Murad Dadaşov və onun yeni tele şousu

Bir-birindən maraqlı telelayihələrlə tamaşaçıları sevindirən tanınmış şoumen Murad Dadaşov yeni realiti-şou hazırlayır.
"Gonbullar" adlanacaq yeni şounun Novruz bayramı ərəfəsində efirə getməsi planlaşdırılır. Bu haqda məlumat verən şoumen proqramda kök insanların həyat tərzinin ön planda olacağını bildirib":: "Bəziləri elə fikirləşirlər ki, kök insanların vaxtı sadəcə yemək yeməklə keçir. Belə insanlar çox vaxt ictimaiyyət arasında sıxılır, özlərini cəmiyyətdən təcrid edilmiş kimi hiss edirlər. Onların bir çoxu qapalı həyata üstünlük verir, özlərinə məxsus komplekslər altında yaşayırlar. Bu telelayihəni hazırlamaqda əsas məqsədim kök insanların cəmiyyətin normal üzvləri olduğunu göstərmək, onların adi yaşayış tərzinə qayıtmalarına yardım etməkdir". 14 kök insanın qatılacağı realiti-şou bir neçə ay davam edəcək.

525ci qazet