Peyğəmbər və biz

Günlərin biri Peyğəmbər (s.ə.s) qapımın zəngini çaldı, tələm-tələshik qapıya tərəf yüyürüb açdım və onun əlindən öpmək istədim. Amma buna mane oldu. Dəvətimi qəbul edib otağa daxil oldu. Divanda oturmasını xahiş etdim, amma yerdə bardaş qurub oturdu. Nə edəcəyimi bilmirdim, diz üstə çöküb qarşısında oturdum. Bir xeyli bir-birimizə nəzər saldıq. Sonra məndən soruşdu:
«Namazlarını qılmısan?». Dünya başıma fırlandı, utana-utana «Sübh namazını qəzaya verdim, günortanı namazını isə işdə olduğumdan qıla bilmədim, indi qılmaq istəyirdim». Buyurdu: «Saatdan xəbərin var? Səhabələrim gecələrini ibadətlə keçirər, gündüzlər isə qızmar günün altında əkinçiliklə məşğul olardılar. Saatları olmasa da namazlarını qəzaya verməzdilər».
Sonra ailə vəziyyətimi soruşdu: «Ailəliyəm, bir uşağım var, tərbiyəçi elə indi gətirəcək. O, uşağın həm tərbiyəsi ilə məşğul olur, həm də ingilis dilini öyrədir» dedim. Təəccüblə soruşdu: «Bəs anası nə işlə məşğuldur?» Dedim: «O, xarici şirkətdə işləyir, indi xaricdə məzuniyyətdədir». Soruşdu: «Uşağa Quran öyrətmisən?». Cavab verdim: «Axı, buna vaxtım olmur, tərbiyəçi də rusdilli olduğundan öz dilimizi öyrətməyə belə çətinlik çəkirəm». «Xanımın hicab bağlayır?»- deyə sual etdi. Dedim: «Ya rəsulullah, o müsəlman deyil». Dedi: «Necə? Müsəlman deyil? Məgər Quranda müsəlmanın qeyri-müsəlmanla evlənməsinin haram olduğunu bilmirdin?»
Sonra soruşdu: «Ata-ananla, bacı-qardaşlarınla əlaqən var?» Dedim: «Üç ay bundan əvvəl bayramlaşmağa getmişdim, vaxtaşırı telefonla əlaqə saxlayırıq. Amma o birilərini çoxdandı görmürəm». Buyurdu: «Məgər Quranda ata-analarınızla gözəl davranın, onlara xoş sözlər deyin ayəsini oxumamısan?».

Soruşdu: «Oruc tutursan? Həccə necə, getmisən?». Dedim: «Düzünü desəm, aclığa heç dözümüm yoxdur, amma hər Ramazan ayı üç gün oruc tuturam. Həccə isə özüm getməsəm də hər il bir-iki nəfəri göndərirəm». Buyurdu: «Məgər Quranda hər iki hökmün üzürsüz olaraq tərk olunmamalı olduğundan xəbərin yoxdur?». Öz-özümə dedim: «Əgər qazancımın xümsünü soruşsa nə deyəcəyəm?». Peyğəmbər (s.ə.s) sanki ürəyimi oxudu. Başını bulayıb buyurdu: «Yəqin ki, qazancının artıq qalan hissəsini də banklara yatırıb üzərinə gələn faizlərlə artırırsan». Bir söz deyə bilmədim.

Qalxıb getmək istədi. Qalmasına nə qədər israr etsəm də, razı olmadı. Qapının kandarında gözüyaşlı halda buyurdu: «Mən sizə belə bir din qoyub getdimmi? Qiyamət günü Kövsər hovuzunun kənarında mənim qarşıma gəldiyiniz zaman sizə necə şəfaət edim? Məgər Allah-Təala siz müsəlmanları ən xeyirli ümmət adlandırmadı? O, Öz kitabında sizdən Özünə, mənə və içinizdən olan ixtiyar sahiblərinə tabe olmasına dair əhd-peyman almadı? Məhşərdə əlinizə Quran verildiyi zaman nə oxuyacaqsınız, özünüzü hansı ümmətə aid edəcəksiniz?» Bunu deyib qapını örtüb getdi.

