AYRILIQ..YALAN SEVGI..GÖRÜŞ

[


AYRILIQ
Səndən ayrıldığım on gün olsa da,
Lakin hər günümü bir il sanmışam.
Hər axşam yananda göylərin şamı
Hicrində od tutub mən də yanmışam.
Bəzən qəlbim dolmus, qəlbim ağlamış
Baharın ağlayan buludları tək.
Bəzən də könlümdə sellər çağlamış,
Sinəmə sığmamış, sığmamış ürək.



[


YALAN SEVGI
İlk səni gördüyüm günü “ad günüm” saydım,
Səninlə görüşən gün iməkləyirdim.
Sevdiyimi deyəndə təzəcə dil açırdım,
Sevdiyini biləndə uçmağa çalışırdım.

Elə ki, aylar ötdü, illəri vurduq basa,
Anladım ki, səninlə ömür keçirdim boşa.
Daha mən o, deyildim yalanlarına uyan,
Uşaq kimi hər dəfə sözlərinə inanan.

Yalan ustə qurulan sevdamız belə bitdi,
1 yaş səninlə kecən həyatım sona yetdi.
Son səni gördüyüm gün xəstəliyim başladı,
Ayrılıb gedən zaman əzrayıl canımı aldı.



[

GÖRÜŞ
Görüş zamanını gözləyən ürək
Sevincdən böyüyüb döyünür yaman,
Elə bir cıxacaq indi köksündən,
Fikirimdən cıxmayır həmin o canan.

Əlləri əlimə dəydiyi zaman,
Elə bil ürəkdən silindi kədər,
Könül günəşinin yaydığı işıq
Içimdə yaradır sönməz bir səhər.

Ayrılıq vaxtıdır dediyim zaman,
Indi kədərlidir o da mən qədər.
Xumar gözlərini, günəş ,üzünü.
Artıq bürümüşdü qəmli bir qəhər