYA ÇİÇƏYİ-Uğurlu bir eşq macərasının xəbərçisi kimi yozulur.

KANAL VƏ YA SU SƏDDİ-Röyada içi su dolu bir kanalın kənarıyla yerimək-həyatınızda çox önəmli bir an yaxınlaşmaqdadır. Gündüz vaxtıdırsa və su da təmizdirsə-fərəhə, əmin-amanlığa qovuşacaqsınız. Gecədirsə və su bulanıq axırsa-bir müddət çətinliklərlə qarşılaşacaqsınız.

KANAT-Gəlirli bir işə ortaq olacaqsınız.

KARAMEL-Röyada bir qutu karamel almaq-qadın üçün özündən xeyli yaşlı bir kişi tərəfindən seviləcəyinə; kişi üçün isə maddi vəziyyətinin düzələcəyinə işarədir. Karamel yemək-evinizə və ya işinizdə kəsgin problemlə qarşılaşacağınızı göstərir. Karamel hazırlamaq-başınızdan dadlı bir eşq macərası keçəcəkdir.

KARVAN-Yuxuda karvan görmək-uzaq bir yerdən çoxlu qonaqlarınız gələcək.

KARVANSARAY-Karvansarayla ilgili bütün röyalar-karvansarayda qalmaq, orda çalışmaq, karvansaray sahibi olmaq və s.-xeyrə yozulan yuxulardandır. Zehni, mənəvi, sosial, tibbi baxımdan təmin olunmuş bir halda yaşayacağınız anlamına gəlir.

KARİKATURA-Röyada karikatura görmək-yaxın vaxtlarda könülaçan bir xəbər alacaq və ünlü bir adamla dostluq quracaqsınız.

KARLIQ-Röyada kar olduğunuzu görmək-xeyrə yozulmur,o günlərdə bir haram iş tutacağınıza işarə sayılır.

KARTON-Rəsmə həvəs göstərdiyiniz təqdirdə gələcəkdə məşhur bir rəssam olacağınızı xəbər verir.

KARTOF-Yuxuda kartof-sərvət, nemət, şöhrət, sevinc və könül rahatlığı deməkdir. Çeşidli yozumlarla açıqlanır: Kartof soymaq-qismət və arzu olunan muraddır. Kartof əkmək-yeni və qazanclı bir işə başlayacaqsınız. Kartof almaq və ya tapmaq-ümid edilməyən bir yedən xeyli pul alacağınıza işarədir. Kartof satmaq-zərərə düşəcəksiniz.

KASA-Röyada kasa belə yozulur: Dolu kasa-qismətdir. Boş kasa-üzüntüdür. Qızıl və ya gümüş kasa-bol qazanc və işdə uğurların artmasıdır. Kasadan bir şey içmək-bir eşq xəbəridir. Kasadan yerə su tökmək-pul itgisidir. Kasa ilə içgi içmək-eşqdə üzüntü və itgidir.

KASKAT (kepqa)-Yaxşı bir iş təklifi alacağınıza yozulur.

KASSA (daxıl)-Əlinizə ya çoxlu pul gələcək, ya da əlinizdən çoxlu pul çıxacaqdır.

KATİB (mirzə)-Röyada katib-hiyləgər bir kimsədir. Katib yazısını çirkin yazsa-tövbə edərək başqasına hiylə gəlməkdən çəkinər. Yuxuda özünü yaxşı bir katib kimi görmək-röya sahibi başqa birisinin işindən dolayı suçlanacaq və bu səbəbdən çox sıxıntılar çəkəcək, heç bir fayda görməyəcəkdir. Xəstələr üçün bu röya ölümə yozulur. Katib yuxuda, eyni zamanda, qadın dərzisinə də işarə sayılır. Əkinçilər üçün mirzənin qələmi-onların kotanıdır. Röyada dövlət başçısının katiblərini görmək, yaxud onların yerində özünü görmək-işinizdə yüksələcəksiniz.

KAUÇUK-Üzüntülü günlərin başlayacağını xəbər verir.

KAFİR-Allahin birliyini və kitablarını danan kafirdir. Yuxuda kafir görmək-düşmənə yozulur. İxtiyar, yaşlı kafir görmək-kinli və əski bir düşməni ifadə edir. Röyada kafir ilə birlikdə bir cariyə görmək-gizli şeylərə və sevincə işarədir. Bir kimsə röyada kafir olduğunu və önündə bal olduğu halda, yemədiyini görərsə, o adam Allahın peyğəmbərini inkar edəndir. Kafir olduğunu və küfründən dönmədiyini görən adam öldürülür. Röya sahibi əkinçi isə, tarlasına toxum əkib-səpməklə məşğuldur.

KAFTAN-Yuxuda ipək atlasdan kaftan görmək-güc və yardıma yozulur. Əbrişim, yun və ipək işləməli atlas kaftan görmək-kaftanın dəyəri nisbətində yatişəcəyiniz sərvəti və səadəti ifadə edir. Geyilmiş kaftan görmək-işinizdəki sıxıntı və tasadan qurtulacağınıza və uzun ömrə yozulur.

KAFTAR (goreşən)-Röyada görülən kaftar çox zalım bir düşmənə yozulur. Belə düşmənə qarşı ayıq olmaq gərəkdir. Dişi kaftar əti yemək-sehrbaz bir qadına işarədir. Dişi kaftarı minmək-bir qadınla izdivaca yozulur. Bu röya əsil-nəsəbsiz bir adamın arvadına işarə olmaqla hiyləgər bir kimsəni də ifadə edir. Erkək kaftarı minmək-hökmdar və dövlət başqanlığına qovuşmağa, sorli işlərin üstünü açmağa işarə sayılır.

KAFUR (kamfora)-Yuxuda dərman kimi istifadə edilən kafur görmək-yüksəliş və zənginliyə, şərəfə, ləyaqətə yozulur. Röya sahibinin yaşayışının yaxşı olduğuna, sədəqəyə və uşaq doğulacağına da işarə sayılır. Kafuru həyat və ya ölümlə ilgili olaraq görmək-xoş davranışlı gözəl işlər görən adamlara yozulur.

KAHİN-Röyada kahin görmək-əskidən ilişginiz olan bir adamla yenidən qarşılaşıb əlaqə yaradacağınıza və dadlı eşq günləri yaşayacağınıza yozulur.

KEFAL BALIĞI-Xeyrə yozulur, bir xəstəliyin qısa zaman içində yaxşılaşacağını göstərir.

KEÇƏ-Röyada keçə paltar geymək-get-gedə yoxsulluq üz verəcəyini, kədərli və üzüntülü günlərin yaxınlaşdığını bildirir. Rəngli keçə-xeyir xəbərə yozulur. Yırtıq keçə-yaxın gələcəkdə var-dövlət sahibi olacağınızı göstərir.

KEÇƏL-Röyada keçəl adam görmək-axır zamanlar ətrafınızdakı adamları çox üzməkdə olduğunuza işarədir.

KAŞİKÇİ GƏMİSİ-Röyada kiçik keşikçi gəmisi görən adam çoxdan gözlədiyi bir məktuba qovuşacaqdır.

KƏ`BƏ-Ən gözəl röyalardan sayılır. Yuxuda Kə`bəni görən qadındırsa, böyük bir mövqe sahibi tərəfindən evlənmək təklifi alacaq. Röyada Kə`bə-görüləcək xeyirli bir işin müjdəçisidir, yuxuda röya sahibi ürəyindən keçən pis bir əməldən sakınacaq. Röyada Kə`bəyə girən adam hökmdar hüzuruna çıxar. Kə`bədən bir şey aldığını görən kimsə hökmdardan birşey alar. Kə`bədə namaz qıldığını görmək-bir başkan və ya imamdan qüvvət almağa, düşmənlərinbədxahlığından qurtarmağa və xeyrə qovuşmağa yozulur. Kə`bəyə gedib orda həcc mərasimiylə bağlı bir iş görmək-din vəzifə borclarından çıxmaq üçün səy göstərmək, çalışmaq lazımdır. Kə`bənin divarlarından birinin yıxıldığını görmək-hökdarın öləcəyini xəbər verir. Məkkədə bir vəzifəyə təyin edildiyini görmək-dini işlərlə ilgili bir vəzifə anlamına gəlir. Məkkədə ölülər arasında olduğunu və sorğu-suala tutulduğunu görən adam şəhid olacaq. Röyada Kə`bənin üstündə namaz qılan şəxs dinini dəyişdirəcək. Röyada mələklərin göydən endiyini və Kə`bəni təməlindən qaldırıb başqa bir şəhərə qoyduqlarını görmək-o yerdə fitnəkarlıq olacaq. Kə`bədə bir xəta işləndiyini görən kimsə günahkar adamların yoluna qədəm qoyub. Çeşidli yozumlara görə, Kə`bə-cənnəti, İmamı, Qur`anı, sünnəti, alim bir adamı, ata və ana kimi övladlarını haqq yoluna, hidayətə çağıran kimsələri ifadə edir. Yuxuda öz evinin Kə`bə olduğunu görmək-bu röya o adamın elmini və görduyu işdən dolayı qapısının qələbəlik olacağını göstərir. Röya sahibi kölə isə, azad olacaq. Röyada Kə`bəni təvaf etdiyini (dörd dolandığını) görən adam bir alimin, ibadət əhli bir kimsənin, valideyinlərinin, arvadının, yaxud əsilzadə bir şəxsin qulluğunda duracaq.

KƏ`BƏDƏ MÜQƏDDƏS “QARA DAŞI” GÖRMƏK-Bu röyanı görən adamın bütün diləkləri yerinə yetəcək, tay-tuşu arasında həsəd doğuracaq uğurlar qazanacaqdır.

KƏVƏR-Yuxuda kəvər-kor və kar bir adam tərəfindən gələcək ruziyə işarə sayılır. Kəvər yemək-haqsızlığa, zülmə, haram mal yeməyə əlamətdir. Kəvəri bişirib yemək-tövbəyə, haram maldan imtinaya yozulur. Kəvər almaq-röya sahibi söylədiyi bir sözün peşmançılığını çəkəcəkdir.

KƏKOY (pəltək adam)-Röyada pəltək adam görmək-uşağınız olacağına yozulur.

KƏKOTU-Bu günün işinin sabaha qoyulmaması gərəkliyini göstərir.

KƏLBƏTİN-Yuxuda kəlbətin görən adamqüsurlu davranışları səbəbindən sıxıntı işinə düşəcəkdir.

KƏLƏ-KÖTÜR BİR ŞEY-Röyada kələ-kötür bir şey görmək-gələcəyiniz çox parlaq olacaq, girişəcəyininz işlər yaxşı sonluqla bitəcək, mənfəətiniz artacaq, xoş xəbərlər alacaqsınız.

KƏLƏM-Röyada kələm yeməyi görmək-gələcəkdə çox xoşbəxt həyat sürəcəksiniz.

KƏLLƏ-PAÇA-Əti yeyilən heyvanların kəllə-paçasını yuxuda görən adamın güzəranı yaxşı, qazancı bol olar.

KƏMƏR-Sıxıntıya yozulur.

KƏND-Yuxuda kənd görmək-zülmü, ölüm-itimi ifadə edir. Röyada qurulu, abad bir kəndə girdiyini görən adam bir kimsəylə qovğaya girişəcək və ya onu öldürəcək. Kənddən bir itin getdiyini görmək-yüksək pul müqabilində əskik bir işi gözəl sayıb, sonra peşman olmağa yozulur. Xaraba və torpaqları əkin-biçinsiz kənd görmək-o kəndin camaatı pis yoldadır. Barlı-bərəli, firəvan yerlər isə-dinin sağlamlığına və tövbəyə işarədir. Sel və ya yanğın fəlakətinə uğramış kəndliləri yuxuda görmək-o kəndin camaatı dövlət rəhbərinin zülmünə məruz qalacaq. Kənddən çıxıb şəhərə getdiyini görən adam sıxıntılardan qurtularaq rahatlığa, qorxudan əmniyyətə qovuçacaq. Bir şəhərdən kəndə getmək isə-rahatlıqdan sıxıntıya və məşəqqətə düşüləcəyinə yozulur. Röyada görülən kənd qarışqa yuvasını, qarışqa yuvası da kəndi ifadə edir.

KƏND MOLLASI-Kənd mollasını yuxuda görmək-qısa müddətdə əməllərinizə qovuşacaqsınız.

KƏNDİR (çatı)-Qara xəbərə əlamətdir.

KƏNDİRBAZ-Yuxuda kəndirbaz görən adamınmaraq və həvəs göstərdiyi peşəsində,sənətində gözəl uğurlar və şöhrət qazanacağına şübhə edilməz.

KƏPƏK-Pul baxımından böyük qazanc əldə edəcəyinə yozulur.

KƏPƏNƏK-Yuxuda kəpənək-röya sahibinin çox həssas ruhlu və sənətkar yaradılışlı bir adam olduğunu göstərir.

KƏRƏ YAĞI-Röyada kərə yağı görmək-faydalı elmə,şübhədən uzaq olmağa, bəzən də bəyənilən bir qadına yozulur. Çeşidli yozumlara görə, kərə yağı-dava-dərmana, mala, taxıla, qazanca; çətinlik içində yaşayan adam üçün-bolluğa və ucuzluğa işarə sayılır. Yuxuda yağ yediyini görən xəstə şəfa tapacaq.

KƏRKƏS QUŞU-Axmaqlıqla, idiotluğa işarədir. Adətən burnu iri olanlar belə yuxu görürlər. Yuxuda kərkəs quşuna çevrildiyini görən adamı güclü bir dava-dalaş gözləyir. Xəstə olan evinə kərkəs quşu gəldiyini görərsə-evlərdən iraq, çox pis şeyə-ölümə yozulur. Ölü kərkəs quşu-yamanlığın, şər işlərin keçib gedəcəyinə, yox olacağına işarədir.

KƏRPİC-Yuxuda kərpic və ya kərpicdən tikilmiş ev görmək-qız övladınız doğulacağını xəbər verir.

KƏRTƏNKƏLƏ-Böhtançı və fitnəkar adama işarə sayılır.

KƏSKİ (tiyə)-Röyada bir kəski aləti görmək-önəmli bir qərar ərəfəsində olduğunuzu göstərir.

KƏTAN (çətənə)-Pis xəbər əlamətidir.

KƏTİL (taburet)-Səfər xəbəri olaraq yozulur.

KƏFƏN-Bir doğum, ya da ölüm xəbəri kimi yozulur.

KƏFKİR-Qısa vaxt ərzindəsıxıntılardan qurtulacağınıza işarə olaraq qəbul edilir.

KİBRİT-Röyada yanan kibrit görən cavan oğlan onu xoşbəxtliyə çatdıracaq yaxşı qazanclı yeni bir işə girəcək. Orta yaşlı kişi üçün bu röya-başqalarının səbəb olacağı qovğaya; subay qız üçün-ani və xoşbəxt evlənməyə; evli qadın üçün-ailədə bəzi narazılıqlara yozulur.

KİLİD-Röyada düşmən ehtimalı ilə qapını kilidləmək-həyatda hər kəsdən şübhələnməyə və bu pis xasiyyətdən vaz geçməyin gərəkliyinə yozulur. Yoxsa, ən yaxın dostları belə hirsləndirib özünüzdən incik sala bilərsiniz. Qapının üzünə bağlandığını və bir müddət beləcə içəridə qaldığını görən adam yüngül bir xəstəlik keçirəcək. Röyada kilid açmaq-üzüntüdən, kədərdən qurtulmağa; kilid bağlamaq-kədərə işarə sayılır.

KİLİM-Röyada kilim-geyimə, bürüncəyə işarədir. Qış mövsümü yuxuda kilim görmək, daha xoş və daha faydalı röya hesab edilir. Bir kimsənin yuxuda belinə kilim salması, yaxud kilimə bürünməsi-bu vəziyyət röya sahibinin adət etdiyi hallardan deyilsə, onun yoxsulluğu,başqasına möhtac olması kimi açıqlanır.

KİLSƏ-Yuxuda kilsə görmək-bilik və davranış, ibadət, qorxu, ağlamaq, kədər, qussə anlamına gəlir. Kilsə-Boş, mənasız şeylərə, qovğaya, zülmə, oyun və əyləncəyə,içkiyə, qadına, zalım hakimə də yozulur. Röyada kilsəyə girdiyini görən adam subaydırsa-evlənəcək, yaxud uşağı olacaq. Bu yuxu, eyni zamanda, doğru yoldan sapmağa da işarə sayılır. Kilsədə namaz qıldığını görmək-röya sahibi bir qəbri ziyarət edərkən, yaxud cənazə namazı vaxtı qorxacaq. Yuxuda kilsənin içində ölü görmək-o ölünün günahkar kimsələrlə birlikdə cəhənnəmdə əzab çəkdiyinə yozulur. Kilsədə xristian ainini icra etdiyini yuxuda görən adam günah işləyəcək.

KİMYAGƏR-Röyada kimyagər görmək-işlərinizin qarışıq duruma düşəcəyinə və gərəksiz yerə əlinizdən pul çıxacağına yozulur.

KİNƏ-Acı xəbərə yozulur.

KİNƏ AĞACI-Bir dostunuzun sizə yardım edəcəyi anlamına gəlir.

KİRƏ (kirəçilik)-Röyada hər hansı bir şeyin kirə haqqını ödəmək-əziz bir dostunuzdan ayrılacağınıza işarədir. Başqa birisinin yuxuda sizə kirə haqqı ödədiyini görmək-Çoxdan gözləmədiyiniz bir adamı və ya bir yeri yenidən görəcəksiniz.

KİRƏÇ-Hisslərinizin qarşılıqlı olacağı anlamına gəlir. Kirəç məhlulu-sıxıntıların sona yetəcəyinə işarədir.

KİRƏMİT-Tasa, qayğı və kədər anlamına gəlir.

KİRPİ-Yuxuda kirpi görmək-həyatınızda yeni bir dövr başlayacaq, mühüm qərarlar qəbul edəcək və bu qərarları uğurla həyata keçirəcəksiniz. Düşmən şərindən qorunacaqsınız.

KİSƏ-Röyada xırda pul kisəsi-insanın bədəninə işarədir. Boş kisə-röya sahibinin ölümünə yozulur. Bir kimsə yuxuda belində bir kisə olduğunu görərsə, bu, o adamın həyatda faydalandığı biliklərə yiyələnmiş olduğuna işarədir. Kisənin içindəki xırda pullar qırıq və ya əzik-üzük görülərsə, bu röya biliyin az olduğunu və yuxu görənin yenidən dərs alması gərəkliyini göstərir. Kisə insanın sirrinə işarə olub, yuxuda başaşağı çevrilərsə və içindən pullar tökülərsə, bu, röya sahibinin sirrinin yayılacağını xəbər verir. Cüzdanın (kisənin) deşilməsi və pulların tökülməsi xeyrə yozulmur. Kisə, eyni zamanda, röya sahibinin sahib olduğu şeylərə və qəlb anlamına da gəlir.

KİTAB-Röyada kitab-qüvvətə və yüksəlişə işarə sayılır. Kitab açıqsa-məşhur bir xəbər anlamına gəlir. Orta yaşlı kişilərin yuxuda kitab görmələri qeyri-adi bir kəşfə yozulur. Gənc qadın üçün-bu röya-secdiyi peşəsində uğur qazanacağını və yüksələcəyini; daha yaşlı qadınlar üçün isə rahat, sakit, xoşbəxt bir gələcəyi xəbər verir. Yuxuda kitabı örtülü, qapalı görmək-gizli xəbərdir. Oğlan uşağının əlində kitab görmək-müjdədir. Bir kimsə yuxuda kitabı cırdığını və ya kəsdiyini görərsə, o adam üzüntü və kədərdən, pisliklərdən qurtularaq xeyrə qovuşacaq. Göydən özünə kitab endiyini görən adam kitab əhlidir. Yaxud kitabda xeyir yazılıbsa xeyri, şər yazılıbsa şəri ifadə edir.

KİTABXANA-Röyada ümumi kitabxana görmək-uğursuzluq ucbatından işinizi tərk edəcəksiniz. Şəxsi bir kitab evini yuxuda görmək-röya sahibinin ona yaxşı bir mövqe təmin edəcək bir imtahan və ya müsabiqədən uğurla çıxacağını xəbər verir.

KİF-Röyada kif görmək-illərdən bəri qarşılaşmadığınız bir dostunuzla təsadüfən rastlaşacaq və onunla birlikdə xeyirli bir işə başlayacaqsınız.

KİŞİ (cavan oğlan)-Cavan oğlanın gözəl bir gənci yuxuda görməsi-düşmənlərin hamısını yenəcək, məğlub edəcəkdir. Ayəti-cəliləyə görə, İbrahim peyğəmbər daş və heykəllərə tapınan düşmənləriylə savaşda onları nece yenib aciz hala gətirmişsə, cavan oğlan da ona zülm edən, düşmən olan kəslərə eləcə üstün gəlib öcünü alacaqdır. Yuxuda gözəl, gənc bir dəliqanlı görmək, bəzən də ürəkaçan xoş işlərə və ya ehtiyaclardan qurtulmağa işarə sayılır. Cavan oğlanın gözoxşayan taxıl tarlası görməsi-üzündə və bədənində bitəcək tüklərdən, saç-saqqaldam hamı hürküb qorxuya düşəcək. Yuxuda gənc bir adamla oynamaq-hiylə və fəsada yozulur. Röya sahibi hərəkətlərini, davranışını ölçüb-biçməlidir.

KİŞİ CİNSİYYƏT ÜZVÜ-Bacarıqla bir övlad sahibi olacağınıza və uzun ömrə işarə sayılır. Ağrıması-çox sevdiyiniz bir yaxınınızı əbədilik itirməyə yozulur. Kəsilmiş olması-xəstələr üçün ölümü, sağlam adamlar üçün malının-pulunun gedəcəyini ifadə edir. Bir qadınla münasibətdə olduğunu görmək-övladınız dünyaya gələcək. Yox olduğunu görmək-ətrafınızı bədniyyət adamların sarmış olduğunu göstərir.

KAFUŞ (oyuq)-Son zamanlar boş işlərlə məşğul olduğunuzu göstərir.

KOLBASA-Yuxuda kolbasa yemək-rahat həyata qovuşacağınıza işarədir.

KOL-KOS (ağaclıq)-Röyada gözəl, yaşıl bir ağaclıqda gəzmək-röya sahiobi romantik bir həyat keçirəcək.

KOMA-Röyada özünü bir komada və ya bağ evində görmək-sizi məmnun edəcək bir qonağınız gələcək, yaxud bəzi xırda-para işləriniz bir müddət yaxşı gedəcəkdir. Qadın üçün bu yuxu-gözəl bir sürprizə, hədiyyəyə sahib olacağına işarədir.

KOMANDİR (zabit)-Yaxın günlərəd şan-şöhrət və etibar sahibi olacağınıza yozulur.

KOMİK (gülməli) BİR ŞEY-Xoşbəxtlik müjdəsidir.

KOMİSSAR-Gələcəkdə yüksək mövqelər qazanacağınıza işarədir.

KOMİSSİYA-Bu cür röyalar iş həyatınızda uğur qapıları açılacaq deməkdir.

KOMPOT-Röyada kompot içmək-dadlı günlərin keşiyində olduğunuza yozulur.

KONQRES (qurultay)-Röyada bir konqresə (qurultaya) getdiyini görmək-yaxın vaxtlarda sürprizli bir xəbər alacaqsınız.

KONDUKTOR-Nəqliyyat vasitələrində çalışan konduktoru röyada görmək və ya onunla söhbət etmək-kişilər üçün-işdə bir sıra çətinliklərin olacağına; qadınlar üçün-başqasının hərəkətlərini izləyən bir adama işarə sayılır. Özünün konduktor olduğunu görmək-kişilər üçün sonunda peşmançılıq olacaq bir həyata; evlənməmiş qadınlar üçün-sonu o qədər də dəyərli olmayan nişanlanmaya; evli qadınlar üçün-bacarmadığı bir işi öz üzərinə götürəcəyinə yozulur.

KONKİDƏ SÜRÜŞMƏK-Ay işığında buz üstündə konkidə sürüşmək-çox maraqlı röyalardandır, səadət, fərəh, gözəl bəxt anlamındadır. Gündüz vaxtı konkidə sürüşmək-bir sıra şətinliklərə və üzüntüyə yozulur. Buz üstündə sadəcə sürüşmək-həyatda ani yüksəlməyə; qrup halında sürüşmək isə-sıxıntıya, pul itgisinə əlamət sayılır.

KONSERV-Yuxuda konserv görmək-işləriniz pozulacaq və çətin anlar yaşamalı olacaqsınız.

KONSERT-Yuxuda bir konsert salonunda musiqi dinləmək, mahnıya qulaq asmaq-cavan oğlan üçün-uğurlu,müştərək bir işəgirmək fürsəti əldə edəcəyinə, yaxud bir kapitalistləəlaqə yaradacağına; orta yaşlılar üçün-işlərində bəxtinin gətirəcəyinə, ailə və iş həyatında firəvanlığa və səadətə qovuşacağına; gənc qız üçün-çox sevdiyi bir ziyarətdə olacağına; yaşlı qadın üçün-qiymətli bir hədiyyə alacağına yozulur.

KONTRAKT (müqavilə)-Yuxuda müqavilə bağladığınızı görmək-birisi sizdən pul qoparacaq.

KORLUQ-İnsanın yuxusunda kor olduğunu görməsi-yaxud bir kor adama yol göstərməsi-röyanı çox vaxt olandırıcı olduğuna dəlalət edir. Belə röya görən adam lüzumsuz cəsarətdən, risqdən çəkinməlidir.Çunki onun cəsarətli və cürətli hərəkətlərindən yararlana biləcək düşmənləri vardır.

KOSA-Qara xəbərə, ölümə, ağır xəstəliyə yozulur.

KOTAN-Bolluq və bərəkət işarəsi olaraq qəbul edilir.

KÖVSƏR-Cənnət çaylarından birini adıdır. Röyada cənnətdəki kövsərdən su içdiyini görən adam kafirdirsə-müsəlmanolacaq,günahkarsa-tövbə edəcək, yaxud fitnə-fəsadçı bir qadından ona bir qazanc qalacaq.

KÖYNƏK-Röya sahibi yaxın zamanlarda zənginliyə qovuşacaq. Cırıq köynək-böyük bir sərvətə işarədir.

KÖK-Röyada bir bitki kökü görmək övlad sahibi olacağınız anlamına gəlir.

KÖKƏ-Xeyirli bir qismət anlamındadır.

KÖLGƏ-Yaz günündə röyada kölgəlik görmək-rahatlığa, bir şeydən fayadalanmağa, yaxud yüksək bir məqam sahibindən himayə görəcəyinizə yozulur. Qış günündə kölgəlik görmək-tasaya, qayğıya, kədərə, dini yasaqlara meyilli olmağa işarədir. Sərinləmək üçün kölgəyə çəkildiyini görmək-röya sahibi qayğı və tasadan qurtulacaq, qazanc əldə edəcəkdir. Qadının kölgəyə çəkilməsi-kölgə onun əridir, ərinə arxalanır, güvənir deməkdir. Əri olmayanın kölgəyə çəkilməsi-o qadın zəngin bir adama ərə gedəcəkdir. Qaynar gün istisindən kölgəyə çəkilmək-sıxıntı və qayğılardan qurtuluşu müjdələyir. Günəşə isinmək üçün kölgədən çıxmaq-yoxsulluğun daşını atmağa yozulur, çünki soyuq-kasıblıqdır.

KÖMÜR-Röyada kömür, ocaq görmək-mala-sərvətə yozulur.

KÖNÜL DARLIĞI (qüssə, kədər)-Könlün sıxılıb qərarsız olması-tövbəyə, duaya, peşmanlığa yozulur.

KÖPƏK-Röyada köpək-günahkar və hər cür pis əməlin yiyəsi olan səfeh bir adama işarədir. Köpəyin hürdüyünü görmək-o səfeh adamın həddən artıq tamahkar olduğunu göstərir.Yuxuda köpəyin sizi tutduğunu və ya cırmaqladığını görmək-kədərə və əmələ, düşməndən zərər çəkdiyinizə yozulur. Bəzən də röya sahibininxəstəliyə tutulacağı anlamına gəlir. Röyada görülən köpək zövq və səfaya düşkün bir adamı ifadə edir. Çoban köpəyinə sahib olmaq-dövlətdən gələn faydadır. Ev köpəyi-zalım bir düşməndir. Yuxusunda köpəklərlə bərabər hürdüyünü görən adam arzusuna yetişəcək. Köpəkləri öldürmək-düşmənə qalib gəlməkdir. Yuxuda görülən köpək, eyni zamanda, qızdırma xəsətliyinə də işarə sayılır. Röyada bütün cinslərdən olan köpəklər görmək-pərişan bir qövmü iadə edir. Oynatmaq və boğuşdurmaq üçün istifadə olunan köpəklər-fərəhli, zövqlü-səfalı ömür sürməyə işarədir. İtləri hirsləndirib bir-biryilə boğuşdurmaq-üzüntüyə, kədərə yozulur. Dişi köpək-bitməyən işi və yalançı ümidi ifadə edir. Röyada bir itin ona tərəf hürdüyünü görən adam bədniyyət bir adamdan qanqaraldıcı söz eşidəcək. Yuxuda it əti yemək-düşmən üzərində qələbəyə və düşməndən mal ələ keçirməyə işarədir. Ov köpəyi-qüdtər, ucalıq və ruzidir. Röaya köpək-gözətçi və uyğarlı bir adam anlamına da uyğun gəlir.

KÖRPÜ-Röyada körpü dünya nemətlərinə işarədir. Körpü üstünə çıxmaq-heyvana minməkdir. Kirəmitdən qurulmuş körpü-o yerin əhalisi zülmə məruz qalacaq, durumları pozulacaq. Çeşidi yozumlara görə, körpü-rahatlıq, arvad; kədər və sıxıntılardan qurtulmaq kimi də mənalandırılır. Körpü, eyni zamanda, zənginliyi, uzun ömrü, xəstəliyi, əhdə xilaf çıxmağı ifadə edir. Röyada küçə üzərində qurulmuş körpü görmək-körpü daş kərpic və kirəmitdən hörülmüşsə, səltənət sahibi bir adama işarə sayılır. Kiçik körpü-qapıçı və ya komandir anlamına gəlir. Yuxuda körpü olduğunu görən adam səltənət və dövlətə yetişəcək, şöhrəti və üstünlüyündən dolayı ona möhtac olacaqlar.

KÖRPÜ (gəmilərin yan alması üçün)-Röyada körpü görən adamın qəlbi çox təmizdir. O adam əgər körpüdə dayanıb qağayıları seyr edirsə və popiros çəkirsə, gözlədiyi iş gerçəkləşəcək, arvadı-uşağıyla birgə rahatlığa, firəvanlığa qovuşacaqdır. Körpüdə gəmi gözləmək isə, röya sahibinin xeyirxah bir iş tutacağına yozulur.

KÖRÜK-Röyada ağacdan körük görmək-yuxunu görən etibarını, mövqeyini itirəcək, malı-mülkü əldən gedəcək. Bir körüyə sahib olduğunu görmək-röya sahibi sənətkar və öz işini bilən adamdırsa, səltənət, vilayət yiyəsi olacaq; ləyaqəti yoxsa, xeyrə, mənfəətə çatacaq. Körüyün yanında ocaq da görülərsə, bu röya-ehtiyacların ödənəcəyinə və güzərəna, mala işarə sayılır. Əgər ocaq yanmırsa, bu yuxu sıxıntıya və kədərə yozulur. Bəzən yuxuda körük-hamilə olub, lakin uşağı saxlaya bilməyən (uşaq salan) qadını, tez inciyən və həssas bir qocanı, həbsi də ifadə edir. Dəmirçi körüyü-işlərin asanlaşacağını xəbər verir.

KÖSÖY-Şoxdan arzusunda olduğunuz bir iş axır-axırda gerçəkləşəcək və rifaha qovuşacaqsınız.

KÖÇ-Röyada ev əşyalarını bir mahaldan daha yaxşı bir yeə daşımaq-dinin yasaq saydığı şeylərdən qaçınmağa yozulur. Ev avadanlığını əvvəlki yerdən daha aşağı və pis yerə daşımaq-dini yasaqlarla, yaxud yasaq edilən işlərləuğraşmağa işarədir, yaxud pis bir şeyi yaxşı şeylə dəyişdirəcəyinizi bildirir.

KÖŞƏK-Gözləmədiyiniz bəzi adamların əleyhinizə olmazın dedi-qodu yaydığına işarə sayılır.

KRAB (balıq)-Həsədçi və bədniyyət adamlar arasına düşəcəksiniz.

KRAL-İş həyatınızda uğurlar qazanacaqsınız.

KRALİÇA-Kraliça ilə ilgili yuxular xeyrə, şan-şöhrətə və etibara yozulur.

KRAN-Kranla ilgili bütün röyalar xeyrə, bərəkətə, sağlamlığa, bolluğa, işlərin düzələcəyinə, xoş xəbərlərə yozulur.

KREDİT-Röyada bir maliyyə müəssəsindən kredit alındığını görmək-işdəki uğursuzluqların səbəbi özünüzsünüz, başqalarını günahlandırmağa haqqınız yoxdur.

KREYSER (hərb gəmisi)-Xeyirli bir xəbər alınacağına yozulur.

KREM (şokaladlı şirin qaymaq)-Yaxın bir adamınız çətin durumdadır və sizin ona yardım etməniz gərəkdir.

KUPE-Röyada kupedə səyahətə çıxmaq-bir səfər xəbəri olaraq yozulur.

KÜKÜRD-Röyada kükürd görmək-yorğunluğa və istirahət etməyin gərəkliyinə yozulur.

KÜL-Cavan oğlanın röyada kül görməsi çox xeyirlidir, yaxın günlərdə xoş və mənfəətli təkliflər alacaqdır. Orta yaşlılar üçün bu yuxu-ümidsizliyə; ərə getməmiş qız üçün-ümidsizliyə, məyusluğa; yaşlı qadın üçün-ona uğur gətirməyəcək işlərdən və bəd niyyətlərdən vaz keçməyin gərəkliyinə yozulur.

KÜLAH (papaq)-Bəxtin açılacağına işarə sayılır.

KÜLÜNG (qazma)-Əlinizə bol miqdarda pul gələcək.

KÜNCÜT-Yuxuda küncüt görmək və ya yemək-malınızın artacağına, işlərinizin düzələcəyinə əlamətdir.

KÜP-Çoxlu pul qazanacağınıza işarə sayılır.

KÜRƏK (bel)-Dəmir kürək-qulluqçuya, mənfəətli və faydalı işlərə, mala-mülkə işaərdir.

KÜRƏK (çiyin)-Yuxuda özünü enli kürəkli görən adam qüvvətli olar.

KÜRƏKƏN-Röyada zəngin bir ailəyə kürəkən olduğunu görmək-yaxın adamlarınızdan birinin nankorluğuyla qarşılaşacaqsınız. Kürəkəni yuxuda görmək-sevinc dolu xoşbəxt anlar yaşayacaqsınız.

KÜRK-Röyada kürk-zənginlik və xoşbəxtlik müjdəsidir.

KÜRSÜ-Röyada kürsü görmək-padşah tərəfindən meydana gələcək ucalığa, yaxud qadına işarə sayılır. Kürsü dəmirdəndirsə-qüvvət və yardım deməkdir. Yuxuda özünü bir kürsü üzərində oturan görmək-röya sahibi qabiliyyətli və bacarıqlıdırsa, ona valilik veriləcək. Qürbətdədirsə-vətəninə dönəcək, muradına çatacaq. Üstü örtülü kürsüdə oturmaq-böyük bir biliyə, ərmağana və pula qovuşmaqdır. Röyada kürsüdən danışmaq-rütbə sahibləri üçünyüksək mövqe, ucalıq, qadın, övlad, ev və geyimşeyləri anlamına gəlir.

KÜFTƏ-Röyada küftə görən adamın iştahası acgözlük dərəcəsindədir, bu xasiyyətindən vaz keçsin gərək.

KÜÇƏ-Yxuda küçədə dolaşaraq bir nəfəri aramaq-qrışıq bir olayla qarşılaşacaqsınız. Gecə vaxtı zil qaranlıqda küçədə gəzib-dolaşmaq-dərin bir kədər əlamətidir. Günəşli bir havada küçədə gəzməkxoşbəxt, məsud bir ömrə işarədir. Çıxılmaz və dolaşıq bir küçədə olduğunuzu görmək-bir dedi-qoduya tuş gələcsiniz. Tənha və ucqar bir küçədə dolaşmaq-üzüntüyə və kədərə yozulur.

QABAQ-Röyada qabaq görmək-ən yaxşı yuxulardan sayılır. Etibarlı, şanlı adam, xoşrəftar rəhbər, alim və ya həkim anlamındadır. Yuxuda qabaq-xəstə üçün şəfadır.
Röyada bişmiş qabaq yediyini görən kimsəyediyi qədər elm öyrənəcək, yaxud dağınıq olan şeyləri bir araya cəmləyə biləcək. Yuxuda görülən qabağın başa qaxmaq, azarlamaq, kədər, sıxıntı, darlıq, xəstəlik kimi mənaları da var. Qabaq yemək-aydın zəkaya və möhkən zehnə də yozula bilir.

QAB-QACAQ-Torpaqdan, gildən düzəldilmiş qab-qacaq görmək-nökər, xidmətçi, bənna anlamına gəlir. Eyni zamanda, röya sahibnin mal-mülık yiyəsi olacağını bildirir.

QABIQ-Ağac qabığı-bir səyahət xəbəri sayılır. Dəniz heyvanı qabığı-xoş xəbərdir.

QABIRĞA-Qabırğa yuxuda qadına, röya sahibinin arvadına işarədir.
Qabırğa-çadır və dirəkləri, evin çardağını, döşəmə və tavanını ifadə edir, eyni zamanda, sayğıda, sevgidə fərq qoyulmayanailə müzvlərinə də yozulur. Yuxuda qabırğa-sinəyə çəkiləcək hər cür pisliklərə, zəhmətə, şirin əzablara da işarə sayılır. Öz qabırğlarının sanadığını, dəri altından çıxdığını görməkröya sahibinə yetişəcək əzab və çətinliklər analmına gəlir.
Röyada qabırğaların böyüdüyünü və ya üzərindəki dərinin qalınlaşdığını görmək-ruziyə, şişmanlığa və xəstəlikdən qurtuluşa yozulur.
Qabırğalarının olmadığını görmək-ailə üzvlərindən birinin itgisinə; qabırğa yemək-röya sahibinin ailəsinə və qohumlarına yük olduğuna və ya ğynindən pal-paltarını satmağa işarədir.

QADIN-Röyada qadın-dünyadır. Bir kimsə yuxuda qadının ona tərəf gəldiyini və gülərək ona baxdığını görərsə, bu-xeyrə yozulur, dünyanın yaxşılığa doğru getdiyini göstərir.
Yuxuda qadının sizə bir şey verdiyini görmək-dünya işiylə məşğul olduğunuza işarədir. Ziynətli və gözəl qadın görən zəngin olur. Çirkin qadın-yoxsulluq deməkdir. Müsəlman olmayan qadın və ya qız görmək-haram mala; qadınlarla topluca oturmaq-röya sahibinin işsiz və tənbəl olduğuna, xeyrə-şərə yaramadığına yozulur.
Röyada görülən şişman qadın-ilin ucuzluq və bolluq içində keçəcəyini; arıq, zəif qadın isə-ilin qıtlıq və bahalıq içində keçəcəyini göstərir.

QAYA-Röyada qaya görən adamın inadçıllıqdan vaz keçməsi, davranışlarını məqbul və anlayışlı ölçülərə uyğun olaraq tənzimləməsi gərəkdir.

QAYDA (tuluq zurnası)-Röyada qayda görmək və ya səsini eşitmək-evlənmə işinizin xeyli gecikəcəyinə işarədir.

QAYIQ-Röyada özünü qayıqda görən cavan oğlan səmimi bir dostu tərəfindən aldadılacaq, müşkül bir durumda qalacaqdır. Röyanı görən orta yaşlarında olarsa, pul itgisi üznüdən onun yaşayışı dəyişəcəkdir. Cavan qadın üçün bu cür yuxu-səmimi bir dost əldə etməyə; yaşlı qadın üçün-uçuq-sökük, xaraba bir evə daşınmağa yozulur.

QAYIŞ-Xeyrə yozulmur, pis, üzüntülü bir sürprizlə qarşı-qarşıya qalacağınıza işarə sayılır.

QAYMAQ-Yuxuda qaymaq yemək və ya satın almaq-hamı üçün gələcəkdəki varlığı və xoşbəxtliyi müjdələyir.

QAYMAQÇİÇƏYİ-Məcburi bir yolculuğun xəbərçisi sayılır.

QAYNAQ (mənbə)-Röyada bir su qaynağı (mənbəyi) görmək-uzun və sağlam bir həyat sürəcəksiniz.

QAYINANA-Yuxuda qayınana görmək-xeyirli bir xəbərlə bəabər, əlinizə xeyli miqdarda pul, ya da istiqraz keçəcəyini göstərir.

QAYINATA-Çox yaxın zanamada səfərə çıxacağınıza yozulur.

QAYSİ (ərik)-Xoş xəbərə yozulur.

QAYÇI-Röyada qayçı-doğrunu yalandan ayırmağın və alimlərin rəmzidir. Qayçı-uşaqların və övladların çoxluğuna da işarədir.
Yuxuda əlində qayçı görən adamın bacı və qardaşları çox, ruzisi bol olacaq. Röyada qayçı görən adam subaydırsa-evlənəcək. Göydən üstünə qayçı düşdüyünü görən kimsənin ömrü tükənir deyirlər. Qayşıyla bir şey, yaxud saç kəsdiyini görmək-röya sahibi üçün işdə xeyirli bir fürsət yaranacaq.

QAZ-Röyada qaz görmək-arvada və qulluqçuya işarədir.
Yuxuda qaz əti yemək-röya sahibi qonşularından varlı və nəşəli bir qadınla evlənəcək.
Röyasında qazla danışan adam arvadı tərəfindən şərəf və şöhrətə yetişər.