Ömrümdə olmadığım peşmançılıq içində yuxudan oyandım. Nə yaxşı ki, bütün bunlar yuxu idi.

Cox sag ol Emin ela movzuduu men cox sevireem dine ayid movzulariii :alqis:

Peyğəmbərimizin dini suallara cavabı

Rəvayətdir ki, bir gün Həzrət Mühəmməd risalət pənah məclisində oturmuşdur. Təsadüfən bir ərəb daxil oldu və Həzrətə salam etdi. Həzrət cavab verdi və buyurdu:- haradan gəlirsən ərəb?
Ərz etdi uzaqdan gəlirəm və sizə bir neçə sualım var, cavabını sizdən istəyirəm.
Həzrət buyurdu: - soruş cavabını eşidərsən.
Ərz etdi:
1. İstəyirəm xalqın alimi olam.
Həzrət buyurdu: - Allahdan qorx.
2. İstəyirəm Allah dərgahında yaxınlardan olam.
Həzrət buyurdu: - Gecə və gündüz Quran oxu.
3. İstəyirəm həmişə mənim ürəyim işıq olsun.
Həzrət buyurdu: - Ölümünü yaddan çıxarma.
4. İstəyirəm haqqın rəhmətində olam.
Həzrət buyurdu: - Allahın xəlqinə yaxşılıq et.
5. İstəyirəm düşməndən mənə zərər yetişməsin.
Həzrət buyurdu: - Həmişə Allaha təvəkkül et.
6.İstəyirəm xalqın gözündə xar olmayım.
Həzrət buyurdu: - Pəhriz et özünü təmiz saxla.
7. İstəyirəm ömrüm uzun olsun.
Həzrət buyurdu: - Qohum əqrəbanı yada sal, kömək et.
8. İstəyirəm ruzum bol olsun.
Həzrət buyurdu: - Həmişə dəstəmazlı ol.
9. İstəyirəm cəhənnəm odunda yanmayım.
Həzrət buyurdu: - Gözünü, dilini bağla naməhrəmə baxma, qiybət etmə.
10. İstəyirəm biləm günahları nə ilə tökürlər.
Həzrət buyurdu: - Allaha yalvarmaq, tövbə etmək sadəliklə.
11. İstəyirəm Xalqın ağırlarından olam.
Həzrət buyurdu: - Heç kəsdən heç bir şey istəmə.
12. İstəyirəm həya pərdəm yırtılmasın.
Həzrət buyurdu: - Özgəsinin pərdəsini yırtma, sirrini açma.
13. İstəyirəm qəbrim dar olmasın.
Həzrət buyurdu: - Mülk sürəsini həmişə oxu.
14. İstəyirəm malım çox olsun.
Həzrət buyurdu: - Hər gecə Vaqiə surəsini oxu.
15. İstəyirəm Qiyamətin savabında amanda olam.
Həzrət buyurdu: - Şam ilə xiftə arasında zikr et.
16. İstəyirəm – Allah-təalanı namazda hazır tapım.
Həzrət buyurdu: - Dəstəmaz alanda çox diqqət elə.
17. İstəyirəm Allahın yaxınlarından olam.
Həzrət buyurdu: - İşlərində düzlüyü və doğruluğu sənət et.
18. İstəyirəm nameyi əməlimdə günah olmasın. Həmişə xeyir və xoşluq olsun.
Həzrət buyurdu: - Ata-anana yaxşılıq və hörmət et.
19. İstəyirəm mənim üçün qəbir əzabı olmasın.
Həzrət buyurdu: - Libasını, paltarını pak saxla.

cox sag ol emin deyerli movzun ucun

borcumuzdur

Allah razı olsun herkesin okuması gereken bi mevzu...

[b][ İstəyirəm mənim üçün qəbir əzabı olmasın.
Ele eeeen qorxdugum shey ve dushunduyum shey ele budu/b]