Göbələkli xanı balığı resepti

[

Balıqdan hazırlanan daha bir dadlı yemək - Göbələkli xanı balığı resepti.

Tərkibi:
500 qram xanı balığın filesi
2 ədəd soğan
200-300 qram şampinyon göbələyi
2 x.q. ağ quru şərab
1/4 limon
Şüyüd,duz, istiot, un

Hazırlanma qaydası:
Balığın filesini yuyub qurulayaraq duz və istiot səpin. İstəsəniz, fileni dilimlərlə də doğraya bilərsiz. Sonra doğranılmış balıq dilimlərini unlayıb tavada bitki yağında 10-15 dəqiqə ərzində qızardın.
Şampinyonları nazik dilimlərə doğrayın.
Soğanı xırdalayıb digər tavada bitki yağında qovurun. Üzərinə doğranmış şampinyonları əlavə edib duz səpin, 15-20 dəqiqə ərzində bişirin.
Balığın üzərinə bişmiş şampinyonla soğanı əlavə edib, qarışdırın. Daha sonra üzərinə ağ şərab tökün, limon suyu və xırda doğranılmış şüyüdü əlavə edin.
Tavanın qapağını örtün, 3-5 dəqiqə ərzində bişirin. Sonra dəm alması üçün odu söndürüb 5 dəqiqə ərzində gözləmək lazımdır.
Süfrəyə verərkən balığı zövgünüzə görə bəzəyin.
Nuş olsun!