QAZ-Yuxud yanar qaz görmək-sevincə və işinizin qabağa gedəcəyinə, daha çox ölçülü-biçili yaşayışa başlamaqla həyat tərzinizdə böyük dəyişikliklər əldə edəcəyinizə yozulur.

QAZ SƏNAYESİ ZAVODU-Bu röya hər kəs üçün qazancın artacağına, yaxud xalqa böyük xidmətdə bulunacaq bir yerə təyin edilməyə yozulur.

QAZAN-Rəsmi dairələrdə olan işinizi, əvvəl-axır, bitirəcəyinizə yozulur.
Qazanın qaynadığını görmək-bu röyanı görən qadın ərindən boşanacaqdır.
Yuxuda qazan-qüvvətli olmağa və düşmənə qalib gəlməyə də işarə sayılır.
Qazanın içində şorba və ət görmək-şərəfli ruzi anlamındadır.

QAZANC-Röyada bol qazanc əldə edildiyinin görülməsi-əlinizdən pul gedəcəyinə işarədir.

QAZLI SU-Röyada qazlı su şüşəsi görmək-iyirmi dörd saat içərisində gözləmədiyiniz bir xəbərlə qarşılaşmağa; qazlı su içmək isə-pul itgisinə yozulur.

QALA-Qayğı və sıxıntıdan qurtulmaq, qadın rəhmi kimi yozulur. Qala-hökmdar və ya dövlət başqanını şərdən xeyrə çevirən qüdrətli bir güc deməkdir.
Yuxuda özünü qalaya girən görmək-röya sahibinin dinində ibadət və itraət sahibi olduğuna, düşməninə üstün gələcəyinə işarədir.
Uzaqdan görünən qala-bir evdən başqa evə daşınmağa; qalanın dəmir qapısının qapandığını görmək-işlərinizdə uğur qazanacağınızı, günah və cəzadan qurtulacağınızı ifadə edir.
Qalanı fəth etmək-bir qızın qızlığını almaq deməkdir.

QALAY-Parlaq bir gələcək şəklində yozulur.

QALAYÇI-Sizi çox nəşəli günlər gözləyir.

QALDIRICI KRAN-Son zamanlar sıxıntı içində olduğunuza və ağır bir borc yükü altına girəcəyinizə yozulur.

QALİBİYYƏT-Röyada özünü hər hansı bir idman yarışında qalib gəlmiş görən, ertəsi gün cəhd elədiyi bir işdə yeniləcəkdir. Əgər yarışda uğur çox fərqli bir üstünlüklə əldə edilmişsə, röyanı görən adama durduğu yerdə hardansa pul gələcəkdir.

QALXAN-Röyada qalxan görən adam zəngin olacaq, oğlu dünyaya gələcək, bir az çətinlik çəksə də, sonu yaxşı olacaqdır.

QAMIŞ-Yuxuda qamış görmək-röya sahibnin heç gözləmədiyi bir anda tanışları qarşısında çətin və anlaşılmaz bir duruma düşəcəyini göstərir.

QAMIŞLIQ-Sıxıntı içinə düşməyə və bu sıxıntıdan bir dostun yardımı sayısində qurtara biləcəyinizə yozulur.

QAMÇI (qırmanc)-Röyada qamçı-gərəksinmə (ehtiyac) və istəyin ödənəcəyinə, yerinə yetəcəyinə, düşmənlərin yeniləcəyinə yozulur. Qamçı, eyni zamanda, uşağa və ürəyəyatrımlı təmiz bir dosta işarə sayılır. Göydən enən qamçı-sərt adama, qəzab və əzaba, yaxud hökmdar və dövlət başqanına da yozulıa bilər.
Heyvanın quyruğundan, sağrısından kəsilərək düzəldilmiş qamçı və ya qırmanc görmək-yetgin, heybətli, gözəl və əzəmətli hökmdara və ya dövlət başqanına yaxınlıq, bu yaxınlıqdan qazanılacaq məqam və rütbə anlamına gəlir. Əgər qamçı səliqəli və qaydasında düzəldilməmişsə, bu yuxu gəzici, (səyyar) vergi məmurunu ifadə edir. Yuxuda öz qırmancı ilə öz heyvanını qırmanclamaq-yuxu görən yaşayışı, dolanşığı üçün Allah-təalaya dua niyazda bulunacaq. Qamçıyla öz atını vurub ona qoşmaq istədiyini yuxuda görən adam çətin bir işinin həyata keçməsi üçün Allaha dua edəcəkdir. Qamçı zərbəsindən bir yerinin ağrıdığını görən adamın nəsihəti təsirli olur. Yuxuda padşah tərəfindən yüz və yüzdən az qırmanc vurulduğunu görmək-o adam vurulan qırmancın sayı qədər hökumətdən yardım alıb var-dövlət sahibi olacaqdır.

QAN-Bədəninizdə yara olmadığı halda, qan axdığını görmək-böyük bir zərərə uğrayacaqsınız.
Bir yaradan çoxlu qan axdığını görmək-mənəvi və maddi baxımdan böyük irəliləyişiniz olacaq, yüksələcəksiniz.
Qan içmək-haram mal əldə edəcək, lakin xeyrini görməyəcəksiniz.
Bədəninizin bir yerindən qan axdığını və üst-başınızın bulandığını görmək-qeyri-məqbul yollarla pul və mal qazanmağa yozulur. Axan qan paltarınıza bulaşmasa-günahlarınızdan təmizlənəcəksiniz.
Güllə, bıçaq və s. silahlarla alınan yaradan qan axması-malınız-varınız artacaq, miras yoluyla əlinizə pul gələcək, yaxud xeyirli bir səyahətə çıxacaqsınız.
damarlarınızdan qan axması-varlı üçün kasıblığa, kasıb üçün var-dövlətə işarədir.
Dişlərinizdən qan gəlməsi-qohumunuzdan zərər görəcəksiniz.
Bir yerdə qan görüb içinə düşmək-iftira və dedi-qodudur.
Bir irmağı, çayı qanlı axan görmək-müharibəyə işarədir.
Gözdən qan axdığını müşahidə etmək-sevdiyiniz bir kimsədən əbədi olaraq ayrılığa yozulur.
Qan aldırmaq-davamlı səhhətə və afiyətə işarə sayılır.

QANALMA-Bilgiyə (elmə) və əmanətə işarə olub, qorxunun, təhlükənin sovuşduğuna yozulur. Qan alan ixtiyar adamdırsa, bu röya çox xeyirlidir. Cavan oğlan belə yuxu görərsə, sərvətə və şöhrətə qovuşar.

QANQSTER-Yuxuda qanqster görən adamın həyatı və gələcəyi himayə altındadır.

QANTAR (yaylı əl tərəzisi)-Kasıb üçün var-dövlət anlamına gəlir.

QAPAN-Ynlış bir hərəkətə yol verərəkişlərinizi alt-üst edəcəyinizə dəlil olaraq qəbul edilir.

QAPI KİLİDİ-İşlərin çözüm yoluna girəcəyinə yozulur.

QAPI CIRILTISI-Röyada ev və ya mənzilin qapısının cırıltısını eşitmək-gözətçi, yaxud qapıçı tərəfindən bir pisliyə, ya da ər-arvad arasında baş verəcək narazılığa işarə sayılır. Eyni zamanda, bir sirrin ifşa ediləcəyini göstərir.
Bir mirzənin yazı yazarkən (yazı taxtası və ya kağız üzərində) qələminin cırıltısını yuxuda eşitmək-elm adamları üçün Allah və xalq nəzərində dərəcələrinin yüksək olmasını və yaxşılıqla anılmalarını; başqa adamlar üçün-gizli şeylərin meydana çıxmasını və çətinliklərlə qarşılaşacağını xəbər verir.
Qapını yıxılmış və ya yanmış görmək-qayğıya, zəifliyə; təzə qapı-röya sahibinin evlənərək bəla və müsibətlərdən qurtulacağına yozulur.

QAPLAN-Yuxuda qaplan (pələng) görmək-çox hiyləgər və qüvvətli düşmənə işarədir. Qaplan əti yemək, yaxud südünü içmək-mənfəət və qazanca; qaplanı tutduğunu görmək-düşməni yenməyə yozulur.

QAR-Röyada pəncərədən yağan qarı seyr etmək-üzüntü və sıxıntıların ən qısa zamanda öz-özünə yox olacağını xəbər verir. Qar fırtınasına düşmək-tasalı, qayğılı günlər başlayacaq və bir təhlükəni dəf edə biləcəksiniz. Qarda yerimək, üzərində ayaq izlərini görmək-xoş bir sürprizlə qarşılaşacağınıza işarədir.

QARA BİBƏR-Acı xəbərə yozulur.

QARA DƏNİZ-Qara dənizlə ilgili yuxular çətin bir işlə qarşı-qarşıya qalacağınıza yozulur.

QARA RƏNG-Yuxuda qara rəng-ucalıq və var-dövlət deməkdir.
Parlaq qara rəng-hökmdar tərəfindən sizə bəxş ediləcək ucalıq və qüdrət anlamındadır.
Qara paltar geydiyini görmək-ucalığa işarədir. Qara rəngli paltar geyməyə adət etməmiş adamın yuxuda qara geyimdə olduğunu görməsi-üzüntüyə və kədərə yozulur.
Çeşidli yozumlara görə, qara rəng, həm dı röya sahibinin böyük bir qüsuruna, o kimsənin ata-ana üzünə ağ olmasına, yaxud əlini-ayağını sındıracağına işarə sayılır.

QARA TUT-Yüngül bir xəstəliyə tutulma ehtimalını göstərir.

QARA CİYƏR-Röyada qara ciyər görən adam içki içir və qızartma yeyirsə, dərhal bunlardan vaz keçməlidir, serroz ola bilər.

QARAĞAC-İşinizdə uğur, evinizdə xoşbəxtlik deməkdir.

QARABASMA (kabus)-Tez-tez qorxulu yuxu, kabus görmək-röya sahibinin gizli düşməninin meydana çıxmasına və onu yenəcəyinə yozulur.

QARABATDAQ-Dərin bir eşq və məhəbbətlə birisinə bağlanacağınıza yozulur.

QARAYEL-Röyada qarayel rüzgarının şiddətlə əsdiyini görmək-bir tanışınız vasitəilə işinizdə yüksələcəksiniz.

QARAJ-Röyada qarajda avomobili təmizlədiyini, yaxud benzin doldurduğunu görmək-çox yaxşı yuxu kimi yozulur. Yaxın zamanda qovuşacağınız sərvətə və etibara işarədir. Qarajda işləmək-gəliri artırıb çoxaltmaq üçün yaxşı bir fürsət ələ düşəcəkdir.

QARANLIQ-Yuxuda qaranlıq-qayğıların, üzüntülərin artacağına; qaranlıqdan işığa çıxmaq-qayğılardan qurtulmağa, yüksək mövqeli dövlət adamlarına yaxınlıqdan faydalanmağa işarədir.

QARATOYUQ-Çox sevdiyiniz bir dostla bərabər səyahətə çıxacaqsınız.

QARAÇI-Buröya cavan oğlan üçün yaxın vaxtlarda gözlənilməz səfərə; orta yaşlılar üçün-pul itkisinə; evlənməmiş qadın üçün-gözləməyi çox sevən birisiylə izdivaca; evli qadın üçün-bəzi gizli məsələlərin aşkar olacağına işarə sayılır.

QARĞA-Qaba, yalançı və söpzündə durmayan adama işarə sayılır.

QARĞIDALI-Yuxuda qarğıdalı yemək, qarğıdalı tarlası görmək-cavan kişi üçüntikinti işlərindəki uğura; daha təcrübəli və yaşlı adam üçün çətinliyi olsa da, tutduğu işin sonunda böyük bir qazanc gətirəcəyinə; gənc və subay qadın üçün-çox dedi-qodulu bir evliliyə; evdar qadın üçün-gözləmədiyi bir yerdən gələcək pula yozulur.

QARDAŞ-Qardaşını yuxuda görən adamyaxınlarından və ya dostlarından xoş xəbər alacaqdır. Kişilər üçün bu röya maddi durumunun düzələcəyinə; qadınlar üçün-sıxıntılı anında gözləmədiyi bir adamdan yardım gələcəyinə işarə sayılır.

QARDEROB-Uzun illər qurduğunuz xəyallar bir anda gerçəkləşəcək deməkdir.

QARIN-QARTA ŞORBASI-Yuxuda qarın-qarta şorbası içmək-röya sahibinin geniş miqyaslı bir iş dolayısıyla yorğun olmasına və onun dincəlməsi, istirahət etməsi gərəkliyinə işarədir.

QARINQULU (acgöz)-Röyada qarınqulu birini görmək-mədə pozğunluğuna işarədir.

QARIŞQA-Yuxuda qarışqa-zəif və hirsli bir qövmü, milləti, əsgəri, ordunu, ailəni və uzun ömrü ifadə edir.
Qarışqa-ucuzluq, bolluq və ruzi əlamətidir.
Xəstə olan adam yuxuda bədənində qarışqa gəzdiyini görsə, vəfat edəcək.
Röyada qarışqanın qanadlandığını görmək-çoxlu əsgərin həlak olacağını xəbər verir.
Bir şəhər və ya məmləkətdən qarışqaların qaçdığını görmək-oğruların həmin yerdən bir şey oğurladığını və ya orda təmir, quruculuq işləri gördüyünü xəbər verir.
Röyada qarışqa öldürdüyünü görən adam başqasının təhrikiylə günah iş tutacaq.
Yuxuda görülən böyük bir qarışqa-savaşçıların öldürüləcəyinə, xəstələrin vəfat edəcəyinə, səyahət arzusunda olanların ölüm xəbərinə və zərər çəkəcəklərinə işarədir.
Böyük bir qarışqanın evindən yüklə bərabər çıxdığını görən adamın oğlu və ya qardaşı onun var-dövlətini oğurlayacaq.

QARMON-Yuxuda qarmon-uzaqdakı bir dostunuzdan və ya qohumunuzdan şad xəbər alacaqsınız.

QARNİZON-Röyada özünü hərbi qarnizonda görənin bəxti açılacaq, girişdiyi işlərdə uğur qazanacaq, sevdiyi adamdan qarşılıq görəcəkdir.

QARPIZ-Çeşidli yozumlarla açıqlanır:
Qarpız satın almaq-bir işə pul qoyub maya buraxmağa işarədir.
Qarpız kəsmək-pis xəbərdir.
Qarpız yemək-haqqınızda dedi-qodu çıxacaqdır.
Bostandan qarpız toplamaq-yaxın bir adamınızla aranız pozulacaq.

QARSON (ofisiant)-Röayada restoranda və ya qəhvəxanada qulluq edən bir qarson dostunuzla rastlaşmaq-ailənizdən çətin vəziyyətə düşən bir nəfər sizdən yardım istəyəcək.
Yuxuda ozünü qarson görmək-ortaya xoşagəlməz ani bir iş çıxacaq və ya evinizi dəyişdirəcəksiniz.
Fıştırıq çalan və ya şərqi söyləyən qarson-gözləmədiyiniz bir qonağınız gələcək.

QARTAL-Çox xeyirli yuxulardandır, böyük bir qismət deməkdir.

QAT (mərtəbə)-Röyada bir evin mərtəbəsini satın almaq-bəzi boş xəyallara baş qoşduğunuzu göstərir.

QATAR-Yuxuda qatar-işinizdə yüksəlmək üçün yaxşı bir fürsət yaranacağına yozulur. Qatarda birisini görmək-dostlarınızdan yaxşılıq görəcəksiniz. Qatarda səyahətə çıxmaq-çox ömənli nəticələri olacaq bir toplantıya dəvət alacağınızı göstərir.

QATİL-Röyada qatil görmək-şərqli və qərbli yozuculara görə, şad bir xəbərlə qarşı-qarşıya qalacaqsınız deməkdir.

QATIQ-Yaxşı qazanca, çoxlu pula, uzun ömrə yozulur.

QATIR-Aşağıdakı biçimdə yozulur:
Qatıra minmək-zəhmətli bir işdən üz ağlığıyla çıxmaqdır.
Qatır satın almaq-evdə bəzi üzüntülərə işarədir.
Qatırdan düşmək-pul-mal itkisidir.
Qatırdan şıllaq yemək-gözləmədiyiniz bir dostdan xəyanət görəcəksiniz.

QATIRDIRNAĞI (bitki)-Röyada qatırdırnağı çiçəyini görmək-yuxu görənin şair, ya da çox romantik ruhlu bir adam olduğuna işarədir.

QATLAMA BIÇAQ-Ailədə dedi-qodu olacağına işarədir.
Bıçaq bülövləmək-haqqınızda dedi-qodular çıxacaq və bundan çox üzüləcəksiniz.
Bıçaqla bir çey kəsmək-işlərinizin qarışacağına yozulur.

QATRAN-Çoxdan bəri arzuladığınız və ardınca düşmüş olduğunuz bir iş müsbət nəticələnəcək.

QAFA-Röyada qafa görmək-bir sınaqdan uğurla çıxacağınıza yozulur.

QAÇAQ-Röyada fərari bir qaçağı yaxalamaq-gizli, fəqət çox qüdrətli düşmənə işarədir.

QAÇAQ-QUDUR-Aranızda duran, yardım edən adam sizi bu köməkdən məhrum edəcəkdir.

QAÇAQMALÇI (kondrabandaçı)-Yuxuda qaçaqmalçı görmək-röya sahibinin bir qəbahət işləyəcəyinə və bu səbəbdən çox diqqətli olmağın gərəkliyinə işarə olaraq qəbul edilir.

QAÇIŞ (cıdır) MEYDANI-Röyada cıdır meydanı-nəşəyə, sevincə, düşmən üzərində qələbəyə, kişik yaşlı uşaqlar üçün Qur`ani-Kərimi öyrənməyə yozulur.

QAÇMAQ-Bir təhlükədən və ya qovğadan qaçmaq-gününüz bir müddət qorxu və əndişə içində keçəcək, lakin sonu xeyirli olacaqdır. Əgər röya sahibi həbsdən qaçdığını və ya başqasının qaçmasına yardım etdiyini görmüşsə, çox önəmli bir sirrini söyləmiş olduğu bir dostu onu ifşa edəcəkdir.
Röyasında qaçdığını, lakin qaçma səbəbinin nə olduğunu bilməyən adam tövbə edər və günahlarının bağışlanmasını dilər.

QAŞ-Yuxuda qaş görmək-xeyrə yozulur, işlərinizin, sağlamlığınızın yaxşı olacağına işarə sayılır.

QAŞIQ-Bolluq və bərəkətə yozulur.

QAŞINMAQ-Röyada qaşındığını görmək-sıxıntılı günlərin başlayacağına, lakin bu sıxıntının çox sürməyəcəyinə yozulur.

QEYİ-TƏBİİ RÖYALAR-Həyatda mümkün olmayan şeyləri yuxuda görmək, iştirak etməyin mümkünsüz olduğu bir ziyafətdə bulunmaq, dünyada tayı, oxşarı olmayan bir çox əcayib məxluq görmək və onlarla söhbətləşmək, dostluq etmək-röya sahibinin normal həyatında gözlənilməz dəyişikliklər olacaqdır.

QƏBAHƏT-Röyada qəbahət bir iş tutmaq-xeyrə yozulmur, pis xəbər əlaməti sayılır.

QƏBİLƏ-Röyada qəbilə görmək, bir qəbilə içində olmaq-yuxunu görən pula, var-dövlətə nail olacaq.

QƏBİR-Röyada qəbir həbsxanaya, həbsxana da qəbrə işarə sayılır. Yuxuda qəbir qazmaq-evi təmir etməyə, yaxud evlənməyə yozulur.
Cənazə görmədən qəbrə girdiyini görən kimsə vəfat etmiş bir adamın miras qalan evini satın alacaq.
Subay adamın röyasında qəbri qazdığını görməsi-onun hiyləylə bir qadına evlənəcəyini göstərir.
Röyada bir qəbir satın alaraqiçinə girmədiyini görən adam bir qadınla nigahlanıb evlənəcək.
Qəbrin bir yerdən başqa yerə dəyişdirildiyini görmək-qəbir sahibinin övlad və törəmələrindən birisinin orda ev tikəcəyini xəbər verir.
Dam üstündə qəbir qazdığını görən adamın ömrü uzun olar.
Röyada qəbirləri ziyarət etmək-həbsxanada olan məhkumları yoxlamaq, ziyarət etmək deməkdir.
Bir şəhərdə özünə və ya başqasına qəbir qazdığını, yaxud özü üçün bir qəbir qazıldığını görən adam o yerdə ev tikib məskən salacaq.
Yuxuda ölmədən dəfn edildiyini görən kimsəyə üzüntü və kədər üz verəcək, yaxud o adam həbsxanaya düşəcəkdir.
Yuxuda bir qəbiri açmaq-röya sahibinin qəbir yiyəsinin həyatdakı yolu və əməlləriylə uğraşmaq arzusunda olduğuna işarədir. Məzarda uyuyan alimdirsə, röya sahibi də elm alıb hikmət sahibi olacaq; varlıdırsa-var-dövlətə yetişəcək.
Röyada tanış olmayan ölülərin qəbirlərindən sıçrayıb qalxdıqlarını və evlərinə doğru getdiklərini görmək-röya sahibinin yaşadığı yerdə pis adamların müsəlman olmalarını, yaxud əkinçilərin bitəcəyinə umid etmədikləri əkin məhsullarının bitib mçəhsul verəcəyini göstərir.

QƏBİRQAZAN-Hiylə ilə aldadılacağınızı xəbər verir. Özünün qəbir qazdığını görən adam rəhmətə nail olavaq.

QƏBİRİSTAN-Röyada qəbiristan görən tutduğu günah əməllərə görə tövbə edəcək. Özünü ölmüş görənin ömrü uzun olacaq. Bir ölünü ağlamaq-xeyir xəbərə; ölünü qaçarkən görmək-uzun ömrə əlamətdir. Ölüyə bir şey vermək və ya ölünün röya sahibinə bir şey verməsi-evdə də, işdə də bolluq və bərəkət olacaqdır. Ölülərlə bərabər getmək-əcəlin yaxınlaşdığını xəbər verir. Öz evində ölü göərn adam istəyinə və muradına çatar deyirlər.

QƏDƏH-Daha çox evin xanımına və qulluqçuya yozulur. Qızıl və gümüş qədəhlər-sağlamlığı, gizli işlərin açığa çıxmasını ifadə edir.
Röyada görülən dolu qədəh-hamilə qadındır. Əgər qədəhin içindəki su tökülürsə, hamilə qadın uşaq salacaq; qədəh qırılarsa-qadın öləcək.
Yuxuda əlində qədəh olduğunu, qədəhin əlindən düşüb qırıldığını, lakin suyun əlində qaldığını görmək-röya sahibinin arvadı oğlan doğacaq, özü isə öləcək, uşaq sağ qalacaqdır. Əgər qədəh qırılmazsa, lakin içindəki su tökülərsə-uşaq öləcək, qadın sağ qalacaq.
Başqa bir yozuma görə isə, büllur qədəh qırılarsa, sıxıntı, kədər üz verər.

QƏDİR GECƏSİ-Röyada orucluq ayının 27-ci gecəsini, Qədir gecəsini görmək-yuxu görənin işlərində və istəklərində böyük uğurlar qazanacağına və onun Allahın sadiq qulu olduğuna yozulur. Bu röya ən uğurlu və xeyirli yuxulardan sayılır. Şərqin röya yozucuları “Qədir gecəsi” yuxularının çox az görüldüyünü söyləyirlər.

QƏYYUM (məscid xidmətçisi)-Xeyirli bir işə girişəcəyinizə işarə sayılır.

QƏZET-Röyada qəzet oxuyan adam yaxın vaxtlarda gözləmədiyi, lakin çox maraqlandığı bir olayla qarşılaşacaq. Əgər mətbəə yuxuya girərsə, daha karlı bir işə girişəcəksiniz. Özünü qəzetçi, müxbir görmək isə ərmağan və şöhrətə yozulur.

QƏLB (ürək)-Röyada görülən qəlb yuxu sahibinin ürəkli və nəşəli olduğuna, cəsarətinə, ağıl və zəkasına, əliaçıqlığına, ciddi və sadə adam olduğuna işarədir.
Qəlbində bir qorxu və əndişə hiss etmək-röya sahibinin haqqa, həqiqətə uymasınavə doğru yolu bulmasına yozulur.
Ürəyinin ağzından çıxdığını görmək-dinin gözəlliyinə işarədir. Yuxuda qəlb-qadın rəmzi kimi də mənalandırılır.
Ürəyin parça-parça oduğunu görmək-röya sahibi xəstə isə yaxşılaşacaq, qayğı və qüssədən qurtulacaq.
Qəlbində göz olduğunu görmək-zəka və anlayışa, dinində sağlam olmağa, gözəl və açıq sözlülük anlamına gəlir.
Yuxuda ürəyin ağrıdığını hiss etmək-pislik edəcəksiniz. Ürəkdə xəstəlik olduğunu görmək-böhtana, araqarışdırıcılığa yozulur.
Yuxuda ürək, bəzən də insanın hörmət etdiyi alicənab rəhbərə, müdirə, sirdaşa işarə sayılır.

QƏLƏM-Yazı yazmaq üçün istifadə edilən qələmi yuxuda görmək-elmə, Allah əmrinə və uşağa yozulur.
Röyada bir qələmə malik olduğunu görən adam elm, bilik sahibi olacaq. Əgər o qələmlə yazı yazdığınızı görsəniz, yazacağınız əsərlər anlamına gəlir.
Bir kimsə röyasında əlində və ya yanında qələm olduğunu görərsə, bu yuxu onun qardaşıyla bir yerdə olacağına və əgər anası hamilədirsə, oğlan uşağı doğacağına işarə sayılır.
Bir varlı yuxuda əlində dövlətdən aldığı bir qələm olduğunu görərsə, bu-ucalığı, qüdrəti, mötəbər əmri ifadə edir. Əgər röya sahibi vəzifədən götürülmüşsə, bir şəhərə vali və orda hökmü keçərli olur.
Röyada qələmin mürəkkəb içərisinə batırdığını görən adam çirkin bir işə girişəcək.
Yuxuda qələm, eyni zamanda, hökmdara, alimə, dil və qılıncla özünə şərəf, şöhrət təmin edən, hökümü icra edən şəxsiyyətlərə və qəhrəmanlara da yozulur.
Röyada görülən qələm-comərdlik və xeyirxahlıq, insanın sirr sahibi olmasını, yaxud düşməni üzərində zəfər çalacağını ifadə edir.

QƏLYAN-Dambatlıq və çoxbilmişlik əlaməti olaraq qəbul edilir.

QƏLP PUL KƏSƏN (saxtakar)-Röyada qəlp pul kəsən bir saxtakar görmək-heç bir işdə duruş gətirilməyəcək avara və başıboş bir həyata və bu durumun uzun müddət davam edəcəyinə işarədir.

QƏM-Röyada özünü qəmli durumda görən adam ertəsi gün şən-şaqraq dəqiqələr keçirəcəkdir.
Röyada özünü qayğılı və kədərli görmək-günaha batmaq deməkdir, eyni zamanda, röya sahibinin tezliklə tövbə edərək, qayğı və üzüntüdən qurtulacağı anlamına gəlir.

QƏMƏ (xəncər)-Gənc oğlanın özünü müdafiə üçün başqasına qəmə çəkməsi-girişiləcək bir işə, qüvvətli bir rəqiblə qarşılaşmağa, yaxud da eşqə və sevgiyə işarə olaraq yozula bilir.
Yaşlılar üçün bu röya-ciddi bir rəqabət üzündən meydana çıxacaq çətinlikləri; qadın üçün-pis bir yoldaşından görəcəyi zərəri xəbər verir. Röya görən daha yaşlı adamdırsa, ailə qovğalarını önləyə, aradan qaldıra biləcəkdir.

QƏMZƏ-Röyada nazlı-qəmzəli adam görmək-ertəsi gün işləriniz yaxşı gedəcək, nəzərdə tutduğunuz şeyi əldə edəcəksiniz. Məmursunuzsa, işdə yüksələcək; fəhləsinizsə-əlinizə pul gələcəkdir. Şagird, yaxud tələbə belə yuxu görərsə, dərslərindən yaxşı qiymət alacaqdır.

QƏNDİL (çıraq)-Röyada yanar qəndil görmək-hamilə qadın üçün oğlan uşağı doğacağına; xəstə üçün isə həyat yoldaşı kimi yozulur.
Röyada qəndilinin söndüyünü görən xəstə ölər. Bir kimsənin yuxuda qəndil və ya şamının düzgün yandığı yerdə birdən işığının artmasını görməsi-xəstəsi varsa yaxşılaşacaq.
Yuxuda işığı zəif və kiçik qəndil-hamilə qadın üçün bir qız uşağını ifadə edir.
Röyada evinin qəndilini işıqlı olaraq görmək-yuxu sahibinin ev işlərini görən adamın yaxşı xasiyyətli olmasına işarədir.
Yuxuda evin qəndilini sönmüş görmək-o evin işlərinə baxan adamın qarışıq və bəd əməllərinə və ya ev sahibinin işlərinin çətinləşməsinə, yaxud ailə üzvlərindən birinin vəfatına yozulur.
Röyada əlində qəndil olduğunu və onun sönəcəyindən qorxduğunu görən adam xəstədirsə vəfat edəcək.
Röyada gecə ikən əlində bir şam getdiyini görən kimsə bir günah işlər, sonra da tövbə edər.
Yanan şamı üfürüb söndürməyə çalışmaq-röya sahibi dürüst bir kimsənin işini ləğv etməyə çalışsa da bacarmayacaq.
Bir vali əlində sönmüş qəndil görərsə, işindən azad ediləcək. Röya sahibi tacirdirsə-zərər çəkəcək; xeyirxah adamdırsa-maılı gedəcək.
Məsciddə qəndilin söndüyünü görmək-məscidə gedib-gələn adam alimdirsə, vəfat edəcək.
Röyada qəndili vaxtında yandırmaq-şan-şöhrətli və faydalı bir uşağı ifadə edir.

QƏNİMƏT-Röyada bir döyüşdən sonra qənimət ələ keçirdiyini görən adamın başından talesiz bir eşq macərası keçəcək və bu səbəbdən o, uzun illər üzüntü içində qalacaqdır.

QƏPİK-QURUŞ-Röyada cibindəki xırda qəpik-quruşu şaqqıldatmaq-pul baxımından həyatda sıxıntı çəkəcəyinizə işarədir. Yolda qiymətli bir metal pul tapmaq-çalışdığını müəssisə sizi daha məsuliyyətliu və daha yaxşı bir maaşla başqa şöbəsinə işə götürəcəkdir. Röyada xırda pul itirmək-qarşınıza çıxan mühüm bir fürsəti əldən verəcəyinizə işarə sayılır.

QƏRARGAH-Röyada hərbi qərargah görmək-igidliyə, mərdliyə, toy-düyünə işarə sayılır.

QƏRƏNFİL-Çeşidli yozumları var:
Qırmızı qərənfil-şiddətli eşqdir.
Bəyaz qərənfil-təmizlik və saflıqdır.
Alabəzək qərənfil-nəşəli günlər və səadətdir.
Sarı qərənfil-üzüntü və xəstəlikdir.
Yaxaya qərənfil taxmaq-yüngülxasiyyətlikdir.
Qərənfil çeynəmək-əndişədir.

QƏSƏBƏ-Öünü balaca bir qəsəbədə görmək, içində dolaşmaq və ya kimisə axtarmaq-dedi-qoduya düşüb üzüntülərə dücar olacaqsınız.

QƏSSAB-Röyada tanımadığınız bir qəssab görmək-Əzrayıl mələyiylə yozulur. Yuxuda qəssablıq edən üsyan edər, qoyun kəsən zülm edər. Qoyunun başını gövdəsindən ayırdığını görən adam arvadından ayrılacaq. İnsan əti yemək-başqasının arxasınca pis-pis danışmaqdır. Əlini qanla yaxalayan-muradına çatacaq.

QƏTL-QIRĞIN-Röyada qırğın, qarət görmək-yünkül bir xəstəliyin başlanğıcı kimi yozulur.

QƏHVƏ-Röyada qəhvə içmək, cavan oğlan üçün-yabancı bir məmləkətdə yurd salıb xoş ömür sürməyə; orta yaşlılar üçün-cəsarətli bir cəhddə bulunub bəxt, qismət tapmağa; gənc qız üçün-varlı bir gənclə evlənməyə; evli qadın üçün-fitnə-fəsadçı bir yoldaşının təqsiri üzündən ən yaxın dostlarına güvənci, inamı itirməyə yozulur.

QƏHVƏXANA-Röyada qəhvəxana önündən keçmək-yaxınlarda alacağınız bir təklifin aldadıcı olduğuna və bu səbəbdən diqqətli olmağın gərəkliyininə; qəhvəxanada oturmaq-uğur gətirəcək bir işi öz üzərinizə göyürəcəyinizə işarə sayılır.

QƏHVƏ ÇÖKÜNTÜSÜ-Ömrün uzun və xoşbəxt olacağına yozulur.

QƏHQƏHƏ-Röyada qəhəqəhə ilə gülmək-xeyrə yozulmur, pis xəbərə işarədir.

QƏHRƏMAN-Adı tarixlərə düşmüş bir qəhrəmanı yuxuda görmək-indiyə qədər olduğu kimi, bundan sonra da doğruluqdan ayrılmadığınız təqdirdə həyatınızın bütün dövrlərində uğurlarınız davam edəcəkdir. Qarşıda sizi parlaq bir istiqbal gözləyir.

QƏFƏS-Gözləmədiyiniz bir vaxtda böyük sıxıntıya düşəcəksiniz.

QİYAMƏT (məşhər)-Röyada qiyamət gününü görmək-röya sahibinin itaətsizlikdən və çirkin şeylərdən çəkinməsini, günah işlərdən sakınmasını ifadə edir.
Yuxuda qiyamət günün görülməsi, eyni zamanda, ədalətə, insafa və məzlumunzalımdan intiqamında da yozula bilir. Yalnız öz üzərində qiyamət qopduğunu görən adam ölür.
Qiyamət-qan tökülməsi, xalq arasında fitnə-fəsada, ixtilaf, savaş, qovğa və sair bu kimi məşhər əlamətlərinin zühur etməsini ifadə edir.
Röyada qəbirlərin yarılıb açıldığını və ölülərin qəbirdən çıxdığını görmək-o yerdə haqqın-ədalətin yayğın olduğuna işarə sayılır.
Röyada qiyamət qopduğunu və dünyanın əvvəlki halına qayıtdığını görmək-bir qövm tərəfindən ediləcək zülmə, haqsızlığa yozulur.
Yuxuda qiyamət qopduğunu görmək-düşmənin bəd əməllərindən qurtarmağa və ya qiyamətin qonduğu yerdə camaat arasında bir fitnə-fəsad törədəcəyinə işarədir.

QİYMƏ (döyülmüş ət)-Bolluq və bərəkət anlamına gəlir.

QIZARTMA-Yuxuda özünün balıq, quzu əti və ya badımcan qızartdığını görmək, yaxud başqasını mətbəxdə bu iş başında seyr etmək-ciddi sonuclar verəcək bir qovğanı xəbər verir.

QIZIL-Yuxuda qızıl görmək həm Qərb, həm də Şərq yuxu yozucuları tərəfindən, ümumiyyətlə, xeyrə yozulur, firəvanlıq və sağlamlıq deməkdir. Yuxuda qızılın başqa bir mənası ümid və parlaq gələcəkdir.
Qızılla bağlı digər yozumlar:
Qızıl bilərzik və ya əsil qızıl-şəxsi ləyaqət hissi və xətir-hörmət get-gedə artacaq.
Hər iki əlin birdən qızıl olduğunu görmək-iflic xəstəliyinin yaxşılaşacağına işarədir.
İki gözün birdən qızıl olduğunu görmək-verdiyini qərar tamamilə doğru və yerindədir.
Özünün qızıl zinət şeyləriylə bəzənmiş görmək-var-dövlətə və işində yüksəlməyə yozulur.
Başqasından qızıl almaq-adlı-sanlı bir adamdan gözləmədiyiniz halda böyük maddi və mənəvi yardım alacaqsınız.
Qızıl xəzinəsini görmək-xoşbəxtliyə və röya sahibinin istədiyi qədər oğul-uşaq yiyəsi olacağına yozulur.
Bir torba qızıl görmək-yeni işlər ortaya çıxacaq və böyük miqdarda pula sahib olacaqsınız.
Qızıl saymaq-qısa sürən bir xəstəlik asanca dəf ediləcək.
Qızıl tökmək-bir eşq uğruna, ancaq sonradan vicdan əzabına yozulur.
Qızıl zəncir-xeyir xəbər alacaqsınız.

QIL KÖRPÜ-Röyada özünü axirətdə qil körpünün üstündə duran görmək-işləriniz düzələcək, arzu və istəkləriniz başa gələcək.

QILINC-Röyada qılınc qurşadığını görmək-böyük bir vilayətə vali olacaqsınız. Qılıncın ağır olduğunu və sizi əydiyini görməniz-valisi olduğunuz vilayətdə qüvvətlənərək yüksələcəksiniz.
Qılıncın asqısının kəsildiyini görmək-o vilayətin gözəlliyinə işarədir.Ərin arvadına, yaxud arvadın ərinə yuxuda qılınc verməsi-ailənizdə bir oğlan uşağı doğulacaq.
Dəmir, mis, qalay və ağacdan olmaqla dörd qılınc qurşadığını görən adamın dörd oğlu olacaq. Dəmir qılınc-güclü, qüvvətli oğula; mis qılınc-zəngin və bol gəlirli oğula; qalay qılınc-qadın təbiətli qorxaq oğula; taxta qılınc-böhtançı, fəsadçı oğula işarə sayılır.
Röyada qılıncı qınından çıxarmaq və onun kirli-paslı olduğunu görmək-çirkin oğlan uşağına yozulur. Qılıncın qında qırılmış olduğunu görmək-uşaq anasının qarnındaykən öləcək. Qılıncı qınından dartıb sıyırmaq, qılıncın parlaq və kəskin olduğunu görmək-röya sahibi haqq söz söylər; qılınc parlaq deyilsə-söylənən sözlər batil və mənasızdır.
Röyada qılınc sıyırmaq-yuxuna görən xalqdan şahid istəyəcək və xalq tərəfindən təqdir ediləcəkdir.
Qılıncın korşalıb kəsmədiyini görmək-röya sahibinin daha sözünü eşidən yoxdur deməkdir.
Birisinin yuxuda üstünüzə qılınc çəkməsi-o adamın sizə deyiləsi sözünə işarədir. Birini qılıncla vurmaq və qan çıxdığını görmək-qılınc vuranın deyəcəyi söz doğrudur.
Röyada görülən qılınc-ruzunu, mal-mülkü və elmi, biliyi də ifadə edir.

QILCIQ-Röyada balıq qılcığı-mal-mülk və pul itgisinə işarə sayılır.

QIRMAQ (sındırmaq)-Röyada hər hansı bir şeyi qırmaq o qədər də pis əlamətə yozulmur.
Cavan oğlanın yuxusunda çini qab-qacaq və s. qırması-verdiyi sözü, müqaviləni və ya nişanlanma işini pozacağına, sonralar bunun onun özüyçün xeyirli olacağına, böyük bir fəlakəti dəf edə biləcəyinə yozulur. Orta yaşlılar üçün bu röya-iş həyatında diqqətli və ayıq olmağın gərəkliyini göstərir. Daha yaşlı adamlar da bu cür yuxu görərsə, tədbirli və təmkinli olmalıdırlar.

QIRMIZI (mebel) AĞAC-Röyada qırmızı ağac görmək, yaxud mebel almaq-gözəl, yaraşıqlı evə işarə sayılır.

QISRAQ (madyan)-Muradınıza yetişəcəksiniz.

QIÇ-Röyada gözəl bir qadıın qıçı görmək-istədiyiniz və arzuladığını şeylərə əsla nail ola bilməyəcəksiniz.
Zəif və qyışbaldır adam görmək-zəif və qüdrətsiz bir duruma düşməkdəsiniz.
Qıçın əzilib zədələnməsi-kədər və üzüntüyə işarədir.
Qıçlarınızı kəsik görmək-nəşəyə və sevincə yozulur.
Gözəl qıçlara malik olub güzgüyə baxmaq-dostlarınız və ailə üzvləriniz sizi əvvəlki kimi sevirlər.
Röyada hər hansı bir kimsənin qıçlarını tutmaq-əndişə və kədərə işarə sayılır.
Qıçları olmayan adam görmək-işlərinizin çox ləng getdiyini və başınızda bir fəlakətin dolaşmaqda olduğunu göstərir.

QIÇLARIN ARASI (qadında)-Bir qadının qıçlarının arasına şəhvətlə baxmaq və toxunmaq-ikrah doğuran, xoşagəlməz işlə, yəni qeyri-qanuni alış-verişlə məşğul olmağa işarədir. Bilmədən çılpaq qadının ən məhrəm yerinə baxmaq-çətin narahat bir işə yozulur.

QOV-Röyada qovlu çaxmaqdan istifadə etmək-işdə uğur qazanılacağına yozulur.

QOVAQ-Röyada qovaq ağacı-ev=eşik sahibi olacağınıza işarədir.

QOVĞA-Röyada birisiylə qovğa elemək-əvvəlcə xoşa gəlməyən, lakin sonu yaxşı olan dəyişiklik olacağına işarədir. Tanış bir adamla qovğa etmək-bəzi özünə aid olmayan məsələlər ucbatından sıxıntıya və üzüntüyə düçar olmaqdır. Yaşlı adamlar üçün bu röya etimad etdiyi birinin xəyanətinə; pozğun qadın üçün-öz qüsuru və günahı üzündən qovğaya düşəcəyinə; daha yaşlılar üçün-çox danışan birisiylə qovğada qalib çıxmağa yozulur.

QOVUN-Qarşıda sizi həyatınızda baş verəcək bəzi mühüm dəyişikliklər gözləyir.

