Hər saat üç növ canlı yox olur

Beynəlxalq Bioloji Çeşidlilik Günü münasibətilə elm adamları və ekoloqlar müxtəlif bəyanatlar veriblər. BMT Bioloji Çeşidlilik Paktının rəhbəri Əhməd Cohlaf: “Dinozavrların yox olmasından sonra rast gəlinən ən böyük növlərin nəsli kəsilməsi dalğası ilə qarşı-qarşıyayıq”, - deyib.
Cohlaf növlərin sürətli şəkildə yox olduğunu bildirib: “Hər saat 3 növün nəsli kəsilir. Hər gün 150-yə qədər növ yoxa çıxır. Bu rəqəm hər il 18 mindən 55 minədək təşkil edir. Səbəbi insanın əməlləridir”. Beynəlxalq Mühafizə Birliyi də Avropadakı hər 6 məməlidən birinin nəsli kəsilmək təhlükəsi altında olduğunu bəyan edib.
Başqa bir araşdırmada isə qlobal istiləşmənin yabanı kartof, araxis kimi bitkilərin əsrin ortalarınadək yoxa çıxmasına səbəb olacağı bildirilib.
Beynəlxalq Təbiəti Mühafizə Təşkilatı və Balina və Delfinlərin Mühafizəsi Dərnəyi də balina və delfinlərin iqlim dəyişməsi üzündən get-gedə daha çox təhlükə ilə üz-üzə qaldıqlarını bildiriblər.
BMT Baş katibi Ban Ki Mun: “Bioloji çoxnövlülük əvvəllər görünməmiş bir sürətlə yox olur”, - deyərək, bu təhlükəyə qarşı sürətlə fəaliyyətə başlamaq lazım olduğunu vurğulayıb.

ZAMAN Azərbaycan

:cry: :cry: :cry:
Araxis yox olmasin :cry:

doğanın kanunu sonumuzu kendimiz hazırlıyoruz