Mobil telefon bazarında inqilab

Ən yüksək təsvir ölçülü ekranla təchiz olunmuş mobil telefon hazırlanıb
Tayvanın “Qisda” şirkəti təsvir ölçüsü 1280x1024 piksel təşkil edən 4-düymlü ekranla təchiz olunmuş “QCM-330” mobil telefonunu təqdim edib.
Bu, hələ kütləvi istehsala verilməmiş 1024x768 piksel ekranlı “Apple iPad” planşetinin müvafiq göstəricilərindən də yüksəkdir.
“QCM-330” Avropanın “Vodafone” mobil rabitə operatorunun yaxın gələcəkdə buraxacağı bir neçə telefondan biridir. Üç meqapikselli kamera, akselerometr və “Wi-Fi” modulu ilə təchiz olunmuş yeni telefon yüksəksürətli HSDPA şəbəkələrini dəstəkləmək imkanına malikdir. Onun hansı əməliyyat sistemi ilə idarə olunacağı isə hələ məlum deyil.
Xatırladaq ki, indiyədək ən iri təsvir ölçülərindən birinə “Motorola Droid” telefonlarının ekranlarında rast gəlmək olardı. Həmin telefonların təsvir ölçüsü 854x480 pikseldir. Bu cür göstəricilər yeni “LG GD880” telefonlarında da olacaq.



[