QOYUN-Röyada qoyun-qadın anlamına gəlir. Qoyun almaq, əldə etmək-evlənməyə işarədir. Bir qoyunu qabağına qatıb aparmaq-bir qadının ardınca düşməyə, lakin məqsədə və murada çatmayaraq geri dönməyə yozulur. Qoyun sağmaq-röya sahibi həmin il xeyirli bir iş apacaqdır.

QOYUN PENDİRİ-Xeyrə yozulmaz, bir xəstəliyin işarəsi olaraq qəbul edilir.

QOZA-Yuxuda qoza-yaxında ev-eşik sahibi olacağınıza yozulur.

QOL-Röyada iki qolunu yuxuda görən adamın iki yaxşı dostu olacaqdır.

QOL SAATI-Başqasına bağışlamaq üçün röyada qol saatı almaq və ya vermək-insanların gələcəyinin bir-birinə bağlı olduğunu, yaxud yaxın vaxtlarda bir-birinə yardım edəcəklərini göstərir. Saat almaq və ya satmaq-röya sahibi ilə onun böyükləri arasında bir dartışma olacağını xəbər verir.

QOLTUQAĞACI-Birisinin sizə yardım edəcəyini göstərir.

QONAQ-Yuxuda tanımadığınız və ya xoşunuz gəlməyən adamlarla bir qonaqlığa getmək-zəhləniz gedən bir adam tərəfindən narahat ediləcəksiniz. Bir dostunu və ya yoldaşını ziyarət etməyə getmək-gözləmədiyiniz böyük xoşbəxtlikdən xəbər verir.
Xoşunuza gəlməyən bir qonağı qəbul etmək-peşmançılığa, ümidsizliyə yozulur. Gələn qonaq ürəyinizcədirsə-sizə səadət gətirəcək bir hadisəyə işarədir. Əgər həmin qonaq qürbətdədirsə-bu röya onu öz vətəninə dönəcəyi anlamına gəlir.

QONŞU-Qonşusunu yuxuda görən adamın bir qohumu yaxşı günlərdə ona qonaq gələcək.

QORXU (qorxmaq)-Qayğı və tasayla yozulur. Allahdan qorxan bəlalardan qurtular.

QORXUNC RÖYALAR-İnsanlar yuxuda qorxunc röyalar da görüb və bundan çox narahat olurlar. Hətta günlərlə o qorxulu röyaların təsiri altında qalırlar. Lakin bu cür yuxuların çox vaxt gerçəkliklə əlaqəsi olmur və mədə rahatsızlığından irəli gəlir.

QOTAZLI QAYTAN-Röyada pərdə və s. üçün istifadə olunan qotazlı qaytan görmək-gec0tez muradınıza, arzularınıza qovuşacaqsınız.

QOTUR-Röyada qotur-vəba xəstəliyidir. Qotur olduğunu görmək və ya qaşınmaq-yaxın adamlarınızdan sizə yetişəcək üzüntüyə, kədərə, çətinliklərə işarədir.
Yuxuda qoturluq, keçəllik-kasıblığa və çoxlu uşaq istəməyə də yozulur. Qoturla bərabər, qan və irin də görmək-məqsədinizə çatacaqsınız deməkdir.
Yuxuda bədənini qaşıyan adam yaxın adamlarının zəhmətinə, əzab-əziyyətinə qatlaşacaq.
Röyada qotur bir adam görmək-üzüntü və kədər anlamındadır.

QOXULAMAQ-Röyada gözəl ətirli bir şeyi qoxulamaq-yüngül bir xəstəliyə işarədir. Bu qoxu pis və ağır olarsa, röya sahibi acı və çirkin bir sözə, yaxud bir tasaya tuş gələ bilər, özünü qoruması gərəkdir.

QOÇ-Röyada qoç-şərəfli və etibarlı bir adamın rəmzi kimi qəbul edilir.
Yuxuda qoç bunuzu almaq-yüksək mövqeli və mötəbər bir adam başlayacağınız işə əngəl törədəcək. Qoç yunu almaq isə, şərəfli və mötəbər bir adam tərəfindən sərvətə malik olacağınızı göstərir.

QOÇ QOYRUĞU-Qoç quyruğu almaq-möhtərəm və etibarlı bir adamın işinə və malın aortaq olmaqla bərabər, röya sahibi qızını da ona nigahlayacaq.
Qoyun içalatından bir çey aldığını görən adam şərəfli və yüksək bir məqama yetişəcək.
Qoç əti yemək-şöhrətli və mötəbər bir adamıöldürməyə işarədir.
Bir suru qoçun boğazlandığını görmək-bəlkədə hərb və ya iftişaş nəticəsində bir çox adamın öldürüləcəyinə yozulur. Qəssabdan qoç almaq-şərəfli və yüksək mövqeli bir adamın röya sahibinə yardımına və onun ölüm təhlükəsindən qurtulmasına, yaxud bir çox dava-dərmanla onun ölümdən xilas olmasına işarədir.
Yuxuda qoç bəsləmək-düşmənə qalib gələcəksiniz. Qoçun dərisini soymaq-düşməndən mal alacaqsınız. Öz evində soyulmuş qoç görmək-röya sahibi yaxınlarından birini itirəcək. Qoç ətindən kabab tutmaq-röya sahibinin xəstəliyinə və ya dövlət başçısından cəza alacağına yozulur. Röyada bir adama qoç verilərsə, həmi adam rəhbər vəzifəyə keçəcək, vali olacaq.
Qoyunu qoç şəklində görmək-röya sahibinin arvadı uşağa qalmayacaq. Əgər arvadı yoxdursa, bu röya onun hörmət-izzət sahibi olacağını, düşməni üzərində qalib çıxacağını xəbər verir.

QOŞULUB QAÇMAQ-Röyada sevdiyinizlə bərabər qoşulub qaçmaq-həyat yoldaşı sevdiyiniz adam bəyəniləcək və quracağını ailə həyatında birlikdə xoşbəxt olacaqsınız. Gizlicə qoşulub qaçan qoşa sevgiliyə yoldaşlıq etmək-bəziləri öz şəxsi problemlərini yoluna qoymaqdan ötrü sizinlə yaxınlaşacaq. Məsləhət üçün sizə yanaşacaqlar. Böyüklərin icazəsi olmadan qoşulub qaçan sevgililər barədə qəzet və ya məcmuələrdən xəbər oxumaq-bir toplantıya, əyləncəyə dəvət ediləcəksiniz və o əyləncənin sizin üçün əhəmiyyətli sonucları (nəticələri) olacaqdır.

QOCA QARI-Röyada qoca qarı (çirkin, ixtiyar qadın) görmək-iş həyatı və peşəylə bağlı bir istəyin gerçəkləşməsi kimi yozulur.

QRAMMOFON VALI-Qarşıdan gələn günlərdə şən və şaqraq dəqiqələr keçirəcəksiniz deməkdir.

QRAFİN-Röyada içi su dolu qrafin görmək-sadə və hay-küysüz bir ömür sürəcəksiniz.
Boş qrafin-ayağı sürüşkən bir qadınla dostluq edəcəyinizə işarədir.

QRİM-Röyada qrim yapıldığını görmək-qısa ömürlü, lakin dadlı bir eşq həyatı sürəcəyinizə işarədir.

QU QUŞU-Yuxuda qu quşu görən adam açıq ürəkli, təmiz qəlbli bir adamdır.

QUDUZ-Röyada quduz it görmək-bəzi olaylardan və adamların hərəkətlərindən gərəksiz yerə əndişəyə düşdüyünüzü və bu səbəbdən də yanlış davranışlara yol verdiyinizi, qorxunuzun əbəs olduğunu göstərir.

QUYRUQLU ULDUZ (kometa)-Böyük bir sərvətə yaxınlaşdığınızı, bəxtin açılacağını xəbər verir. Sərvətin böyüklüyü ulduzun parlaqlığı ilə ölçülür.

QUYU-Röyada quyudan su içmək, kişi üçün-tutduğu pis bir işdən dolayıittiham edilməyə; orta yaşlı kişi üçün-yeni bir gəlir yeri tapacağına; gənc qadın üçün-təklif alacağına; evli qadın üçün-təhlükəli bir duruma düşəcəyinə işarə sayılır.

QUZĞUN-Röyada quzğun görmək-bəzi dostlarla aranızin pozulacağına, umu-küsülərin ortaya çıxacağına işarədir.
Yuxuda üstünə quzğun düşdüyünü görən adamın yolu kəsilər.

QUZU-Röyada quzu görmək və ya quzu tapmaq-gözəl bir uşağınız doğulacaq, bu uşaq ata və anasına sadiq xidmətçi olacaq. Yuxuda quzu kəsmək-ululuğa işarədir. Başqa yozumlara görə isə, bu röyanı görən kəsin uşağı, yaxud ailə üzvlərindən biri vəfat edəcək.

QUZUQULAĞI-Aranız dəymiş bir dostunuzla barışacaqsınız.

QUL (kölə)-Röyada qul görən və ya kölə, yaxud xidmətçi satın alan adam xeyrə və bərəkətə qovuşar, düşmən üzərində qələbəyə nail olar. Əgər kölə göyçək və qara olarsa, bu yuxu xeyrə və bərəkətə yozulur. Kölə çirkin və zəif görülərsə, bu röya tasa və sıxıntını bildirir.

QULAQ-Röyada qulağın kirini yumaq-çox sevincli xəbərlərə işarədir. Başqasının qulağının çirkini təmizləmək-röya sahibinin xain və hiyləgər adamların bəd niyyətlərinə mane olmaq və onlardan gələ biləcək ziyankarlıqları yox etmək gücünə, qüdrətinə yozulur.

QULP-Röyada qulp dinlə ilgilidir. Bir şeyin qulpundan tutmaq-dinə sıx bağlılıqdır.
Qulp tutmaq və ya düymə düymələmək-hər ikisi qadın simvolu olub, röya sahibinin arvadını ifadə edir. Subay adam belə yuxu görərsə evlənəcək.

QUM-Var-dövlətə yozulur.

QUMAR-Röyada qumar oynandığının görülməsi-röya sahibinin ehtiraslı xarakterə malik olduğunu və bunun ona baha başa gələcəyini xəbər verir.

QUMAŞ-Sıxıntıya,üzüntüyə yozulur.

QUMRU-Erkək qumru quşu röyada şer deyən, yaxud gözəl şərqi oxuyan bir adama işarədir. Yuxuda qumru görmək-xeyrə və nəşəyə qovuşacağına, bir istəyin yerinə yetəcəyinə yozulur.
Qumru quşunu məhzun və kədərli görmək-sıxıntılardan və kədərdən qurtuluşdur. Yazda yuxuda qumru görmək-röya sahibinin muradı yazda hasil olacaq. Erkək qumru quşu-hamilə qadının oğlan uşağı dünyaya gətirəcəyinə və nemətə; dişi qumru quşu-dindar qadına işarə sayılır.

QUNDAQ-Röyada çağa qundağı görmək-yaxın vaxtlarda muradınıza çatacaqsınız.

QUNDUZ-Dadlı bir eşq həyatının başlanğıcı olaraq yozulur.

QURAQLIQ-Bolluğa və bərəkətə yozulan yuxulardandır.

QUR`ANİ KƏRİM-Röyada Qur`an ayələrini, yaxud Qur`an oxumaq-xidmət, şərəf, sevinc və yardımı ifadə edir. Yuxusunda əzbərdən Qur`an ozuduğunu görən adamtələblərində, şikayətində haqlıdır. O adam verdiyi sözə əməl edər, ədalətli hökm verər və pislikdən uzaq olar.
Mənasını bilərək Qur`an oxuduğunu görmək-röya sahibinin ağıl və zəkasını göstərir.
Cahil bir kimsə röyada Qur`an oxuduğunu görərsə, öləcək. Yuxuda çılpaq Qur`an oxuduğunu görən adam nəfsinin əsiri olan adamdır.
Röyada Qur`anı yediyini görən kimsə Qur`an oxumaqla keçinən, ruzu qazanan adamdır. Qur`anı oxuyub başa çıxmaq-röya sahibi arzuladığı şeyi əldə edəcəkdir.
Röyada Qur`an dinlədiyini görən bir adamın dövləti və sərvəti qüvvətli olar, hiyləgərlərdən qorunar. Bilmədiyi bir ayəti oxuyan kimsə xəstədirsə şəfa tapacaq.
Yuxuda Qur`anı diliylə yalayan adam günaha batacaq.
Röyada xəstənin üstündə Qur`andan surələr oxumaq-sevincə, fərəhə, ruziyə və ailədə Qur`an oxuyacaq bir uşağın doğulacağına işarədir.
Röyada Qur`an oxuduğunu görən adam qüdrət və ucalığa qovuşacaq, günahkarsa-tövbəsi qəbul olunacaq, kasıbsa-varlı olacaq, borclu isə-borcunu ödəyəcək, şahidlik etməli olsa-haqqın tərəfində duracaq, onda olan bir əmanəti sahibinə təslim edəcək.
Gözəl səs və avazla Qur`an oxuduğunu görmək-qüdrət, ucalıq və gözəl şöhrət yiyəsi olmaqdır.
Röyada Qur`an oxuduğunu və başqalarının da onu dinlədiyini görən adam bir yerə məmur olacaq, onun əmr və yasaqları qəbul ediləcəkdir. Ölü üstündə oxunan surələri oxumaq-xəstənin öləcəyinə işarə sayılır.
Yuxuda Qur`ani-Kərimi cırıb parçalamaq-Müqəddəs Kitabı inkar etməyə yozulur.
Xəstə birisinin yuxuda Qur`anı-Kərimi görməsi-o adam xəstəlikdən qurtulacaq. Qur`anı-Kərimi satın alamaq-hər cür bəd əməldən çəkinib uzaq olmağa işarədir.

QURBAĞA-Yuxuda qurbağa görmək və ya səsini eşitmək-bir toplantıda rəis, yaxud rəhbər bir işə seçiləcəksiniz. Qurbağanı hopbana-hopbana gedən görmək-izlənirsiniz deməkdir.
Röyada qurbağa əti yediyini görən adam qohumlarından və qonşularından, az da olsa, bir mənfəət əldə edəcəkdir.

QURBAN BAYRAMI-Röyada qurban bayramı-keçmiş bir nəşə və sevincin təkrar qayıtmasına, hər cür ölüm və təhlükədən qurtuluşa yozulur.
Özünü qurban bayramında görmək, röya sahibi kölə isə-azad ediləcək; həbsdə isə-qurtulacaq; borclu isə-borcunu ödəyəcək.
Özünü ramazan bayramı günündə görmək-üzüntü və kədərdən qurtulacaq, sevincə, nəşəyə qovuşacaqsınız, işləriniz asanlaşacaqdır. Malı zay olan, yaxud zərərə uğrayan adama o malın əvəzi, dəyəri ödənəcəkdir.

QURBAN KƏSMƏK-Röyada dəvə, sığır və ya qoyun boğazladığını görən kimsə cariyə, yaxud köləsini azad edəcək, borclu isə-borcundan qurtulub var-dövlətə qovuşacaq, niyyət edibsə-Həccə gedəcək, xəstə isə-yaxşılaşacaqdır.
Kəsdiyi qurbandan bir şey saxladığını görən yalan danışar, etiqadında təmiz olmaz.
Röyada qurban əti payladığı görən adam üzüntülərdən və kədərdən qurtulacaq, qüdrət və şərəf sahibi olacaqdır.

QURĞUŞUN-Röyada qurğuşun mədəni, yaxud silah qurğuşunu görmək-işlərinizdə bəzi uğursuzluqlara uğrauyacaq, ətrafınızdan xəyanət görəcəksiniz.

QURD (canavar)-Yuxuda bir qurdun röya sahibinə hücum edib onu qovması-bu, çox təhlükəli röya olmaqla bərabər, sənə uğurla bitəcək bir işə işarə sayılır.

QURD (soxulcan)-Röyada yaşıllıqlar arasında sürünən qurdlar, soxulcanlar görmək-dost-yoldaş bildiyiniz adamlar ucbatından sıxıntıya və əngəllərə düşəcəksiniz.

QURU YONCA-Bol ruziyə işarədir.

QURU MEYVƏLƏR-Ceviz, fındıq, fısdıq kimi quru meyvələr görmək-röya sahibinin qazanc və gəlirinin artacağına; onlardan birini sındırmaqxoşlamadığınız bir nəfərlə tanış olacağınıza;o meyvələrdən dadmaq, yemək-əndişəyə, narahatlığa yozulur.

QURUMUŞ AĞAC-Bu cür röyalar yaxşılığa yozulmur, yoxsulluq, güzəranın çətinliyi və rahatsız olmaq anlamına gəlir.

QURŞAQ-Röyada qurşaq-sağlam bir iş anlaşmasıəldə ediləcəyini xəbər verir.

QUSMAQ-Oruclu bir adam röyasında qusduğunu və onu yaladığını görərsə, bu yuxu onun borcunu ödəyə bildiyi halda ödəmədiyini və dolayısıyla günahkar olduğunu göstərir.
Röyada qusmaq-röya sahibinin haqsız almış olduğu bir şeyi sahibinə qaytarmasını, tövbə və peşmanşılığı ifadə edir. Yuxuda qan qusduğunu görən adam günah işləməkdən vaz keçər və haram mal qazanmağına peşman olar, ona tapşırılmış əmanəti öz sahibinə qaytarar. Yuxuda şərab içən və onu qusan kimsə haram bir malı ələ keçirər, sonra isə onu sahibinə verərək tövbə edər.
Röyasında ağız dolusu acı sarfa qusduğunu görən adam bir cəzadan dolayı günah işləməkdən uzaq durar. Bəlğəm qusmaq-röya sahibi öz istəyilə günah işləməkdən vaz keçər.Röyada yediyini qusan adambaşqasına bəzi şeylər bağışlar.
Röyada qusduğu yeməyi təkrar udan kimsə vermək istədiyi bəxşeyişdən vaz keçər. Röyada qusuntu yediyini görən mala-sərvətə, xeyrə və şöhrətə yetişər. Yuxuda qusaraq taqətdən düşmək-röya sahibi ölümə yaxınlaşır deməkdir.
Bəzi yozumlara görə, yuxuda qusmaq-çox mal israf etməkdir. Eyni zamanda, qusmaq-kasıblar üçün xeyri, zənginlər üçün isə maldan zərəri ifadə edir.

QUTU, SANDIQ-Röyada qutu, sandıq və s. bu kimi şeylər görmək-röya sahibi istəklərində ümudsizliyə qapılacaq, işsizdirsə-bu ümudsizlik onun həyatına təsir göstərəcək dərəcədədir.
Qutu, sandıq, çamadan və s. toplamaq, onları sırayla yerləşdirmək, yaxud biryerə daşımaq-gözləmədiyiniz bir dəyişikliyə işarədir.

QUŞ-Quşlara aid bütün röyalar xeyrə yozulur, xoş xəbərləri və müjdələri bildirir. Yuxuda quşu vurmaq və ya daş atmaq bəxtin əbədi olaraq bağlanacağına işarə sayılır.

QUŞ BALASI-Röyada qaz balası görmək-gəvəzəliklə vaxt keçirdiyinizə və düzgün həyat tərzinin gərəkliyinə işarədir.

QUŞARMUDU KOLU-Uzun ömrə yozulur.

QUŞ QƏFƏSİ-Bu röya cavan oğlan üçün gözəl yuxulardan hesab edilir. Qəfəsdə quş görmək-səadətə, zənginliyə və uğura yozulur. Orta yaşlı adamlar üçün bu yuxu işdə çətinliklərə düşəcəyinə işarə sayılır. Yuxusunda qəfəs görən gənc qız tezliklə ərə gedəcək. Evli qadın belə yuxu görərsə, işləri bir-birinin ardınca çətinləşəcək. Yuxuda boş qəfəs-hər kəs üçün bir sürprizdir.

QUŞQONMAZ (qulançar)-Yuxuda qulançar görmək-səhhətiniz dərhal düzələcək, xəstəlikdən qurtuluş yolu tapılacaqdır.

QUŞ DİMDİYİ-Çox keçmədən dəniz səyahətinə çıxacaq və ya mənfəətli bir işə başlayacaqsınız.

QUŞ YUVASI-Ağacda quş yuvası görmək-uyğunsuz yerləri ifadə edir. Hamilə qadının yuxuda quş yuvası görməks

i-doğacağı anlamına gəlir.

QÜBBƏ-Röyada qübbə-qadın deməkdir. Qübbə düzəltmək və ya satın almaq-evlənməyə yozulur.
Röyada qübbə sahibi olmaq-vəzifə sahibi olmağa işarədir.
Çoxlu qübbə və günbəz görmək, yaxud tikmək-röya sahibinin şan-şöhrətinin artacağını, iqtidar sahibi olacağını göstərir.
Yuxuda qübbə və onun üstündə quş görmək-röya sahibi rütbəcə yüksələcək. Bulud üzərində qübbə tikmək-qadına, qüvvətə və xoşbəxtliyə qovuşmağa işarədir.
Özünü çoxlu yaşıl qübbələr arasında görmək-röya sahibini gözəl işlər gördüyünə və şəhid olaraq öləcəyinə yozulur.
Ev içində qübbə görmək-qadın tərəfindən əldə ediləcək yüksək məqam anlamına gəlir.

QÜVVƏTSİZLİK (güzsüzlük)-Röyada adamın özünü gücsüz, zəif hiss etməsi-o adamın dininin zəif olduğunu göstərir.

QÜLLƏ-Röyada qüllə görmək-yuxunu görən bəzi tərs davranış və düşüncələr içərisində vurnuxur.

LABORATORIYA-Yuxuda laboratoriyada isləmək-röya sahibinin çox bilikli və yetgin bir adam olduğunu göstərir.

LAVA-Röyada yanardağdan (vulkandan) axan lava görən adam bir eşq macərası yaşayacaqdır. Ancaq çox diqqətli olması gərəklidir.

LAVANDA ÇİÇƏYİ-Anormal bəzi durumlarla qarşı-qarşıya qalına biləcəyinin bəlirtisi olaraq qəbul edilir. Lavanda çiçəyi qurusunu yastıq, yataq arasına qoymaq-qara sevda bəlirtisi kimi yozulur. Lavanda odekolonu isə müjdəyə yozulan röyalardan hesab edilir.

LAĞIM-Yuxuda lağıma düşdüyünü görən adam iş həyatından dolayı asanlıqla qurtara bilməyəcəyi bir duruma düşəcəkdir. Röyanı görən qadınsa, dostu onu aldadaraq pulunu əlindən alacaqdır.

LADİN (şam ağacı növü)-Röyasında ladin ağacı görən adam qısa zamanda muradına yetişəcəkdir.

LAL-Özünü yuxuda lal və danışmayan görmək-dostlarınız fikir və düşmənlərinizi təqdir etmir və sizi anlamır deməkdir.

LALƏ-Yuxuda lalələrlə bəzənmiş bir çəmənlik görmək-röya sahibi öz mühitində faydalı bir vəzifəyə təyin ediləcəksə də, bu vəzifə onun şəxsi rahatlığını və əmin-amanlığını pozacaqdır. Röyada lalə toplamaq-təhlükəli bir yoldaşlıqdan sonra vaxtında ayılıb işin fərqinə varacaq və bu təhlükəni aradan qaldıra biləcəksiniz.

LAMPA-Röyada lampa yandırmaq və ya işığında oxumaq-bu röya cavan oğlan üçün müşkül və çətin bir duruma düşəcəyinə; orta yaşlı adam üçün-həyatda uğur qazanmaqdan ötrü hələ təcrübə sahibi olmadığına; gənc qız üçün-xoş və əyləncəli bir ziyafətə gedəcəyinə; yaşlılar üçün-yaxşı bir işdə gözlənilmədən bəxtinin gətirəcəyinə işarə sayılır.

LAF ATMAQ (söz atmaq)-Röyada birisinə, yaxud gənc bir qıza söz atmaq-acizliyə işarədir.

LACİVƏND (səmavi rəng)-Rəsmi bir toplantıya çağrılacaqsınız.

LEYLƏK-Röyada leylək görmək yolçuluğa, səfərə yozulur, eyni zamanda, toplantı və ortaqlığı sevən kimsələri ifadə edir. Qış aylarında leyləkləri bir yerə toplanmış görmək-oğurluğa və ya yol kəsməyə, düşmənlə savaşa, havanın soyuq olmağına, üzüntü və iztiraba içarədir. Leyləklərin dağınıq olduğunu görmək-səfərə çıxmaq istəyən, yaxud səfərə ərəfəsində olan adam üçün xeyrə əlamətdir. Röyada leylək görmək-evə qonaq gələcəyini də ifadə edir.

LEHİM-Röyada bir tənəkə lehimlədiyini görən adam başladığı işi uğurla sona çatdıracaqdır.

LEHİMÇİ-TƏNƏKƏÇİ-Röyada lehimçi-tənəkəçi görmək-qadının xəstələnəcəyinə işarədir.

LEŞ-Çox pis bir xəbər alacağına işarə sayılır.

LƏYƏN-Evlənməyə yozulur.

LƏKƏ-Bir adamın yuxuda öz paltarında ləkə görməsi-üzüntüyə və kədərə; günəşdə ləkə görmək-qorxu və dəhşətə işarədir.

LİKÖR-Röyada bir toplantıda likör içdiyini görən adamın başına pis bir iş gələcək.

LİLİPUT-Səhnədə və ya başqa bir yerə liliput görmək-xeyrə yozulur, dərd-sərinizin yuxuda görülən balacaboy insanlar kimi xırda və əhəmiyyətsiz olduğunu göstərir. Röyada bir liliputa yardımda bulunmaq-əvvəllər kiməsə eləmiş olduğunuz yaxşılıq uzun zaman unudulmayacaq və bəlkə də ehtiyac duyduğunuz bir məqamda bunun əvəzini, mükafatını görəcəksiniz.

LİMAN-Yuxuda liman görmək-gələcəkdə çox məsud və xoş olaylara şahid olacaqsınız.

LİMON-Röyada limon görmək-birisini qınamaq, məzəmmət etməkdir. Yuxuda görülən limon sarıdırsa və röya sahibi tərəfindən yeyilmişsə-malı, var-dövləti ifadə edir. Yaşıl limon sarı limondan daha xeyirli yuxudur. Röyada birisi birisinə limon verərsə, limon verən alanı qınayacaq, utandıracaq. Yuxuda limon ağacı görmək-varı və xeyirxahlığıyla məşhur, lakin nəfsində, tədbirlərində doğru olmayan qadına yozulur.

LİMONAD-Yuxuda limonad içmək-xoş xəbər alacağınıza yozulur.

LİRƏ (pul)-Röyada yoldan bir lirə tapmaq-uzun bir səfərə çıxılacaq deməkdir.

LOBYA-Röyada lobya görmək və ya lobya xörəyi yemək-hər sirrinizi dostlarınıza açır və bu səbəbdən də daima zərər görürsünüz.

LOBYA SALATI-Yuxuda lobya salatı yeyən adamın yaxın günlərdə əlindən pul gedəcəkdir.

LOVĞA, ƏDABAZ ADAM-Yuxuda lovğa və ədabaz bir adam görən şəxs ətrafındakıların sevgisini və etibarını qazanacaq, çətinbir mübarizədən zəfərlə çıxacaq, sevgisi qarşılıqlı olacaq, sağlığı (səhhəti)düzələcəkdir.

LOPABIĞ-Röyada lopabığ bir adam görmək-macəralı bir eşq həyatına başlamaq üzrəsiniz deməkdir.

LORD-Röyada bir lord, daha doğrusu, ingilis lordu görmək-fırıldağa düşəcəksiniz.

LOTEREYA-Röyada lotereyasını udduğunu görən adam, gözləməriyi halda, çox xeyirli bir sərvətə qovuşacaq. Lotereyanın uduşa düşməməsi-həyatda irəli gedə bilmək üçün başqa imkanlar tapılacağına yozulur.

LOXMA-Xeyrə yozulmaz, ümumiyyətlə, ölüm xəbərinə işarə sayılır.

LÖVHƏ-Röyada lövhə görmək-yaxın vaxtlarda xeyirli bir səfərə çıxacaqsınız.

LÜT PEYĞƏMBƏR-Röyada Lut peyğəmbəri görən adam düşməninə üstün gələcək və onun bütün düşmənləri Allah tərəfindən yeniləcəkdir. Əgər xalq Lut peyğəmbərin dövdündəki kimi bədxahlıq və əxlaqsızlıq yolundadırsa, onda onlar məhv olacaq, şəhərləri alt-üst ediləcəkdir. Bir qadın yuxuda həzrəti lütün qarısını görərsə, o qadın öz ərinə itaət etməz, varını-dövlətini israf edər. Lüt peyğəmbərin ailəsini yuxuda görmək-o yerdə yaşayan qadınlar haqqında fitnə-fəsad törəyəcək.

LÜĞƏT (sözlük)-Röyada açıq lüğət kitabı görmək-əzmkar və diqqətli olmağınız sayəsində çoxlu pul qazanacağınıza işarədir. Bağlı lüğət kitabı-dostlarınızın haqqınızda söylədiyi gurultulu sözlərə və təriflərə uymamağın gərəkliyini ifadə edir.

MAAŞ (aylıq)-Yuxuda maaş aldığını görmək-əldən böyük miqdarda pul çıxacağına, lakin bu çıxan pulun iki mislinin əldə ediləcəyinə işarə sayılır.

MAVİ RƏNG-Röyada xoşbəxtlik sırasına görə düzülmüş rənglər cədvəlində mavi rəngi görmək-ailənizdə hökm sürən səadətdən və məhəbbətdən xəbər verir. Rənglər cədvəlində mavi ən uğurlu rəng olan qırmızının altındadır. Yuxuda mavi səma görmək-eşqdə sədaqəti ifadə edir, səadət və əmin-amanlıq deməkdir. Röyada mavi cisimlər-dostların çevrəsində olduğunuza işarə sayılır.

MAQNİT-Uğurlu bir eşq həyatının xəbərçisi olaraq yozulur.

MAĞAZA-Yuxuda mağaza görmək cavan oğlan üçün-faydalı bir işə; orta yaşlı və təcrübə sahibi adamlar üçün-karlı və qazanclı güzərana, ruziyə; qadın üçün-ailə həyatında xoşbəxt və xoş bir ömür sürəcəyinə yozulur.

MAĞARA-İnsanın yuxuda mağara görməsi-röya sahibi müəlliminin, atasının, ustadının, həyat yoldaşının himayəsinə sığınacaq deməkdir. Yuxuda mağara, bəzən, işlərini başqalardan gizli saxlamağa, boşda qalmış adam üçün vəzifə almağa, sıxıntılardan qurtulmağa da yozulur. Röyanı görən xəstə və ya həbsdə isə, bunlardan qurtulacaq. Başqa bir yozuma görə isə, mağara görmək-röya shibinin ömrünün uzunluğuna və xeyrinin, faydasının çoxluğuna işarə sayılır. Yuxuda mağaraya girdiyini görən adam bir idarəçiyə, qüvvətli və qüdrətli bir kimsəyə kələk gələr.

MAZI (bitki)-Röyada mazı yeməyi yemək-özünüzdən yaşca kiçik yaxın bir adamınızla olmuş anlaşılmazlıq aydınlaşdırılıb yoluna qoyulacaqdır.

MAY AYI-May ayını, bu ayla ilgili günləri yuxuda görmək-bolluğa, bərəkətə yozulur.

MAY BÖCƏYİ-Yaxın günlərdə bacarıqlı və işbilən bir adamla qazanclı işlərə girişəcəyinizə işarədir.

MAYA (acıtma)-Ruh düşgünlüyü anlamına gəlir. Mayanın daşıb qabardığını görmək-könül xoşluğuna yozulur.

MAYAK (dənizdə)-Röyada gəmiylə güdərkən mayak görmək aydınlığa və səadətə işarədir, arzu və əməlləriniz həyata keçəcək deməkdir.

MAYALLAQ AŞMAQ-Röyada başı üstündən mayallaq aşmaq-hərəkətlərinizdə daha ciddi və təmkinli olmağın gərəkliyinə işarə sayılır.

MAYONEZ-Qərb ölkələrində səyahət ediləcəyinə yozulur.

MAKARA (ip çarxı)-Röyada iplik sarınmış makara görmək-işlərin asanlaşacağına və düzgünlüyünə; quyu və tros makaraları isə-çox zəhmətli işlərər yozulur.

MAKARON-Acgözlüyə və qarınqululuğa işarədir.

MAL-QARA-Röyada öküz, inək, sığır və s. kimi iribuynuzlu mal-qara görmək-uğur və qazanc anlamına gəlir. Cavan oğlan üçün bu röya-həyatda uğur və qazanc kimi yozulur. Daha yaşlı kişilər üçün-mirasa qovuşmaq şəklində mənalandırılır. Gənc, ərə getməmiş qız belə röya görərsə, varlı bir adamla evlənəcək. Evli qadının yuxuda mal-qara görməsi-onun bir malikanəyə sahib olacağını xəbər verir. Əgər gördüyü heyvanlardan biri onun arxasınca gəkirsə, heç gözləmədiyi bir sərvətə, var-dövlətə yetişəcək.

MALİKANƏ-Röyada bir əkinçiylə çənə-boğaz döymək-mühüm bir məsələnin aydınlaşdırılmasında ustalıq göstərəcək və lazımlı bir adamı məmnun edəcəksiniz. Malikanədə (təsərrüfatda) istifadə olunan maşınlar almaq-başqa bir şəxsin yapacağı xətadan (o xətada sizin heç bir suç və məsuliyyətiniz yoxdur) sonra işinizi daha da artırıb inkişaf etdirmək üçün əlinizə fürsət düşəcəkdir. Bir malikanədə dincəlmək, istirahət etmək-istirahətdən qayıtdiqdan sonra xoş xəbərlər alacaqsınız.

MAMAÇA-Hamilə qadının yuxuda mamaça görməsi-onun sağlam və gözəl bir cocuğu olacağına işarə sayılır.

MANDARİN-Röyada mandarin yemək-cənub bölgələrinə nəşəli bir səyahətə çıxacağınıza işarə sayılır.

MANDOLİNA (musiqi aləti)-Yuxuda mandolina görən-yaxın dostlarıyla nəşəli günlər keçirəcəkdir.

MANTI (xəmir yeməyi)-Yuxuda mantı yediyini görən adam ən yaxın dostlarından birinin xəyanətinə məruz qalacaq və bundan əzab çəkəcəkdir. Nə qərbli, nə də şərqli röya yozucuları mantı ilə ilgili yuxuları xeyrə yozmurlar. Sarımsaqlı mantı yemək isə ölüm xəbəri olaraq açıqlanır.

MANTO (qadın paltosu)-Bu cür röya görən adam yaxın günlərdə böyük bir sıxıntı içinə düşəcəkdir.

MARQARİN-Yuxuda marqarin yemək-mədə xəstəliyinə yozulur.

MARKA-Girişəcəyiniz işdə ziyana düşəcəksiniz.

MARMELAD-Röyada marmelad yemək-əvvəli pis şərtlərlə başlayan bir işin sonda uğurla bitəcəyinə dəlil olaraq qəbul edilir.

MARS-İnasnın yuxuda mars ulduzunu görməsi və ya seyr etməsi-pisliyə, əzab-əziyyətə, qorzuya, qan töküləcəyinə işarədir. Marsın göydən aşağı endiyini görmək-yanğına, zulmə, bağlı, kilidli şeylərin açılmasına, qadınları boşamağa, evlərin yıxılmasına yozulur.

MASA-Yuxuda üstü hazır yeməklərlə dolu masa-zənginliyə, rifaha; üstü boş masa-kasıblığa əlamət sayılır.

MASKA-Bəzi xəyalların gerçəkləşə biləcəyinə işarə sayılır.

MASKALI ADAM-Röyada maskalı adam görmək-bəzi sirləriniz yaxınlarınız tərəfindən dilə-dişə düşəcəkdir.

MASSAJ-Röyada özünü massaj etdirdiyini görmək-idmanın sizə yaradığına yozulur.

MATARA (çiyindən asma su qabı)-Bir qismət işarəsi olaraq yozulur.

MATƏM-Matəmlə ilgili röyalar, ümumiyyətlə, aydın günlərin xəbərçisi kimi yozulur.

MATÇ (idman yarışı)-Röyada bir futbol matçına tamaşa etmək-vaxtınızı boş-boşuna keşirməkdə olduğunuza işarə sayılır.

MAUZER-Röyada başqasının əlndə mauzer görmək-hiylə və fitnə-fəsada yozulur. Mauzeri öz əlində görmək-sakitliyə, əmin-amanlığa işarə sayılır.

MAHMIZ-Röyada mahmız görmək-röya sahibinin çətin bir durumda bulunduğuna, amma bu durumdan qısa müddət içində qurtulacağına işarə sayılır. Mahmız qızıldan görülərsə, röya sahibini böyük uğur gözləyir.

MACAR-Macar millətindən olan bir şəxsi röyada görmək-yaxın günlərdə hay-küylü, şan-şaqraq əyləncələrə girişəcəksiniz.

MAŞIN (cihaz)-Röyada hər hansı bir maşın və ya cihaz görmək-işiniz, yaşayışınız asanlaşacaq.

MAŞİNİST-Röyada bir maşinistlə söhbət etmək-işinizdə, vəzifənizdə mühüm dəyişiklik olacağına işarədir.

MEBEL-Cavan kişinin yuxuda ev üçün ev əşyaları alması, atması, yaxud ona hədiyyə edilmiş əşyalara baxdığını görməsi, o, ürəkaçan bir iş uğrunda mübarizəyə qoşulacaq. Bu röya orta yaşlı kişilər üçün-işlərini öz yoluna qoyacağına; ərə getməmiş qadın üçün-tezliklə ərə gedəcəyinə; evli qadın üçün-xoş bir əyləncəyə yozulur. Boş və mebelsiz evdə gəzmək-şəraiti pis olan bir evə daşınacağınıza işarədir. Mebelle dolu bir evdə boş otaq görməkisə-ümidlərinizin boşa çıxacağının ifadə edir.

MEDAL-Röyada medalla mükafatlandirilmaq-istedad və yetənəkləriniz (qabiliyyətiniz) əvvəl-axır başa düşülüb qiymətləndiriləcək, öz sənətinizdə yüksələcəksiniz. Röyada başqa birini mükafatlandırıb yaxasına medal taxmaq-maddi baxımdan qiymətli olan və vaxtilə itirmiş olduğunuz bəzi əşyalar tapılıb sizə təqdim ediləcəkdir. Yuxuda özünün bəzi adamlara və qurumlara medal payladığını görmək-tanımadığınız bir adamın xidmətindən faydalanacaqsınız.

MEYVƏ-Röyada meyvə ağacı görmək-hamı üçün ürəkaçan bir iş görməyə, sərvətin və etibarın yüksələcəyinə işarə sayılır. Bu röya bütün meyvələr üçün eyni şəkildə yozulur. Yuxuda dadlı meyvə görmək-ruzini , mənfəəti və faydalı elmi ifadə edir. Köhnə meyvə yemək də ruziyə və elmə yozulur. Gözəl və xoş ətirli meyvələr olan bir ziyafətdə iştirak etmək, ancaq hec birinə əl vurmamaq-xeyrə əlamətdir. Yetişməmiş, kal meyvə-tələsik, düşünülməmiş bir hərəkətdən ortaya çıxacaq təhlükəyə; dəymiş meyvə-gecikməniz ucbatından işinizin tərs gedəcəyinə işarədir. Yuxuda görülən meyvənin rəngi solğun olarsa, xəyanət üzündən ziyana uğrayacaqsınız.

MEYVƏ BAĞI-Yuxuda meyvə bağında gəzib dolaşmaq-çox xeyirli bir röya olub, səadət və zənginlik dolu bir gələcək kimi açıqlanır. Bağda meyvə toplamaq isə-gözəl, ürəkaçan bir iş görüb böyük sərvət sahibi olmağınıza yozulur.

MEYVƏ SUYU (şirəsi)-Gözləmədiyiniz halda, birisi sizinlə şit, bayağı zarafat edəcək.

MEYVƏ-TƏRƏVƏZ SATİCİSİ-Yaxşılığa, gözəlliyə yozulur.

MEYDAN-Röyada geniş bir meydan görmək-iş həyatında irəliləyiş və yeni imkanlar yaranacağına, qazancın artacağına yozulur.

MEYMUN-Röyada meymun görmək-əxlaqsız və hər cür eyib yiyəsi olan bir kimsəni ifadə edir. Yuxuda meymunla güləşmək və ona qalib gəlmək-röya sahibi xəstələnəcək, ancaq şəfa tapacaqdır. Meymuna yenilmək isə-əlacsız bir xəstəliyə işarədir. Röyada meymun görmək, bəzən də, böyük günahlara; meymunla cinsi əlaqədə olmaq-pis, xişagəlməz işlərə; meymunun yanından sivişib getmək-düşməni üstələməyə; meymun əti yemək-təzə paltar geyməyə; meymunun adamı cirmaqlaması-birisiylə qovğaya, düşmənçiliyə yozulur. Meymun röyada sehrbaz və hiyləgər bir adam anlamına da gəlir. Meymun balası-sehirbazlıqdan gəlir əldə etməyə; meymunun belinizə mindiyini görmək-bir evdən mal-pul oğurlayacağınıza əlamət sayılır. Yuxuda meymuna döndüyünü görmək-ziyankarlığa meyilli və həvəsli olmağa işarədir.

MEYXANƏ-Ən xeyirli röyalardandır. Röya sahibinin işdə, eşq həyatında, sağlamlıq durumunda həmişə bəxti gətirəcək, həyatda yaxşı dostlar qazanacaq, əlinə bol-bol pul gələcəkdir.

MELODİYA-Röyada çox yaxşı bildiyiniz bir melodiyanı eşitmək-sevdiyiniz bir dostunuza qovuşacaqsınız.

MERAC-Röyada Merac qəndilində Allaha dua etmək-ən xeyrə yozulan röyalardan biridir, diləklərinizin yerinə yetəcəyi anlamına gəlir.

MERİNOS QOYUNU-Bol gəlir deməkdir.

MERKURİ PLANETİ-Yuxuda Merkuri planetini görüb ondan xoşu gəlmək-məşhur qələm sahibinə və nüfuzlu hökumət adamına işarədir. oyanıq halda ayın Merkuri ilə qarşılaşdığı zaman bu röyanı görməkxeyrə əlamət sayılmır; yalana, ayrılığa, qorxunc, çirkin xəbərlərə və söz-söhbətə yozulur. Merkurini bütün parlaqlığı ilə görmək-böyük kamandan və başqan kimi bir adamı ifadə edir.

