Arzunuz..

[

Qız bayramları heç sevmirdi.Amma bu bayram onunçün xüsusi idi:bu gecə ən böyük arzusunu ürəyində tuta bilərdi və o mütləq yerinə yetəcəkdi.Mütləq!
Əlbəttə qlz çox vaxt ürəyində arzu tuturdu,ulduz axanda,təzə nəsə geyinəndə,hətta uyğun rəqəmlər düşəndə də))Amma bunlar adi arzular olurdu:yerinə yetməsəydi də pis olmurdu,çünki prinsiplə heç nə dəyişmirdi həyatında.Amma ildə bir dəfə bu bayramda öz doğmalarına,əzizlərinə arzularını deyərkən qız özünün də ən,ən,ən müqəddəs arzusunu deyə bilərdi.Bu il belə bir arzu var idi...

“Xahiş edirəm,qoy o xoşbəxt olsun,xahiş edirəm o dünyanın xoşbəxti olsun,xahiş edirəm...”tez tez təkrar edirdi,bir and kimi,sanki bundan daha tez yerinə yetəcəkdi arzusu.Qız bir neçə dəfə arzusunu təkrarladıqdan sonra rahat nəfəs aldı:indi oğlanın bütün il ərzində işləri yaxşı gedəcəkdi!”İlahi,mən necə də onu xoşbəxt etmək istəyərdim...Hətta mənimlə olmasa belə.Təki o xoşbəxt olsun...”-qız fikirləşdi.



Arzuların daxil olduğu yerdə qızğın iş gedirdi.Böyük işçi ştatı dünyanın hər yerindən gələn arzuları yoxlayır,yerinə yetirirdilər.Bir hissə uşaqların arzusu ilə məşğul idi,bir hissə maddi cəhətdən çətinlik çəkənlərə kömək edirdi,üçüncü hissə mənəvi dayaq olurdu.Xüsusi bir şöbə isə sevgi arzularına baxırdı.Arzular lazımi şöbəyə verilməmişdən əvvəl burda çeşidlənir,növlərə ayrılırdı.Əsasən də səmimiliyinə,vacibliyinə və yerinə yetdikdən sonrakı nəticələr diqqətlə yoxlanırdı.Məsələn,”Sinifdə ən yaxşı,bahalı telefon istəyirəm məndə olsun”-bu arzu insan münasibətləri şöbəsinə keçirdi.Çünki belə telefon o insana sinifdə avtoritetli olmaq üçün lazım idi.Amma bunu üçün telefon lazım deyil,başqa şey lazımdır.Arzu yerinə yetirdi,amma başqa cür,daha lazımlı formada.



“Xahiş edirəm,qoy o xoşbəxt olsun,xahiş edirəm o dünyanın xoşbəxti olsun,xahiş edirəm...”-bu arzunu oxuyan işçi qalın jurnalı açdı,arzunun ünvanladığı oğlanı axtardı.Onun adının qarşısında da arzu yazılmışdı:”Təki qız xoşbəxt olsun,eybi yoxdur mənimlə olmasa da,bircə o xoşbəxt olsun!”
İşçi razılıqla gülümsədi və yazıları lazım olan şöbəyə ünvanladı:Sevgi!

Arzularımız sonsuzdur,tükənməzdir.Onların arasında ən müqəddəs,ən qiymətli arzular var.
Ən müqəddəs arzunuz nə olub?
Nə vaxtsa ürəyinizdə arzu tutmusunuzmu,yerinə yetibmi?