Yeməyi gecikəndə baxıcısını döyür

Pakistan zooparklarından birinin sakini olan fil yeməyinin gec verilməsinə hirslənəndə baxıcısını döyür.

“Daily Times” qəzetinin yazdığına görə, Lahor şəhərinin zooparkında yaşayan Suzi adli fil yeməyi gecikəndə hirslənir. Belə hallarda o, xortumu ilə götürdüyü dəyənəklə baxıcısını döyür. Zooparkın müdiri Yusuf Pal Suzinin yemək xərclərinin çox olduğunu, hətta zooparkın büdcəsindən də artıq olduğunu bildirərək onu kiminsə himayəsinə vermək istədiklərini deyib. Müdir Suzini himayəyə götürəcək xeyirxah adam axtardıqlarını da sözlərinə əlavə edib.