MEHMANDAR (mehmanxana sahibi, işçi)-əsgi xatirələrinizi yenidən yaşayacağınıza yozulur.

MEHTƏR BÖLÜYÜ (türk ordusunda marş çalan musiqiçi dəstəsi)-Röyada bir mehtər bölüyü görmək, ya da mehtər marşı dinləmək-ətrafınızda böyük bir səadət havası əsəcək, toy-duyun olacaq. Özünü mehtər bölüyündə bir musiqi alətində çalan görmək-bir səfər ərəfəsində olduğunuza yozulur.

MEŞİN (dəri)-Eşqdə uğursuzluğa işarədir.

MEŞİN DÖŞƏK-Röyada tumacdan və ya dəridən hazırlanmış döşək görmək-bir qadının qulluqçusu və ya onun sirrini bilən yaxın bir adam anlamına gəlir. Bu yuxu, eyni zamanda, röya sahibinin arvadına və ya ona yaxın olan bir kimsəyə işarədir. Bəzən də, anaya yozulur.

MƏBƏD-Sağlıq və xoşbəxtlik bəlirtisi olaraq qəbul eilir. Məbəd islam məbədi və röya sahibi başqa dindən olarsa, bu yuxu həmin adamın müsəlmanlığı qəbul edəcəyi şəklində yozulur.

MƏQALƏ-Röyada bir qəzet məqaləsi oxumaq-bir iş-güc yiyəsi deyilsiniz deməkdir.

MƏQAM (mövqe, vəzifə)-Röyada hər hansı bir mövqeyə, məqama yüksəldiyini görən adam işində uğursuzluğa uğrayacaq.

MƏDDAH-Şad xəbərlər alınacağına yozulur.

MƏDƏ (qursaq)-Röyada mədə-ömrə, ghüzərana və ruziyə yozulur. Yuxuda mədəsini qüvvətli və saölam görən adam xeyrə qovuşacaq, uzun ömür sürəcək. Əgər röya görənin mədəsi qüvvətli və sağlam deyilsə-yozum əvvəlkinin tərsidir. Mədənin boş olması-kədərdən, xəstəlikdən qurtulmağa, xeyrə, arxayın və rahat yaşayışa işarədir.

MƏDƏN-Röyada mədəndə işləmək, ümumiyyətlə, mədən görmək-bolluğa və xoşbəxtliyə yozulur. Gümüş və qızıl mədəni-ululuğa, ucalığa; mis mədəni-rahatlığa, əmin-amanlığa işarədir.

MƏDƏN SUYU-Röyada mədən suyu və ya sodası görmək-mədənizin pozuq olduğuna işarədir.

MƏDƏN FƏHLƏSİ (qazmaçı)-Röyada mədən fəhləsi görmək, mədən ocaqlarını, filiz quyularını gəzmək-kişi üçün-inandığı bir dostuyla anlaşmaya, əməkdaşlığa; təcrübəli bir adam üçün-işini artırıb genişləndirəcəyinə; subay qadın üçün-varlı bir adamla evlənəcəyinə; evli qadın üçün-xoş taleyə, açıq bəxtə yozulur.

MƏDİNEYİ-MÜNƏVVƏRƏ-Mədineyi-münəvvərəni yuxuda görmək-din və dünyaca xeyir işlərə, tövbə edib əfv olunmağa yozulur. Çeşidli yozumlara görə, mədinəni yuxuda görmək-əmin-amanlığa, rəhmətə, uzuntudən-sıxıntıdan qurtarmağa, xoş güzərana işarə sayılır.

MƏDRƏSƏ-Xetirxahlığa, cəza şərtlərini yerinə yetirməyə, alqı-satqıya, kölə azad etməyə, eyni zamanda, fəsad çıxarmağa, arvad boşamağa yozulur.

MƏZAR DAŞI (başdaşı)-Röyada bir məzarlıqda gəzərək başdaşılarının üstündəki yazıları oxumaq-röya sahibi subay və yalqızdırsa, uzun və anlamsız bir həyat yaşayacaq; evlidirsə-uzun ömür sürəcəkdir.

MƏKKEYİ-MÜKƏRRƏMƏ-Röyada Məkkeyi-mükərrəməni (Müqəddəs Məkkə şəhərini) görmək-imam olaraq yozulur. Röyasında Məkkəyə getdiyini görən adam xəstədirsə, xəstəliyi uzun sürər və ya ölər. Günahkarlar üçün Məkkəyə girmək-tövbəyə; kafirlər üçün-islama tapınmağa; subaylar üçün-evlənməyə işarədir. Məkkəyə girən adam hər cür qorxu və şübhədən qurtulur. Həcc üçün Məkkəyə getmək-Allahü-təala röya sahibinə həcc nəsib edəcək. Bu gözəl şəhərin civarında olduğunu görmək-uzun ömrə əlamətdir. Röyada Məkkəyə arxasını döndərmək-işindən və ya ortağından ayrılmağa işarədir. məkkənin yıxıldığını görmək-röya sahibinin ibadəti, namazı qüsürlüdür. Məkkədə bolluq və ucuzluq görmək-xeyrə; qıtlıq görmək-şərə dəlalət edir.

MƏKTƏB-Röyada məktəb görmək-mədəniyyət baxımından yeni və geniş imkanlara işarə sayılır.

MƏKTUB-Röyada poçtalyonun evə məktub gətirdiyini görmək-kiməsə yazılacaq məktuba işarədir. Kişilər üçün bu röya-vəzifədə yüksəlməyə;ticarət adamları və qadınlar üçün-qazancın artmasına; ev qadını üçün-vaxtını boş keçirməyə, bir toplantıya dəvətə; gənc qızlar üçün-maraqlı və macəralı bir eşqə yozulur.

MƏLƏZ AT-Yuxuda mələz at-qüdrət və şərəfi ifadə edir. Eyni zamanda, yüksək bir rütbəyə və məqsədə çatmağa, yaxud, əsilzadə cocuğa işarə sayılır.

MƏLƏK-Röyada mələk görmək-qəmdən, kədərdən qurtulub sevincə, şadlığa qovuşacaqdır. Bir yerdə çoxlu mələklərin toplaşmış olduğunu görmək-o yerdə müharibə olacaq. Mələklə bərabər uçmaq-axirətdə səadətdir. Gözəl və nurlu bir mələk görmək-xeyirli və sevincli xəbərlərə; mələyi çirkin vəziyyətdə görmək-qəmə, kədərə işarədir. Mələyin yerə endiyini görmək-o yerə xeyir və bərəkət gələcək. Mələyi qadın qılığında görmək-günaha batacaqsınız. Bir mələyin sizə lənət etdiyini görmək-dində fəsada və etiqadsızlığa yozulur. Özünü mələk olmuş görmək-böyük mövqeyə yüksələcəksiniz. Cəbrayıl əleyhissəlamı görmək-əgər bir səyahət niyyətindəsinizsə, səfəriniz qəzasız-bəlasız keçəcək, düşmənə qələbə çalacaqsınız. Mikayıl əleyhissəlamı görmək-mala, mülkə və şərəfə qovuşacaq, yaxud karlı, xeyirli bir səfərə çıxacaqsınız. Əzrayıl əleyhissəlamı görmək-düşmənlərinizin birinin vəfatına içarə sayılır. Ümumiyyətlə, yuxuda mələk görmək-şərəfli və bəxtioyar ömür yaşayacağınıza yozulur.

MƏLƏMƏ-Röyada bir quzunu mələrkən görmək-bir uşağınız dünyaya gələcək və ondan çox xeyir görəcəksiniz.

MƏLHƏM-Bir xəstəliyin başlandığını xəbər verir.

MƏMLƏKƏT-Hər hansı bir məmləkəti (ölkəni) yuxuda görmək-bəzi adamlarla yeni və faydalı dostluqlar quracağınıza işarədir.

MƏMƏ-Röyada bir qadın məməsi görmək-bir qız övladınızın dünyaya gələcəyinə işarədir. Məmənizdən süd axdığını görmək-qısa zamanda evlənəcəyinizi göstərir. Məmə vermək-uşaqlarınızın uzun ömürlü və xeyirli olacağına yozulur.

MƏMUR (qulluq sahibi)-Röyada özünüzü bir məmuriyyətə (qulluğa) təyin olunmuş görmək-yorucu və bezdirici işlərlə baş-başa qalacağınıza işarədir. Röyada kiçik bir məmur (qulluqçu) və ya özünü əhəmiyyətsiz bir qulluqda görmək-bir çox çətin işlərlə qarşılaşacaqsınız.

MƏNDİL (əl yaylığı)-Yuxuda məndil almaq və ya vermək-ayrılıqdır.

MƏNZİL (otaq)-Yuxuda gözəl bəzədilmiş bir mənzil (otaq) görmək-zənginlik, var-dövlət mənasında yozulur. (Belə bir yuxunu yoxsul adam görərsə, onun birdən-birə rifaha və səadətə qovuşacağı bəlli olur). Özünü bir otaq içində tək-tənha və yalnız görmək-təhlükədən uzaq, rahat bir həyat sürəcəksiniz.

MƏRASİM-Yuxuda mərasim keçirildiyini görmək-yüksək mövqe sahibi olan bir adamdan xeyirxahlıq görərək çox sevinəcəyinizə yozulur. Mərasimdə iştirak etmək-iş həyarında böyük zərərə uğrayacaqsınız. Toy mərasimi-bir övladınız dünyaya gələcək. Yas mərasimi-bir fəlakət xəbərinə işarədir.

MƏRMƏR-Yuxuda mərmər görmək-güclü bir mübarizədən sonra uğua qazanacağınıza və bu uğurun davamlı olacağına yozulur.

MƏRMƏR KARXANASI-Yeni bir iş yeri açacağınıza işarə sayılır.

MƏRUZƏ (raport)-Röyada birisinin məruzə (raport) etdiyinin görülməsi-röya sahibinin başına bəlalı bir iş gələcəkdir. Əgər raport verən röya sahibinin özüdürsə, bəla daha böyük olacaqdır.

MƏRCAN-Yuxuda mərcan görmək-zənginlik əlaməti olub, çox gözəl bir cariyə və ya qıza sahib olacağınıza işarə sayılır. Mərcan boyunbağı-Uca Tanrının qadaöaları anlamına gəlir.

MƏRCAN ÇİÇƏYİ-Röyada bu çiçəyi qoxlayan adam o il sağlam olacaq. Mərcan çiçəyi əkənin ağıllı bir oğlan uşağı doğulacaq. Qadının yuxuda mərcan çiçəyi qoxulamasıdini sağlam bir oğlan uşağı doğulacağına və ya ərə gedəcəyi anlamına gəlir.

MƏRCİMƏK-Yuxuda mərcimək görmək-yaxın bir adamınızın sizin eşq həyatınızla ilgili söz-söhbətlər yaymaqda olduğuna işarədir.

MƏSKƏN (ev)-Röyada gözəl bir ev görmək, içinə girmək-bu günlərdə xeyirli bir xəbər alacağınıza və ya sizi hədsiz sevindirəcək bir hadisə olacağına işarə sayılır. Bir evi inşa etdirmək-zənginlik və səadətdir. Yanan bir ev görmək-üzüntüdür. Öz evini yuxuda görmək-kədər və əndişələrin artıq sona çatacağını ifadə edir. Yıxılmış ev görmək-yeni bir ev inşa etdirəcəksiniz.

MƏTBƏƏ-Hökumət dairələrində olan bir işiniz həll olunacaqdır.

MƏTBƏX-Röyada mətbəx görmək-çox zəngin olacağınıza, lakin əsil səadəti əsla görüb hiss etməyəcəyinizə işarədir.

MƏTBƏX BIÇAĞI-Xeyirxah bir işi xeyirlə başa vuracağınıza işarədir.

MƏXMƏR-Röyada ipək məxmər alan, satan, geyən hər kəs-xalq arasında şöhrət qazanacaqdır. Pambıq məxmər-röya sahibi heysiyyət və şərəfini, toplumdakı yerini itirəcəkdir.

MƏHƏBBƏT VƏ DOSTLUQ-Röyada bir adamla məhəbbətlə qarşılıqlı hörmətlə dostluq etdiyini görmək-röya sahibinin şan-şərəfininyüksək olduğunu açıqlayır, hədisi-şərifə görə, “dərin ağıla, yetginliyə” işarə sayılır. Yaxud da hər işin sonunu düşünmək anlamına gəlir.

MƏHƏLLƏ-Nəşəli bir xəbər müjdəsi olaraq yozulur.

MƏHƏMMƏD ƏLEYHİSSƏLAM-Hədisi-şərifdə Həzrəti Məhəmməd belə buyurmuşdur: “Bir kimsə röyasında məni görərsə, o kimsə axirətdə ən yaxın bir sifətlə şəfaətimlə, xüsusi bir görüşlə məni görəcəkdir”. Başqa bir söyləməyə görə, Həzrəti Məhəmməd: “Bir kimsə yuxusunda məni görərsə, o kimsə həqiqətən və gerçəkdən məni görmüşdür” buyurub. Yenə bir hədisi-şərifdə: “Bir kimsə röyasında məni görərsə, o kimsə gerçəkdən və eynən məni görmüş kimi olur. Zira, şeytanın mənim şəklimə girməsini düşünməsi mümkün deyildir”-söyləyir kainatın əfəndisi Həzrəti Peyğəmbərimiz. Bir kimsə yuxuda uca İslam Peyğəmbərini görmüşsə, röyası doğrudur. Yəni, Rəsulullahı görən adamın durumu həmişə yaxşı, könlü daima şən olur. Röya sahibi üzüntü içindədirsə-üzüntüdən, kədərdən qurtulur; həbsdədirsə-azad olur. Röyada Həzrət Peyğəmbəri görənlər mühasirədə və ya qıtlıq içindədirlərsə, bu durumlardan qurtulacaqlar, dünyada ucuzluq olacaq. Röyada Həzrəti Petğəmbəri görmək-dəlil-sübutları açıqlamağı, sözündə doğru olmağı, vədə əməl etməyi ifadə edir. Röya sahibi ailəsində və qohumları arasında heç birinin çata bilmədiyi bir məqama yüksələcəkdir. Röyada Həzrəti Məhəmmədi görmək-əziyyət və cəzaya sinə gərməyə işarədir. Röya sahibi əgər yetim və qəribsə, böyük bir mövqeyə çatacaq; həkimdirsə-xalq arasında tanınıb seviləcək. Röyada Həzrəti Məhəmmədin vəfat etdiyini görən adamın öz nəslində şərəfli və hörmətli bir şəxs vəfat edəcək. Həzrəti Məhəmmədin bir yerdə cənazəsini görmək-o yerdə böyük bir uğursuzluq və bəla olacağını xəbər verir. Röyada Həzrəti Peyğəmbərin cənazəsini uğurladığını, hətta qəbri-şəriflərinə qoyduğunu görən adam bidətə, küfrə meyl edər. Rəsulullahın qəbri-şəriflərini ziyarət etdiyini görən kimsə böyük var-dövlətə çatacaq. Röyada Həzrəti Peyğəmbərin gördüyünüz işlərə baxdığını görmək-röya sahibi həyat yoldaşının hüquqlarına hörmət və riayət etməlidir. Bir kimsənin iki cahan Günəşinin məstlərini geydiyini görməsi-o kimsəyə cihad əmr edildiyini göstərir. Yuxuda sevgili Peyğəmbərimizin xütbə oxuduğunu görən adam ədalətlə amirlik edər, pislikdən qaçar. Yuxuda Həzrəti Peyğəməbirn sizə bir şey verməsi-elm sahibi və haqqa tabe olduğunuza işarədir. həzrəti Peyğəmbərin verdiyi şeyi almaq-haqq yolundan uzaqlaşmaq deməkdir. Həzrəti Peyğəmbərin hər hansi bir yerdə vəfat etdiyini görən adam həmin il o yerdə vəfat edəcəkdir.

MƏHKƏMƏ-Yuxuda məhkəmə görmək çox xeyirli röyalardandır. Cinayət işinə baxan məhkəmə-sıxıntıya və əzab-əziyyətə işarə sayılır. Məhkəmədə dinləyici və şahid sifətiylə iştirak etmək-həyəcanlı olaylarla qarşı-qarşıya olduğunuzu xəbər verir.

MƏHKƏMƏ BİNASI-Röyada ədliyyə binasını, xüsusən də, vəkillərlə dolu olan məhkəmə binasının görülməsi xeyrə yozulmaz, işlərin pozulacağını göstərir. Məhkəmədə hakim görmək isə xeyrə yozulur.

MƏHSUL-Röyada torpaqdan bərəkətli və bol məhsul aldığınızı görmək-bol gəlirli, xoşbəxt bir il keçirəcəksiniz. Məhsulunuzun talana uğradığını görmək-çoxlu pul qazanmağa işarədir.

MƏCBURİ İŞ-Yuxuda istəmədən məcburi bir işə qoşulmaq-bir sıra çətinliklərlə üz-üzə gələcəyinizə və çox iztirab çəkəcəyinizə işarədir.

MƏCƏLLƏ-Röyada Məcəllə (köhnə islam hüququnu bir araya toplayan kitab) görmək-gələcək üçün ümid işığı olaraq yozulur.

MƏCLİS-Röyada bir məclis görmək-durduğunuz yerdə birdən-birə başınızı bəlaya salacaq, ən azı, arvadınız və ya ərinizlə dava-dalaş çıxaracaqsınız.

MƏŞƏQQƏT-Röyada qan-tərə bataraq məşəqqətli bir iş görmək, zəhmət çəkmək-rahatlığa, rifaha işarədir. Özünü ağır zəhəmt və məşəqqət içində görmək-röya sahibi arxayın nəfəs alıb rahatlığa qovuşacaqdır. Yuxunu görən vali isə, vəzifəsindən sui-istifadə edəcək, xalqın malına hiylə ilə əl atacaqdır.

MƏŞƏL-Təlim-tərbiyə işlərində böyük uğur qazanacaq, mükafatlandırılacaqdır.

MƏŞƏLÇİ-Röyada məşəlçi-xalqı doğru yola aparan bir adamı ifadə edir. Eyni zamanda, elmə, xeyrə, xalqın etibar etdiyi bir şəxsə işarə sayılır.

MİDYƏ (dəniz molyusku)-Röyada dənizə girib midyə topladığını görmək-sıxıntı və üzüntü içində keçəcək anların, ağla gəlməyənbir təhlükənin yaxınlaşmaqda olduğunu xəbər verir.

MİZAN VƏ TƏRƏZİ-Mizan və tərəzi-ölçməyə dəlalət edir. Mizan və ölçü-dini borclardan çıxmağa, əhdə və verilən sözə əməl etməyə işarədir. Qızıl çəkmək üçün zərgərlərin istifadə elədiyi ölçü alətini görmək-iflic və dilsiz uşağa; müşk, əmbər və ya başqa ətir maddələri üçün işlədilən ölçü aləti-qəflətdən ayıqlığa, nəfsini gözləməyə yozulur. Qiyamət mizanı-sirlərin açılmasını, eyni zamanda, sevinci və fərəhi xəbər verir. Röyada özünü mühakimə olunan görmək və haqq tərəzisində əməli ağır gəlmək-mühakimlikdən qurtaracaqsınız. Əməliniz yünkül gələrsə-zərərə uğrayacaqsınız.

MİZRAB-Yaxın günlərdə musiqili, şən bir toplantıya, əyləncəli məclisə gedəcəyinizə işarə sayılır.

MİZRAQ (nizə)-əgər mizraq silahla bərabər görülərsə və dəmirdən qayırılmışsa-qüvvətə və qalibiyyətə; silahsızdırsa və dəmirdən deyilsə-qüvvətli və sərt bir uşağa, faydalı və qazanclı ticarətə yozulur. Bu röyanı kasıb bir adam görərsə-varlanacaq; hökmdar və dövlət başqanıdırsa-qüvvət və qüdrətiylə bərabər, təmkinli hərəkət edəcək və zəfər qazanaraq məmləkətini düşməndən qurtaracaqdır.

MİKAYIL ƏLEYHİSSƏLAM-Röyada Mikayıl Əleyhissəlamı görmək-inananlar üçün dünyada məqəsdinə, muradına və əmələ nail olamağa dəlalət edir. Əgər o kimsənin imanı kamil deyilsə, həmişə ehtiyatlı davranması tövsiyə olunur. Yuxuda Mikayıl Əleyhissəlamı böyük bir şəhərdə görmək-o şəhərə bərəkətli yağışlar yağacaq, xalqın güzəranı bolluq və ucuzluq içində keçəcək. Bu böyük Mələk yuxuda röya sahibindən bir söz soruşarsa, yaxud ona bir şey verərsə-o adam nemətlərlə və sevuncə qovuşaraq, cənnətliki olar. Cünki Mikayıl Əleyhissəlam rəhmətə müvəkkli bir mələkdir. Onu yuxuda görmək-gün-güzəran, bərəkət, bolluq, istəklərinizin könlünüzcə yerinə yetməsi və bol yağış deməkdir. Bu Mələyi görmək bəzən də təbəəsinə qarşı şəfqətli və rəhmətli bir padşaha və dövlət başçısına əlamət sayılır, yaxud qıtlığı, quraqlığı və susuzluğu bildirir. Mikayıl mələyi görmək-əlil və uşağı olmayan qadınların uşağı olacağına, çox müşkül və çətin işlərin asan həllinə işarə sayılır. Mikayıl Əleyhissəlamı dənizdə səfərdə olan bir yoçu görərsə, o fırtına və boğulma təhlükəsindən hifz olunacaq. Bu röyanı quruda olan bir adamın görməsi də eyni şəkildə yozulur. Səfərdə olan adamın Mikayıl mələyi görməsi-yağış yağmasi səbəbindən səfərin ləngiyəcəyinə işarə sayılır. Əkin-biçin adamının Mikayıl Əleyhissəlamı görməsihər cür məhsul baxımından xeyrə yozulur. Özünün Mikayıl Əleyhissəlama oxşadığını görmək-röya sahibinin böyük qismətə, bolluğa yetişəcəyinə və gözəl xasiyyətli olmasına yozulur.

MİKROSKOP-Uşağınızın elmə çox meyilli olduğunu göstərir. Uşağınız yoxdursa, bu qabiliyyətdə əvəzsiz olacaqsınız deməkdir.

MİKROFON–Röyada mikrofon görmək-siyasi həyata atılacağınıza yozulur.

MİLYONER–Röyada milyoner və milyarder görmək-çox xəyalpərəst olduğunuza və ağlınızı başınızda toplamağın gərəkliyinə işarədir.

MİLLƏT VƏKİLİ (deputat)-İşlərinizin alt-üst olacağına yozulur.

MİLLƏT MƏCLİSİ (parlament)-Röyada bir millət vəkili kimi parlamentdə iştirak etmək-yaxında görüləcək bir çox işləri asanlıqla başa vurub, uğur qazanmağa yozulur.

MİLLİ GEYİM-Röyada özünü milli geyimdə görmək-həqiqətən müşkül bir işin çətinliklə başa gələcəyinə işarədir. Başqa adamları milli geyimdə görmək-kişi üçün genişürəkli böyük bir adamın yardımı ilə yüksəlməyi; evlənməmiş qadın üçün-özündən yüksək səviyyəli birisiylə izdivacı; evli qadın üçün-təsəvvür və düşüncələrində başqasına əngəl olmağı xəbər verir.

MİMOZA (küsdüm ağacı)-Röyada mimoza çiçəyi görmək-eşqə düşəcəyiniz ehtimalına işarə sayılır.

MİNAÇİÇƏYİ (göyərçin otu)-Yaxın günlərdə sevdiyiniz bir adamdan şad xəbərlərlə dolu bir məktub alacaqsınız.

MİNDƏR-Əmin-amanlığa, rahatlığa işarədir.

MİNİATUR-Həddən artıq duyğulu və həssaə adam olduğunuza işarədir.

MİNTƏNƏ (geyim)-Röyada mintənə geymək-sıxıntı içində olduğunuz anlamına gəlir. Bu sıxıntıdan qurtulmaq üçün röyada geyilən mintənənin yırtılmış olması gərəkdir.

MİRZƏ (katib)-Yaxşılığa, sevinc, şadlığa işarədir.

MİS-Röyada misdən düzəldilmiş əşya görmək-yaxın vaxtlarda övladınız dünyaya gələcəkdir.

MİSSİONER-Röyada bir missioner (təbliğçi) görmək-başınıza bir bəla gələcək və bu dərddən böyük çətinliklər nəticəsində qurtula biləcəksiniz.

MİÇƏTKƏN-Röyada miçətkən-əri ilə münasibətdə bulunmaq üçün iki qıçları arasına girilmiş qadına işarədir. Miçətkən altında yatmaq, bəzən də, qayğı və qüssə içində olmağa yozulur.

MİŞAR (bıçqı)-Yuxuda mişarla bir şey kəsmək-çətin və mürəkkəb məsələləri asanlıqla aydınlaşdıracaqsınız.

MODEL-Röyada bir şeyin modelini görmək-bir-birinə bənzər günlər keçirəcəksiniz deməkdir.

MOZAİKA-Yaxın vaxtlarda tarixi bir turist səfərinə çıxacaqsınız.

MOR (bənövşəyi) RƏNG-Uğursuzluqlariniz sona çatacaq deməkdir.

MORSALXIM (bitki)-Röyada morsalxım çiçəyi görmək-bəzi paxıl və pis niyyətli adamların ardınızca düşüb, sizə qəsd hazırlamaq istədiklərini xəbər verir.

MOTOR (mühərrik)-Röyada işləyən motor görmək-işlərinizin öz yolunda olduğuna; dayanmış motor-bunun tərsinə yozulur.

MOTOSİKLET-Yuxuda motosikletə minmək, kirayə götümək və satın almaq-maraqlı və çox xeyirxah bir adamla dostluq edəcəyinizə işarədir.

MÖVLƏVİ (dərviş)-Röyada bir mövləvi görmək-işlərinizin birdən-birə düzəlib, sonra yenidən baş-ayaq olacağına işarədir.

MÖHLƏT-Röyada möhlət vermək-əzab işarəsidir. yuxuda bir şeyin möhlətini, vaxtını uzatmaq-röya sahibi şiddətli əzaba məruz qalacaq.

MÖHÜR-Əmin-amanlığa, etimada yozulur.

MUZDUR (günəmuzdçu)-Röyada qan-tər içində əlləşən muzdur görən adamın başında bir fəlakət var. Əgər röya sahibi həmin muzdurun tərini silərsə, fərəhli, xoş günlərə yetişəcəkdir.

MUZEY-Bir muzetdə gəzmək-xoşunuza gələn, bacaedığınız və zövq aldığınız bir işə keçənəcən çoxlu ev və iş yeri dəyişəcəyinizə işarədir. Bir muzeydə muxtəlif əntiq və qədimi əşyalara tamaşa etmək-bir işə hədsiz maraq göstərəcək və bundan qeyri-adi mənəvi həzz duyaraq, çoxlu qazanc əldə edəcəksiniz.

MUMİYA-Röyada mumiya görmək-əski dostlarinizin birindən heç gözləmədiyiniz bir vaxtda xeyirli xəbər alacaqsınız. Yuxuda bir cəsədi mumiyalamaq-ruhunuzdakı acı bir xatirəni başınızdan çıxarmaq, unutmaq üçün çox çalışır, lakin buna müvəffəq olmayıb dərin iztirablar çəkirsiniz deməkdir.

MUNDİR (forma)-xoşbəxtliyə, şöhrətə, işdə uğurlara yozulur.

MUNCUQ-Yaxınlarınızdan birinin başına xeyrə yozulmayan bir hadisə gələcəkdir.

MUSA PEYĞƏMBƏR-Röyada Musa əleyhissəlamı görən adam şan-şöhrətə, yüksək rütbəyə çatacaq. Ona heç bir qorxu və sıxıntı üz verməyəcək. Çünki o adam haqqa riayətlə hər baxımdan qüvvətli və haqsevər bir insandır. Bir kimsə röyada Musa peyğəmbərin surətinə döndüyünü və ya paltarını geydiyini görərsə-o, məqsədinə nail olacaq və düşmənlərinə üstün gələcəkdir. Röya sahibi dustaqxanadadırsa,ordan qurtulub muradına çatacaqdır. Musa peyğəmbəri röyada görmək-həmin il nə qədər zalım və qəddar adam varsa, hamısının öləcəyinə işarədir. Musa peyğəmbərin məşhur əsasını əlində görmək-böyük məqama, yüksəlişə, düşmənə qalib gəlməyə, uzun səfərə qarşı tərəfin sehri-tilsimi varsa-çözüləcəyinə, kafirlərin məhvinə, sıxıntıdan, kədərdən qurtarmağa yozulur.

MUSİQİ-Röyada mahnı, yaxud musiqi alətlərində ifa olunan musiqi dinləmək-işinizdə böyük uğurlar qazanacaq və çoxlu oğul-uşaq yiyəsi olub xoşbəxt bir ailə həyatı yaşayacaqsınız. Dinlədiyiniz musiqi qulağı oxşamırsa və qarma-qarışıq səs yığınıdırsa, bu röya-saxta və qeyri-səmimi adamların tövsiyəsinə qulaq asdığınız təqdirdə ciddi bir xətaya yol verəcəyinizə işarə sayılır. Röyada rəqs musiqisi dinləmək və bu musiqiyə uyaraq rəqs etmək-sosial mövqeyinizlə kübar cəmiyyətdə sevilən bir şəxs olduğunuzu göstərir. Romantik bir musiqi dinləmək-eşqə və səadətə işarədir. Kədərli, hüznlü musiqi-cansıxıcı xəbərlərə hazır olmanızı bildirir.Röyada özünün musiqi çaldığını görmək-yaxınlarda hazırki vəzifənizdən də yaxşı bir vəzifəyə keçmək üçün təklif alacaqsınız.

MUSİQİ ALƏTLƏRİ-Röyada musiqi alətlərindən birini çalmaq-muradınıza nail olub, parlaq bir gələcəyə qovuşacaqsınız. piano və ya başqa bir musiqi aləti almaq-gözəl sənətlər sahəsində gözlədiyinizdən də artıq uğurlar qazanacaqsınız. Gənc bir qız belə röya görərsə, onun ailə həyatı əmin-amanlıq və xoşbəxtlik içində keçəcəkdir.

MUSİQİÇİ-Yuxuda bir musiqiçi (sazəndə) görmək-bir çox eşq macərası yaşadığınıza və ya yaşayacağınıza işarədir.

MÜBARİZƏ (savaş)-Tanış və ya tanış olmayan bir düşmənlə mübarizə etmək-röya sahibinin yaşayışı çətin olcaq, pulu daşdan çıxacaq. Düşmənini yenərsə-həyat savaşında uğur qazanacaq. Əgər mübarizədə hansı tərəfin qalib çıxacağı bəlli deyilsə-röya sahibinin gələcək həyatı şübhə altındadır. Savaşda düşmənə yenildiyini görən sadamın başına bir qəza gələcək.

MÜĞƏNNİ QADIN-Yuxuda qadın müğənni görmək-mənəvi böhranlar keçirəcəyinizi xəbər verir.

MÜDİR (rəhbər işçi)-Röyada öz müdirini, yaxud şefini görmək-yaxşılığa və ya pisliyə doğru bir dəyişikliyi bildirir. Özünün şef və ya müdir olduğunu görmək-cavan oğlan üçün bu röya-vəzifədə böyüyüb aylığının artacağına; təcrübəli yaşda adam üçün-bir yerdə çalışdığı yoldaşları arasında umu-küsüyə, narazılığa; gənc qadın üçün-əyləncəli istirahətə; yaşlı qadın üçün-aşbaz və qulluqşusu üzündən sıxıntıya və narahatlığa yozulur.

MÜƏZZİN-Röyada müəzzin görmək-xeyrə çağıran bir adamı, nigah məmurunu və ya elçini ifadə edir. Yuxuda əzan oxuduğunu görmək-həccə gedəcəyinizə işarədir. Bəzi yozuculara görə, əzan-oğurluğa da işarə sayılır. Bir qadının minarədə əzan oxuduğunu görmək-cəmiyyətdə cahil və nadan adamların çoxalması deməkdir. Röyada əzanın vaxtsız oxunduğunu görmək-bir işin əvvəlcədən bəyan edilməsinin gərəkliyinə işarədir.

MÜƏLLİM-Biliyinizin artacağına, dost-yoldaş arasında etibar və sayğı qazanacağınıza işarədir.

MÜNAQİŞƏ-Röyada bir nəfərlə münaqişədə olmaq-kişilər üçün bu yuxu-məhkəməyə düşmüş bir işi uğurla başa vurmağa, bəraət qazanmağa; qadınlar üçün-küsülü olduğunuz birisiylə barışmağa yozulur.

MÜNƏCCİM-Röyada münəccim görmək-qabaqcıl adamlarla söhbət etməyə və bəzi sirləri öyrənməyə, çox danışmağa, doğru və yalan söz-söhbətə, hadisələri nəql etməyə işarədir. Münəccim görmək, bəzən də, üzüntüyə və sıxıntıya; kədərli, qayğılı adamın qəm-qüssədən qurtulmasına, xoş xəbərə, elmə, görülən yaxşı işlərə yozulur.

MÜRƏBBƏ-Röyada mürəbbə yemək-gəlirə və mənfəətə yozulur. Evdə mürəbbə bişirmək-ürəkaçan, sevincli bir qazanc xəbəridir.

MÜRƏKKƏB-Röyada mürəkkəb görmək-hərəkətlərinizə diqqət göstərməsəniz, davranışınızın yanlış mənalandırılacağı anlamına gəlir. Mürəkkəb tökmək-istedadınız görünməyən, eyni zamanda, arzu və həvəs duymadığınız bir sənət sahəsində boş yerə zəhmət sərf etməkdə olduğunuzu göstərir. Yuxuda bir mürəkkəb ləkəsini silib təmizləməyə çalışmaqüzünüzə gülən dostlarınız daldala adınızı ləkələməyə çalışırlar. Mürəkkəb şüşəsi-çoxlu pul qazanacağınızı göstərir.

MÜRƏKKƏB QABI-Röyada mürəkkəb qabi görənin övladı və varı çox olur.

MÜFTİ-Röyada müfti görmək-mənəm fərəhə, şadlığa qovuşacaqsınız deməkdir.

MÜHARİBƏ (döyüş)-Röyada qarşı-qarşıya dayanıb bir-birinə hücm edən əsgərləri görmək, bu döyüşə tamaşa etmək və ya bu müharibədə iştirak etmək-kişilər üçün bu röya şəxsi bir iş təşəbbüsündə bulunmağa və ya ailə həyatında güzəran çətinliyinə; qadınlar üçün-peşmançılıq gətirəcək bir xətaya, yaxud maddi sıxıntıya işarə sayılır.

MÜHASİRƏ-Röyada ətrafə düşmənlər tərəfindən sarılmış olan bir kimsə gündəlik yaşayışını düzəltməli, dost-tanışı daha diqqətlə tələbkarlıqla saf-çürük edib seçməlidir.

MÜHAFİZƏ (keşikçi)-Röyada mühafizlə ilgili olay, yaxud mühafiz görmək-hamının etimadını qazanacağınıza işarə sayılır.

MÜHƏNDİS-Röyada mühəndis görmək-yaxşı tikilib təmir eilmiş bir şeyin xarab olmasına, xarab edilmiş bir yerin isə tikilib qurulmasına, fəsad və pisliklərə işarədir. Röyada mühəndis olduğunu görən adamın ömrü uzun olur, qüdrətə, şərəfə və amirliyə yetişir. Bu röyanın sahibi bəzən də, hakim və ya nigah məmuru olur. Bir hökmdarın özünün mühəndis olduğunu görmək-o hökmdar ərazisi üzərində çox dəyişikliklər edəcək və tutduğu işlərdə çox tədbirli davranacaq. Mühəndis görmək-kasıbçılıqdan qurtulub var-dövlət sahibi olmağa və xəstəlikdən şəfa tapmağa da yozulur.

MÜŞƏMBƏ (linoleum)-Yeni bir evə daşınacağınıza yozulur. Röyada ğzünüzü bir düşəmbə (linolium)-dükanında görmək və ya evinizə müşəmbə döşətmək-bir çox yeni və uğurlu işlərə atılacaq, çoxlu qazanc götürəcəksiniz.

MÜŞK-Röyada müşk qoxulamaq və qoxusunu hiss etmək-sirrə, sədəqəyə və uçağı olmağa yozulur. Ölüdə görülən müşk-onun cənnətdə olduğunu xəbər verir. Müşk, ticarət adamı üçün karlı və faydalı alış-verişə, böyük əmlak ticarətinə, meyvə bağlarına, eyni zamanda, böyük alimlərə işarə sayılır. Yuxuda görülən müşk-var-dövlətdir. Müşk qoxulayan və müşkü olan adam gözəl yaşayış və xeyir sahibidir. Müşk istintaq altında olan adamın bəraət alacağını da ifadə edir. Oğru və ya yolkəsənlərin birində mükş olduğunu görmək-onu dərhal tutulacağı anlamına gəlir.

MÜŞTƏRİ-Röyada alış-veriş edən adam görmək-darda qalmış, möhtac və çarəsiz bir adama işarədir.

