Qeyri-adi heyvan tapılıb

[
Canlı “Montauk canavarı” adlandırılıb
Panamada dağ yürüşünə çıxan bir qrup uşaq mağarada qarşılarına çıxan bir canlıdan şoka düşüblər. Belə ki, uşaqların gördüyü bu canlı həm insana, həm də heyvana bənzəyib. Bədəni tüksüz canlıdan qorxan uşaqlar onu daşa basıblar. Naməlum məxluqun cəsədini isə göl kənarına atıblar və məsələ barədə valideynlərinə xəbər veriblər.

Panamanın şimalındakı Cero Azul bölgəsində göl kənarında tapılan bu qəribə canlı keçən il Nyu-York sahilində müşahidə olunan və “Montauk Canavarı” adlandırılan heyvana bənzədiyinə görə yeni “Montauk canavarı” adlandırılıb. Bu qəribə məxluqun cinsi bilinməyən bir it olması istisna edilmir.