Inana bilmirem

[
İnana Bilmirəm bu Ayrılığa,
Bir çinar yarpağı budaqsız qalıb.
İnana bilmirəm bu haqsızlığa,
Elə bil dünyamın nuru azalıb.
~~~~~~
İnana bilmirəm, unutmusanmı,
Yağmurlu payızı, o qarlı qışı,
İnana bilmirəm, ağlamısanmı,
Gecəyə düşübmü gözünün yaşı?
~~~~~~
İnana bilmirəm, soyuq əllərim,
Sənin saşlarına həsrət qalacaq.
İnana bilmirəm, qəmli gözlərim,
Yolunu gözləyib, fikrə dalacaq.
~~~~~
İnana bilmirəm, mənim qapımı
Döyənim sənmisən, yolmu azmısan?
İnana bilmirəm, mənim adımı
Küləyə vermisən, göyə yazmısan.
~~~~~~
İnana bilmirəm, qocalacaqsan,
Bir gün çıxacağam yolunun üstə.
İnana bilmirəm aparacağam,
Səni son mənzilə qollarım üstə.
~~~~~~
İnana bilmirəm necə dözürsən,
Mən idim həyatın, mən idim arxan.
İnana bilmirəm, səni gəzirəm,
Üz-üzə gəlməkdən mən qorxaraq