Ayət namazı

Ayət namazı - vacib namazlardan biridir. Ayət namazı gün və ay tutulduğu, zəlzələ, yaxud insanların qorxmasına səbəb olan bu kimi təbiət hadisələri baş verən zaman qılınmalıdır. Əgər eyni gündə həm gün tutularsa, həm də zəlzələ baş verərsə, onların hər biri üçün ayrı-ayrılıqda ayət namazı qılmaq lazımdır. Ayət namazı hadisənin canlı şahidi olanlara vacib olur. Yaxşı olar ki, ayət namazı hadisə baş verəndə (ay və ya günəş tutulan zaman) qılınsın. Vaxtı keçdikdə isə qəza niyyəti ilə namaz qılmaq lazımdır. Heyz və nifas halında olan qadınlara ayət namazını qılmaq vacib deyil. Ayət namazı 2 rükət qılınır. Niyyət etdikdən sonra Həmd və İxlas surələri oxunur, rüku yerinə yetirilir, sonra rükudan qalxıb yenidən Həmd və İxlas surələri təkrar oxunur və bu əməl beş dəfə təkrar olunur. Beşinci rükudan sonra iki səcdə yerinə yetirilir. İkinci rükət də eyni qaydada təkrar olunur və təşəhhüd və salamlarla sona çatdırılır.

Karvan Jurnalı

::yerivar:: allah razi olsun