Ramazan süfrəsi üçün şirniyyat

Ramazan süfrəsi üçün şirniyyat

Ailə üzvlərinizi sevindirin
[

Darçınlı şokoladlı peçenye

5 x/q kərə yağı
1 stəkan şəkər kirşanı
1 ədəd limon qabığı
2 ədəd sürtgəсdən keçirilmiş portağal qabığı
3 ədəd yumurta sarısı
1,5 stəkan un
1 ç/q qabartma tozu
2 ç/q darçın
1 d/q (desert qaşığı) hindqozu
1 stəkan çəkilmiş fındıq
Duz

Üstü üçün: 2 paket aсı şokolad
2 x/q qaşığı şəkər kirşanı

Kərə yağı, şəkər kirşanı, sürtgəсdən keçirilmiş limon və portağal qabıqlarını mikserlə çalın, üzərinə yumurta sarılarını əlavə edin. Ələnmiş un, qabartma tozu, darçın, hindqozu və duzu bir qabda qarışdırın. Alınan kütləni yavaş-yavaş kərə yağlı qarışığa tökün, fındıqları da əlavə edib qarışdırın. Alınmış xəmiri folqaya büküb 1 saat soyuducuda saxlayın. Soyuducudan çıxarıb yayın və yumru formalarda kəsin. Kəsdiyiniz hissələrin yarısının üstündə kiçik deşiklər açın. Tavanı yağlayıb kağız salın, üstünə peçenyeləri düzüb yarım saat soyuducuda saxlayın. Sonra160 dərəcə qızdırılmış sobada 15 dəqiqə bişirin. Soyuduqdan sonra şokoladı əridib deşiksiz peçenyelərin üzərinə sürtün, deşikli peçenyeləri üstünə qoyun, əridilmiş şokolad və şəkər kirşanı ilə bəzəyin.


Kakoslu keks

3 yumurta
1 stəkan qatıq
1 stəkan bitki yağı
1 qabartma tozu
1 vanil
1,5 stəkan şəkər tozu
3 stəkan un
3 x/q kakao

Böyük qabda yağ, şəkər, yumurta və qatığı qarışdırın. Üzərinə un, qabartma tozu, vanil tökün. Bunları qarışdıraraq keks xəmiri hazırlayın. Başqa bir qaba kakaonu töküb üstünə xəmirdən iki xörək qaşığı əlavə edin və qarışdırın. Yağlanmış yumru keks qəlibinə əvvəlcə sadə xəmirin yarısını, üstünə kakaolu xəmiri, sonra qalan sadə xəmiri töküb 150 dərəcə qızdırılmış sobada 45 dəqiqə bişirin.