Erməni pedofilləri axtalaya bilərlər

Ermənistanda uşaqbazlığın sürətlə artıdığını xəbər vermişdik.

Milli.Az xəbər portalının news.am saytına istinadən verdiyi məlumata görə, ölkədə baş verən bu halların artmasından narahat olan Ermənistan parlamentinin bitərəf deputatı Viktor Dəlləkyan problemin həlli üçün qeyri-adi təkliflə çıxış edib. O, pedofillərin… axtalanmasını lazım bilir.
«Beynəlxalq təcrübədə pedofillər məcburi qaydada əməliyyat olunur və ya kimyəvi yollarla axtalanır», - deyə Dəlləkyan bildirib. O, Ermənistanda pedofillərin cəzalandırılmasını nəzərdə tutan qanunun çox yumşaq olduğunu düşünür. Deputatın fikrincə, uşaqbazlığın artmasına da məhz bu, səbəb olur: «2009-cu ildə həddi-buluğa çatmamış uşaqlara qarşı seksual zorakılığa yol vermiş 18 nəfərdən yalnız 3-ü həbs edilib. Qalanları canlarını cərimə ödəməklə qurtarıb».

Milli.Az