Uşaq gəlin çox utandı

[
Adı Ruşen və yalnız 11 yaşındadır. Başına nələr gəldiyini anlamadan, hər uşaq kimi maraq mərkəzi olmaq onu utandırdı. İki əliylə üzünü bağladı. Elə isə Əfqanıstanın uşaq gəlinlərindən birinin "nikah fotoşəkili"...


The New York Times qəzetinin fotomüxbiri Stephanie Sinclairin obyektivi, Əfqanlı qız uşaqlarının qorxunc dramını göstərdi.

Amma çox təəssüf ki, 2001də Əfqanıstanı Talibandan qurtarmaq iddiasıyla bu ölkəyə girən Amerikan qüvvələri, bu mövzuda da digər mövzularda olduğu kimi heç bir şeyi dəyişdirə bilmədi.

Uşaq yaşda, babaları ola biləcək yaşdakı kişilərlə evləndirilən bu kiçik qızların dramı eynilə davam edir.

Evliliyin nə olduğunu belə bilməyəcək kiçik qızları ər evində gözləyən həyat isə insanlıqdan uzaqdır. Ümumiyyətlə başlıq pulu, borc qarşılığı rəsmi olaraq satılan bu kiçik qızlar, ər ailəsi və onların uşaqlarıyla birlikdə yaşayır, tarlada və ev işlərində işlədilir və bioloji olaraq çox erkən yaşda ana olur. Bir çoxu doğum əsnasında ölür. Gördükləri şiddət isə dözülməzdir. Bir çox uşaq gəlin, bir müddət sonra özünü yandıraraq intiharı seçir.

Ancaq Əfqanıstan və bənzəri ölkələrdə uşaq yaşda evləndirilən qızların vəziyyətinə aldıran yoxdur. Bu həm sıravi, həm də əxlaqi baxımdan, dahası hüquqi olaraq da "uyğun və məşhur" bir ənənə olmağa davam edir.