Hər kəs öz sevdikləri ilə birlikdə olacaq

Son günlər mətbuatda qiyamətin vaxtı haqqında yazmaq dəb halına gəlib.

Yalançı falçılar, uydurma nostradamuslar qiyamətin nə vaxt qopacağı haqda ağıllarına gələn rəqəmləri söyləyirlər. Bəri başdan deyək ki, əgər kimsə qiyamətin nə vaxt qopacağını söyləyirsə, onun yalan danışdığına yüz faiz əmin olun və heç çəkinmədən üzünə deyin ki, sən yalançısan, fırıldaqçısan. Çünki Allah Rəsulu bu haqda bir şey deyə bilməyibsə, bu gün fırıldaqçı falçıların sözlərinə inanmaq nə qədər doğru olar? Amma biz bu məsələyə başqa yöndən yanaşmaq istəyirik.
Bir dəfə Allah Rəsulu ibadətlə məşğul olarkən, bir çöl ərəbi gəlib yanında durur. Peyğəmbərimiz tez namazını tamamlayıb ona tərəf dönür və nə istədiyini soruşur. Çöl ərəbi “Ya Rəsulullah, qiyamət nə vaxt qopacaq?” soruşur. Rəsulullah “Qiyamətə nə hazırlamısan ki?” deyə sualı sualla qarşılayır.
- Elə bir hazırlığım yoxdur, amma Allahı və onun Rəsulunu çox sevirəm, - deyir.
Rəsulullah gülümsünür və: “Qiyamət günü hər kəs öz sevdikləri ilə birlikdə olacaqdır”, - buyurur.
Başqa bir hədisi-şərifində Peyğəmbərimiz:
- Əgər qiyamətin qopduğunu görsəniz və əlinizdə bir fidan varsa, siz heç nəyə fikir vermədən o fidanı əkin, - buyurur.
Çox maraqlı, mənalı və ibrətli kəlamdır deyilmi? Lap tutaq ki, qiyamətin nə vaxt qopacağından xəbərdarsan, əlindən nə gələr ki? Bu hədisi-şərif insanın öz boyunu aşan işlərə baş aparmamasını sadəcə, öz vəzifəsini yerinə yetirməsini tövsiyə edir.
Başqa bir məsələ, insan öldükdən sonra onun imkanları sıfıra enir. Yəni qazanacağımız savabları da, işlədiyimiz günahları da biz həyatda ikən yerinə yetiririk. Öləndən sonra bizi qiyamətə qədər qazancsız, zərərsiz bir yol gözləyir. Bu mənada hər insanın qiyaməti elə öz ölümü ilə başlayır. Ölüm hər birimizi hər an yaxalaya bilər. Bir saat sonra da, bir həftə sonra da, beş il sonra da. Ona görə də əsas məsələ qiyamətin nə vaxt qopacağında deyil, bizim axirətə hansı tədarüklərlə getməyimizdədir.

Cox sagol ELif gozel idi.senin kimi qizlar cox azdi bu zamanede.

408.Əbu Hureyra (r.a) rəvayət edir ki, Peyğəmbər (s.a.s) dedi: “Bir-birinizə nifrət etməyin, bir-birinizə həsəd aparmayın. Ey Allahın qul¬ları, qardaş olun!”
[ Səhihdir ]


عن أبى هريرة عن النبي صلى الله عليه وسلم قال تجد من شر الناس يوم القيامة عند الله ذا الوجهين الذي ياتى هؤلاء بوجه وهؤلاء بوجه


409. Əbu Hureyra (r.a) rəvayət edir ki, Peyğəmbər (s.a.s) dedi: “İkiüzlü adamı Qiyamət günü Allah yanında insanların ən pisi görəcəksən. O (elə bir) kimsədir ki, bunlara bir üzlə yaxınlaşır, onlara da bir üzlə”.
[ Səhihdir ]

عن أبى هريرة قال قال رسول الله صلى الله عليه وسلم إياكم والظن فإن الظن أكذب الحديث ولا تناجشوا ولا تحاسدوا ولا تباغضوا ولا تنافسوا ولا تدابروا وكونوا عباد الله إخوانا


410. Əbu Hureyra (r.a) rəvayət edir ki, Peyğəmbər (s.a.s) dedi: “Zənnə qapılmaqdan çəkinin! Çünki zənn ən yalan sözdür. Bir-birinizə kələk gəlmək məqsədilə malın qiymətini qaldırmayın, bir-birinizə həsəd aparmayın, bir-birinizə nifrət etməyin, bir-birinizlə rəqabət aparmayın, bir-birinizə arxa çevirməyin. Ey Allahın qulları, qardaş olun!”
[ Səhihdir ]

عن أبى هريرة أن رسول الله صلى الله عليه وسلم قال تفتح أبواب الجنة يوم الإثنين ويوم الخميس فيغفر لكل عبد لا يشرك بالله شيئا إلا رجل كانت بينه وبين أخيه شحناء فيقال انظروا هذين حتى يصطلحا


411.Əbu Hureyra (r.a) rəvayət edir ki, Peyğəmbər (s.a.s) dedi: “Bazar ertəsi və cümə axşamı Cənnətin qapıları açılır və (müsəlman) qardaşına nifrət edən kimsədən başqa Allaha heç nəyi şərik qoşmayan hər kəsin günahları bağışlanır. (Bir-birinə nifrət edən iki qardaş haqqında isə belə) deyilir: “Bu ikisini aralarındakı münasibətləri düzəldənədək gözləyin (onların bağışlanmasını təxirə salın)”.
[ Səhihdir ]

عن أبي الدرداء يقول ألا أحدثكم بما هو خير لكم من الصدقة والصيام صلاح ذات البين ألا وإن البغضة هى الحالقة


412. Əbu Dərda (r.a) dedi: “Sizə sədəqədən və orucdan daha xeyirli olan əməl barədə xəbər verimmi?” (Sonra sözünə davam edərək dedi): “(Bu,) küsülü olanları barışdırmaqdır. Diqqət edin! Həqiqətən, nifrət (dinin kökünü kəsən bir) dəlləkdir”.