Nağıl – röyada nağıl dinləmək bəzi xəyalların gerçəkləşə biləcəyinə yozulur.
Naz- qəmzə – qız olsun, ya oğlan, röyada naz qəmzə satan adam eşqdə uğursuzluğa uğrayacaqdır.
Nalbənd – yuxuda nalbənd görən adam səfər zamanı avtomobil qəzasına uğraya bilər.Röya sahibi özü maşın sürəndirsə, çox diqqətli olmalı, dilinə içki vurmamalıdır. Yoxsa özünü də yanında əyləşənləri də məhv edə bilər.
Nalça (nal)- qazanca və şad xəbərə işarə sayılır.
Namaz qılmaq – röyada abdəst alıb, qaydasıyla üzü qibləyə namaz qılmaq, həccə getmək kimi haqq tərəfindən fərz olan bir şeyi ifadə edir, yaxud röya sahibi zalım bir adamdan aldığın malı və ya borcunu ödəyəcək, pis hərəkətlərdən, çirkin işlərdən kənar olacaq.
Fərz namazı qılmaq – öz yerini bilməyə və sözündə durmağa işarədir. İşsiz qalan işə girəcək, küsülü olan barışacaq. Röya sahibi imamdırsa, borca düşəcək. İmama inanandırsa, bir məsələ üzündən başqa bir adam uğrunda borca düşəcək.
Günorta namazı – qarşılıqlı köməyə, gizli bir şeyin aşkara çıxmasına, ehtiyac və istəklərin yerinə yetəcəyinə yozulur. Çünki namaz bir işi bitirmək, istənilən şeyi tamamlamaq şəklində yozulur.
Günorta namazını buludsuz və açıq havada qılmaq, röya sahibi işə başlayacaq və hamı bu işdə ona yardım edəcəkdir. O, ehtiyacı qədərincə, pula və ad sana qovuşacaqdır.Namaz buludlu və tutqun havada qılınmışsa, qayğılı və çıxıntılı xidmətə işarədir.
İkindi namazı- özünün və başqasının əvəzinə and aman etməyə və ya ölməyə, həlli vacib çətin bir işə yozulur. Namaz tamamlanmazsa, röya sahibinin işlərində çətinliklər olacaqdır.
Qürub namazını qilarkən günəş qeyb olmamışsa və ya batmamışsa, arzusunda olduğunuz bir işin artıq vaxtı keşmişdir. Röya sahibi namazını tamamlarsa, niyyət etdiyi işin vaxtı çatmış və niyyəti hasil olmuşdur deməkdir.
Axşam (yatsı) namazı – ömrün tamamına və ömrün tükənməsinə işarədir, belə ki istirahət vaxtı olduğundan, yuxuya və ya istirahətə çəkilmişdir. Anlamı ailənin məişətini təmin etməkdən ibarətdir.
Namusa toxunmaq – röyada bir başqasının namusuna toxunduğunu görən adam yaxin vaxtlarda bir pisliyə məruz qalacaq və başına olmazın bəlalar gələcək.
Nanə – xeyirə yozulmur, ölüm xəbərinə işarədir.
Nar – yuxuda yetişmiş narları yığmaq iqtidarlı bir adamla bərabər sərvətə qovuşacaqsınız. Dəyməmiş nar- xəstəliyə, ələmə, kədərə dəlalətdir.
Nar ağacı – halal mala yozulur.
Nar dənəsi – asanlıqla əldə edilən ruzidir.
Natəmizlik (çirkab) – təmizliyə yozulur.
Nafaka (aliment) – röyada nafaka görmək röya sahibinin maliyyə durumunun yaxşı olduğuna, əlindən çıxmış olan şeyin yenidən özünə qayıdacağına işarədir. Yuxuda malını məcburən sərf edildiyini və nafaka olaraq verildiyini görən adamın əcəli yaxın olar.
Naftalin – röyada naftalin görmək böyüklərinizin birindən gözləmədiyiniz bir zamanda və gözləmədiyiniz miqdarda maddi yardım görəcəksiniz.
Naxış – röyada naxış işləmək işlərinizdə uğur qazandığınız bir vaxtda eşq həyatınızda böyük bir uğursuzluğa uğrayacaqsınız. Başqa bir adamın naxış işlədiyini görmək başınıza gələcək bir olayın ucbatından milisə, polisə, məhkəmələrə, xəstəxanalara düşəcəksiniz.
Naxışlı dəsmal - röyada çəkili ( naxışlı ) dəsmal hazırlayan bir sənətçi görmək elmli bir kimsəyə və ya elçiyə, diplomata işarədir.
Nahiyyə müdiri – Bir nahiyyə müdirini yuxuda görmək dövlət dairələrində işlərinizin çətinləşəcəyinə işarədir.
Ney – yuxuda ney, tütək çalmaq oyuna əyləncəyə, fitnə fəsada işarədir.Bəzən də fərəhə sevincə yozulur. Ney çalmaq – röya sahibi oxumağı bacarırsa, qurani-kərimi oxumaqdan həzz alır və o uzun illər bol nemətə nail olacaq. Ney və tütək – bəzən də, vay-şivənlə ağlayan qadını ifadə edir. Yuxuda bir mələyin sizə ney verməsi – qabiliyyətiniz varsa, bir vilayətə vali olacaqsınız. Yuxuda qızıl ney və ya tütək tapmaq və çalmaq – röya sahibinin bilikli olduğunu və öz elmini başqalarına da öyrətdiyini göstərir. Ney çalmaq – xəstə üçün ölümə, cahil üçün dedi-qoduya, uşaq istəyən üçün övladın olacağına yozulur.
Nehrə – işlərin öz axarına düşəcəyinə, qazancın artacağına işarədir.
Nəbz - yuxuda nəbzin döyündüyünü görmək, həyat və sağlıq xəbərlərinin alınacağına yozulur.
Nəqqaş - xeyirə yozulmur. Yuxuda nəqqaş görən adam ayağına, ya da qolunu qıracaq deməkdir. Yolda-izdə diqqətli olmaq gərəkdir.
Nəğmə – yuxuda nəğmə eşitmək, şərgi söyləmək qabiliyyətinizin olmadığına işarədir.
Nənə - çoxlu uşağınız olacaq və məsud, firavan bir ömür yaşayacaqsınız.
Nərd oyunu – röyada bir dostuyla nərd oynadığını görmək, mənəvi ucalığa, hörmət-izzətə işarədir.
Nərdivan – röyada nərdivana çıxmaq, üstün və şərəfli bir iş görüb, bütün dünyada tanınmağa, şöhrətə və yüksək mərtəbəyə yetişməyə işarədir. Nərdivanla enmək – bəxtinizə çıxan xeyirli bir fürsəti əldən verəcəksiniz. Yuxuda səyyar bir nərdivanla dırmanmaq – bu röya hamı üçün önəmli bir işdə uğur qazanmaqğa və şöhrət sahibi olmağa yozulur. Röyada çıxdığınız nərdivanın qırılması – düşməninizə məğlub olacaqsınız.
Nərgiz -röyada nərgiz gözəl bir qadına əlmətdir. Başında nərgiz güllərindən hörülmüş tac görmək – gözəl bir qadınla evlənməyə, dadlı eşq həyatına işarədir. Baxçada nərgiz görmək – uzun ömürlü uşağınız olacaq. Kəsilmiş nərgiz gülü – uşağın vəfat edəcəyinə yozulur. Nərgiz bəzən də sevincə, qızıl və gümüş cəvahirat sahibi olmağa işarə sayılır.Sarı nərgiz gülü – qızıl pulu, bəyaz – gümüş puldur. Qadının yuxuda başında nərgizdən tac görməsi – davamlı olmayan ailə həyatına, evlidirsə – ərinin onu boşayacağına, yaxud ərinin vəfatına əlamət hesab edilir.
Nəsihət (məsləhət) – yuxuda düşməniniz sizə öyüd nəsihət verirsə, bu röya – xəyanəti və aldanmağı ifadə edir.
Nəstərən çiçəyi (ərik gülü)- röya sahibi çox uğurlu bir ailə quracaq. Evlidirsə xoşbəxtliyə qovuşacaqdır.
Nəfəs almaq – röyada bol-bol, dərindən nəfəs almaq, can sıxıntısına işarədir.
Nəfəs darlığı (təngnəfəslik) - sıxıntılardan qurtarmaq,yolunun artıq açıldığına işarə olaraq qəbul edilir.
Nəfəs tutulması - xəstəliyə yaxud da ölümə dəlalət edir.
Nəcis – əlinizə haram mal və ya pul keçəcəyinə, iş həyatında böyük zərərə düşəcəyinizə, yaxud xəstəliyə işarədir.
Nigah – yuxuda bir adamın tanımadığı bir qadınla nigahlandığını görməsi, röya sahibinin oruc və namaz kimi dini ayinlərə əməl etdiyinə işarədir.
Nigah məmuru – röyada nigahkəsmə məntəqəsində çalışan məmur görmək – subay adam üçün evlənməyə, evli adam üçün boşanmağa əlamət sayılır. Bu röya eyni zamanda bir anlaşmaya, müqavilə bağlanmağa da yozula bilər.
Nikel – röya sahibinin pul sarıdan ehtiyac içində olduğunu göstərir.
Nil çayı – yuxuda nil çayından su içmək və suyun çox dadlı olduğunu hiss etmək, içilən suyun miqdarı qədər qəzıla qovuşacaqsınız. Sadəcə çayı görmək isə dövlətə, iqtidarlı və qüvvətli olmağa yozulur.
Nilufər - röyada nilufər evli olmayan kimsələr üçün gözəl gələcək bal ayını xəbər verir. Evlilər üçün isə – əyləncəli istirahətə işarədir. Nilufər toplamaq – çətin bir işiniz uğurla nəticələnəcək deməkdir.
Nimdaş paltar alverçisi – tanıdığınız bir nəfər sizi yamanca aldadacaq.
Nitq söyləmək – bir yığıncaqda nitq söyləmək, rütbə və ya mənsəbiniz yüksələcəkdir.
Nişanlanmaq – röyada tanımadığınız bir adamla nişanlanmaq, xoş xəbərə yozulur. Nişanı pozmaq isə, röya yozucularına görə, xeyirə əlamət sayilmır.
Nişasta - qalmaqallı, dedi-qodulu bir ailə həyatına işarə sayılır.
Nov (navalça) - novla ilgili röyalar aşağıdakı biçimdə yozulur. Nov – şöhtətli və xoşsöhbət bir adamla dostluq edəcəksiniz. Yağmursuz bir vaxtda novdan su axdığını görmək – bir fitnə – fəsada düşəcəksiniz. Novdan qan axdığını görmək – yaşadığınız şəhərdə bəzi qanlı olaylar baş verəcəkdir. Novdan saf, dumduru su axdığını görmək – bolluq və ucuzluq olacaq. Novdan bulanıq və pis qoxulu su axdığını görmək – uğura və Tanrı yardımına yozulur.
Novruz bayramı – yuxuda özünü novruz bayramında gprmək, sevinc dolu bahara, xatirəyə çevrilmiş xoş bir günün geri dönüşünə, sıxınti və üzüntülərdən qurtulmağa, əldən getmiş malın yenidən sahibinə qayıdacağına yozulur.
Notarius – yaxşı yuxulardan sayılmır. Hərəkətlərinizdə diqqətli olmalısınız.
Noxta – dəyərli bir ərmağan alacağınıza yozulur.
Noxud - yaxın günlərdə yaxşı bir iş xəbəri alacaqsınız.
Növbətçi əsgər - röyada qaravulda duran əsgər görmək, həyatınızın əminamanlıq içində keçdiyinə işarədir.
Nöqsan (qüsur) – var-dövlətdəki kəm-kəsiri, qüsuru bildirir.
Nökər – röyada nökər görən və ya satın alan adam bolluq və xoş güzəran içində yaşayan, düşmənə üstün gələn kimsədir. Nökər zənci, yaxud həbəşdirsə – bu röya xeyrə yozulur. Nökər ağbənizdirsə – sıxıntıya, qəmə-qayğıya işarə sayılır.
Nur (aydınlıq) – doğru haqq yola işarədir. Kafir bir adamın qaranlıqdan aydınlığa çıxdığını görməsi, o kafir imana və islama pənah gətirəcək. Aydınlıqdan sonra qaranlıq – zənginlikdən yoxsulluğa, haqq yoldan azmağa və kafirliyə yozulur. Qaranlıqdan aydınlığa çıxmaq isə əksinə açıqlanır. Yuxuda nurdan paltar geymək – röya sahibi elmli, xoş rəftarlı və ibadət əhlidir.
Nuh peyğəmbər – Həzrəti Nuhu yuxuda görmək, röya sahibinin elmli, həlim xasiyyətli və ilahi ibadətlərə bağlı olduğunu xəbər verir. Bu röya düşmənlərinizin çoxluğuna, lakin onlara üstün gələcəyinizə də yozulur.Nuh əleyhissəlamı yuxuda görən adamın pis bir qadından övladı doğulacaq və o, Allaha sahib bir qul olacaqdır. Nuh peyğəmbəri yuxuda görmək, il çox yağmurlu keçəcək, ceylab və tufanlar baş alıb gedəcəkdir. Nuh peyğəmbəri yuxuda görən adam nə qədər zülmə və əzaba düçar olsa da, o, bu sıxıntilardan qurtulacaq və intiqamını alaraq zəfər qazanacaqdır. Nuh peyğəmbər qıtlıq və quraqlıq ilində görülərsə, həmin il yağmurlu keçəcək. Nuh peyğəmbəri gəmidə görmək, o gəmi və içindəkilər hər dürlü qəzadan uzaq olacaq, yaxud fitnə-fəsadçı adamlar çoxalacaq, iman əhli azalacaqdır.
Nümunəlik əşya (örpək) – röyada nümunə üçün qoyulmuş bir əşyanı almaq, bəzi arzuların gerçəkləşməsini, imkansız olduğunu göstərir.

Obyektiv (fotoaparatda) – yuxuda fotoaparat obyektivi görən adama nəzər dəyəcək, o, bəd nəzərlər altındadır.
Ov nizəsi – yuxuda ov nizəsi ilə bir heyvanı yaralamaq – gəlirli bir işə girişib, bol pul qazanacağınıza işarədir.
Ov iti – işlərinizin tezliklə düzələciyinə işarədir.
Ovalıq (vadi) – röyada göz işlədikcə uzanan geniş bir ovalıq görmək – gənc bir qız üçün bu röya, sakit və rahat keçməyəcək bir ailə həyatına yozulur.
Ovsun – röyada birisinin ovsunlandığını, sehirləndiyini görmək- bu yuxu kişilər üçün dostluqda hansısa bir sui istifadə halının üzə çıxacağını, ərə getməmiş qadın üçün sevgilisinin əlindən alınma təhlükəsinə, evli bir qadın üçün isə böyük bir sirrə ortaq olacağı anlamına gəlir.
Oğlaq -röyada oğlaq uşağa yozulur. Boğazlanmış oğlaq görənin uşağı ölər.Bir oğlaq sahibi olduğunu görmək- uşağınız olacaq deməkdir. Yemək üçün oğlaq kəsmək- uşağınıza səbəb əlinizə sərvət keçəcəkdir.
Oğlan uşağı – yuxuda oğlan uşağı görmək – etibarlı dostlarınızın olduğuna, bütün hərəkətlərinizin hamı tərəfindən qayğıyla qarşılandığına yozulur.
Oğru (oğurluq) - röyada qorunan bir şeyi oğurlamaq zinakarlığa və məqsədinə çatmağına yozulur. Əgər röyada görünən oğru tanınırsa, həmin oğru malını çaldığı kimsədən fayda görəcək, ondan bir elm, sənəti, ya da bir sözü öyrənəcək. Yuxuda tanınmayan oğru da bu şəkildə yozulur. Röyada bir evdən qulluqçulara aid bir şeyi oğurlamaq – bu yuxu onlardan birisinin öləcəyinə işarədir. Əgər röyada tanınan biri gümüş pul oğurlayarsa, bu həmin adamın pis söz söhbət gəzdirdiyini göstərir. Oğru yaşlıdırsa və tanınmırsa – röya sahibinin bir dostu onun əleyhinə söz gəzdirir və onu pisləyir. Cavan oğru – röya sahibinin düşməni onun əleyhinə söz gəzdirir. Çeşidli yozumlara görə, röyada oğurluq etmək – gözəlliyə və xeyirə əlamət sayılır. Eyni zamanda yuxuda oğurluq edən adamın evinə oğru girməsindən ehtiyat edilir. Röyada görülən oğurluq oğrunun işləyəcəyi günahı ifadə etdiyi üçün zinakarlığa və yalana da yozulur.
Oğul-uşaq – röyada qucaqda gəzdirilən balaca uşaq görmək- üzüntü və kədər, həddi buluq yaşına yaxın oğlan isə, müjdəyə yozulur. Röyada həddi buluğa çatmış oğul – qüvvəti və qüdrəti ifadə edir. Quran oxumağı bilən bir adamın məktəbə gedən oğlu olduğunu görməsi – röya sahibi günahının bağışlanmasını istəyir deməkdir. Yuxuda yeniyetmə bir oğlu olduğunu görən adam anası tərəfindən mirasa qovuşacaq. Çoxlu uşağı olduğunu görmək – üzüntü və kədəri bildirir. Görülən uşaq oğlandırsa, röya sahibinin aqibəti yaxşı, qızdırsa- pis olacaq. Subay adamın yuxuda körpə bir uşağı olduğunu görməsi – o adam qüdrət və izzət sahibi olacaq, sağlam və əminamanlıq içində yaşayacaq, işində uğur qazanacaqdır. Röyada görülən kiçik uşaqlar – xırda-para üzüntülərə sayılır. Qucağında qışqırıb ağlayan bir uşaq tutduğunu görən adam ud çalan olacaq. Müxtəlif yozumlara görə, röyada görülən oğlan uşaqları- var-dövlətə, xeyrə də yozulur.
Od (yanğın) – odla ilgili yuxular müxtəlif cür yozulur. Qaranlıq gecədə xalqa yol göstərmək məqsədilə od qalanması elmə və biliyə yiyələnmək mənasına gəlir. Gündüz çağı yol üstündə od qalanması boş şeylərlə məşğulsunuz. Oda ibadət etmək – savaşçı və qovğaçı olduğunuza, günah işlərlə şeytana qulluq göstərdiyinizə işarədir. Qış günündə od qalamaq və istisində qızınmaq – zənginliyə, var-dövlətə, od yediyini görmək – dustaqxanaya düşməyə; Oda girib çıxmaq – cənnətə düşməyə; Oda girmək – malından dolayı zərərə və cəhənnəmə düşməyə yozulur. Bu cür yuxular görən adamın günah işlərdən çəkinməsi gərəkdir. Alovlu və gur bir tonqalın ətrafında adamların dövrə vurduğunu görmək – bərəkətə işarədir. Çöldə od görüb rahat olmaq- vəhşət və yalnızlıqdan firavan həyata qovuşacaqsınız. Taxıl zəmilərinin yandığını görmək – taxılın qiyməti artacaq. Üstündə qazan olmayan ocaq görmək- evi qoruyan gözətçidən zərər yetişəcək. Üstündə qazan, ağzında tüstüsüz ocaq görmək – yuxunu görən həccə gedəcək.Bir məhəlləyə, ya da şəhərə od düşdüyünü görmək – o yerdə müharibə olacaq və ya çiçiək, taun, vəba kimi məhvedici xəstəliklər epidemiya halını alacaqdır. Göydən od yağdığını görmək- o yerdə yaşayanlar şiddətli və dəhşətli sıxıntılara məruz qalacaq. Alovun göyə qalxdığını görmək – həmin yerin adamları qorxusuz, hürküsüz günah işlərlə məşğul olaraq, Uca Tanrıya qarşı sayğısızlıq göstərirlər. İsinmək və ya başqasını isitmək üçün od qalamaq – hədə-qorxuyla, təhriklə bir şeydən faydalanmaq, bu yolla yoxsulluqdan qurtarmaq anlamına gəlir. Od üstündə kabab çəkmək – camaatın əzab və iztirablarına, məyusluğuna səbəb olacaq bir sözə yozulur. Kababdan yemək isə – gündəlik ruzi anlamını verir. Od üstündə qazan qaynatmaq – yuxu sahibi öz qulluqçusu və ya işlərini görən bir kimsə tərəfindən gələcək gəlirindən məhrum olacaqdır. Paltarın yandığını görmək – pal-paltarla bağlı zərərə düşəcəksiniz. Xəyali yanğın – qorxulu vəziyyətdə olan adam üçün əminamanlığa və təhlükəyə yozulur. Öz evindən alov çıxdığını görmək – röyanı görən bir vilayətə vali təyin ediləcək, yaxud kommersiya və peşə fəaliyyətində güc-qüdrət sahibi olacaqdır. Bir adam öz ocağının nuruyla, işığıyla qərbdən-şərqə bütün dünyanın aydınlaşdığını görərsə – bu röya onun dünyaca məşhur olacağına, dünya şöhrətli elm adamı kimi tanınacağına yozulur. Evinə yanğın düşdüyünü görmək – ucuzluq, bolluq, var-dövlət anlamını verir. Alovun başından yuxarı qalxdığını görmək – röya sahibinin arvadı boyludursa gözəl bir oğlan uşağı dünyaya gətirəcək. Dağ başında ocaq qalamaq – mənəviyyatın sağlamlığına, Allaha yaxınlığına, Röya sahibi qürbətdədirsə – sağ-salamat yurduna dönəcəyinə yozulur. Alov içində olmaq, lakin yanmamaq – mələyə yaxınlaşaraq onunla söhbətdə bulunacaq və başınızdan keçənləri anladaraq, düşmən üzərində zəfər çalacaqsınız. Evdə yanan ocağın nuru ailə üçün faydalı olur, lakin bu nurun söndüyünü görmək – o evin böyüyünün vəfat edəcəyinə işarədir. Sönmüş ocağı külək közərdərsə – o evə oğru girəcək. Od eyni zamanda, cin tayfasına, qıtlığa və çəyirtkə basqınlarına da yozulur. Fırın ocağı – sərvəti və gəliri bildirir. Yuxuda qazan içində alov görənlər – yerli-yersiz danışar, cin və pərilərin təsiri altında olan tutmalı adamlar kimi havalı sözlər söyləyərlər. Alov yemək – gümüş və qızıl qablarda haram yeməyə yozulur, bəzən də kasıblarla dostluq etmək mənasına gəlir. Odun çox gur yanması – itkiyə və ölümə işarədir.
Oda (otaq) – röyada oda görmək – girişdiyiniz işdə və mübarizədə çətin də olsa böyük uğur qazanacaqsınız.
Odekolon – röyada odekolon qoxulamaq, sıxıntı içində olduğunuza və bir müddət bu sıxıntının davam edəcəyinə yozulur.
Odun – röyada yanan ocağa odun atmaq – cavan oğlan üçün dost bilib görüşdüyü bir nəfərin ona düşmənçilik edəcəyinə; təcrübəli, yaşlı olanlar üçün – mənsəb sahibi olmaq ehtimalına; gənc qız üçün – ağac emalı və ya texnika sahəsində çalışan bir mühəndisə ərə gedəcəyinə; evlilər üçün – pul ucbatından qovğaya düşməyə yozulur.
Oyaq qalmaq – röyada oyaq qaldığını görmək- röya sahibinin yaxınlarından birinin itgisinə işarədir. Gecə oyaq qaldığını və yata bilmədiyini görən adam dostlarından ayrılacaq. Yuxuda özünü oyaq görmək işlərin doğru yolda olduğunu, çirkin işlərdən uzaq durmağı, uzun ömür ifadə edir. Röyada yatan bir adamı oyandırmaq röya sahibinin yatan adamı doğru yola sövq etdiyini göstərir.
Oyanmaq – yuxuda özünü oyanmış olaraq görmək – ciddi və səmimi hərəkət, iqbal, tövbə, ticarət və səfərdən əldə olunacaq qazanc anlamına gəlir.
Oymaq -röyada oyma sənəti ilə məşğul olmaq və ya oymalı taxta görmək – kədərli xəbər anlamındadır.
Oynaş – röyada oynaş tutmaq və ya kiməsə oynaş olmaq- başınızda böyük bir fəlakətin dolaşmaqda olduğunu xəbər verir.
Oyun kartı (qumar) – röyada kart oyunu oynayan adamın işlərində hiylə var. Bu səbəbdən gördüyü işlərdən zərər görəcək. Röyada möhürü açılmamış bir dəst oyun kartı görmək – sizə heç də dost duyğular bəsləməyən şəxslərin əleyhinizə çalışmaqda olduqlarına işarədir. Dəst açılmışsa sizi tutduğunuz mövqedə ləkələmək, zərər vermək üçün tutulan işlərin uğursuz olacağına yozulur.
Oyun oynamaq – qürura, istehzaya,dini baxımdan qüsurlru olmağa yozulur. Nərd oynamaq- mənəvi yüksəkliyə, ləyaqətə və ya lağlağılığa işardir. Qumar oynamaq- önəmli bir işdə rəqabətə dəlalət edir. Futbol oynamaq – düşmənlə barışmaq deməkdur. Röya sahibi xəstədirsə yaxşılaşacaq.
Oyuncaq – Yuxuda özünü oyuncaqla oynayan görmək ürəkaçan yaxşı vəziyyətə, əyləncəli bir toplantıya, dəvətə yozulur. Əgər oyuncaq satın alınarsa və ya hədiyyə edilərsə, peşmanlığı uzun sürəcək bir xətaya düşəcəyinizi bildirir. Röyada oyuncaq almaq – yaxın vaxtlarda şad bir xəbər alacaqsınız. Uşaqları əyləndirmək üçün oyuncaqla oynamaq- mərhəmətsizlik üzündən bəzi itkilərə uğrayacaqsınız. Oyuncaq dükanı işlətmək- röya sahibinin yüksək dairələrdəki etibarı gözlədiyindən də artıqdır.
Omar (dəniz xərçəngi) – Yuxuda omar görən adam bəxt, qismət sahibi olacaq. Omar diri görülərsə əlinizı böyük miqdarda pul keçəcəkdir.
Omba (bud) - Röyada omba görmək – röya sahibinin ailəsinin və ya mənsub olduğu qəbiləni, milləti ifadə edir. Ombasında bir qüsur olduğunu görmək – yuxu görənin kimsəsizliyinə, qərib olduğuna işarədir. Ombasında ağrı hiss edən adam öz millətinə bir pislik edəcək. Ombasını özündən aralı görmək – röya sahibi aciz duruma düşəcək, lakin bu zavallı vəziyyətdən qurtulacaqdır. Bir parça ətin ombasına yapışdığını görmək – özünün olmayan bir uşağı röya sahibinin boynuna qoyacaqlar. Yuxuda omba görmək eyni zamanda evin dirəyi, ata-ana, uşaq, var-dövlət, qazanc və mənfəət anlamına da gəlir.
Omlet(yemək növü) – bir ziyafətə dəvət ediləcəksiniz.
Onbaşı(yefreytor) – Yuxuda onbaşı rütbəsində bir hərbiçi görmək xeyirə əlmətdir, həyatda uğur qazanacağınıza işarə sayılır.
Opera – bəzi anormal durumların ortaya çıxa biləcəyinə yozulur.
Oraq – Ruziyə, doğru xəbərlərə, yaxud da ömrün sonuna yozulur.
Ordu - yuxuda ordu bir pozğunluzun və qarışıqlığın qarşısının alınacağına, orduda olmaq isə düşmənin hücumuna yozulur.
Orman (meşə) – Yuxuda bir meşədə gəzmək, yaxud ağac kəsmək-içşləri yoluna qoymaq və qaydasına salmaq üçün öncə bütün əngəlləri ortadan qaldırmağın gərəkliyini göstərir. Sıx ağaclarla örtülü meşədə aslan yatağı görmək- fəryada və fitnəkar bir adamın fəsadçı işləklərinə yozulur.
Ortanca çiçəyi – yuxuda ortanca çiçəyi – qara dəniz bölgəsinə çıxılacaq səyahətə işarədir.
Oruc tutmaq – röyada oruc tutduğunu görmək- nəzir etməyə, deyilən nəzir- niyazı ödəməyə, oruc tutmağa yozulur. Oruclu bir kimsənin orucunu pozması onun sağlamlığına və ya bir yerə səfər edəcəyinə işarədir. Bilmədən oruc pozmaq- gözəl ruziyə nail olacaqsınız. Özünü oruclu görmək röya sahibinin mənəvi ucalığını və tövbəyə nail olacağını göstərir. Ramazan ayında oruclu olduğunu görmək – Şəkk-şübhə etdiyiniz bir iş alınacaqdır. Oruc ayında qəsdən orucunu pozmaq – qəsdən və bilərəkdən adam öldürməyə yozulur. Yuxuda oruc tutmaq bəzən xəstənin vəfatı kimi də yozula bilər.
Ot – röyad gözəl qoxulu və qur ot görmək – keçici bir fəlakəti; heç qorusu olamayan otluq – bir əşyanızın və ya var-dövlətinizin oğurlanacağını, əlinizdən gedəcəyini xəbər verir.
Otaq iti - Yuxuda otaq iti görən adam ailə xoşbəxtliyi baxımından çətin vəziyyətdə qalacaq. Bu vəziyyətdə ən yaxşı davranış ailənin böyükləri ilə məsləhətləşmək, onların sözü ilə oturub durmaqdır.
Otlaq – Yuxuda yaşıl bir otlaq görmək – muradınıza çatacaqsınız.
Ox – Röyada görülən ox başqa məmləkətlərə göndərilən elçiyə, məktuba, ya da düşmənə qalib gəlməyə yozulur. Qadının yuxuda ox görməsi o qadının ərini ifadə edir. Röyada ox ataraq hədəfə düz düşən adam əgər uşaq arzusundadırsa oğlu olacaq.
Oxatan (oxçu) – Röyada oxçu görmək-cəsus anlamına gəlir. Eyni zamanda, yolçuluğa, sıxıntaya, rahatsızlığa, hərbə və qədər-qismətə də yozula bilər.
Oxlov – acı söz eşidəcəksiniz.
Oxucu – yuxuda oxucu görmək- söz eşitməyən, öyüd-nəsihət qəbul etməyən bir adama öyüd verməyə, elçiliyə, vəkalətə, amirliyə, yasaq və qadağanlara, önəmli işlərdə yüksəlməyə, gözəl şöhrətə işarədir. Kitab və s. oxucu görmək – əndişəli, vəsvəsəli xəstəyəvə kitab yiyəsini sevməyə yozulur.
Ocaq (soba) – Röyada tək-təmha bir soba qırağında oturmaq – min cür dedi-qoduya və hiylələrə düçar olamaqdır. Ocaq səmimi dostlarla oturub söhbət etmək-böyük bir sədətə qovuşacaqsınız. Yanan ocaq-yeni ürək dostları qazanmağa işarədir. Dəmir soba kömür görmək-var-dövlətdir. Mis və ya tunc soba-dünya zinətlərinə malik olan bir ailənin xanımına işarədir. Ağacdan düzəldilmiş soba-var-dövlət sahibi olan, eynio zamanda böhtançı adamların həyat yoldaşını ifadə edir. Palçıqdan tikilmiş soba-dini kamli və aydın olan bir ailədə tərbiyə almış qadın anlamındadır. Subay adamın ocaq görməsi evliliyə; evlidirsə-arvadının hamilə olmasına; xaçpərəstdirsə müsəlman olacağına yozulur.

ÖVLAD – Qız övladı işlərin yaxşı gedəcəyinə işarədir. Ananın qız övladını görməsi – darlıq və sıxıntıdır.

ÖVLİYA – Mələk övliya kimi müqəddəs varləqları röyada görək həmişə xeyrə işarədir, böyük bir xöşbəxtliyi və var-dövləti müjdələyir.

ÖD KİSƏSİ – Öd kisəsinin yuxuda şişdiyini görmək – son günlər işləriniz və səhətiniz bir az pozulacaqdır.

ÖDƏMƏK – Yuxuda bir borcunu ödəmək röya sahibinin gördüyü dünyamiqyaslı işlərdə maneələr və çətinliklər aradan qalxacaqdır. Bu röya, eyni zamanda, ianəyə, şahidliyə, günahları yumağa və həccə getməyə də işarə sayılır.

ÖYÜNMƏK – Röyada öyündüyünü görən adam var-dövlət və yaşayış sarıdan çox zəngindir.

ÖKÜZ – fərəhə, var-dövlətə yozulur. Röyada öküz görmək – bir əşirət və ailənin, bir evin, şəhərin və kəndin işlərini boynuna alan, idarə edən adama işarədir. Öküzə minmək – bolluq və ucuzluq əlamətidir. Yuxuda öküz hökmdar, böyük adam simvoludur. Bəyaz öküzü görən adam xeyirxah işlər görər. Öküz röyada sahibini buynuzlarsa, o adam Allahın qəbzinə gələr. Öküz əti yemək – var-dövlətdir. Röyada öküzü çox buynuzlu görən kimsənin ömrü-günü yoxluq içində keçər. Alaca öküz – nəşə və sevincə. Qara öküz – ucalığa, xəstəlikdən şəfa tapmağa yozulur. Yuxuda öküz bəzən də, axmaqlığı, cəhaləti ifadə edir.

ÖGEY – Röyada ögey ana, ata, yaxud yaxud qardaş görmək – cansıxıcı bir xəbər alacağınıza yozulur.

ardı yaxın zamanlarda əlavə olunacaq ……….

Padişah – Röyada padişah görmək ən xeyirli yuxulardan sayılır. Subaysınızsa – xoşbəxt ailə quracaqsiniz, evlisinizsə – yaşayışınız, güzaranınız son dərəcə gözəl və ürəkaçan olacaqdır.
Pazı(Çuğundur) yarpağı - xeyirli ruzi anlamindadır. Təmizləmədən bu pencəri yemək – borca və şübhəli şeylərə, yaxud da taleyin dönməsinə; qadın üçün – heysiyyət və şərəfinə toxunan sözlərə işarədir.
Paya(Dirək) – Bu röya heç gözləmədiyiniz birisinin haqqınızda dedi-qodu yaydığını və sizə quyu qazdığını göstərir.
Payız şumu - Röyada payız şumuna qoyulmuş torpaq görmək – istəklərinizin gerçəkləşməsi üçün bir az da gözləməyiniz gərəkdir.
Payızgülü(Xrizantema) – Röyada payızgülü görmək – bir sevgi məsələsi ilə qarşı-qarşıya qalacaqsınız.
Paket(Torba) – Alış-veriş üçün istifadə olunan paket – ibrətverici bir təcrübəyə işarədir. Paket almaq – cavan oğlan üçün bu röya alacağı bir məktubdan və ya xəbərdən üzüləcəyinə, sıxıntı çəkəcəyinə; Yaşlı adam üçün – heç də güvənilməyən bir dosta, yodaşa; Gənc qadın üçün – ürəkaçan bir sürprizə; Yaşlı qadın üçün – girişdiyi bir işdən uğur qazanacağına və bu uğurdan başqalarının da faydalana biləcəyinə yozulur.
Palan – Etibar qazanacağınıza, lakin əlinizdən xeyli pul çıxacağına işarədir.
Palıd ağacı - acı xəbərə yozulur. Yuxuda palıd ağacı görmək və ya kölgəsində oturub dincəlmək – cavan oğlanın uğur qazana bilməsi üçün var gücü ilə çalışmasını; daha yaşlı adam üçün – yaxın bir yoldaşının ondan yardım istəyəcəyini; Dul qadın üçün – özündən çox yaşlı bir adama evlənəcəyini; Evli qadın üçün – çətin bir işdə uğur qazanacağını xəbər verir.
Palıd qozası – cavan oğlanın röyada palıd qozası topladığını görməsi – sonu bir şübhəli bir işdə uğur qazanacaqdır. Röya sahibi yaşlıdırsa – az maaşlı bir işi qəbul edəcəkdir. Gənc qadın üçün bu röya – yaxşı bəxtə; yaşlı qadın üçün – qazanacağı uğurdan başqalarının da istifadə edəcəyinə yozulur.
Palma – faydalı bir dəniz səfərinə çıxacaqsınız.
Paltar – röyada təzə paltar geymək – iş həyatınızda hamıdan əlverişli və üstün vəziyyətdə olduğunuza yozulur. Pis və cırıq-cındır paltar geymək – yoxsullaşacaq və mövqeyinizi itirəcəksiz; Şık və qəşəng geyimdə küçəyə çıxmaq, yaxud rəsmi yerə getmək – yaxınlarda var-yoxunuzu itirəcəksiniz. Pul sıxıntısı üzündən paltar satmaq – kasıb üçün xeyirə; varlı üçün kədər və can sıxıntısına, mal və pul itkisinə yozulur. Zərif və incə geyimli xanımlar görmək – yaxınlarda bir toyda olacaq, yaxud evlənəcəksiniz (nişanlanacaqsınız). Gənc qızların və ya qadınların özlərinin kişi geyimində görməsi – sevindirici bir xəbərə işarə sayılır.
Paltar dolabı – qohumlardan biriylə umu-küsüyə, münaqişəyə işarədir.
Paltar yumaq – pis xəbərə işarə sayılır.
Paltar təmizləyən – varlı birisiylə evlənməyə işarədir. Əgər röya sahibi evlidirsə – gözləmədiyi bir yerdən xeyli pul alacaqdır.
Paltar asılan – subay qızlar üçün – qismət, cavan oğlanlar üçün – sıxıntı kimi yozulur.
Palto – röyada palto geymək – yaxşı bir mövqe sahibi olacaqsınız.
Pambıq – bəmbəyaz pambıq görmək – fərəhə, sevincə işarədir.
Pansionat – səyahətə və səfərə yozulur.
Pantolon (şalvar) – yuxuda qara rəngli pantolon geymək – xətirli və mötəbər adamlar üçün xeyirli röya hesab edilir. Köhnə və yırtıq pantolon geymək – tasaya, kədərə; ipək və yun pantolon – xeyirə yozulur.
Papa (roma papası) - röyada Papanı görmək – ailədaxili bir məsələdə şübhə altına alıcanaqsınız. Papa ilə danışıb söhbət etmək – sonu şübhəli bir işə atılacaqsınız. Papa ilə ayində, dini mərasimdə olmaq – yaxınlarınızdan birinin vəfat edəcəyinə işarədir. Papaya bir şey vermək – xristiana çox dəyərli bir yardımda bulunmağa yozulur. Özünü Papa olmuş görmək – böyük bir fəlakət anlamına gəlir.
Papaz (keşiş) - günah işləməyə və pisliyə işarədir.
Parik – röyada parik görmək – başqalarının da fikir və tövsiyyələrini qiymətləndirə bilsəniz, həyatda uğur qazanacaqsınız.
Park - yuxuda yamyaşıl və gözəl bir parkda gəzib-dolaşmaq – əyləncəli bir istirahət gözləyir sizi.
Parlament – röyada parlament binasını görmək – dövlət qapısında önəmli bir işinizin həll ediləcəyinə yozulur.
Parça taciri - özünü bir parça mağazasında görmək – kişilər üçün bu yuxu uğurlu bir ticarətə; qadınlar üçün – əyləncəyə yozulur.
Parçalamaq – röyada bir adamın dəli kimi üst-başını parçalaması – bir başqası ona qarşı etirazda bulunacaq və ya röya sahibi bir işdə töhmətləndiriləcək, şübhə altına alınacaqdır.
Pasport – xarici bir ölkəyə getmək üçün röyada pasport almağa çalışmaq – işlərinizdə bir sıra əngəllər çıxacaqdır.
Pasta (diş pastası) - xəstəlikdən şəfa bulunmağa və nəslin çoxluğu anlamına gəlir. Ot, çiçək və taxıldan çəkilən yağ və pastalar da, eyni şəkildə yozulur.
Patriarx – xeyirə yozulmur, xəstəliyə də işarədir.
Patriarxiya – bir fəlakət xəbəri olaraq yozulur.
Paxla – yuxuda təzə paxla yemək – düşmən əhatəsində olduğunuza işarədir. Quru paxla yemək – könlünüzü saran kədər və istirablardan qurtulacaqsınız.
Paxlava – paxlava bişirmək – həyatınızı çox çalışmaqla və minbir məşəqqətlə qazanacağınıza işarədir. Paxlava yemək – mal-dövlət və ya pulunuz əldən gedəcəkdir.
Paşa (hərbi və mülki titul) – röyada hərbi mündirdə bir Osmanlı paşası görmək – şan-şərəf, mövqe və etibar işarəsi olaraq yozulur.
Peyğəmbər çiçəyi – umduğunuz, istədiyiniz nə varsa, nail olcaqsınız.
Pendir – röyada pendir yemək – işdə aldadılmağa işarədir. Bazardan pendir almaq – kişilər üçün bu röya – ticarətdə böyük və zəhmətsiz qazanca; subaylar üçün – zəngin bir qadınla evlənməyə; ərə getməmiş qadın üçün – xaricdə vəzifəli bir adamla birləşməyə; evli və uşaqlı qadın üçün – mirasa qovuşmağa yozulur.
Pəmbə (çəhrayı) rəng – bəzi gərəksiz xəyallarla məşğulsunuz.
Pəncə (caynaq) – röyada pəncə görmək – qüvvətə, rahat yaşayışa işarədir. Qartal caynağı – həyatda böyük bir uğur qazanacaqsınız.
Pəncərə – yuxuda pəncərə görmək – röya sahibi bir vara, mülkə nail olacaq, ucalığa və xoşbəxtliyə çatacaqdır. Röyanı görən sıxıntı və qatğı içindədirsə, bu qayğılardan qurtulacaq, xəstədirsə – yaxşılaşacaq, subaydırsa – evlənəcək və gözəl bir qızla məsud ailə həyatı quracaqdır.
Pəncərə qapağı (taxta örtük) - bəzi yeni sirlər kəşf edəcək və öyrəndiklərinizdən ağıllı şəkildə istifadə edə biləcəksiniz.
Pərvanə – səbirsizliyə yozulur.
Pərdə - röyada pərdə ilə sıx-sıx örtülmüş pəncərə görən adam yaxın günlərdə həyati sirlə, müəmmayla dolu bir nəfərlə yaxından tanış olub sıx əlaqə yaradacaq, lakin bu tanışlıq çox böyük üzüntüyə və qəmə-qayğıya səbəb olacaqdır.
Pəri (mələk) - röyada pərilər, mələklər diyarında olmaq, rəqs edən, əylənən pəriləri görmək, yaxud da bir pəri ilə söhbətləşmək – röya sahibi gözləmədiyi halda olduqca önəmli bir sərvətə nail olacaqdır.
Pərpərəng (bitki) – mədə və bağırsaq xəstəliyinə yozulur.
Pəhlivan - yuxuda pəhlivan görmək – mənasız bir iş cəhdində bulunacaqsınız.
Pivə – yuxuda pivə içmək – nişanlanacaq və tezliklə evlənəcəksiniz. Pivə almaq və ya bir yerdə çoxlu pivə şüşəsi görmək – var-dövlət sahibi olacaqsınız.
Pijama - cansıxıcı bir xəbərə yozulur.
Pipik (xoruz pipiyi) – ruzinizin və sərvətinizin çoxalacağına, hər hansı bir olay dolayısıyla sıxıntıya düçar olacağınıza işarə sayılır.
Pislik etmək – röyada birisinə pislik öyrətdiyini görən adam öz dəstlarından birinə pislik edəcək.
Pişik - evin qulluqçusuna işarədir. Bəzi yozucular pişiyi röya sahibinin evində olan oğru kimi də yozurlar. Dişi pişik – hiyləgər, pis qadını ifadə edir. Röyada miyoldaya-miyoldaya bir nəfərin ətrafında dolaşan və onu qorumağa çalışan pişik – o şəxsə həm zərəri, həm də faydası toxunan bir adama işarə sayılır. Erkək pişiyin yuxuda bir adamı cırmaqlaması, yaxud dişləməsi -o adam bir il xəstə yatar. Vəhşi çöl pişiyinin dişləməsi daha şiddətli xəstəliyə yozulur. Yuxuda pişik satmaq – ruziyə və faydaya; pişik əti yemək – sehrbazlıq sənətini öyrənməyə; pişiyə döndüyünü görmək – oğurluğa və yaşayışını gərəksiz işlərdən qoruya bilməyə; pişiyin evə girdiyini görmək – evə oğru girəcəyinə, lakin bir şey aparmayacağına işarədir. röyada bir pişiyin bir adamı cırmaqlaması, onun qanını axıtması, yaxud gözünü çıxarması – açıq bir düşməni ifadə edir.
Platin – yuxuda platin görmək – bir dəli eşq əlamətidir.
Plyaj – cinsi həyatınızıpn nəzarət altına almağın gərəkdiyinə yozulur.
Plov – röyada plov görmək – indiyəcən iç üzü naməlum olan bir çox çətin və qarışıq məsələlərin açılıb, aydınlaşacağına işarə sayılır.
Polis idarəsi – polislə ilgili röyalar başınıza bir bəla, dərd gələcəyinə işarə sayılır.
Pomidor – yuxuda pomidor – sizi və ailənizi könülaçan, xoş işlərin gözlədiyinə işarə sayılır.
Poni (at cinsi) – yuxuda alçaqboylu at cinsindən olan poni görmək – muradınıza çatacaq, ürəyinizcə səadətə qovuşub, çoxlu pul qazanacaqsınız. Həm özünüzün, həm yaxın adamlarınızın sağlamlığı və iş durumları fövqəladə dərəcədə düzələcəkdir. Röyada poniyə minmək – işinizdə ən yüksək mərtəbəyə yetişəcəksiniz deməkdir.
Portağal – şad xəbərə və uğurlu eşqə yozulur.
Poçtalyon – röyada poçtalyondan məktub almaq – kimsə röya sahibini lağa qoyacaqdır. Poçt qutusundan və ya əldən məktub almaq – yaxın günlərdə önəmli bir xəbər alacaqsınız. Yuxuda poçtalyonun sizə məktub olmadığını söyləməsi – çox önəmli bir sənədiniz itəcəkdir.
Pul – röyada külçə halında pula sahib olmaq – əlinizə çoxlu pul keçəcəkdir. Pul itirmək – əlinizə bir qədər pul keçəcəkdir. Yerdən pul yığmaq – böyük çətinliklərlə qarşılaşacaqsınız. Qızıl pul görmək – zənginliyə, var-dövlətə yozulur. Qənaətlə pul yığmaq – hər hərəkətinizdə yetkin bir adam olduğunuzu göstərir. Pul saymaq – planlarınız və təsəvvürləriniz arzunuzca gerçəkləşə bilməyəcək, onlara yeni bir yön verməyiniz gərəkdir. Pul yatırmaq – röyada bir əmanət kassasına pul yatırtdığını görən adamın irəlidə rahat bir həyat gözləyir. Birisindən əmanət olaraq pul almaq – bir dostunuzu itirəcəyinizə işarədir. Pul cəriməsi ödəmək – həyatda kiçik bir irəliləyişiniz olacaq deməkdir. Pul daxılı -bu röya böyük miqdarda pul itkisinə işarə sayılır.
Pusqu – röyada pusqu qurmaq – zalım bir adamın xəyanətinə və alçaqlığına məruz qalacaqsınız. Pusquya düşmək – açıqürəkli olduğunuzdan həyatda çox şey qazanacaqsınız.
Püstə – röyada püstə yeyildiyini görmək – çox önəmli adamlar evinizi ziyarət edəcək və bir iş təklifi alacaqsınız.

