Kor müğənni 270 km/saat sürətlə maşın sürdü

Mətin Şəntürk: “Mən bir canavaram...”
Türkiyənin tanınmış müğənnisi, gözləri görməyən Mətin Şəntürk korlar arasında sürətli avtomobil idarə etməkdə dünya rekordunu təzələməyə və “Ginnesin Rekordlar Kitabı”na düşməyə hazırlaşır.
Müğənni dünən Şanlıurfadakı aeroportda avtomobili saatda 270 kilometr sürətlə idarə edib.
Mətin Şəntürk bu zaman məşqçisi Volkan İşıkın simsiz telefonla məsləhətlərini dinləyərək avtomobili idarə edib. Ancaq müğənni bu həftənin 5-ci günü münsiflər heyətinin qarşısında avtomobili saatda 300 kilometr sürətlə idarə edərək yeni rekorda imza atmağı qarşısına məqsəd qoyub.
Mətin Şəntürk bildirib ki, 26 martdan bəri Şanlıurfa aeroportunda məşq edirlər: “Hədəfə çatmağımıza 2 gün qaldı. Mən bir canavaram. Bu, bir oyun deyil, bu rekordu ölkəmə hədiyyə etmək istəyirəm. Hər kəsi mənə dua etməyə çağırıram”.

hech agil yoxtur bu adamda da :cool: deli cesareti var sanırım :D