Rumın yazıçısı Ermənistanın Azərbaycana təcavüzü barədə kita

[
Frankfurt Beynəlxalq Kitab Yarmarkasında Rumıniya yazıçısının Azərbaycan haqqında kitabının
təqdimatı keçiriləcək. Diasporla iş üzrə Dövlət Komitəsinin mətbuat xidmətindən verilən məlumata görə,oktyabrın 7-də Almaniyanın Frankfurt şəhərində hər il təşkil olunan Beynəlxalq Kitab Yarmarkasında tanınmış rumın yazıçısı və dramaturqu, Buxarest Yazıçılar Assosiasiyasının sədri Horia Qırbyanın müəllifi olduğu “Azərbaycan–canlı alov” (“Azerbaijan – The Living Flame”) kitabının təqdimat mərasimi keçiriləcək.

Heydər Əliyev Fondunun dəstəyi ilə üç dildə-alman, ingilis və rumın dillərində çap olunmuş kitab Rumıniya Mədəniyyət Nazirliyinin təşkil etdiyi stenddə nümayiş etdiriləcək. Bu barədə məlumatı Diasporla İş üzrə Dövlət Komitəsinə Azərbaycan-Rumıniya Gənclər və Mədəniyyət Assosiasiyasının sədri İqbal Hacıyev verib. Kitabda müəllifin Azərbaycana səfəri zamanı əldə etdiyi təəssüratlarla yanaşı, Azərbaycanın tarixi, ədəbiyyatı, coğrafiyası və mədəniyyəti, o cümlədən, Ermənistanın Azərbaycana qarşı təcavüzü və onun nəticələri, eləcə də Xocalı soyqırımı haqqında ətraflı məlumatlar öz əksini tapıb. Kitabın sonuna H.Qırbyanın müəllifi olduğu Şuşa, Xocalı soyqırımı və Quba məzarlığı haqqında şeirlər əlavə olunub. Eyni zamanda oktyabrın 15-də kitabın təqdimat mərasimi ilə bağlı Rumıniyanın “TVR Cultural” televiziya kanalında Buxarest Yazıçılar Assosiasiyasının sədri H.Qırbyanın iştirakı ilə veriliş efirə gedəcək.