Radio, teleqraf – Röyada teleqrafla bir xəbər və ya göstəriş almaq – təcili səfərə çıxacağınıza yozulur. Radiodan musiqi dinləmək – çox sevdiyiniz bir dostunuzla, yaxud sevgilinizlə keçirəcəyiniz xoşbəxt günlərə işarə sayılır. Radiodan bir veriliş dinləmək – işinizdə ortaya çıxacaq əndişəni, üzüntünü xəbər verir.
Razılığa gəlmək – yuxuda bir adamla ittifaqa girmək, razılğa gəlmək – mal və pul itkisinə işarədir.
Raket - həyatda böyük uğurlar qazanacaqsınız.
Rakı (içki) – ağır xəstəliyə yozulur.
Ramazan ayı – ramazan ayı ilə ilgili yuxular həmişə xeyrə yozulur; bolluq, bərəkət, sağlıq və Tanrının rəhməti anlamına gəlir.
Rahib - xoş xəbərə yozulur. Röyanı görən qadındırsa – hamilə qalacaq; kişidirsə – işlərində uğur qazanacaq.
Rahibə – röyada rahibə görmək – dünya zövqlərindən artıq əl çəkməyin vaxtı yetişdiyinə və düzgün həyat tərzinin gərəkdiyinə işarədir.
Reaktiv təyyarə – röyasında reaktiv təyyarə görən adam qısa zamanda bir uğur qazanacaq və buna paxıllıq edənlər tapılacaq.
Revolver – heç gözləmədiyiniz adamın haqqınızda olmazın dedi-qodular yaydığına işarədir.
Rezin – röyada rezin görmək – ikiüzlü birisiylə tanışlıq quracaqsınız. Onunla bir işə girəcək olsanız, böyük ölçüdə zərərə uğrayacaq, pul və etibarınızdan olacaqsınız.
Reyhan – şadlığa, sevincə və xoşbəxtliyə yozulur. Reyhan çiçəyi röyada, ümumiyyətlə xeyirə əlamət sayılır. Röyanı görən kişidirsə – yaxın vaxtlarda xəyallarındakı qadınla evlənəcəkdir. Qadının röyada reyhan görməsi – böyük miqdarda pul sahibi olacaqdır.
Reklam – Yaxın günlərdə bir adam sizi acınacaqlı bir vəziyyətdə aldadacaq. Diqqətli olmanız gərəkdir.
Rels – yuxuda qatar relsi görmək – çox uzun və yorucu bir səfərə yozulur.
Resept (nüsxə) – yüngül bir xəstəliyə işarədir.
Restoran (yeməkxana) – İzdihamlı bir restoranda ora-bura vurnuxmaq – işdə canınızı sıxacaq xırda-para olayların olacağına işarədir. İzdihamlı bir restoranda nahar etmək – yüksək mövqe və məqam uğrunda bəhsdə rəqiblərinizin hamısına üstün gələcəksiniz. Bir restoranda özünü tək oturan görmək – o anda başladığınız işin uğurlu olmayacağına işarədir. Röyada bir restoranda qarsonluq etmək – təzə bir iş meydanına atılacaq və bu o işdə əvvəlkinə nisbətən daha xoşbəxt, daha uğurlu olacaqsınız.
Rəqs etmək – röyada rəqs etmək – qadın olsun, ya kişi, yuxu görənin işlərinin pozuq keçəcəyinə işarədir.
Rəzə (qapının siyirməsi) - röyada öz qapısının rəzəsini çəkib bağlamaq – sizə münasibətdə hiddətli və qəzəbli olan birisinin üstünlüyünə yozulur. Qapının rəzəylə bağlanmış görmək – röya sahibi dünya əmrlərini öyrənməyə yetənəkli (qabiliyyətli) deyil. Yuxuda evinin qapısının istəmədiyi halda bağlandığını görmək – həllində aciz qaldığınız, bacarmadığınız bir işbən çəkinməlisiniz.
Rəndə – pul itkisinə yozulur.
Rəncbər – bolluq və bərəkət anlamındadır.
Rəsm (şəkil) – röyada varlı adamın rəsm görməsi – xeyrə yozulan yuxulardandır. Kasıb adamın və ya qadının bu yuxunu görməsi – xəstəliyə işarədir. Röyada bir rəsmin sürətini çıxarmaq – iqamətgahınızı dəyişəcəyinə işarədir. Şəkil çəkmək, yaxud çəkdirmək – cavan oğlan üçün bu yuxu – boş ümidlərə qapılıb, əyri yola sapdığına işarə sayılır. Yaşlı kişilər üçün – xırda bir işdən böyük qazanc əldə etməyə; gənc qadın üçün – o qadının moda düşgünü kimi məsxərəyə qoyulduğuna; yaşlı qadın üçün – bir dostunun uğruna ürğkdən sevinəcəyinə işarə sayılır. Rəsm sərgisi – röya sahibinin uğurlu fəaliyyətini xəbər verir. Rəsm və ya tablo satın almaq – sərvətiniz və ya etibarınız artacaq, bir çox çətinliklərin öhdəsindən gələ biləcəksiniz.
Rəsmi-keçid - yuxuda bir hərbi birliyin rəsmi-keçidini, yaxud nümayiş görmək – böyük qismətə, uğurlu bəxtə əlamətdir. Diləklərinizin həyata keçəcəyini xəbər verir.
Rəssam – röyada rəssam – həmişə uğura yozulur.
Rəf - həyatda düzgün yolda olduğunuza və xoşbəxt günlər keçirəcəyinə yozulur.
Riyakarlıq – yuxuda riyakar bir adamla söhbət etmək – üzünüzə gülən, lakin arxada ayağınızın altını eşən adamlara işarədir. Diqqətli olmaq, onlardan qorunmaq lazımdır.
Rol – yuxuda bir tamaşada rol oynadığını görmək – yaxınlarda çoxlu pul qazancınız olacaq.Ancaq səhhətinizdə xırda bir nasazlıq olacağı da ehtimal daxilindədir.
Roma şəhəri – maraqlı bir eşq macərası ərəfəsindəsiniz.
Roman – yuxuda roman oxumaq – lazımsız və faydasız kitablar oxuyaraq mənasız yerə başınızı yormaqda olduğunuza işarədir.
Rüzgar (külək) – Şiddətli və soyuq rüzgar – böyük bir qorxuya əlaməydir. Xəfif və ilıq rüzgar – yaraşıqlı və alicənab bir adamla tanış olacağınıza yozulur.

SAAT-Yuxuda saatın səsini eşitmək-bir dəvət alacaqsınız. Sadəcə, saat görmək-maraqsız xəbərlərə işarədir. Saatı qurmaq-həyatınızın gedişi, düzgün inkişafı öz əlinizdədir deməkdir.

SABUN-Cavan oğlanın yuxuda sabun görməsi-işlərində uğur qazanacaq,əlinə pul gələcəkdir. Bir parça sabun-üzüntü və qayğı içində olan adam üçün təsəlliyə, təskinliyə yozulur. Sabunla paltarını yumaq-günahlardan təmizlənmək və borcdan qurtulmaqdır.

SAQQAL-Röyada saqqal-zənginlik və şərəfdir. Saqqalını yolunmuş görmək, yaxud özünün saqqalını yolması-nəticəsini həyəcanla gözlədiyiniz bir iş həyata keçəcəkdir. Saqqalını ağ görmək-duanız qəbul ediləcəkdir. Saqqalını qurşağa qədər uzanmış görmək-vara, şöhrətə, qonşuya əl uzatmağa, yardım etməyin gərəkliyinə yozulur. Saqqalını qapqara, şəvə görmək-zənginliyə, sərvətə işarədir. Röyada saqqalını kəsilmiş görmək-zəkat verən bir adamı ifadə edir. Bir qadının saqqalı olduğunu görmək-o qadının oğlu olacağını xəbər verir.

SAQQIZ-Röyada saqqız görmək-zəhmətlə qazanılacaq pul anlamına gəlir. Saqqız çeynəmək-dedi-qoduya işarədir. Saqqız almaq-pis bir xəbərdir. Saqqızı ocağa atmaq-mal-dövlət üzündən başınızı dərdə salacaqsınız.

SAZ-Röyada saz çalmaq-şad xəbər alacaqsınız.

SAZAN BALIĞI-Şad xəbər, pul, şöhrət və eşq anlamına gəlir.

SAY (saymaq)-Bir çox röya yozucuları 1-dən 22-yə qədər olan rəqəmləri aşağıdakı kimi mənalandırırlar: 1-Şərəf və heysiyyət sahibi olan kimsədir. 2-Xəyalınızda yaşatdığınız qadını heç vaxt görməyəcəksiniz. 3-Böyük bir bərəkət və bolluğa qovuşacaqsınız. 4-Hər cür şan-şərəf sahibi olacaqsınız. 5-Hər işdə müvəffəq olmaq bacarığınız var. 6-Gələcəkdə böyük uğurlar qazanacaq və çox zəngin olacaqsınız. 7-İstək və xəyallarınız həqiqət olacaqdır. 8-Hər şeyi haqq və ədalət yoluyla həll edirsiniz. 9-Həm ağıllı, bilikli, həm də hiyləgərsiniz. 10-Həyatınızda kiçik bir dəyişiklik olacaq. 11-Cəsur, qorxmaz və çalışqan bir adamsınız. 12-Günahlarınızı cəzasını bir gün mütləq çəkəcəksiniz. 13-Bir eşq üzündən çox iztirab çəkəcək, lakin aşiqlikdən əl çəkmək qərarına gələrək bu dərddən qurtulacaqsınız. 14-Həyatinizda bəxtiyar və məsud bir dəyişikli olacaq. 15-Bədbəxt bir həyat sizi öz qucağına almaq üzrədir. 16-bir çox xatalı içlər tutacaq və bundan dərin iztirablara düşəcəksiniz. 17-Heç vaxt həyatdan ümidinizi üzməyin. 18-Aradığınız eşqi mütləq tapacaqsınız. 19-Yeni macəralara baş vuracaq və çox həyacanlı anlar keçirəcəksiniz. 20-Umduğunuz və gözlədiyiniz səadəti çox keçmədən əldə edəcəksiniz. 21-Əriniz heç vaxt sizi tərk etməyəcək. 22-Eşq əzabından özünüzü heç vaxt qurtara bilməyəcəksiniz.

SAKSAFON-Nəşəli eşq saatları keçirəcəyinizə işarədir.

SAL-Yuxuda gəmi batandan sonra bir sal üzərində suyun axarına qarışaraq getmək-həyatınızda ilk baxışdan xoşagəlməz, lakin sonu müsbət bir dəyişiklik olacaqdır. Bir qadının belə yuxu görməsi-gözləmədiyi bir vazxtda onu sevgidə uğur qazanacağını xəbər verir.

SALAM VERMƏK-Röyada aranızda inciklik olmayan bir adama salam verib onunla görüşmək-salam verilən adamdan xeyir görəcəksiniz. Düşmənçilik etdiyiniz və ya küsülü olduğunuz bir kimsəyə salam vermək-salam verdiyiniz adam qalib gələcək və onun xəta-bəlasından qurtulacaqsınız. İki adamın bir ticarət razılığına gələrək əl verib görüşməsi-onlar köklü və davamlı ticarət əlaqəsi yaradacaqlar deməkdir. Bir düşməniylə qucaqlaşıb salamlaşmaq-barışığa və aradakı düşmənçiliyin ortadan götürüləcəyinə işaərdir. Röyada salam vermək, salam verilənə boyun əyib itaət göstərmək-salam verənin o adamdan asılı və möhtac durumunu ifadə edir. Salam vermək-gözəl sözə, gözəl söz eşitməyə də yozulur.

SALLAQXANA-Röyada sallaqxana görmək-yaxın günlərdə qohum-əqraba arasında heç nədən və mənasız dedi-qodu üzündən inciklik, umu-küsü yaranacaq.

SAMAN-Yuxuda saman, yaxud samanlıq görmək-asan qazanca yozulur. Samanlığa ot və ya saman doldurmaq-zəngin və dövlətli olacağınızı xəbər verir.

SAMUR-Yuxuda samur görmək-cəmiyyətdən, insanlardan ayrı yaşayan, xeyrə-şərə qarışmayan bir adama işarədir. o, çoxlu var-dövlət sahibi olsa da,o vardan bir kimsə xeyir görməz. Ancaq ölümündən sonra o sərvətdən istifadə oluna bilər. Samur-bəzən zalım və kafir bir oğruya da yozulur.

SANATORİYA-Yuxuda sanatoriya görən adam ciddi bir xəstəlikdən qurtulacaq və dənizboyu ölkələrə səyahətə çıxacaqdır.

SANDAL-Röyada sandal görmək-asi və günahkar adam üçün tövbəyə, yaxud düşmənçiliyə işarədir. Eyni zamanda, sirrini saxlamaq istəyən kimsənin öz sirrini başqalarına açacağına yozulur. Yuxuda sandal tikən çəkməçi görmək-namaz qılmağa, tövbəyə, təmizliyə; subay qız üçün-içki içən, sərxoş birisiylə evlənməyə, yaxud düşmənçiliyə yozulur.

SANDIQ-Aşağıdakı kimi yozulur: İçi dolu sandıq-bolluq və zənginlikdir. Dolu bir sandığı satmaq, yaxud başqasına vermək-gizli işlər meydana çıxacaqdır. Başqasının sandığını acmaq-subaylığa yozulur. Boş sandıq-qədir=qiymətin olmamasıdır. Dəmir sandıq-işdə, mövqedə yüksəlməkdir. Taxta sandıq-evlilikdir. Qırıq sandıq-xəş xəbərdir. Dənizdə, su üstündə sandıq-böyük qismət, bəxt anlamındadır. Boyalı, naxışlı sandıq-gözəl və xoşbəxt bir yaşayışa işarə sayılır. Qapağı açılmayan sandıq-kədərə və üzüntüyə yozulur.

SANCAQ (iynə)-Bu röya üzücü, əhəmiyyətsiz olaylara işarədir.

SEKVESTR (mal və ya mülkün dövlətin xeyrinə zəbt edilməsi)-Röyada öz əşyasının dövlət xeyrinə zəbt edildiyini görən adam çox yaxında xeyirli bir xəbər alacaqdır.

SEL-Yuxuda sel-düşmən hücumudur. Çoxlu yağışdan yaranan sel görmək-bir xəstəliyə, yaxud çətin və əzablı bit səfərə yozulur. Selin dərələri, evləri, dükanları basdığını görmək-selin-suyun tüğyan edəcəyinə, zülmə və ədalətsizliyə, yaxud hökmdar və ya dövlətə işaədir. Selin çayları basdığını görmək-güclü bir adamdan yardım istəyərək düşməni dəf edəcək və şərdən-bəladan qorunacaqsınız.

SEÇKİ-Yuxuda seçkilər görmək-daha anlayışlı və səbirli davranmalısiniz.

SƏBƏT-Röyada səbət-qürur saxlayan qadına işarədir. Çörək səbəti-müjdə və sevincə; üzüm səbəti-ağla gəlməyən bir yerdən ruziyə, gəlirə; iri, böyük səbət-xəstəliyə yozulur.

SƏBİROTU (burunotu)-Üzüntülü bir ömür sürməyə işarədir.

SƏBR-Röyada hər sıxıntıya, yoxluğa, əziyyətlərə səbrlə dözmək-irəlidə çox xoşbəxt olacağınıza yozulur.

SƏDƏQƏ VERMƏK-Xeyrə yozulan yuxulardandır. Yetim-yesirə verilən sədəqə-doğru və gerçək sözə yozulur. Halal malından sədəqə vermək-röya sahibinin var-dövləti bol və bərəkətli olar.

SƏDƏF-Qaranlıq bir gələcəyi ifadə edir.

SƏYAHƏT-Röyada avtomobillə, qatarla və ya uçaqla (təyyarəylə)səyahət etmək-bütün işlərinizin tez və xoş nəticəylə qutaracağını xəbər verir. Atla səyahətə çıxmaq-qazanclı bir işə girişəcəyinizə yozulur.

SƏFİR-Yuxuda səfir görmək-dəniz boyu səyahətə və etibara yozulur.

SƏHƏR YEMƏYİ-Röyada səhər yeməyi yeyildiyini görmək-röya sahibi çoxdan gözlədiyi məktubu alacaq, lakin məktubda yazılanlar o qədər də ürəkaçan olmayacaqdır.

SƏHƏR ÇAĞI-Röyada sabahın açıldığını, dan üzünü görmək-ərə gedəcək qızlara, eyni zamanda, zikr və qiraətə işarədir. Dan yerinin ağarması, səhərin açılması-vədinizi yeinə yetirəcəksiniz. Camaatla birlikdə sabah namazını qılmaq-səfərə çıxmağı və ya həccə getməyi xəbər verir.

SƏHİFƏ-Röyada əlində bürmələnmiş bir səhifə görən adamın öləcəyi ehtimal edilir. Bir səhifəyə baxmaq, lakin onu oxuya bilməmək, yaxud oxumaq-mirasa qovuşmağa yozulur. Səhifəni tərsinə oxuyan adam xeyli borca düşəcəkdir.

SƏHRA-Röyada səhra görmək-əlinizə böyük bir imkan düşəcəkdir. Bu imkanı qiymətləndirə bilmək üçün düşüncəli və ağıllı hərəkət etməniz gərəkdir.

SƏCDƏ–Röyada səcdə etdiyini görən adam ciddi və nəzakətli adamdır. O, təkəbbürdən, lovğalıqdan uzaq olur, düşməninə qalib gəlir. Bir dağ başında səcdə etdiyini görən kimsə qəddar və güclü birisinə qalib gələcək. Bir təpə və ya divar üzərində səcdə etmək-dəyərli və möhtərəm bir adama boyun əyib, onun hüzurunda əyilməyə işarədir.

SƏCCADƏ-Savab iş tutmağa, xeyrili işlərə, xeyirxahlıq edən adama işarədir.

SƏNƏTKAR-Yuxuda özünü və başqasını rəssam, yaxud heykəltaraş olaraq görmək-cavan oğlan üçün bu röya çətin bir işin öhdəsindən uğurla gələ biləcəyinə, rəqibini asanlıqla yenə biləcəyinə yozulur.

SƏRV AĞACI-Gözəl bir qadına işarə sayılır. Eyni zamanda, misilsiz bir elm adamına, şərəf və etibara, mürvətli, insaflı bir kimsəyə, övlada, uzun ömrə, boy-buxunlu vəxeyirxah bir cavana yozulur.

SƏRVƏT-Röyasında sərvət sahibi olduğunu görən adamın yad və tanımadığı kimsələrlə danışıqlar zamanı çox ehtiyatlı olması lazımdır.

SƏRGİ-Röyada gül-çiçəkli bir bağda açılmış sərgi, yarmarkada gəzmək gözəl şeylər görüb tamaşa etmək-yaxın vaxtlarda böyük sərvət sahibi olacağınızı xəbər verir. Sərgidə alış-veriş etmək-gələcəkdə əyləncəli və sevinc dolu bir həyata yozulur. Sərgidə bir şeyi nümayiş etdirmək-şərəf və etibar sahibi olduğunuzu göstərir.

SƏRNİC-Bolluğa, bərəkətə işarədir.

SƏRRAC-Yuxuda sərrac (yəhər ustası) görən adam gec-tez muradına çatar. Röya sahibi subaydırsa, yaxın günlərdə evlənəcək.

SƏRHƏD-Yuxuda özünü bir sərhəd bölgəsində görmək-ev əşyalarınızdan bir şeyin əskiləcəyini xəbər verir.

SƏRÇƏ-Röyada sərçə-gülməli lətifə və oyunlarla, xalqı əyləndirən adama işarə sayılır. Sərçə, eyni zamanda, oğlan uşağına da yozula bilir. Yuxuda sərçə kəsdiyini görən adamın zəif bir oğlan övladı dünyaya gələcək. Bu uşağın ölməyindən qorxulur. Röyada eşidilən sərçə səsi-gözəl bir sözü və ya elm öyrənməyi ifadə edir. Yuxuda sərçəsi olduğunu görən adam varlanacaq və bir topluma rəhbər olacaqdır. Çoxlu sərçə görmək-günah işləmək, itaətsizlik, ayrı-seçkilik salmaq, məğlubiyyətə uğramaq kimi açıqlanır.

SƏS-Röyada qəribə-qəribə səslər eşitmək, lakin nə səs olduğunu, hardan gəldiyini heç cür anlaya bilməmək-qayğılandıran və narahat edən bir problem barədə lazım olmayan bəzi xəbərlər alacaqsınız.

SƏSVERMƏ-Yuxuda səs verdiyini, seçki vərəqəsini yazdığını görən kişi işində yüksələcək, iqtidar olacaq. Qadın üçün bu röya-xoş və əylənəcli gəzintidir.

SİQARET-Röyada siqaret çəkmək-bəzi çətinliklərdən sonra uğurlu fəaliyyətə başlamağa işarədir. Bu röya orta yaşlı adam üçün-pozmağa məcbur olacağı cansıxıcı bir dostluğa; gənc qız üçün-zəngin bir fabrik sahibiylə evlənməyə; evli qadın üçün-üzüntülü və əndişəli günlərin yaxınlaşmaqda olduğuna yozulur.

SİQNAL SƏSİ-Röyada siqnal səsi eşitmək-gözləmədiyiniz gözəl bir an gözləyir sizi.

SİDİK-Röyada sidik çeşidli biçimdə yozulur: Sidiyi saxlaya bilməmək-mal və mülkün artacağına, sevindirici bir xəbərə işarə sayılır. Yol ortasında işəmək-tanışlarınızdan biri gözləmədiyiniz halda sizə pislik edəcək. Şüşə içində sidik görmək-bir xəstəxana olayı ilə qarşı-qarşıya qalacağınızı xəbər verir. İşəyərkən çətinlik çəkmək-get-gedə yoxsulluğa düşəcək və keçmiş günlərin həsrətini çəkəcəksiniz.

SİLAH-Yuxuda silah görmək-qüvvət və üstünlüyə, düşmənə qalib gəlməyə yozulur. Öz üstündə silah olduğunu və özünü silahsız adamlar arasında görmək-röya sahibi həmin adamların çox sevilən qonağıdır deməkdir. Özünün silahlı olduğunu və camaatın onu gözlədiyini görmək-gözləyənlər ixtiyar yaşdadırsa, röya sahibinin yaxınları və qohum-əqrabasıdır. Cavan yaşdadırsa-röya sahibnin pisliyini istəyən, paxıllığını çəkən adamlardır. Özünü silahlı görmək, lakin istifadə etməyə iqtidarı çatmamaq-yuxu görənin yetginliyinə, məqsəd və muradına şatacağına yozulur. Röya sahibi xəstədirsə, Tanrı ona sağlıq bəxş edəcəkdir. Silah qurşamaq-cahillər üçün-dəf olunan elmə, biliyə; yoxsullar üçün-kasıblıqdan qurtarıb var-dövlətə çatmağa, düşməni qovub qurtuluş qazanmağa yozulur.

SİLLƏ (şapalaq)-Yuxuda yavaşcadan birinin boynunun ardına şapalaq vurmaq-röya sahibi yuxuda vurduğu adama etdiyi yaxşılığı onun başına qaxacaq, öz yaxşılığını hər yerdə danışacaqdır.

SİRKƏ-Bir dostunuzla aranızın heç nədən pozulacağına işarə sayılır.

SİS (tüstü-duman)-Yuxuda görülən tüstü-duman röya sahibinin əhvalında meydana gələn qarışıqlığı ifadə edir. Yuxuda üzərinə duman çökdüyünü görmək-fitnə və qarışıqlığa, qovğaya işarə sayılır.

SİFERBLAT-Röyada siferblat, ya da saat görmək-işlə ilgili müqavilə və anlaşmalarınızda çox vasvası və tələbkar olduğunuzu göstərir. Siferblat qiriqsa-tanıdığınız və tanımadığınız kimsələr tərəfindən diqqətinizə təqdim edilən və tələsik pul qazanmaq məqsədi güdən planlar, fikirlərə qarşı təmkinli olmanız məsləhətdir.

SİÇAN-Böyük bir təhlükəyə yozulur.

SİÇOVUL-Gizli düşmənə işaərdir. Ölü siçovul-qaba, xain bir düşmənə yozulur, həmin düşmən röya sahibinin bütün hərəkətlərini izləyir və ilk fürsətdə zərbə endirməyə çalışır.

SIĞINACAQ-Röyada bir sığınacağa girmək-həyatda çox qorxduğunuz bir çey başınıza gələcək, lakin bunu asanlıqla dəf edə biləcəksiniz.

SIĞIR-Röyada sığır boğazlamaq və ətini başqalarına bölüb dağıtmaq-yuxu görənin çox xeyirxah bir iş tutacağına işarədir. Sığır sudu içmək-təmiz bir inanc və halal maldır. Sığırın evinizə girdiyini görmək-vara, nemətə qovuşacaqsınız.

SIĞIRÇIN-Uşaq və qulluqçular anlamına gəlir.

SIYIQ-Röyada sıyıq görmək-son zamanlarda həddən artıq yorulacaqsınız, mütləq dincəlmək lazımdır. Yoxsa, səhhətiniz ciddi şəkildə pozula bilər.

SIXINTI-Röyada sıxıntı içində bir iş görmək, çalışıb-çabalaamq və bu səbəbdən də tər içində oyanmaq-çətin bir işin çox gözəl sonluqla başa çatacağına və bu işin mükafatını, xeyrini görəcəyinizə yozulur.

SKELET-Yuxuda skelet görmək-cavan üçün hiss edilməyən gizli bir təhlükəyə; yaşlı adam üçün-fitnə-fəsada; qadın üçün-gənc bir həkimə ərə gedəcəyinə; evli qadın üçün-ailədə bir nəfərin qəfil xəstəliyinə yozulur.

SKRİPKA-Skripka ilə ilgili yuxular bəzi qarışıq eşq macəralarının başlanğıcı kimi yozulur.

SOĞAN-Röyada soğan görmək və ya yemək-kiçik mənfəətlər üçün başqalarına boyun əymək və yaltaqlanmaq xasiyyətindən əl çəkməyin gərəkliyinə əlamət sayılır.

SOĞULCAN-Ətrafınızı qiymətsiz və pis xasiyyətli adamların sarmış olduğuna yozulur.

SOYUQ HAVA-Yuxuda yay mövsümündə şiddətli soyuqların düşdüyünü görmək-girişdiyiniz işlərdə çətinliklərlə qarşılaşacaqsınız. Soyuqdan bədən üzvlərinizdən birinin donduğunu görmək-bir ölüm xəbərinə işarədir.

SOSİSKA-Röyada sosiska yemək-pulitgisinə və böyük məsrəflərə girəcəyinizə işarə sayılır.

SOFU (mömin, dindar adam)-Röyada sofu bir adam görmək-nəsihətə möhtac olduğunuza və böyüklərinizin öyüdlərini dinləməyin gərəkliyinə yozulur.

SÖZ-Röyada müxtəlif dillərdə danışan bir adamın sizə bəzi sözlər söyləməsi-böyük bir mülkün sahibi olacaqsınız. Bir quşun sizinlə danışması-böyük bir mülk ya da elm sahibi olacaqsınız. Röyada kiçik bir uşağın danışması-haqqa, həqiqətə işarə sayılır. Röyada cansız şeylərin danışması-barışa, öyd-nəsihətə; heyvanın danışması-əzab-əziyyətə yozulur. Yuxuda düşmənin danışdığını görmək-ayrılığın sona çatdığını xəbər verir.

SÖYMƏK-Röyada bir başqasına söymək-söyülən kimsə üçün rəzillik, söyən üçün isə qüdrət və böyüklük deməkdir. Adi, dəyərsiz bir adamın yuxuda şan-şərəf sahibi bir kimsəyə söyməsi-söyənə söyülən tərəfindən bəla yetişəcəkdir. Yuxuda bir kimsənin sizə söyməsi-o adam tərəfindən əziyyətlərə dücar olsanız da, sonda intiqamınızı ala biləcəksiniz.

STAVRİDA BALIĞI-Xeyrə yozulur. Sıxıntılı günləriniz arxada qalacaq, xoçbəxtliyə qovuşacaqsınız.

SU-Röyada su-xoş həyatı və gözəl ruzini ifadə edir. Suyu təmiz və saf görmək-ucuzluğa, bolluğa və ədalətin yayılmasına işarədir. Bir adamın yuxuda əlini suya qoyması-haram malla halal malı qarışdırmağa yozulur. Su içmək-yaşayışın sıxıntılı, zəhmətli olmasıdır. İst su içmək-şiddətli üzüntü çəkəcəksiniz. Özünü su içində görmək-fəsada, bəla və kədərə əlamətdir. Röyada özünün təmiz suya atıldığını görən kimsə böyük bir sevincə qovuşacaq. Yuxuda bulanıq sular-çətinliyə və məişətə işarədir. Yuxuda su istəyən adam yalan danışar, dedi-qoduyla məşğul olar. Axarsız, göllənmiş su-həbsi ifadə edir. Axarı olmayan suya düşmək-röya sahibinin həbs ediləcəyinə, üzüntü və kədərə işarə sayılır. Quyudan qara su çıxdığını görmək-yuxunu görənin evlənəcəyi xeyirsiz bir qadına yozulur. Röyada saf, bərraq suya baxmaq və üzünü orda gözəl görmək-röya sahibinin ailəsinə, qohum-qonşuya və dostlarına qarşı xeyirxahlığını ifadə edir. Yuxuda saf, təmiz suya malik olduğunu görən adam böyük xeyrə qovuşacaq. Su-subay üçün xanımı; subay qız üçün əri ifadə edir. Röyada təmiz qabdan su içdiyini görən adamın nigahı davamlı olur, haram qabdan su içənin isə nigahı pozulur. Yuxuda susamaq və su içmək-röya sahibinin əkin-biçini bol və bərəkətli, qəlbi Allah sevgisiylə dolu olacaq, yoxsulluğu bitəcək, ailəsi və uşaqları ağ günə çıxacaqdır. Suyun axması-üzüntü və kədərə əlamətdir. Bardaq, yaxud kasadan su içmək-yuxunu görən subaydırsa, evlənəcək. Röyada soyuq suyla abdəst almaq-tövbəyə, xəstəliklərdən qurtulmağa, həbsdən çıxmağa, borcları ödəməyə, qorxudan əmin olmağa işarə sayılır. Suyu qabıyla bərabər götürüb aparmaq-röya sahibi kasıbdırsa, varlanacaq; varlı və subaydırsa-evlənəcək; evlidirsə-arvadı uşağa qalacaq.

SUÇU-Röyada suçu görəmk-xeyirxah bir adamı ifadə edir; elm, hikmət, şəfa verən bir kimsədir. Suçu-ruziyə, bəzən pisliyə və düşmənçiliyə də yozula bilir.

SU ANBARI-Qəpik-qəpik yığmış olduğunuz pulları boş yerə israf etməməyin gərəkliyini göstərir.

SU YOLU (kanal)-Yuxuda su yolu görmək, ordan su içmək-əlinizə mal gələcəyini xəbər verir.

SUALTI QAYIQ-Çox böyük təhlükəylə qarşılaşacaq, lakin soyuqqanlılığınız sayəsində bu ciddi təhlükəni dəf etməyə müvəffəq olacaqsınız.

SUDA YAŞAYAN CANLILAR-Röyada suda yaşayan canlılar görmək-var-dövlətə yozulur.

SUYA TULLANMAQ-Hündür bir yerdən gölə, çaya və ya dənizə tullanmaq-ictimai həyatda uğurlar qazanacaq, mülki həyatda öndər keyfiyyətlərə, liderlik mövqeyinə malik olacaqsınız. Suya tullanma yarışlarında iştirak etmək-sizin üçün faydalı ola biləcək çevrələrdə düşmənçilik duyğuları oyandırmamağı, ehtiyatlı olmağın gərəkliyini göstərir. Dalğıcların suya baş vurmasını və tullanmalarını seyr etmək-vaxtınızı və biliyinizi layiqli bir məqsədə sərf etdiyiniz üçün şöhrətə qovuşacaqsınız.

SULAMAQ (suvarmaq)-Yuxuda tarla suvarmaq-bol və bərəkətli məhsul alacağınıza yozulur. Bostanı, göy-göyərtini, çiçək fidanlarını sulamaq-həyatınızda kiçik bir irəliləyiş olacaqdır.

SULTAN-Yuxuda sultanlardan birini görmək-yaxın günlərdə şad xəbər alacaqsınız.

SULFAT TURŞUSU-İztirablı bir duruma düşəcəyinizə yozulur.

SUSAMAQ-Röyada susayaraq su içmək-səhhətinizin düzələcəyinə yozulur. Susuzluğunu içki ilə yatırmaq-təhlükəli bir xəstəlik əlaməti kimi qəbul edilir. Susuz bir adama su vermək-yaxın adamlarınızdan bir bu günlərdə evlənəcəkdir.

SUSUZLUQ-Röyada hiss edilə susuzluq-din baxımından fitnə-fəsada işarədir. Susuzluğunu hiss edib bir irmaqdan su içmək arzusunda olmaq-kədər və qəm-qayğıdan qurtulmaqdır. Yuxuda susuzluqdan yanmaq, lakin bulaq başında, yaxud bir su quyusu üzərində olsa da, bir damla su içməyə heyi olmamaq-röya sahibinin əməl və arzuları həyata keçməyəcəkdir.

SUXARI (qalet)-Bir dəniz səyahətinə işarə sayılır.

SÜVARİ-Xeyirxah adamlarla dostluq edəcəyinizə yozulur.

SÜD-Cavan oğlanın röyada süd içdiyini görməsi-maliyyə işlərində təcrübəsizlikdən və cəsarətsizlik üzündən pul itirəcəyinə işarə sayılır.Orta yaşlı adamlar üçün bu röya-kiçik bir toplantıya çağrılmaq anlamına gəlir. Daha yaşlılar üçün-gözləmədiyiniz və çox sevinəcəyiniz bir qonağınız gələcək. Süd sağmaq-bir gəlir mənbəyi tapacaqsınız.

SÜD ANASI-Yuxuda süd anası görmək-bir çox yeni və faydalı işlərlə qarşılaşacağınıza işarədir.

SÜKAN-İş həyatında da, şəxsi həyatda da uğurlar qazanacaq, sevindirici bir xəbər alacaqsınız.

SÜLEYMAN ƏLEYHİSSƏLAM-Həzrəti Sülüymanı yuxuda görən adam çox yüksək bir mənsəbə çatacaq, dövlətə və səadətə yetişəcək, düşmənlərinə üstün gələcəkdir.

SÜLH-Şəriətə və qanuna uyğun olaraq, yuxuda sülhə gəlmək-ülfət və məhəbbətə, günahlardan tövbəyə, xalqı irşada, xeyrə, əmin-amanlığa çıxarmağa işarə sayılır. Düşmənlə sülhə gəlmək-həmin düşmənlə yenidən mübarizə aparmağa və aradakı düşmənçiliyin davan etdiyinə yozulur.

SÜNBÜL-Sərvətin və etibarın artması deməkdir.

SÜMÜK-Röyasında sümük görən uğurlu bir işə girişəcək. Daha yaşlı kişi üçün bu yuxu-o qədər də ciddi olmayan bir xəstəlikdən qurtulacağına yozulur. Gənc qız üçün-sənətkarla evlənməyə; qadın üçün-kiçicik münaqişələrə işarədir.

SÜHGƏR DAŞI-Yuxuda süngər daşı görmək-xeyir xəbər alacağınıza yozulur.

SÜPÜRGƏ-Yuxuda qadının süpürgə ilə evi süpürməsi-xeyrə yozulan röyalardandır. Qadın evin bir otağınıp süpürürsə, bu yuxu-daha gözəl və şən günlərin yaxınlaşdığını xəbər verir. Yuxuda ocaq başı süpürülmüşsə, yaxın günlərdə röya sahibinin evində bir şənlik, toy-düyün olacağına işarədir. Küçə süpürmək-zənginliyin, rifaha qovuşmağın müjdəsidir.

SÜRGÜN (sürülmə)-Röyada bir adamı sürgünə yollamaq-həbs olunmağa yozulur. Bir kimsənin yuxuda başqa bir yerə qovulduğunu və ya sürgün edildiyini görməsi-o adam həbsxanaya düşəcək. Cənnətdən qovulmaq-fəqirliyə, yoxsulluğa işarədir. Elm sahibi bir adam yuxuda qovulduğunu, yaxud bir yerə sürüldüyünü görərsə-o adam qorxulu bir şeylə qarşılaşacaq və ziyana düşəcəkdir.

SÜRMƏ-Röyada gözə çəkilən sürmə-var-dövlətə işarədir. Bir adamın yuxuda sizə sürmə verməsi-əlinizə az-çox mal və pul keçəcəkdir. Gözünüzə xeyirxah bir adamın sürmə çəkməsi-xeyrə, gözəlliyə işarədir. Pis adamın sürmə çəkməsi-xeyrə əlamət sayılmır. Çoxlu sürmə-çoxlu sərvətə yozulur. Gözdə ağrı hiss etmək və sürmə çəkmək-röya sahibinin gözlərinin sağalacağını göstərir. Sürmə daşıyla gözə sürmə çəkmək-arvadınızla aranızda olan soyuqluq ortadan götürüləcək. bir qızın gözlərinə sürmə çəkməsi-o qız cavan vir oğlana ərə gedəcək. Dul qadının gözünə sürmə çəkməsi-bir kişiylə evlənəcək deməkdir.

SÜRÜ-Yuxuda heyvan sürüsü-sevinc dolu günlər keçirəcəyinizə işarə sayılır.

SÜTÜN-Röyada hər hansı bir sütün-böyük bir ev sahibi olacağınıza işarə sayılır. Mərmər sütün-böyük bir sevinc əlaətidir.

SÜFRƏ-Yuxuda yemək süfrəsi qurmaq-ömrünüzün uzun olacağına işarədir. Süfrə örtüsü-böyük bir səfərə, rahatlığa, bərəkətə yozulur. Bəyaz masa örtüsü-yaxın günlərdə ürəyiniz istəyən adamlaral bir masa arxasında yemək yeyəcəksiniz deməkdir. Süfrə servisi-yaxınlarda muradınıza çatacaq, məsud bir həyata qovuşacaqsınız. Gümüş süfrə servisi-mənəvi sıxıntılara işarıdir. Öz süfrə servisini satmaq-işlərinizin qarışacağına yozulur.

ŞABALID-Xeyrə yozulmur. Röya sahibini, ya da yaxın bir adamının səhhəti üzücü bir şəkildə pozulacaqdır.

ŞAİR-Röyada şair görmək-sözlərini bir-birinə qarışdıran, dini yasaqlara uymayan, xeyirxahlıqdan qaçan və yalançı olan bir adama işarə sayılır. Başqa yozumlara görə, yuxuda şair-zinakarlığı, içkiyə qurşanmağı, boynundakı borcları ödəməməyi də ifadə edir.
Röyasında şair olduğunu görən adam alim və böyük bir rütbə sahibi olur. Şair, eyni zamanda, görmədiyi, eləmədiyi bir işi söyləyən adama da yozula bilir.

ŞAGİRD (tələbə)-Xoşbəxtlik və sevincə işarə sayılır.

ŞAL-Röyada şal görmək-yaxın günlərdə bir torpaq sahəsinə, yaxud bir tarlaya sahib olacağınıza işarədir.

ŞAM-Röyada yanan şam görmək-işlərinizdə və hərəkətlərinizdə çox ehtiyatlı və ayıq olduğunuza işarədir.
Sönmüş şam-dostalrınız nəzərində etibarınız bir qədər sarsılacaqdır. Ticarət adamısınızsa-asanlıqla kredit əldə edə bilməyəcəksiniz.
Şam almaq-dini inanclarınızın bütövlüyünə yozulur.
Şam satmaq-az miqdarda pul itgisinə işarə sayılır.

ŞAM AĞACI-Həm Şərq, həm də Qərb yozucuları tərəfindən geniş miqyasda açıqlanır. Şam ağacı murad, niyyət rəmzidir. Yuxuda şam ağacı görən xəstələr az müddət içində sağalıb ayağa duracaqdır.
Şamlıq-aşıb-daşan bolluğa, yaxşı gəlirə, var-dövlətə yozulur.

ŞAMDAN-Röyada şamdan-gənc qızlar üçün evlənməyə; evlilər üçün isə gözəl bir oğlan uşağının doğulacağına yozulur.

ŞAMPAN ŞƏRABI-Röyada şampan şərabı içdiyini görən adam gərək ehtiraslarını cilovlasın.

ŞAPALAQ-Röyada birisinə şapalaq vurmaq-günahsız və ya cinayət işləməmiş bir adama ediləcək zülmə işarədir.
Şapalaq vurmaq-işdə uğur qazanacaqsınız.
Şapalq yemək-məğlubiyyət anlamındadır.

ŞAPQA-Röyada şapqa satın alımaq-bir nəfərin yardımı ilə işləriniz asanlaşacaq və uğurlu olacaqdır, bununla da qazancınız artacaq, yeni bir işə girişəcəksiniz. Başında yeni bir şapqa olduğunu görmək-gəlirli birişə girişəcəyinizə işarədir. Görülən şapqa köhnə və nimdaş olarsa, pul təklifi alacaqsınız. Başqası tərəfindən şapqa hədiyyə edilməsi-bir məqama yetişəcəyinizdən xəbər verir.

ŞARLATAN (fırıldaqçı)-Yuxuda şarlatan bir adamla qarşılaşmaq-düşmənlərinizin sizi yıxmaq üçün zəif yerinizi axtarmaqda olduğuna yozulur.

