Bankomatın ixtiraçısı vəfat etdi

Bankomatın ixtiraçısı kimi tanınan şotland Con Şepard Barron uzun sürən xəstəlikdən sonra 85 yaşında vəfat edib.
Şepard Barron bazar günü xəstəxanada vəfat etsə də, onun ölümü dünən rəsmən açıqlanıb.
Şepard Barron bankdakı işini itirdikdən sonra onun ağlına pul paylayan aqreqat düzəltmək gəlib. Lakin o dövrdə plastik kartlar olmadığı üçün pul çıxarmaq üçün qabaqcadan bankdan xüsusi çeklər almaq lazım gəlirdi.
Dünyada ilk bankomat 1967-ci ildə Londonda quraşdırılıb. O dövrdən indiyədək bankomatlar dəfələrlə təkmilləşdirilib. Hətta bir neçə gün əvvəl Polşada müştərilərin barmaq izlərini tanıyan bankomatların tətbiqinə başlandığı da xəbər verilib. Bu tip bankomatların tətbiqi nəticəsində pin koda ehtiyac olmayacaq. Digər tərəfdən isə, kiminsə pin kodunu və ya kartını oğurlayaraq onun hesabından pul çıxarmaq qeyri mümkün olacaq.



[