Neftin əmələ gəlməsi haqqında yeni elmi fikirlər

Hələ orta məktəbin kitablarından bizə məlumdur ki, daş kömür, neft, qaz canlıların qalıqlarından yaranıb. Milyon illər bundan əvvəl heyvanların, ağacların və butun üzvü aləmin qalıqları yerin dərin qatlarında neftə, qaza çevrilib. Daş kömürün içərisindən tapılan ağac qalıqları, heyvanların skeleti bele demeyə əsas verirdi. Daş kömür yataqları yerin üst təbəqəsində yerləşir və üzvü aləmin qalıqlarından yaranması ağlabatandır. Lakin neft və qazı indi yerin dərin qatlarından, təqribən 5-8 km dərinlikdən çıxarırlar. Bəzi neft laylarının 11 km dərinlikdə olduğunu da sübut edirlər. Bu dərinliklərə üzvü qalıqların necə düşdüyü həmişə şübhə doğurmuşdur. Neftin əmələ gəlməsinin başqa hansı mexanizmi ola bilər? Bəs neft 65-150 km dərinlikdə, təqribən Yerin mantiya təbəqəsi ilə litosferin sərhəddində yarana bilməzmi? Amerika, Rusiya və İsveç alimləri ilk dəfə isbat etmişlər ki, etan qazını (C2H5 ) və digər ağır karbohidratları süni yolla üzvü maddələrin iştirakı olmadan da almaq olar. Alimlər ilkin maddə kimi təbii minerallardan sintez edilən metan qazını götürərək yerin dərin qatlarını imitasiya edən (yüksək təzyiq, temperature və s.) şərait yaratmaqla ondan neft almağa nail olmuşlar. Bu təcrübələr Karnegi İnstitutunun geofiziki laboratoriyasında ( Geophysical Laboratory of the Carnegie Institution) həyata keçirilmişdir. Alimlər metan qazını iki almaz təbəqəsinin arasında (təzyiq 20 min atm) lazer şüaları ilə 705 – 1300oC temperatura qədər qızdırmışlar. Bu temperatur və təzyiq Yerin matiya təbəqəsinə yaxın sərhəddə olan şəraitə yaxındır. Bir müddətdən sonra metan tərkibində etan, propan, butan, molekulyar hidrogen, qrafit olan maddəyə çevrilmişdir. Bu təbii qazın tərkibinə yaxındır. Əlbəttdə bu təcrübələr hələ süni neftin və qazın alınmasından çox uzaq olan təcrübələrdir. Ancaq sübut edir ki, qazın və neftin əmələ gəlməsi nəzəriyyəsinə yenidən baxmaq lazımdır

Menim ixtisasim.
Saqol melumata gore!!!