ŞAFTALI-Röyada dadlı şaftalı yediyini görən adamın şəhvət və arzusu həyata keçəcək. Kal və acı şaftalı yemək-qorxuya işarədir. Şaftalı ağacı-zəngin, böyük, igid, xalqa yardım edən, sıxıntı anında səbatkar bir adamı ifadə edir.
Yuxuda şaftalı yemək, eyni zamanda, pis xəbərlər anlamına da uyğun gəlir.

ŞAH-İşlərinizdə uğur qazanacağınıza, ya da evliliyə işarədir.

ŞAHİD-Bir kimsənin yuxuda şahidlik etməsi-haqq bildiyi bir işin açıqlanmasına və çox şübhələrin ortadan qalxmasına çalışan xeyirxah bir insana yozulur.

ŞAHİN-Yuxuda şahin quşu-vəfası olmayan sərt bir valiyə yozulur.
Röyada şahin olduğunu görən adam bir vilayətə vali olacaq, lakin onun bu vəzifəsi uzun sürməyəcəkdir.

ŞAHMAT-Yuxuda şahmat oynamaq-işlərinizi hissiyyatla deyil zəkayla, ağılla həll etməyə çalışmalısınız.

ŞAŞIRMAQ-Röyada heyrətə düşüb şaşırmaq-qəflət, sapıqlıq və inkar anlamındadır.
Qibləni şaşırmaq-ibadətdə iradəsizliyi ifadə edir.

ŞEYTAN (cin)-Röyada şeytan-hiyləgər, həris, etinasız bir düşmən, bəzən də, yalan və şəhvət anlamındadır.
Yuxuda şeytan görən adam kafir, aravuran, qısqanc və paxıl adamdır.
Şeytandan qorxduğunu görən adam Allahın nəzərində yaxşı üzüyola bir quldur.
Şeytan, bəzən də, sözü üzə deməyən, adamın arxasınca danışan, dedi-qodu, bədniyyət kimsələrə işarə sayılır.
Röyada şeytan olduğunu görən kimsə insanlara əziyyət verən və bundan zövq alan bir adamdır. Bu yuxu-dinindən dönməyə, yolunu azmağa da yozulur.

ŞER-Röyada şer yazmaq-işgüzar və eyni zamanda, macərapərəst bir adam olduğunuza işarədir.
Kitabdan şer oxumaq-işlərinizi planlı şəkildə qura bilsəniz, uğurlarınız artacaqdır.

ŞƏKƏR-Yuxuda şəkər yemək-şadlığa, sevincə, asan və rahat bir güzərana yozulur.

ŞƏKƏR QAMIŞI-Yuxuda şəkər qamışı-xoş xəbər alacağınıza, bir dostunuzun önəmli bir əməliyyatdan sağ-salamat qurtulacağına və əlinizə bol miqdarda maddi imkan keçəcəyinə işarə sayılır.
Şəkər çuğunduru da eyni yozumla açıqlanır.

ŞƏKK-ŞÜBHƏ-Röyada şəriətə, yaxud Allahın kəlamına şəkk etmək-nifaq və hiyləyə, o adamın ikiüzlü və böhtançı olmasına işarə sayılır.

ŞƏLALƏ-Röyada şəlaləyə baxmaq və suyun çırıltısından zövq almaq-röya sahibinin gələcəyini etkiləyəcək önəmli bir qarşılaşmaya işarədir.
Şəlalənin üstündən adlayıb keçmək-qarşıya çıxacaq hər bir əngəli dəf edə biləcəyinizə yozulur.
Şəlalə, eyni zamanda, mövqe sahibi olan bir nəfərin yardımıyla yüksəlməyi də ifadə edir.

ŞƏRAB-Yuxuda dost-yoldaşla bərabər şərab içdiyini, əyləndiyini görən adamın həyatında ani bir dəyişiklik olacaq və bu, ona var-dövlət, sərvət bəxş edəcəkdir.
Təkbaşına içki içmək-röya sahibini əsəbləşdirib üzəcək bir xəbərə yozulur.
Hədiyyə olaraq şərab almaq və ya şərab hədiyyə etmək-kiçicik bir pul qazancına və bəxtə; şərab almaq, yaxud satmaq isə-ciddi bir qovğaya işarə sayılır.

ŞƏRAB ANBARI-Röyada şərab anbarında olduğunu görmək-sevinəcəksiniz deməkdir. Şərab anbarını boş görmək-sıxıntıya işarədir.
Boş şərab anbarından çıxmaq-həbsdə olanların azadlığa çıxacağına; hamilə qadınların isə doğuşunun asan keçəcəyinə yozulur.

ŞƏRAB ÇƏLLƏYİ-Röyada dolu şərab çəlləyi görmək-bütün kədər və ələmlərinizi unudacaqsınız.
İçi su ilə dolu şərab çəlləyi-səbirli və iradəli olmanız sayəsindəarzularınıza qovuşacaqsınız.

ŞƏRBƏT-Yuxuda görülən şərbətin rəngi sarı olarsa-xəsətlik əlamətidir. Gül, bal, gilənar, nar, üzüm və s.meyvələrin şərbətini içmək-sağlamj bədənə malik olduğunuzu göstərir, yaxud da zərərli meyllərdən çəkingən olduğunuza işarə sayılır.

ŞƏRBƏT SATAN-Röyada şərbət satan görmək-bəxtiyarlığa, sevincə, var-dövlətə və ya yüksək mövqeyə qovuşacağınıza dəlildir.

ŞƏRQİ-Röyada sevdiyiniz qızın pəncərəsi önündə şərqi oxumaq-böyük bir sevincdən sonra qəm-kədərə işarə sayılır.

ŞƏFƏQ (dan yeri)-Şəfəqin söküldüyünü görmək-fərəhə, xoşbəxtliyə yozulur.

ŞƏHVƏT-Suç və qüsura yozulur.

ŞƏHƏR-Röyada bir şəhərə girdiyini görən kimsə qorxduğu şeydən əmin olar.
Bir şəhərə girmək və onu dağılmış görmək-alimlərin, bilginlərin yoxluğuna işarədir.
Gözəl, yaraşıqlı, abad şəhər görmək-gözləmədiyiniz bir yerdən ruzi, var-dövlət əldə edəcəksiniz.
Yuxuda şəhər-əmin-amanlığı, dostlarla görüşməyi, dünya işlərinə maraq göstərməyi ifadə edir.
Gözəl adı olan şəhər görmək-xeyirxahlığa, xoş xəbərlərə yozulur.
Tanımadığınız bir şəhərə girmək-arzunuza çatacaq, ya da bir yerə vali olacaqsınız.

ŞƏHİD-Yuxuda bir şəhidi diri olaraq görmək-o şəhidin getdiyi yolun gözəl olduğuna yozulur. Şəhidi diri görmək, eyni zamanda, o kimsənin Cənabi-haqqa yaxınlığına işarədir.

ŞİKAYƏT-Röyada birisini şikayət edən görmək-yuxu sahibi hər hansı bir sıxıntıya düşə bilər.

ŞİKƏSTLİK (əlillik)-Röyada insanın özünü bir səra xəstəlik və sakatlıqlarla şikəst və zəlil görməsi-sıxıntıya və bəlaya yozulur. Bu xəstəlik və müsibətlərə yuxuda səbrlə dözdüyünü göən adam əzablardan, iztirabdan qurtular. Röyada özünü kor olmuş və ya gözünün birini itirmiş görmək-səfalətə; ayağı sınmaq-fəqirliyə işarədir.

ŞİMŞƏK-Röyada rüzgarlı, yağmurlu bir havada şimşək çaxdığını görmək-qazancınız, gəliriniz artacaqdır.
Bir-birinin ardınca sürəkli şimşək çaxması-evinizdə bolluq və bərəkət olacağına, məmləkətinizdə xalqın bolluq və bərəkət içində yaşayacağına işarədir.
Evin şimşək işığı ilə aydınlandığını görmək-ailə səadətinə, şadlığa, sevincə yozulur.
Bəzi yozumlara görə, yuxuda şimşək çaxması-şiddətli bir qorxuya tutulmaq kimi də açıqlanır.

ŞİRƏ-Röyada şirə içmək-elmə, mərifətə, şöhrətə, uzun ömrə, dini bütövlüyə və ya ibadətə yozulur (Yuxuda şirə içmək də şərbət içmək kimi yozulur).

ŞİRKƏT-Röyada şirkət qurmaq-fərəhə, sevincə yozulur.
Özündən yüksək və sərvətli bir kimsə ilə ortaqlı şirkət açmaq-ədalətə, insafa, şərikli işdə səmimiyyətə və sözübütövlüyə işarədir.
Tanış bir adamla şərikli şirkət açmaq-bir-birinizə qarşı ədalətli və insaflı olacaqsınız deməkdir.

ŞİRNİYYAT SATICISI-Röyada görülən şirniyyat satıcısı gözəl və xeyirxah bir adamdır. Gümüş pula şirniyyat satan adam xalqala xoş davarnır və xalq da onu sevir.

ŞİFRƏ-Röyada şifrə açmaq-arzu və istəklərinizin həyata keçəcəyinə yozulur.

ŞİŞ-Yuxuda kabab çəkilən şiş görmək-xeyrə əlamətdir, xoş güzərana, rahat yaşayışa yozulur.
Dəmir şiş-evin, ailənin bütün qayğılarını çəkən ailə başçısına işarə sayılır.

ŞİŞ (fır)-İşlərinizdə ciddi bir əngəl çıxacağına işarədir.

ŞIQLIQ (zövqlə geyinmək)-Yuxuda şıq geyinmiş zərif gənc bir qadın və ya qız görmək-bəxtiniz açılacaq sevinəcəksiniz.

ŞLANQ-Yuxuda su şlanqı görmək-əgər şlanqdan su axırsa, qazanclı işlərə girişəcəyinizi göstərir.
Quru (susuz) şlanq-qazancınız azalacaq.
Deşik şlanq-varınızın və pulunuzun bala-bala aşırılmaqda, tükənməkdə olduğuna işarədir.

ŞORBA-Röyada şorba içmək-aylığınızın artacağına, son zamanlar girişmiş olduğunuz işin yaxşı nəticələr verəcəyinə yozulur.

ŞÖVQ (həvəs)-Röyada şövq, coşqunluq, əyləncə-sıxıntıya, qəm-qüssəyə işarə sayılır. Eyni zamanda, pis xəbərlərə, ağır xəstəliyə, xalqı içkiyə və zinakarlığa təşviq etməyə yozulur.
Bu röya, başqa yozumlara görə, Allah yoluna dönmək, günahlardan tövbə etmək kimi də açıqlanır.

ŞÖHRƏT-Bir kimsənin yuxusunda birdən-birə şöhrətə çatdığını görməsi-həyatda yalnış və xətalı bir yolda olduğunuz və dərhal o yoldan çəkinməyin gərəkliyini göstərir. Qadınlar üçün bu röya-onların çox önəmli bir mövqeyə yüksələcəyinə yozulur. Gərək qohum-qardaşın sözüylə bu fürsəti əldən verməsinlər.

ŞPRİS (iynə)-Röyada birisinə morfi iynəsi vurmaq və ya özünə iynə vuruulduğunu görmək-əhəmiyyətsiz bir xəstəliyə işarədir.

ŞÜBHƏLİ, QARIŞIQ RÖYALAR-Görülən qarışıq röyaları hər hansı bir kinkrek yozumla açıqlamaq olmur. Belə yuxuları yoza bilmək üçün röyanı bütün təfərrüatə və aydınlığıyla yada salmaq lazımdır.

ŞÜKÜR ETMƏK-Röyada şükür etmək-üzüntüdən, kədərdən qurtulmaq və gücə, var-dövlətə, xeyrə, bolluğa, ucuzluğa, səvaba nail olmaqdır.

ŞÜMŞAD AĞACI-Röyada şümşad ağacı və ya bu ağacdan hazırlanmış bir əşya görmək-bütün şətinliklərə və əngəllərə baxmayaraq, arzu və istəklərinizə çatacaqsınız.

ŞÜŞƏ-Röyada şüşə qırığı görmək-mənasız, əhəmiyyətsiz sıxıntıdan və qayğılardan üzüləcəksiniz.
Bu röya cavan oğlan üçün-sonu anlaşma ilə bitəcək bir məhkəmə işinə; orta yaşlılar üçün-əldə edilmiş razılığın pozulacağına; gənc qadın üçün-verdiyi sözə əməl etmədiyi üçün yaranacaq narazılığa; qırx və daha ratıq yaşlılar üçün-xidmətçi və ya qonşuyla üz verəcək narazılığa, anlaşılmazlığa yozulur.
Şüşəni yuxu göənin özü qırarsa, bu, onun həyatında çox mühüm bir durumun yetişdiyinə işarədir.
Şüşə qab-sevincə və şərəfə; qırılmış şüşə qab-qəmə, qyğıya əlamət sayılır.

TABAQ-Boş tabaq-bir müddət üzüntü içində olacağınıza, təzyiq altında qalmağa işarədir. Dolu tabaq-kiçik, önəmsiz olayların izlədiyi bəxtə, taleyə əlamət sayılır. Yuxuda tabaq-dəyəri qədərincə var-dövləti də ifadə edir.

TABLO-Röyada ünlü bir rəssamın tablosunu görmək-çoxdan bəri xəyalında olduğunuz istəklərin qısa zaman içərisində gerçəkləşəcəyinə yozulur.

TABUR (batalyon)-Röyada hərbi əskəri dəstə (tabur)görmək-yaxın vaxtlarda bəxtinizin açılacağına işarədir.

TABUT-Yuxuda tabut-əngəlləri yenməyə, uğur qazanmağa əlamət sayılır. Tabutun açıq olması-diqqətsizliyiniz ucbatından çətinliyə düşəcəyinizi göstərir. Bir tanışınızı tabutun içində görmək-yaxın günlərdə həmin adamın sağ-salamat olması xəbərini alacaqsınız. Tabutun içindəki yad adamdırsa-irəlidə sizi səmimi dostluq və yoldaşlıq əlaqələri gözləyir. Tabut, eyni zamanda, böyük bir mülkə yozulur. Röyada özünü tabutun içində görən adamsəltənət sahibi olur.

TAVA-Röyada tavada bir şey qızartmaq-ailədə rahatlığın, əmin-amanlığın hökm sürəcəyinə və əlinizə bir qədər pul gələcəyinə yozulur.

TAVAN-Yuxuda evinizin tavanını yıxılmış görmək-qəm-qüssəylə qarşılaşacaqsınız, bir ölüm xəbəri alacağınıza işarədir.

TAZI-Son vaxtlar səhhətinizin qayğısına qalmadığınızı göstərir.

TAKSİ-Röyada taksiyə minmək-işlərinizi sürətlə başa çatdıraraq uğur qazanacağınıza yozulur.

TAMBUR (nusiqi aləti)-Batil işləri, zinakarlığı, sehrbazlığı, cadukərliyi, insanı vərəm edəcək bir kədər və üzüntünü ifadə edir.

TAPANÇA-Çeşidli yozumlarla açıqlanır: Tapançadan atəş açmaq-iftiraya düşməkdir. Tapança satın almaq-dedi-qoduya işarədir. Tapança təmizləmək-bir işə girişməkdir. Tapançadan bəlli bir hədəfə atəş açmaq-ehtiras anlamına gəlir. Tapança ilə vurulmaq-qarşı cinsən birinə qüvvətli ilgi duymaqdır (sevgi də ola bilər).

TARİF (cədvəl)-Səfərə çıxmaq kimi yozulur.

TARLA-Röyada tarla, zəmi görmək-xeyrə, bar-bərəkətə, ruziyə, məhsul bolluğuna yozulur. Çeşidli yozumlara görə, tarla və zəmi-qəflət və mənasızlıq içində ömrün zay olmasına, elm öyrənməkdən qaçmağa, ruziyə və güzərana, yaxud övladlarının hər cür zəhmət və möhlətinə qatlaşan səbirli, anlamlı ata-anaya işarə sayılır.

TAS-Röyada tas-qadına, yaxud qulluqçuya işarə sayılır.

TAFTA (parça)-Röyada taftadan paltar geydiyini görən adam bir yemək-içmək məclisinə dəvət alacaqdır.

TAXIL BİTKİLƏRİ-Torpaq məhsullarından buğda, başaq-gəlirin artmasına; çovdar, yulaf və arpa-ailə həyatındakı xırda-para üzüntülərə yozulur.

TAXT-TAC-Keçmiş sultan və ya padşahların oturduğu taxt-tacı yuxuda görmək-yüksək mövqeyə, etibar və şərəfə yozulur. Taxt-tacda özünün əyləşdiyini görən kimsə yüksək bir məqam sahibi olacaqdır.

TAXTA-ŞALBAN-Ev-eşik sahibi olacağınızı xəbər verir.

TAXTABİTİ-Yuxuda taxtabiti-ziyankar adamların çevrəsindəsiniz deməkdir.

TAC-Röyada öz başınad tac görmək-yaxın günlərdə böyük bir istəyinizə nail olacaqsınız. Başqasının başına tac qoyduğunuzu görmək-rəqiblərinizdən üstün olmaq və yüksək bir məqama yüksəlmək əlaməti kimi yozulur. Bir kral və ya kraliçanın tacqoyma mərasimində iştirak etmək üçün hazırlaşmaq-böyük bir sürpriz sahibi olacaqsınız. Bu mərasimdə şəxsən iştirak etdiyini görmək isə, heç gözləmədiyini bir vaxtda işdə irəli çəkiləcək və mükafata layiq görüləcəksiniz.

TACİR-Yuxuda tacir görən adam birisi tərəfindən acınacaqlı şəkildə aldadılacaq, malını, mülkünü, pulunu və sağlamlığını itirəcəkdir.

TEATR-Röyada səhnədə çıxış etdiyini, rol oynadığını görəmk-cavan oğlan üçün işlərinəd fəallığa, ehtirasa; orta yaşlı adam üçün-bir nəfərlə tanışlığa; yaşlı qadın üçün-sevdiyi bir dostdan könül qırıqlığına yozulur. Bir səhnə əsərini izləmək-həyatda çox çalışıb-şabalamağa işarə sayılır.

TEL (sim)-Röyada sim görmək-bütün işlərinizdə və hərəkətlərinizdə ayıq-sayıq və ehtiyatlı olmanızın vacibliyinə işarədir. Qızıl tel-çalışqan və zəhmətsevər olsanız, uğurlar da sizinlə olacaqdır. Gümüş tel-qabiliyyətli bir adam olduğunuz yozulur. Gümüş tel itirmək-ölümə işarədir. İplik tel-bir qadın tərəfindən mala-pula qovuşacaqsınız.

TELEQRAM-Röyada hardansa teleqram almaq-uzağı bir həftə ərzində səbirsizliklə gözlədiyiniz xəbəri alacaqsınız. Teleqram vurmaq-bir sıra maraqlı xəbərlər alacağınıza işarə sayılır.

TELESKOP-Yuxuda teleskopla ayı və ulduzları seyr etmək-çox şərəfli və yüksək bir məqama, yaxud şərəf və məqam sahibi adamlarla xoş söhbətlərə işarədir.

TELEFON-Röyada telefonla danışmaq-tərbiyəsiz, nəzakətsiz adamlar tərəfindən tez-tez rahatsız edilirsiniz deməkdir.

TƏBİL-Yuxuda təbil səsi-yaxın günlərdə bir çox önəmli hadisələrin olacağına yozulur.

TƏVAF-Röyada Kəbə ətrafında təvaf etmək (dolnamaq)-dini bütövlüyə və bir gün həcc ziyarətinə nail olacağınıza yozulur. Subaysınızsa-evlənəcəksiniz və işləriniz çox yaxşı gedəcəkdir.

TƏQVİM-Yuxuda təqvim görmək-olub-keçən bir hadisə sizə sərvət bəxş edəcəkdir. Təqvimdə doğum tarixini aramaq-ağlınıza gəlməyən böyük miqdarda pula varis olacaqsınız.

TƏQDİR ETMƏK (bəyənmək)-Röyada xoşagələn hər hansı bir içi təqdir etmək-yaxın vaxtlarda gözəl və diqqətəlayiq şeylərlə qarşılaşacaqsınız.

TƏQİB ETMƏK (izləmək)-Röyada bir nəfəri izləmək-acı bir eçqin başlanğıcına işarədir. Birisini təqib edib yaxalamaq-yaşıdlarınız arasında nüfuzunuzun artacağını göstərir. Bir qadın və ya gənc bir qız tərəfindən izlənmək-sizi sevən şoxlu dostlarınız var deməkdir.

TƏDQİQ ETMƏK-Röyada hər hansı bir içi incədən-incəyə tədqiq etmək-işlərinizdə irəliləyiş və uğur qazanacağınızı göstərir. Hər hansı bir tədqiqat işiylə bağlı səfərdə olmaq-qiymətli vaxtınızı boş yerə israf etməkdə olduğunuzu göstərir.

TƏZƏK-Pula, vara yozulur. Təzək toplamaq-qismətlərinizi açılacağını, əgər subaysınızsa-evlənib xoşbəx olacağınıza işarədir.

TƏKƏRƏK (təkər)-İşlərinizin günü-gündən böyük dəyişikliklərə uğrayacağına yozulur.

TƏKNƏ-Röyada xəmir təknəsi, yaxud hamam ləyəni görmək-ixtiyar çağlarınızın çox rahat və səadət içinə keçəcəyinə içarədir.

TƏLƏ-Yuxuda tələ-hiyləgər bir adamı ifadə edir. Sərçə ovlamaq üçün tələ qurmaq-qaba, qəddar bir adama hiylə gəlməyə işarədir. Qadının yuxuda tələ qurduğunu və oraya gələn quşların uçub getdiyini görməsio qadının uşağının olmayacağına yozulur.

TƏLƏF OLMAQ-Röyada tələf olmaq-qisməti kəmliyə işarədir. Paltarının zay olduğunu və ya evinin dağıldığını görən adam öz malının əsl sahibidir, o heç nə itirmir və heç nəyi də dağılıb xarab olmur. Bütün pal-paltarinin məhv olduğunu görmək-xəstəlikdən tamamilə sağalmağa yozulur.

TƏLXƏK (hoqqabaz)-Yuxusunda təlzək görən adam gərək çevrəsindəki adamlara qarşı diqqətli olsun, onların ləyaqətini alçaldan hərəkətlərə yol verməsin.

TƏMTƏRAQLI HƏYAT-Röyada təmtərqalı bir həyat yaşadığını görmək-xeyrə əlamət sayılmır və tərsinə yozulur. Təmtəraq içində yaşadığını görən adam yaxın vaxtlarda sıxıntı çəkəcək və yoxluq içərisində yaşayacaqdır.

TƏNBƏLLİK-Röyada özünü tənbəl və avara görmək-yorğun olduğunuza, istirahətə çəkilməyin vacibliyinə yozulur.

TƏNDİR-Röyada öz qapısındakı təndiri uçub-dağılmış görən adam şərə düşər. Təndirdə çörək bişirib yeyən kimsənin isə ruzisi bol olar, bəxti açılar.

TƏNƏKƏ-Xeyirsiz qazanca yozulur. Tənəkəçi-tərbiyəçi və təfsirçiyə, ya da sözündə və əməlində yalançı bir adama içarə sayılır.

TƏNHA-Röyada özünü tənha görmək, ya da yolu-izi itirib yalqız qaldığını görmək-hər cür bəla və müsibətlərdən qurtulmağa, əmin-amanlığa yozulur.

TƏPƏ-Röyada dik bir təpəyə dirmanmaq-çətin bir içi boynuna götürüb yerinə yetirməyə yozulur. Təkbaşına təpəyə dırmaşmaq-özbaşına bir iç alacağınıza; dostlarla təpəyə dırmanmaq-istəməsəniz də, bir içi bir borc və vəzifə olaraq qəbul edəcəyinizə işarədir.

TƏRAŞ ETMƏK-Röyada özünü və ya başqasını təraş etmək-təmizlik və rahatlıq kimi yozulur.

TƏRƏVƏZ-Xeyrə yozulan yuxulardandır, rahat, eyni zamanda, fəal və içgüzar həyat sürəcəyiniz anlamına gəlir. Pomidor-uzaqdan gələcək xoş xəbərlərə işaərdir. Kartof-sönük, lakin rahat ömrə; yerkökü-ailə səadətinə, məsud və rahatlıq içində yaşanacaq həyata; lobya və paxla-adi, lakin cazibədar yaşayışa; noxud-gözlənildiyindən də maraqlı və canlı bir gələcəyə; soğan-yaxın vaxtlarda kobud, lakin açıqürəkli adamlarla əlaqə yaradaraq qazanclı bir işdə uğur qazanacağınıza yozulur.

TƏRƏZİ-Doğru-düzgün çəkən tərəzi yuxuda sözübütövlüyə, ədalətə, borcu ödəməyə yozulur. Röyada görülən tərəzi təzədirsə, bu-o yerin başçısının ədalətli olduğunu göstərir. Əlində tərəzi olduğunu görmək-röya sahibinin doğruçuluğunu, həqiqətpərəstliyini göstərir.

TƏRSANƏ (liman)-Cavan oğlanın yuxuda tərsanə, yaxud liman görməsi-sonu xeyirli bir dəniz səyahətinə işarədir. Orta yaşlı adam üçün bu röya-dənizətrafı yerlərə səfərə; gənc qız üçün-bir dənizçiylə evlənməyə; evlilər üçün-sevdikləri bir adamla qarşılaşmağa yozulur.

TƏSBEH-Röyada təsbeh-xeyirxah, əxlaqlı qadına, halal yaşayışa işarədir. təsbeh çəkmək-əsgərləri ifadə edir. təsbehin qirilması, dənələrin dağılması-üzüntü, sıxıntı anlamındadır.

TƏHLÜKƏ-Yuxuda özünü sıxıntı içidə görmək və təhyükənin yaxınlaşdığını hiss etmək-bir müddət diqqətli və ehtiyatlı davranmalı, macəralardan çəkinməlisiniz. Təhlükəli zolağa düşmək-işdə bir çox çətinliklərlə qarşılaşacağınıza işarədir.

TƏCAVÜZ (sataşmaq)-Gənc bir oğlanın yuxuda bilə-bilə birisinə təcavüz etməsi-eşq macəranıza başqasının da burnunu soxacağına işarədir. Yaşlı kişi üçün belə yuxu-onun bir məhkəmə işində qalib çıxacağına; gənc qız üçün-ailədən xəbərsiz bir nəfərlə xoş, lakin gizli dostluğa yozulur. Evinə, malına, yaxud dükanına təcavüz edildiyini görən adamın girişəcəyi iş boşa çıxacaq, ailəsinin nizamı, rahatlığı pozulacaqdır.

TƏŞƏBBÜS-Röyada bir təşəbbüsdə bulunmaq, bir işə girişmək-həyatınızın ən yetgin çağına olduğunuza işarədir.

TİBB BACISI-Bəyaz önlüklü bir tibb bacısını yuxuda görmək-arzu etmədiyiniz bir qonaq tərəfindən rahatsız ediləcəksiniz.

TİKAN-Qaba, hirsli-hikkəli adama işarədir. Tikanın batdığını görmək-röya sahibi iftiraya məruz qalacaq, yaxud da onu əsəbləşdirən, iyrəndirən bir şeydən rahatsız olacaqdır. Tikan üzərinə çəkilmək-borcu olanlar borcu qaytarmaq üçün möhlət istəyəcək. Eyni zamanda, bu yuxu-dartışmaya, cəhalətə işarə sayılır. Tikan-eşqə tutulanlar üçün üzüntüyə, qayğıya, narahatlığa yozulur.

TİKİLİ-Yuxuda bir binanın tikilişini görmək-cavn oğlan üçün təzəcə başladığı vəzifənin uğurla sona çatacağına; orta yaşlı adam üçün-çətin bit işin öhdəsindən gələ biləcəyinə; yaşlılar üçün-ümid və xəyallarinin heç də boş çıxmayacağına yozulur.

TİKİŞ TİKMƏK-Bu röya kişilər üçün qadınla bağlı işlərinin düzələcəyinə; qadınlar üçün-saxtakar və fırıldaqçı bir adamla dostluq etdiklərinə yozulur. əl işi (çitəmə) toxumaq-çox qiymətli, vəfalı bir dosta işarədir.

TİLOV-İş həyatında mühüm bir fürsətdən istifadə edə biləcəyinizə yozulur.

TİLSİM-Röyada bir şeyin tilsimini görmək-işlərinizi planlı şəkildə qura bilsəniz, hər sahədə uğur qazanacağınıza işarə sayılır.

TİMSAH-Yuxuda timsahın quruda gəzdiyini görmək-röya sahibinin çox təhlükəli düşmənləri olduğunu göstərir. Timsah öldürmək-düşmənlərə üstün gəlməyə yozulur.

TİTRƏMƏK (tükləri üprəşmək)-Röyada titrədiyini, tüklərinin üprəşdiyini görən adam Allah-təaladan qorxur.

TİF XƏSTƏLİYİ-Yuxuda tif xəstəliyinə tutulduğunu görmək-qohumlarınızdan böyük fənalıqlar görəcəyinizə işarədir.

TİCARƏT-Yuxuda ticarət etdiyini, pul qazandığını görmək-röya sahibinin həyəcanlı və xoş bir macəra içində olduğuna; əgər ticarətdə işi yaxşı getmirsə, iflasdadırsa-bir təhlükəni dəf edərkən üzüntülərə məruz qalacağına işarə sayılır. Ticarət sənədləri-birdən-birə bir çox qazanclı işlərlə qarşılaşacaq və zəngin olacaqsınız.

TISBAĞA-Röyada tısbağa görmək-işlərin durğunluğuna, fəqət bu durğunluğun xeyirli olacağına yozulur.

TOVUZ QUŞU-Röyada tovuz quşu-varlı-hallı, gözəl, fəqət uğursuz bir qadını ifadə edir. Tovuz quşunun gözəlliyi-o qadının camalı, siması; tükü-var-dövləti; kəsilməsi isə-ölümü kimi açıqlanır. Tovuz quçunun ətini yeən kimsənin arvadı öləcək və mirası ona qalacaqdır. Yuxuda tovuz quşuyla rastlaşmaq-röya sahibinə bir qadından və ya bir qadın vasitəsilə var-dövlət nəsib olacaq.

TOZ-Röyada bir şey üzərinə qonmuş toz görmək-mala işarədir. Yerlə göy arasını toz basmış görmək-röya sahibinin çox qarışıq bir içlə qrşı-qarşıya qaldığına, o işin içindən necə çıxacağını bilməməsinə, çaşqın bir durumda olduğuna yozulur. Pal-paltarın tozunu çırpmaq-fəqirliyə, yoxsulluğa və uzun ömrə əlamətdir. Tozlu-küləkli hava-quraqlıq, qıtlıq anlamındadır.

TOYUQ-Yuxuda toyuq görmək-ağılsız, fəqət gözəl bir qadına, yaxud nəşəli və əsizadə bir xamına işarə sayılır. Toyuq qaqqıltısı-röya sahibinin ziyankar və yalançı adam olduğunu göstərir. Toyuq boğazlamaq-evlənməkdir. Toyuq ovlamaq-halal ruzi və qazancdır. Yuxuda toyuq əti yeyən adam həbsdə olan bir nəfərdən mal əldə edəcəkdir.

TOY-Yaxşılığa yozulmaz, işlərin pozulacağına, gözlənilməz bəd xəbər alacağına işarədir.

TOP SƏSİ-Yuxuda gurlayan top səsi eşitmək-şiddətli dartışmadan irəli gələn fikir ayrılığına, yaxud da darğınığa işarə sayılır.

TOPAL (çolaq)-Yuxuda özünü topal və qoltuq ağacı ilə gəzən görmək-dostların köməyi ilə çətinlikləri aradan qaldıracağınıza yozulur. Sadəcə, topal görmək-xeyrə yozulmaz, çox müşküllərlə qarşılaşaraq yalqız və küməksiz qalmaq anlamına gəlir.

TOPLANMAQ-Röyada səfərə çıxmaq və ya başqa bir evə daşınmaq ərəfəsində ailənin bir araya gəlməsi, toplanması-röya sahibinin həyatında ən önəmli anın yetişdiyinə işarədir. Gənclər üçün bu röya-yaxşı bir təklif alınacağına, hazırki durumun dəyişəcəyinə; orta yaşlılar üçün-tələyə; gənc qadın üçün-edəcəyi bir ziyarət vaxtı sevimli bir adamla tanışlığa və ömrü boyu onunla dostluq edəcəyinə; yaşlı qadın üçün-həyatında, yaşayışında önəmli bir dəyişikliyə yozulur.

TOPLANTI (məclis)-Yuxuda dost-tanışın iştirak etdiyi bir görüşdə və ya məclisdə olmaq-cavanlar üçün xoş bir əyləncəyə; yaşlılar üçün-yüksək bir vəzifə təklifinə; cavan qızlar üçün-çxo sevdiyi bir gənclə görüşməyə; evlilər üçün-xoş və ürəkaçan vəziyyətə yozulur.

TOR-Röyada futbol qapısının torunu, ümumiyyətlə, tor görmək-işlərin bərbad vəziyyətə düşəcəyinə, səhhətin pozulacağına işarə sayılır.

TORPAQ ÇANAQ-Qadına, qulluqşuya və ya uşağa yozulur.

TOXA (kətmən)-Yaxın olduğunuz bir neçə adam sizin və ya sizə yaxın olan bir başqasının əleyhinə əsassız dedi-qodular çıxaracaqdır.

TOXLUQ-Yuxuda qarnının tox olduğunu görmək-bir şeydən usanmağa, sıxılmağa və ya işinizin pozulacağına, etibarınızın itəcəyinə yozulur.

TOXUM-Röyada toxum-uşağa, yaxşı nəsilə yozulur. Toxumluq taxıl-xeyirli kitabları ifadə edir. Xiyar, qabaq, qovun və s. toxumu-qəmdən, kədərdən, ağrı və xəstəliklərdən qurtulmaq kimi açıqlanır. Toxum əkmək-həlli çətin bir işin gerçəkləşməsinə işarədir. Yararsız, qeyri-münbit torpağa toxum əkmək-israfçılıqdır. Torpağa toxum səpmək, eyni zamanda, ruzi, elm öyrənmək, müxtəlif xasiyyətli adamlarla xoş davranmaq kimi də mənalandırılır. Yerə toxum əkdiyini və toxumların da torpağa yapışıb qaldığını görən adam şərəf qazanacaq. Əgər toxumlar yerə yapışıb qalmırsa, röya sahibi qəmə-kədərə düşər.

TOXUMAQ (hörmək)-Röyada bir şey toxumaq (hörmək)-röya sahibinin fitnəkar düşüncələrinə, bəd niyyətlərinə işarədir. Bir şey hörmək, yaxud bu işlə məşğul olan adama tamaşa etmək-gələcəyi parlaq bir dostluğa və yaxşı bir vəzifə tutacağınıza yozulur. Hörgü mili almaq və ya mili sındırmaq-dostunuzla aranızda kiçik anlaşılmazlıq olacaqdır. Yuxuda özünü yun köynək toxuyarkən görmək-dəniz səyahətinə çıxacaqsınız.

TRAMVAY-Heç gözləmədiyiniz köhnə bir dostunuzla rastlaşacağınıza işarə sayılır.

TUMAR-Röyada at tumarlamaq-bir adamın şəfqət və sevgisini qazanmaqdır.

TUMURCUQ-Çiçək və ya ağac tumurcuğu-bol ruziyə, arvadınızın doğacağına işarədir. Xəstə adamın çiçək tumurcuğu görməsi-xəstəlikdən qurtulmağa yozulur. Yuxuda tumurcuq-kiçik uşaqları da ifadə edir. Tumurcuqların sayı uşaqların sayını göstərir.

TUNEL (lağım)-Qatarla tunel içindən keçmək-üzüntü və qəm-qüssə içində keçən günlərin sona çatacağına, fərəhə və rahat yaşayışa yozulur. Qaranlıq bir tunel içindən keçmək-gələcəyiniz üçün yaxşı bir peşə seçməkdə səhvə, xətaya yol verəcəksiniz.

TUNC-Yuxuda tunc-bir yəhudi tərəfindən gələcək mala işarədir. Tunc əritdiyini görmək-röya sahibi dünya malı üçün qovğa edərək dilə-dişə düşəcək, iftiraya uğrayacaqdır. Tunc mədəni-öz etibarı və dünya malıyla öyünən, lovğalanan adama yozulur.

TURP-Yuxuda turp-bədəvi, vəhşi adama, üstünlüyə və halal ruziyə yozulur. Evində turp görən kimsə pis bir davranışda bulunacaq və dərhal da tövbə edib doğru yola qayıdacaq.

TURUNC-Röyada turunc-xəstəlik, üzüntü, kədər, bəzən də, sevgi və eşq hissiylə məsud olmaq anlamına gəlir. Evdə çoxlu turunc görmək-subaylar üçün gözəl və zəngin bir xanıma işarə sayılır.

TURŞ ŞEYLƏR-Röyada turş şeylər yemək-həyatınızı, yaşayışınızı böyük zəhmətlər hesabına qazanacaqsınız.

TUT AĞACI-Röya qışda görülərsə-qışın soyuq keçəcəyinə; başqa vaxt görülərsə-var-dövlətin artacağına yozulur.

TUTUQUŞU-Erkək tutuquşu görən adam açıqsözlü, düzdanışan, mehriban və gözəl bir qadınla rastlaşacaqdır.

TÜK-Röyada tük görmək, tükü əlinə almaq-cavan oğlan üçün-ən gözəl arzu və istəklərinə asanlıqla çatmağa; orta yaşlılar üçün-yumşaq, həlimxasiyyət olduqlarına; qadınlar üçün-bir çox eşq macəralarına yozulur.

TÜL-Cavan oğlanın yuxuda tül örpəkli bir qadın görməsi-onun doğru yola üz tutacağına işarədir. Orta yaşlı adamlar üçün bu röya-şübhə altına alınaraq günahlandırılmağa, lakin sonradan əsl həqiqətin ortaya çıxacağına; subay qadın üçün-heç evlənməyəcəyinə; evli qadın üçün-dilini dinc qoymadığından ailədə narazılıq və rahatsızlıq olacağına yozulur.

TÜLKÜ-Yuxuda tülkü-qatil, yalaçı, aravuran, hiyləgər bir düşmənə, bəzən də geyim-keçimə; subaylar üçün-evlənməyə, ya da hiyləgər qadınlara işarə sayılır. Tülkü öldürmək-şərəfli və ləyaqətli bir qadınla evlənmək, yaxud düşməndən qurtarmaq kimi yozulur. Tülkü dərisindən qazanc əldə etdiyini görən adamın qüvvəti artar, zəfər qazanar, yaxud da arvadı tərəfindən əlinə bir miras keçər. Tülkü əti yemək-xəstəlikdən şəfa tapmaqdır.

TÜMƏ GÖZƏTÇİSİ-Qəbir qazan bir adama işarə sayılır.

TÜTƏK (ney)-Yuxuad çoban sümsüsü, tütək, ney görmək-oyun və əyləncəyə, təhrikə, fitnəyə işarədir. Bəzən fərəh və sevinc anlamına da gəlir. Röyada özünün tütəyi, neyi olduğunu görmək-röya sahibi Qur`anı yaxşı oxuya bilirsə, Qur`ani-Kərimdən həzə və qismətə nail olacaqdır. Yuxuda mələkdən tütək alan kimsə valilik etmək qüdrətindədirsə, bir vilayətin rəhbəri olacaq. Yuxuda tütək, ney çalmaq-röya sahibi Qur`anı öyrənəcək, öyrədəcək və qur`anı gözəl oxuyacaq. Tütək, ney qızıldan olarsa və röya sahibi də həkim, rəhbər işdədirsə, adil hökmdarlığı hər tərəfdə yayılacaq və hikmət sahibi olacaqdır. tütək çalmaq-xəstə üçün ölümə; dedi-qoduçu və böhtançı üçün-xəbərçiliyə; uşaq arzusunda olanlar üçün muradlarının hasil olacağına yozulur.

TÜTÜN QABI-Röyada tütün (siqaret) qabı görmək-yaxın günlərdə bir dostunuzun xoş bir sürprizi ilə qarşılaşacaq, bundan çox şad və xoşbəxt olacaqsınız.

TÜTÜN İYLƏMƏK-Pis xəbərə yozulur.

TÜFƏNG-Röyada tüfəng atmaq-qohumlar və dost-tanış arasında bir anlaşılmazlıq və qovğa olacağına, eyni zamanda, pis xəbərlərə yozulur.

ÜZ (sifət)-Bir kəsin yuxuda öz çöhrəsini gözəl görməsi-işlərinin yaxşı gedəcəyini, müjdə və sevinci ifadə edir. Röyada görülən üz-sarılığa, qısqanclığa və paxllığa, ayrı-seçkiliyə, araqarışdırıcılığa və xəstəliyə işarə sayılır. Yuxuda bədəninin ağ, üzünün qara olduğunu görmək-içiniz çölünüzdən daha sağlam və mənalıdır. Bədəninin qara, üzünün ağ olması-çölünüz içinizdən gözəldir. Üzünün qara olduğunu görən adam çox yalan danışar. Üzünün böyük olduğunu görməkrütbə və yüksk məqamdır. Üzünün qırmızı və tutqun olduğunu görmək-bir bəlaya və kədərə düşəcəksiniz. Üzünün açıq və gözəl olduğunu görən kimsə əxlaqlı və fəzilətli adamdır. Üzünün çirkin olduğunu görmək-pisliyə, rüsvayçılığa yozulur. Üzünün çatlayıb yarıldığını görmək-röya sahibinin həyasızlığına işarədir.

ÜZƏNGİ-Üzəngi ilə ilgili yuxular murada çatacağınıza yozulur.

ÜZMƏK-Yuxuda dənizdə üzdüyünü görən cavan oğlan yad bir məmləkətdə ürəkaçan uğurlar qazanacaqdır. İki sevgilinin dənizdə bərabər üzməsi-gözlənilən bir fəlakət və faciənin onları izləməkdə olduğunu göstərir.

ÜZÜK-Xeyrə yozulur.

