Qıza nə qədər pul xərcləməli?

:loll:

Son zamanlar oğlanlarımız nədənsə qızlarla tanış olmaqdan, görüşməkdən, eləcə də evlənməkdən yaman çəkinirlər…
«Necə tanış olum, axı.. Cibimdə 5 manatım yox»…
Deyəsən, qızdan söz düşəndə oğlanların gözündə qadın silueti yox, pul kisəsi canlanır.
Bu işdə kimdir günahkar? Qızlar, yoxsa oğlanlar?
Qızlardan soruşsaq, deyəcəklər: «Bizim üçün əsas pul deyil. Əsas məhəbbətdir, hörmətdir. Pul olmasa da olar».
Oğlanları dindirsən: «Hansı qız adama pul xərclətdirmir ki? Məhəbbət yalan şeydir,əgər pulun olmasa».

Sevgiliyə pul xərcləmək yaxşı xasiyyətdir, amma olan yerdə.
Statistkaya görə, sevgilisi olan oğlanın hər gün (əgər qızı ötürürsə) ən azı 2-3 manat xərci çıxır.
Yox əgər həftədə bir-iki dəfə əməlli-başlı görüş təyin edirlərsə, onda xərc 20-30 manata qalxa bilər. Bu rəqəmlər əlbəttə ki, sadə oğlanlara aiddir: tələbələr, maaşlı işdə çalışanlar.

Pulunu balta kəsməyənlərlə isə işimiz yoxdur. Qoy nə qədər istəyirlər, xərcləsinlər.
Gəlin görək, sadə və maraqlı görüş üçün oğlanın cibində nə qədər pul olmalıdır:
İlk görüşdə təbii ki, gül alınmalıdır= 10 manat
Hər hansı kafedə, kiçik restoranda nahar etmək olar = 20 manat
Yol xərci də – 10 manat

Amma imkan yoxdursa, bu xərci çəkmək vacib deyil.
Siz bir qızılgüllə kifayətlənib, taksi ilə yox, metro ilə gedə bilərsiz. Bu, sizin üçün daha maraqlı olar. Restoranda naharı isə kiçik qəlyanaltı ilə əvəz edə bilərsiz. Şəhərdə belə yerlər çoxdur. Sonra da 2 bilet alıb, kinoya və yaxud teatra gedə bilərsiz. Görürsüzmü, az xərc çəkməklə daha yaddaqalan görüşə nail olmaq olar.
Hələ bilmək olmaz, çox pul xərcləyib, mənasız görüş keçirməklə qızların diqqətini və məhəbbətini qazana biləcəksizmi?
Həqiqətən də çox qızlar üçün fərqi yoxdur. Onlar heç təsəvvür etmirlər ki, oğlanlar görüş üçün lazım olan pula görə bu qədər həyəcan, narahatlıq keçirib, hətta borca girirlər. Əgər bilsələr, heç görüşə razılıq verməzlər.

Yadda saxla:
- Tanış olduğun qızla hələ münasibətləri tam aydınlaşdırmamış onu pul xərcləməyə alışdırma.
- Əgər o, özünə nəsə almaq üçün alış-verişə çıxmaq istəyirsə, düşünmədən, özünü yaxşı göstərmək üçün «bəlkə, mən də səninlə gedim?» demə.
- Özünü qızın yanında imkanlı, varlı-hallı evin oğlu olduğuna inandırma. Əgər bu belə deyilsə, lap pis. Yalanın ömrü 40 gün olur.
- Qız sənin yanında nə qədər maddi problemlərdən danışsa da, ürəyiyumşaq davranıb, «darıxma, pul lazımdırsa, mən verərəm» demə.
- Özünü hər görüşdə qənaətcil göstər.
- Özün sadə geyinib, qızdan da bunu istə.
- Şəhərdə qiymətləri münasib olan yerlər bələdlə ki, gəzinti zamanı xanımı ora aparasan.
- Qıza hədiyyə alarkən, onun bahalığına yox, mənasına, özəlliyinə fikir ver.
- Heç vaxt qıza xərcləmək üçün borca girmə.

Xaricdə qızla oğlanın göruş zamanı çəkilən xərcləri birgə ödəməsi çoxdan dəbdir. Həqiqətən, bir-birini sevib, hər şeyini paylaşanlar, xərclərini niyə bərabər çəkməsinlər ki?

Faktlar:
Bir oğlan sevdiyi qıza görə hər şeyə hazır idi. Qız əvvəl oğlanı sevməsə də, onun əliaçıqlığına görə «yox» da deyə bilmədi. Oğlan hər gün qızı dərsdən evə ötürər, günortalar qız üçün yemək alar, onun mobil telefonuna kontur yükləyərdi. İş o yerə çatmışdı ki, hətta qızın illik təhsil haqqına da köməklik edirdi. Beləcə, oğlanın bir illik maaşının 90%-i qıza xərclənirdi. Sonda qız texnikomu bitirib, oğlanı da xəbərdar etmədən öz rayonlarına qayıdır.
Bir oğlan isə görüşdüyü xanımın qəlbinə yol tapmaq üçün nəinki özünün, ailəsinin pullarını xərcləyib, hətta dostlarından da borc istəyib. Qızsa oğlanın pullu olduğunu fikirləşib, geninə-boluna xərclətdiribmiş. Götürdüyü pulları qaytara bilməyən oğlan bir müddət gözdən itir. Borclular isə oğlanı tapmayıb, qızın iş yerinə gəlirlər. Sonda borc pulları oğlanla qız birtəhər ödəyirlər. Çarələri nə idi ki?
:loll:


Mənbə: ATV Maqazin jurnalı

O da ki baxır qıza :D .

[

MALESEF GÜNÜMÜZDE HER TÜRLÜ İLİŞKİ, HAYAT ŞARTLARININ BİR YANSIMASI OLARAK MADDİYATLA ÖLÇÜLMEYE BAŞLADI. ERKEK HARCADIĞININ, KADIN HARCANANIN HESABINI YAPARAK İLİŞKLERİNE YÖN VERİYOR. BU MADDİYATÇILIK İLİŞKİLERDE UZUN ÖMÜRLÜ BİR BİRLİKTELİĞE İMKAN VERMİYOR.ÇÜNKÜ İLİŞKİ MENFAATE DAYALI OLARAK KURULDUĞUNDAN ZAMANLA MENFAAT ORANINDA BAŞKA YÖNLERE KAYABİLİYOR. NE KADAR PARA, O KADAR ALAKA, YADA NE KADAR FİZİKİ GÜZELLİK O KADAR PARA. BÜTÜN BUNLAR TÜKENİNCE SONU HÜSRAN VE ACI. HER İLİŞKİNİN BAŞLANGICINDA OLMASI GEREKEN BENCE ÖNCE SAYGI VE ONUN OLMAZSA OLMAZI SEVGİ GELMELİ.