ÜZÜM-Röyada üzüm-gözəl və bol ruzidir. Yuxusunda yerdən bir salxım üzüm qaldırdığını görən adam nir qadın tərəfindən çoxlu mala sahib olacaq. Ağ üzüm-xeyrə, şəfaya; qara üzüm-kiçik faydaya işarədir. Lakin bu röyalar üzüntüyə və kədərə də yozula bilir. Röyada yerə düşən üzümü qaldırmaq-az gəlirə, mənfəətə yozulur. Yuxuda təzə üzüm görmək-xeyrə və qadın vasitəsilə əldə ediləcək gəlirə işarədir. Başqa yozumlara görə, yuxuda üzüm-halal ruzini, dostluğu və sevgini də ifadə edir. Üzüm yemək-şərab içmək və a comərd bir adam tərəfindən əldə ediləcək ruzi anlamına da gəlir. Üzüm sıxmaq-bolluğa, xoşbəxtliyə, şadlığa, sevincə əlamət sayılır.

ÜZÜM BAĞI-Yuxuda üzüm bağı, ümumiyyətlə, xeyrə yozulur. Aşağıdakı yozumlara bölünür: -bağda dolaşıb üzüm toplamaq-fərəhli və nəşəli istirahətə. -bağdan gizlicə üzüm oğurlamaq-umulmayan yedən gözlənilməz bir yaxşılıq. -bağda üzümü torpağıyla birlikdə yığmaq-əyləncəli bir toplantıya. -bağda üzüm urası-yaxın vaxtlarda gerçəkləşəcək toy-düyünə. -bağdan salxım-salxım üzüm vermək-xeyirli və şad xəbərə yozulur.

ÜZÜM TƏNƏYİ-Bolluq, varlıq kimi yozulur. Üzüm tənəyi (meynəsi) yuxuda onu basdıran və yetişdirən adam üçün ən böyük şərəf hesab edilir. Üzüm tənəyi-zəngin və şərəfli bir qadına da işarədir. Röyada budanmış üzüm tənəyi aldığını görən kimsə şərəfli və möhtərəm bir qadından mal sahibi olacaq.

ÜYÜTMƏK-Röyada buğda və ya rapa uyutmək-yeni və sevinc dolu xəbərlər alacaqsınız.

ÜLGÜC-Yuxuda ülgüc-oğlan uşağına yozulur. Ülgüclə bir şey kəsmək-başladığınız iş yarımçıq qalmayacaqdır. Ülgüclə ət doğramaq, yaxud heyvan yaralamaq-camaatın zəhləsini töküb rahatsız etməyə, pis sözlərə işarədir. Ülgüc-kinə, düşmənçiliyə, kədər və iztirab verən acı dilə də yozulur.

ÜNNAB AĞACI-Xoşbəxtliyə və sevincə yozulur.

ÜRPƏRMƏK-Kiçik bir rahatsızlığa işarədir.

ÜSYAN-Röyada bir üsyan olayı görmək-röya sahibi yaxın vaxtlarda dostlarının onun haqqında yaydığı dedi-qodulardan xəbər tutacaqdır. Üsyan uğursuzluqla sona çatmışsa, röyanı görən pis bir xəbərlə qarşılaşacaqdır.

ÜTÜ-Yuxuda isti ütü görmək-çox zəkalı olduğunuza, ancaq zəkanıza gərəyindən artıq güvəndiyinizdən zərər gördüyünüzə yozulur. Dərzi ütüsü-xoş xəbərdir. Bir şey ütüləmək-işlərinizin düzələcəyinə işarədir.

ÜFLƏMƏK-Röyada ocağı, ocaqdakı qoru üfləmək-gizlin işin aşkar olacağına, sirr saxlayan adama sirr açnağa işarədir. Yemək bişirmək üçün ocağı üfləmək-mənfəət məqsədiylə bir şeyi göz altına almağa yozulur. Allahın əmriylə Əzrayıl surunun (şeypurunun) üflənməsi-bu səsi yalnız röya sahibi eçitmişsə, iztirablı xəbər təkcə ona aiddir; camaat da eşitmişsə-bütün xalqın sıxıntı və qərarsızlıq içində olacağına yozulur.

ÜŞÜMƏK-Cavan oğlanın yuxuda üşüdüyünü görməsi-həyatda uğu qazanmağa əngəl olan səbəbləri başqasında yox, özünüzdə axtarmalısınız. Daha yaşlı adamlar üçün bu röya-əvvəllər əlinizdən çıxmış bir xətanın qarşınıza çıxacağına, lakin zəka və incə düşüncəylə hərəkət edərək, bunu öz yoluna qoya biləcəyinizə; evli qadınlar üçün-kiçik bir qəzadan qurtulmağa işarədir.

Vaqon – Röyada kömür dolu vaqon görmək-zənginliyə işarədir. Başqa şeylərlə dolu vaqon-bir-birini izləyən çətinliyə, sıxıntıya; içi boş vaqon -qazancı, muzdu az bir işə yozulur.
Vağzal -Yaxın zamanda çozdan arzusunda olduğunuz bir səfərə çıxacaqsınız.
Vadi – Yuxuda yaşıl vadi-yaşayışınızın xoşbəxtlik içində davam edəcəyini göstərir.
Vaiz – Yuxuda vaiz görmək-ətrafınızın bəd niyyəli adamlar tərəfindən sarıldığına işarədir.
Vaz geçmək – Röyada qətiyyətsizlik üzündən bir şeydən vaz geçmək-üzüntüyə, əndişəyə yozulur.
Vali -Röyada vali görmək-üzüntü, sıxıntı, içki içmək, qumar oynamaq, oğurluq və s. bu kimi qeyri-əxlaqi işlərə işarə sayılır. Başqa yozumlara görə röyada vali görmək-xalqa can başla xidmət etməyi göstərir. yoxsul bir adamın röyasında vali olduğunu görməsi-dərcəsinin yüksəlməsi anlamındadır. Röyada vali olduğunu görən hakim rüşvət alıb höm verər.
Valyuta alış verişi – Röyada valyuta işləri ilə məşğul olmaq-böyük miqdarda pul və dəyərli mal-mülk itkisinə işarə olaaqqəbul edilir.
Var-dövlət – Röyada var-dövlət sahibi olduğunu görmək-xeyirli bir xəbər alacağına işarədir.
Vahə – Sıxıntılı günləri arxada qoyub rahat və sevinc dolu bir yaşayışa qovuşmağa işarədir.
Vedrə – Vedrəylə bağlı yuxular belə yozulur:
Boş vedrə- pul itkisidir.
Dolu vedrə-qazancdır.
Yarıyacan dolu vedrə-gözlənilməz bir xəbərdir.
Mis vedrə-pullu qazanclı işdir.
Velosiped - Yuxuda velosiped görən adam çox çətin bir işlə qarşılaşacaq və o iş bir sıra xatırladan, səhvlərdən sonra yoluna qoyulacaqdır. Velosipedlə yoxuş yuxarı çıxmaq-roya sahibinin evindəki və iş həyatındakı bir sra çətinlikləri, axır ki, yenəcəyinə işarədir. Velosipedlə eniş enmək-xoşbəxtlik içində keçən həyat gözlənilməz bəd xəbərlərdən alt-üst olacaqdır.
Vəba – Vəba xəstəliyi ilə ilgili yuxular bu günlərdə böyük bir maddi sıxıntı içinə düşmənizin mümkünlüyünə işarədir.
Vəd vermək – Röyada yaxınlarınızdan birinə nəsə vəd etmək – borc istəmək anlamındadır.
Vəzifədən çıxarılmaq – Arvadını boşamaq kimi yozulur, ya da yeri dəyidirmək analmına gəlir. Özünün işdə çıxarıldığını, yerinə daha yaşlı birinin gətirildiyini görmək-həmin vilayətin rəhbərinə düşmənləri tərəfindən ziyankarlıq yetirləcəkdir.
Vərəm – Vərəm ilə bağlı röyalar xeyrəyozulmur, mənəvi sıxıntı anlamındadır.
Vəsiyyət – Röyada vəsiyyət etdiyini görmək-kədərli olduğunuza; Var-dövlətini başasına vəsiyyət etmək-xeyirxalığa, yardıma, birliyə, barışığa yozulur.
Viza – Yuxuda viza almaq-iraxın dostunuzun yardımı sayəsində düşmüş olduğunuzsıxıntıdan qurtaracaqsınız
Vizit vərəqəsi – Bir nəfərdən yardım təklifi alacaqsınız.
Villa (imarət) – Röyada özünü bir villanın içində görmək-düşmən üzərində qələbəni xəbər verir. Villa-rahatlıq, zəiflik və xoşbəxtlikdir.
Viranəlik (uçuq-sökük yerlər) – xeyrə əlamət eildir. Bu cür röya görən aam pul-maliyyə işlərində daha ehtiyatlı davranmalıdır. Bəzi yozmlara görə, viranəlik-istəyə çatmaq kimi də açıqlanır.
Viski içmək – Zənginliyə, səhhətinizin düzələcəyinə yozulur.
Vitamin – Röyada vitaminli dərmanlar içmək-sağlamlığınıa diqqət yetirməyin gərəkliyinə işarədir.
Vitrin – Yuxuda vitrin görmək-veriləcək göstərişlərin röya sahibini gülünc vəziyyətə salacağına işarədir.
Vulkan (yanardağ) – Yuxuda vulkan püslürməsini gömək-cavan oğlan üçün-çox sayıb, hörmət etdiyi bir böyüyü ilə dalaşacağına və bu səbəbdən də işlərin pozulacağına; orta yaşlılar üçün-heç də istəmədiyi bir dəyişikliyə; gəncqaın üçün-çox sevəcəyi xoş davranışlı, lakin əsəbi biriylə evlənəcəyinə; evli qadın üçün-qonşu və qullqçu ilə qovğa edəcəyinə yozulur.
Vücud (bədən) – Röyada vücudunu şişmiş görmək-qüvvətli düşmənlərə üstün gələcəyinizə yozulur.

YABA-Böyük bir zəhmət və sıxıntı içinə düşəcəyinizə yozulur.

YABANCI (yad)-Röyada bir yabancı ilə tanış olmaq-yeni bir iş imkanı ələ düşəcəkdir.

YAQUAR-Uğur, müjdə işarəsi sayılır.

YAQUT-Yuxuda yaqut görmək-firəvanlıq, şadlıq işarəsidir. Yaqut qaşlı uzuk taxmaq-gözəlliyə, şan-şöhrətə yozulur. Yaqut daşı tapmaq-əlinizə mal keçəcək. Kasıblar üçün bu röya-qüvvətli olmağa, xəstələr üçün cəhənnəmdən qurtuluşa işarədir. Əlində yaquta bənzər bir daş olduğunu görən kimsə soyca şərəfli olmadığı halda, əsil-nəcabət iddiasında olar.

YAĞ-Böyük bir xoşbəxtliyə doğru addımlamaqda olduğunuzu göstərir.

YAĞIŞ-Zərər vermədiyi təqdirdə yuxuda yağış-xeyrə və bolluğa yozulur. Bəzən də yağış-qorxulu bir şeyin olacağını, vəd edilən sözün yerinə yetirilməməsini, müsafir olanın səfərinədn geri qalmasını bildirir. Yuxusunda yağışın yalnız öz evinə yaödığını görən adam xeyrə, xeyirxahlığa çatacaq. Yağışın şəhərin hər yerinə yağdığını görmək- o yerin xalqının xeyirxahlığını və xeyirini ifadə edir. Yağış suyundan içmək-su saf və durudursa, röya sahibi xeyirə qovuşacaq. Yağış suyu bulanıq olarsa, bu sudan içən xəstə olar. Göydən qan, daş-torpaq yağması-zülmü, bəzən də ucuzluq olacağını göstərir. Yağış yağması və sel olub qabağına gələni düzləməsi-hökmdar tərəfindən o yerdə ortaya çıxacaq fitnə-fəsada işarədir. Əkin-biçin adamlarının yuxuda yağış görəməsi-müjdə, ucuzluq və bolluq deməkdir.

YAĞMURLUQ (geyim)-Heç tanımadığınız bir adamın iş həyatında sizə böyük arxa və kömək olacağına işarədir.

YAD MƏMLƏKƏT-Cavan oğlanın yuxuda yad bir məmləkətdə olduğunu və heç yeri tanımadığından çaşqın-çaşqın boylandığını görməsi-vasitəçi və tərcüməçi olmadan həlli müşkül bir işlə qarşılaşmağa yozulur. Orta yaşlı adam üçün bu röya-təcrübəsi olamasa da, gözəl bir işi idarə etmək üçün təklif alacağına; daha yetgin yaşda olanlar üçün-dostlara və yoldaşlara güvənmədiyindən, işin pozulacağına və çətin duruma düşməyə işarədir.

YAZI YAZMAQ-Röyada yazı yazma-hiyləni; yazı yazanı görmək isə-hiyləgər bir adamı ifadə edir. Öz yazısını çirkin olduğunu görən adam günahlarından tövbə edər. Kitab yazdığını görən, lakin onu tamamlaya bilməyən kimsənin işləri yarımçıq qalar. Yuxuda yazı yazmağa çalışmaq, lakin gözəl xətlə yaza bilməmək-röya sahibi qorxu və zəhmət içində olsa da, sonda gözəl nəticələr əldə edəcək. Bir kağız üzərində yazı yazmaq-mirasa qovuşmaqdır. Yuxuda sol əliylə yazı yazan adamın zina yoluyla bir cocuğu doğulacaq və bu uşaq böyüyüb şair olacaqdır. Röyada kitab yazdığını görən kimsə yüngül bir xəstəlik keçirəcəkdir.

YALAQ-Bərəkətə yozulur.

YALAN-Röyada yalan danışmaq və ya yalandan şahidlik etmək-birisi haqqında iftira və pis söz söyləmək kimi yozulur.

YALIN AYAQ-Röyada birisini yalınayaq görmək-yoxsulluq əlamətidir.

YALTAQ, YALANÇI-Ətrafınızı saran yalançı, hiyləgər və şarlatan adamların pisliklərindən özünüzü qorumağın vacibliyinə işarədir.

YANAQ-Yanaq yuxuda-xeyrə, bolluğa və bərəkətə, bəzən də üzüntüyə, kədərə və xəstəliyə işarədir. Qırmızı və ətli yanaq-rütbə və məqama, xəstəlikdən qurtulmağa, qismətə, sevincə yozulur. İki yanaq-gözəlliyi və ya sevimli bir şeyi, ya da o yanaqları öpəcək adamı ifadə edir. Sarı və ya qara yanaq-qorxu, üzüntü və etibardan düşmək anlamındadır.

YANĞINSÖNDÜRƏN-Yuxuda yanğınsöndürən görmək-bir sıxıntıdan qurtulub fərəhə,əmin-amanlığa qovuşacağını xəbər verir. Əgər yanğınsöndürən bir yanğına su atırsa, röya sahibi böyük bir bəladan qurtaracaq, gözləmədiyi bir vaxtda ummadığı bir adamdan yardım görəcəkdir.

YAPALAQ-Röyada yapalağın oxuduğunu eşitmək-birisi tərəfindən aldadılacağınıza işarədir.

YAPIŞQAN-Yuxuda yapışqan görmək-bir müşkülü həll edən ustad və xalq arasında barışıq, mehribançılıq yaradan ağsaqqal bir adam anlamına gəlir. Yapışqan, eyni zamanda, oğru və çapqınçıların yaxalanması kimi də yozulur.

YAPON-Röyasında yapon görən adam əgər subaydırsa, həyatını sadiq və müşfiq birisi ilə birləşdirəcəkdir. Evli üçün də bu röya xeyrə yozulur.

YAPON GÜLÜ (kameliya)-Böyük bir səyahətin xəbərçisi olaraq yozulur.

YARA-Yuxuda yaralandığını, üst-başını qanlı görmək-yaxın dostları röya sahibini pis və şərəfsiz bir iş tutmaqdan çəkindirəcəklər. Qadının belə röya görməsi-sevgilisinin və ya ərinin onu aldatdığına işarədir. Yaradan qan axması-yoldaşlarınızdan biri sizi lağa qoyub gülünc duruma salacaqdır.

YARALANMAQ-Röyada bir adamı yaralamaq-yaralayan qəmə-qayğıya, kədərə dücar olacaq, yaralanan da sıxıntılara məruz qalacaqdır. Bu röya yaralayanın zərərinə, yaralananın kininə işarədir.

YARASA-Yuxuda yarasa görmək-korluğa, sapıqlığa, yoldan azmağa işarədir. Yarasa-gizlicə qeyri-əxlaqi işlər tutmağa və o işlərin aşkara çıxacağına yozulur.

YARIŞ-Röyada bir yarışda iştirak etmək və yarışı udmaq-uğur qazanacağınıza; uduzmaq-peşmançılığa yozulur.

YARMA-Yuxuda yarma və yarma halvası görmək-ölüm xəbəri kimi yozulur.

YARMARKA-Yuxuda yarmarka görmək-geniş miqyaslı bir alış-verişə girəcəyinizə və bu işdən qazanc əldə edəcəyinizə işarədir.

YASTIQ-Yuxuda cavan oğlanın yumşaq bir yastığa dirsəklənib istirahət etməsi-yaxın vaxtlarda onun əlinə fürsət düşəcək və ən kəsə yolla bolluğa və xoçbəxtliyə qovuşacaqdır. Yaşlı adamlar üçün bu röya-xoş və əyləncəli bir istirahətə; subay qadın üçün-pullu bir kişiylə birləşməyə; evli qadın üçün-qiymətli bir dost qazanmağa, yaxud rəsmi bir toplantıya dəvət edilməyə yozulur.

YATAQ-Yeni bir könül macərasına işarədir.

YATAĞAN (qılınc)-Şan, şərəf, etibar rəmzi kimi yozulur.

YAXA-Yuxuda paltarın yaxası-sərvətə və mala; yaxasının bürüşük və əzik olması-zərərə işarədir.

YAXI-Röyada yaxı görmək-sağlamlığınıza diqqət yetirmədiyinizi göstərir.

YAXTA VƏ KATER-Heç vaxt yaxtaya minməmiş adamın yuxuda yaxtaya minməsi xeyirli röyalardandır. Cavan oğlan üçün bu röya-ani və sürətli bir dəyişiklik nəticəsində qazanacağı xoş gələcəyin müjdəsidir. Yaşlı adam üçün-işlərində uğur qazanmağa; ərə getməmiş qızlar üçün-zəngin, lakin yaşlı bir adamla evlənməyə; evli qadın üçün-zəngin və moderi bir həyata yozulur.

YAXŞILIQ-Röyada yaxşılıq edən və bir fəqirə əl tutub yardım etdiyini görən adam şad bir xəbər alacaq, dövlətli olacaqdır.

YAŞILLIQ-Röyada göz işlədikcə uzanan yaşıllıq görmək-uzunömürlü bir dostluq və ululuq, böyüklük anlamındadır. Bir qız bu röyanı görmüşsə, tanıdığı və sevdiyi bir adamla tezliklə ailə quracaq. Özünü yuxuda yaşıl libasda görmək-şərəfə, ululuğa işarədir.

YAŞMAQ-Qadınların yuxuda yaşmaq görməsi-gözəl bi xəbəri ifadə edir. Ərə getməmiş qadınlar üçün bu röya-ərə getməyə, səadətə, ərinin çox zəngin olacağına yozulur.

YEZNƏ-Yeznəsi olmayan birisinin yuxuda yeznə görməsi-düşmənlə mübarizədə qələbə çalmağa, hər cür qorxu və əndişədən qurtarmağa yozulur.

YEYƏ (törnü)-Yaxın vaxtlarda sıxıntılardan qurtulacaqsınız.

YEL XƏSTƏLİYİ (revmatizm)-Röyada yel xəstəliyinə tutulduğunu görmək-qarşıda sizi sıxıntılı günlər gözləyir deməkdir.

YELKƏN-Yuxuda gəmi yelkəni görmək-röya sahibinin səltənət və ya dövlət başqanlığıyla ilgili olmasına işarədir. Özünə yelkən hazırlandığını görmək-röya sahibi səltənətə, qüdrətə və şərəfə yetişəcək. Bu yuxunu görən hökmdardırsa, o, qüvvətli bir ordu yaradaraq güclü bir düşməndən əmin olacaq, vara, qüdrətə, ucalığa yetişəcəkdir.

YELKƏNLİ QAYIQ-Diləklərinizin gerçəkləşəcəyinə yozulur.

YELPAZƏ (yelpik)-Yuxuda yelpazə görmək-rahatlığa, sıxıntılardan qurtarmağa, yoxsulluqdan çıxıb zəngin olmağa yozulur. Xurma yarpağından yepazröya sahibinin arvadına və ya uşağına işarədir.

YEMƏK BİŞİRMƏK-Yuxuda ocaqda yemək bişirmək-həsrətinizə qovuşacaqsınız. Bişmiş yeməyin üstünə su əlavə edərək ət bişirmək-bütün istəkləriniz yerinə yetəcək, xalq arasında şöhrət qazanacaqsınız. Qoyun ətindən xörək hazırlamaq-halal ruziyə, xoş, firəvan güzərana, gözəl yaşayışa işarədir. Sığır ətindən yemək bişirmək də eynilə yozulur. Yırtıcı heyvanların ətini bişirmək-zalım bir bölgəyəvali olmağı; köpək əti bişirmək-alçaq bir məmuriyyəti; köpək əti yağda bişirilərsə-haram malı; ət yağsız isə-yoxsulluğu, sıxıntını, qanuni olmayan qazancı; quş əti bişirmək-halal qazancı ifadə edir.

YEMƏK BORUSU-Bir müddət sıxıntı keçirdikdən sonra bolluğa qovuşacağınıza işarə sayılır.

YEMƏK YEMƏ-Röyada xörək yemək-nə cavanlar üçün, nə də yaşlılar üçün yaxşı röya sayılır. Bəzi xırda-para narazılıqları ifadə edir. Çeşid-çeşid yemək görmək-sosial durumda bir dəyişikliyə; ət yeməkləri-yoxsulluqdan qurtulub zəngin olmağa; bəyaz, səbzəli yeməklər-ərzağa, yeyəcək şeylərinə; turş və sarı rəngli yeməklər-xəstəliyə işarə sayılır.

YENİ İL-Yeni illə ilgili röyalar nişanlı olmağa, evliliyə, eşqə-sevgiyə yozulur.

YENİLGİ (məğlubiyyət)-Yuxuda hər hansı bir məsələdə yenildiyini görmək-həmin məsələdə üstün gələcəyinizə yozulur.

YENİÇƏRİ-Şan-şöhrətə, etibar və uğura işarədir.

YER QAZMAQ-Torpaq qazan bir adamı yuxuda görmək-işdə uğur qazanılacağına işarə sayılır. Cavan oğlan yuxuda torpaq qazdığını görərsə, bu-hardasa başqa yerdə onu böyük var-dövlətin gözlədiyinə yozulur. Yaşlı adam üçün belə röya gözlənilməz dəyişiklik; qadın üçün-bundan sonra hər işdə bəxtinin gətirəcəyi kimi mənalandırılır.

YERƏ BATMAQ-Röyada yerə batmaq-hökmdar tərəfindən meydana gələcək qorxu və təhdidə yozulur. Yerə batdığını görən adam əzaba düşəcək. Heç bir çuxur olmasa da, yerə batdığını və çox dərinə getdiyini görən və ordan çıxa bilməyəcəyini anlayan adam aldadılacaqdır.

YERİMƏK-Yuxuda əyilmədən, dümdüz yerimək-bəd əməllərdən kənar və doğru yolda olduğunuza işarədir. Ayaqyalın yerimək-üzüntü və kədərdən qurtulmaqdır. Əlində bir icra sənədi küçələrdə gəzib-dolaşmaq-vəzifədə irəli çəkiləcəksiniz. Yuxuda yerimək-qorxuya, təhlükəyə və qəzavü-qədərə sinə çəkərək yolçuluq etməyi də ifadə edir. Tək ayağı üstündə yerimək-var-dövlətin və ömrün yarısının getdiyinə işarədir.

YERKÖKÜ-Yuxuda yerkökü yemək sağlamlığınızın çox yaxşı olacağını göstərir. Kök yetişdirmək və ya toplamaq-işinizdə, sənətinizdə daima uğurlar qazanacaqsıb\nız. Bazara gedərkən kök almağı da nəzərdə tutmaq-çox xoş bir toplantıda şərəflə qarşılaşacağınızı xəbər verir. Röyada əlində yerkökü olduğunu görmən adama çətin görülən iş asanlaşacaq.

YETİM-Röyada bir yetimi əzizləmək və ya bir hədiyyə verərək onu sevindirmək-xeyirli bir işə girişərək çoxlu qazanc əldə edəcəksiniz. Yetimi ağlatmaq-işlərinizin pozulacağına işarədir.

YƏHƏR-Röyada yəhər almaq və ya bir yəhərə sahib olmaq-üç qadınla ayrı ayrı evlınməyə işarədir. Yəhər heyvanın sırtında deyilsə, qadına işarədir. Yəhərinə köpək və ya donuz mindiyini görmək-əxlaqsız bir adamın həyat yoldaşına göz dikəcəyinə; yəhər-eyni zamanda, əsilzadə və gözəl qadına yozulur. Özünü yəhərə minən görmək-yuxu sahibi hər işində müvəffəq olub uğurlar qazanacaqdır. Yəhərini sınmış görmək-röya sahibini özü və ya arvadı vəfat edəcək. Atın yəhərini almaq-ayrılığa və ya xoşagəlməz bir sözə yozulur. Yəhər bəzən mala, var-dövlətə də işarə sayılır.

YƏHYA ƏLEYHİSSƏLAM-Yəhya peyğəmbəri yuxuda görmək-röya sahibini yasaqlardan qaçındığına, dinə sıx bağlılığına, günah işləməkdən qorunacağına, var-dövlətə yetişəcəyinə işarədir.

YIRĞALANMAQ-Yuxuda boşluqda, yəni havada yırğalanmaq, sanki uçmaq-həyatda birdən-birə yüksələcəyinizə, etibarınızın artacağına işarədir. Üzmədən suyun üzərində ləngərlənib yırğalanmaq-könül xoşluğuna, fərəhə və səadətə əlamət sayılır.

YIRTMAQ-Yuxuda hirslənib öz paltarını, geyimini cırıb-tökmək-röya sahibi dindardırsa, mövqeyində yüksələcək, dindar deyilsə, qayğıya, sıxıntıya düçar olacaq.

YIXILMAQ-Röyada bir evin yıxıldığını görmək-ölümə işarə sayılır. Bir köhnə binanın və ya öz evinin yıxıldığını görmək-sıxıntıya, qəm-qüssəyə yozulur. Bir qadın yaşadığı evin tavanının uçduğunu görərsə, əri öləcək.

YOZUCU (yuxu yozan)-Yuxuda röya yozucularını görmək-məhzun olanın sevinəcəyinə, çadlıq içində olanların isə məhzun həyata keçəcəyinə, itgin düşənləri barədə bir xəbər bilmək istəyənlərin həmin adamlar haqda xəbər tutacaqlarına işarə olaraq qəbul edilir.

YOL-Röyada uzanıb gedən yol görmək və ya uzun asfalt yolla yerimək-işlərinizdə böhranlı və sıxıntılı bir dövrün yetişdiyinə və buna görə də bir qərara gəlməyin, diqqətli və ehtiyatlı olmağın gərəkliyinə işarə sayılır. Dağlar arasında geniş yol görmək-hər cür narahatlıq və sıxıntıdan qurtulmağa, yaxud uzun bir yolçuluğa yozulur.

YOLDAN SAPMAQ-Yuxuda birinin doğru yoldan sapdığını görmək-o kimsənin haqqdan ayrılmasına, din və məzhəbində yolunu azmasına, doğru yoldan çıxmağa, sapıqlığa, eyni zamanda, doğru yola meyl etməyə işarədir. Röyada yolunu itirən adam pis işlərlə məşğul olar.

YOLDAN ÇIXARMAQ-Yuxuda oğlanın gənc bir qızı yoldan çıxardığını görməsi, onun xəyallar içində üzdüyünü və gerçək həyata qayıtmağın gərəkliyini göstərir. Yoldan çıxarıldığını görən cavan qız isə muradına çatacaq.

YONCA-Röyada yonca xeyrə yozulur. Cavan oğlanın özünü yoncalıqda gəzən görməsi-sevdiyi yeni həyat yolunda uğur qazanmaq üçün yaxşı bir imkan olduğuna öşarədir. Yaşlı adam üçün bu röya-işlərində gözlənilməz bir uğur və bolluq; gənc qızlar üçün-varlı, lakin təcrübəsiz birisinə ərə getmək; evli qdınlar üçün-iqamətgah dəyişikliyi və ya baö evinə köçmək anlamındadır.

YORĞAN-Yuxuda yorğan görmək-rahatlıq, qüvvət, əmniyyət, dinclikvə istirahət anlamındadır. Gənc qızların yorğan görməsi-onları gözləyən xoş gələcəkdən xəbər verir. Qadınkar üçün bu röya-çıxdan görmədiyi bir dostuyla görüşüb qovuşmağa işarədir.

YOX OLMAQ-Röyada yox olmaq, itmək-hər cürə fayda və mənfəətdən uzaq qalmağa, xəstəliyə, həsədə, məhsulun bərəkətsizliyinə işarə sayılır.

YOXUŞ-Yuxuda bir ehtiyac üzündən sarp bir yoxuşa çıxmaq məcburiyyətində qalmaq-axirətdən haqq qazanmaqdır.

YUVA-Röyada bir quş yuvası görmək-ailə xoşbəxtliyinə yozulur.

YUYUNUB-YAXALANMAQ-Tasa və sıxıntılardan qurtulmağa; qulağını yumaq-xoş xəbərlərə; başını yumaq-düşməninizdən üstün olmağa yozulur.

YULAF-Yuxuda yulaf-qazanca və var-dövlətin artmasına işarədir.

YUMURTA-Röyada toyuğun yumurtladığını görən adamın uşağı olacaq.Təzə bişmiş yumurta-asan qazancdır. Çiy yumurta yemək-haram mala, zinakarlığa, hüzn və kədərə işarədir. Çoxlu yumurtası olduğunu görən adamın mal və əşyasının əldən getmək ehtimalı var. Yumurta qabığı yemək-bu röyanı görən kəfən soyar, ya da örtülü bir şeyin üstünü açar. Ümumiyyətlə, yumurta ilə ilgili röyalarürəkaçan yuxulardan sayılmır.

YUN-Röyada yun paltar geymiş bir adam görmək-dəyərli və çoxlu mal əldə etməyə yozulur. Yun görmək-kədərdən qurtulmaq və külçə gümüş kimi də açıqlanır. Yun üstündə yatmaq-arvadınız tırıfindən çoxlu sərvət sahibi olacaqsınız. Yunun yandığını görmək-sərvətin əldən getməsinə işarədir.

YUPİTER-Röyada Yupiter planetini görmək-dövlət xəzinəsinin dəftərdarı və ya köməkçisi anlamına gəlir. Yupiteri Ayla birlikdə görmək-alış-veriş, ruziyə, qədir-qiymətin yüksəkliyinə işarədir. Yupiterin aşağı endiyini, yaxud yandığını görmək-nağılçıya, hədisçıyə, röya yozuçusuna, qəmdən-sərdən yazan şairlərə, namaza, oruc tutmağa, ibadətə və həccə yozulur.

YUXU-Röyada özünü yatmış görmək-dalğınlığa, tənbəlliyə, işsizliyə, yaxud da istirahətə işarədir. Özünü məzr və ya yol üstündə uyuyan görmək-xətələr üçün ölümə; sağlam adam üçün-ətalətə, bekarçılığa, boş-boşuna oturmağa yozulur. Xalqı yuxuda görmək-tasaya, qəm-qayğıya, bahaçılığa, yaxud müşkül və qarışıq işlərə əlamət sayılır. Üzüqoylu uyumaq-xeyrə yozulmur. Yuxu-qızlar üçün nigaha; oğlanlar üçün yozsulluğa, eyni zamanda, günahların bitməsinə işarədir. Yuxuda qorxu içində olduöunu görən adam qorxudan qurtulur. Arxası üstə yatdığını görmək-xoş davranışlardan uzaqlaşmağı, qəfləti; sağ böyrü üstə yatmaq-xeyirli bir işi; çoxlu ağac altında yatmaq-nəslin böyük olduğunu ifadə edir.

YUXU DƏRMANI – Röyada yuxu dərmanı içdiyini görən adam üzüntülü günlər görəcək, lakin çox keçmədən fərəhə, sevincə qovuşacaqdır.

YÜK (tay)-Röyada yük, səfər əşyaları yığılmış heybə, xurcun, çemodan və çanta kimi şeylər görmək-uzaq səfərə yozulur. Görülən yük, heybə, çanta və s. gözəl və təzədirə, qarşıdakı səfər xeyirli və mənfəətli olacaq, əksinə, köhnədirsə səfərin sıxıntılı keçəcəyi gözlənilir.

YÜK-Yuxuda belində yük daşıdığını görən adam yüksək məqam və mənsəb sahibi olacaq. Yük maşını-sıxıntı içinə düşəcəyinizə işarədir.

YÜK QATARI-Bəzi ayıblı olaylarla qarşı-qarşıya qalacağınıza yozulur.

ZABIT-Yuxuda hərbi gyimdə bir polis və ya zabit görmək-dartışmaya və əndişəli üzüntülərə səbəb olacaq bir çağrıya (dəvətə) işarədir.

ZANBAQ-Eşq və gözəl niyyət əlamətidir.

ZARAFAT-Bir komediya artistinin gülüşlə, zarafatla, hazırcavab ifadələrlə dolu çıxışına tamaşa edib gülmək-xoş xəbərlər alacağınıza əlamətdir. Zarafatdan xoşlanmamaq-önəmli bir sosial vəzifəni unutmuş olduğunuzdan əfv diləmək məcburiyyətində qalacağınıza dəlalət verir.

ZAHI QADIN-Bu röya kişilər üçün xoş bir iş müjdəçisi olaraq yozulur. Qadını yuxuda özünü yenicə doğmuş görməsi-keçici bir xəstəliyə: doğum yatağından durmuş görməsi isə-xeyrə və sağlamlığa işarə sayılır.

ZEYTUN AĞACI-Muradınıza çatacaq, istəklərinizə yetişəcəksiniz.

ZƏİFLİK-Röyada özündə zəiflik, gücsüzlük hiss etmək-qorxuya; zəiflikdən şikayət etmək isə-istəyə qovuşmağa yozulur.

ZƏKAT-Röyada zəkat verdiyini görən adam son dərəcə sevindirici bir xəbər alacaq və işləri düzələcəkdir. Birisindən zəkat pulu almaq-bəzi yozuculara görə, bolluq və bərəkətə, bəzilərinə görə isə, fəqirliyə və çətin güzərana işarə sayılır.

ZƏLİ-Yuxuda zəli-röya sahibinin coluq-cocuğuna işarə sayılır. Burnundan və ya başqa bir yerindən zəli çıxdığını görən adamın arvadı uşaq salacaq.

ZƏNBİL-Bolluq və bərəkət işarəti olaraq yozulur.

ZƏMZƏM SUYU-Röyada zəmzəm suyu içdiyini görən adam dərd və xəstəliklərdən qurtulur, arzularına çatır.

ZƏNG-Röyada qapı və ya məktəb zənginə oxşar bir səs eşitmək-xeyrə əlamətdir. Cavan oğlan üçün-daha yüsək bir mənsəbə çatacağına; yaşlı adam üçün-durumunda daha xoş bir dəyişiklik olacağına; ərə getməmiş qız üçün-xəşbəx bir ailə quracağına; evli qadın üçün-gələcəyi parlaq bir oğlan uşağı doğacağına yozulur.

ZƏNGİN (varlı) ADAM-Yuxuda varlı bir adam görmək-sıxıntı içində olmağa işarədir.

ZƏR-Röyada zər oynatmaq və oyunu udmaq-haram mala və pul itgisinə işarədir.

ZƏRGƏR-Röyada zərgə rvə ya qızıl əşyalar satan bir adam görmək-sevincə işarədir. Yuxuda zərgər görmək, bəzən, riyakarlığa, hiylə və yalana, elmə, haqq yoluna, evlənməyə, övlada da yozula bilir. Röyada zərgər görmək, eyni zamanda, özünə xeyri olmayan pis və yalançı bir adam anlamına da gəlir.

ZƏRF-Yuxuda zərf-mühüm bir sirri öyrənməyə, üstünlüyə, öncüllüyə işarədir.

ZƏFƏR-Röyada zəfər qazanmaq-sıxıntı içində olduğunuza yozulur.

ZƏFƏR TAĞI (alaqapı)-Bir yerdən mükafat alacağınıza işarədir.

ZƏFƏRAN-Sevincə, xoşbəxtliyə yozulur.

ZƏHƏR-Yuxuda zəhər görmək-malı, sərvəti ifadə edir. Zəhər içirildiyini və bədəninin şişdiyini görmək-röya sahibinə bir yerdən mal gələcək, sıxıntı və kədərdər qurtulacaq. Yuxuda zəhə içdiyini görən adamın ömrü uzun olar. Öldürücü zəhər-ölümü, üzüntü əv kədəri ifadə edir.

ZİBİLXANA-Röyada görülən zibilxana-çoxlu mala, var-dövlətə yozulur. Özünü zibillik bir yerdə görmək-miras olaraq əlinizə sərvət keçəcək.Yuxuda özünü çirkab içində görən adam əgər xəstədirsə və öləcəyindən qorxursa, bu qorxudan qurtulacaq. Bu röya, eyni zamanda, dünya mülkünü toplamağa da işarə sayılır. Yoxsul adamın belə yuxu görməsi-fəqirlikdən, kasıblıqdan qurtarmağa və ya bir mirsa qovuşmağa; subay adam üçün-evlənməyə yozulur. Röya sahibini rəhəbər içdə işləmək qabiliyyəti varsa, belə bir məqama nail olacaqdır. Yuxuda zibillik, bəzən də, dövlət malına, yetimxanaya işarə sayılır. Zibillikdə çılpaq olduğunu görən adam vali və ya rəhbər işdədirsə, vəzifəsini itirəcək; yoxsul isə-varlanacaqdır.

ZİYAFƏT-Röyada ziyafət vermək-xeyir işlərə toplanmaq və itgin bir adamın qayıtması anlamındadır. Bir topluluğu ziyafətə dəvət etdiyini və orda yemək yeyildiyini görən adam o topluma başqan olacaq.

ZİYİL-Röyada ziyil-mal-dövlətdir. Əlində, yaxud ayağında ziyil görmək-getdikcə artıb-çoxalan sərvətə yozulur.

ZİNDAN (dəmirçi zindanı)-Əmin-amanlığa işarədir. Zindan üstündə dəmir döymək-özünə güvənməyə və işdə qazanılacaq uğura yozulur.

ZİNCİR-Yuxuda zincir görmək-ömrü uzun qadını, halal malı, qorxunu, günahı, işlərin durğunluğunu və çətinləşməsini ifadə edir. Boynunda zincir olduğunu görən adam əxlaqsız bir qadınla evlənəcək.

ZİRƏ BİTKİSİ-Xeyrə yozulmur, üzüntulu bir xəstəliyə işarədir.

ZİRZƏMİ-Yuxuda şərab çəlləkləriylə dolu ambar və ya zirzəmi görmək-ailə səadətinə işarədir. Ərzaqla ağzınacan dolu zirzəmi-pul və maliyyə baxımından gələcəyinizin təmin olunduğuna, uzun və xoşbəxt bir ailə həyatı yaşayacağınıza yozulur. Boş zirzəmi-qocalığınız xoşbəxt və dərd-sərsiz keçəcək. Su ilə dolu zirzəmi-yabancı adamlara bəzi məhrəm işləriniz barədə qətiyyən söz açmamanız məsləhətdir.

ZOOPARK-Röyada uşaqlarıyal birgə zooparkda gəzmək-bir müddət sıxıntı və əndişə içində qalacaq, sonra istəməriyiniz bir məsuliyyəti üzərinizə götürəcəksiniz. Görülən heyvanlar çox yırtıcıdırsa və onlardan qorxmursunuzsa, işlərinizdə bəzi anlaşılmazlıqlar olacaqdır. Yuxuda heyvanları tək-tənha seyr edirsinizsə, yeni bir vəzifə diləyində bulunduğunuza yozulur.

ZOPA-Yuxuda əldə zopa dolaşdığını görmək-bir dostunuza yaxşılıq edəcək və ya dostunuzdan yaxşılıq görəcəksiniz. Zopa ilə birisini vurmaq-hürriyyətə qovuşacaq və ya ailənizdən ayrılaraq ayrıca ev alacaqsınız. Zopayla vurduğunuz adam haqlı yerə vurulmuşsa, düşmənlərinizə və sizəi istəməyənlərə qarşı mübarizədə qəti zəfər qazanacaqsınız.

ZÖKƏM (tumov)-Röyada zökəm olduğunu görmək-həyatda daha mətin və qabiliyyətli olmağın gərəkliyinə yozulur. Bu röya-yolçular üçün gözlənilən xəbərin gecikəcəyini göstərir.

ZÜLM-Röyada iqtidar sahibi adamlardan zülm görmək-erkən ölümə işarədir. Özünü zalım, zülmkar görmək-yoxsulluqdur. Yuxuda zalımlığını etiraf edən adam tövbə edər. Zülmünü gördüyünüz adama bəd dua etmək-müjdə və sevincə yozulur.

ZÜMRÜD-Yuxuda zümrüd-halal mala, xeyirxahlığa, uğur qazanmağa işarə sayılır. Dəlikli zümrüd görən qadın güzəranın pisliyi üzündən ərindən boşanaraq başqa kişiyə ərə gedəcək və ya dedi-qodu ünvanı olacaqdır.

ZÜRAFƏ-Boylu qadına, yaxud ərinə itaət etməyən arvada yozulur.

Sağol bucür gözel bir mövzu üçün. Mence azeri.net saytında yuxu yozmaları bölmesi de olmalıdır.

Saytub en çox oxunan mövzularından biri yuxu yozmaları mövzusudu deyesen :)

Salam əziz fiziki qüsurlu insanlar.

[ sahesinde ölkemizin bir nömreli saytıdı. Çox sağolun bu cür sayta göre. Çox teşekkür edirem.