Ana Haqqı

dunyada ana qeder gozel,sevimli,istekli,en esasi bizi anlayan birvarliq yoxdur.tesekkurler belkebucuryazilar,ders olar nankor ovlatlara.

Ana kimi yar olmaz !!

Dünyanın en gözəl iy verən varlığıdır ana. Özünə xas, temiz bir qoxusu vardır ki otağına da çökmüşdür, bir hafta uzaq qalsanız o otağa girdiyinizdə hiss edərsiniz onu üçün nə qədər darıxdığınızı. Dayanıb dayanıb sevgi nümayişi edilməsi, boynunun qucaqlanması lazım olan insandır, Sizə daha da möhkəm sarılacaq olandır. Birdənə olan, berabər oxşarı olmayan biridir. Nə kadar hirsləndirsək də gecələri yatarkən nəfəsini dinləyib dinclik tapmağımızı təmin edən və yoxluğuyla hamımızı da yox edə biləcək tək insandır ana. Ana, dünyada qarşılıq gözləmədən övladı uğrunda ölumə belə edən tək insandır. Nə qədər hirsləndirsən də 10 dəqiqə sonra səni bağışlayan zərif bir insandır. Mələyin süd verə bilənidir. Yemək yeməyən uşağın diqqətini çəkmək üçün əlindəki qazan və tavalarla uşağını güldürə bilən yenə də anadır. Qonşu usağının əlində gözəl bir oyuncaq gorəndə " mən sana daha gözəlini taparam" deyə bilən bir xarakterdir ana. Bəzilərimizlə rok musiqi dinləyən bir səbir ağacıdır. Yaxşılığın, mərhəmətin, əcaib bir şəfqətin, sədaqətin, sevginin güclərini birləşdirdiyi sonsuz varlıqdır! Oğulunun kürəkən, qızının gəlin olduğunu görüncə, Uşağı məzun olunca, qol vurunca, xəstə olunca, əsgərə gedincə, sevdiyi serialı seyr edincə, və buna oxşar bir çox şeyə ağlaya bilən mələkdir ana. Uzakda dayansa da yaxın hiss edilən, əsla imtina edilməyən, serialın dibində olmaq istənən, yaş-quru amma həmişə duyğulu tək qadın modelidir! Ana ən büyük xoşbəxtlikdir, hayatda bir uşağın hayatına təqdim edilən en saf sevgi yumağıdır. İtirilməsi en böyük korkudur(ve men o korkuyu yasadım).Varlığısa ən boyük sevincdir. Allah menim Anama rehmet,sizin Analra sağlığ ve uzun ömür versin.

ANAsız həyat heçnədir
Allah anamızı başımızın ustundən əsirgəməsin,Anasız olanların qiymətini bilməsəkdə böyük acı kəkdiyini bilirik.
[
[
Cahanda yox elə bir qüvvə baş əyim ona mən,
Fəqət nə güclü, zəif bir vücud var, yahu,
Ki, hazıram yıxılıb xaki-payinə hər gün,
Öpüm ayağını izn ilə. Kimdir o? Nədir o?

Böyük şair-dramaturq Cəfər Cabbarlının hər gün səcdə qılıb ayağından öpməyi özünə fəxarət sandığı varlıq anadır.
Ana! Hər dəfə bu sözü tələffüz edəndə sonsuz qürur duyuram, qəlbim fərəhdən genişlənir. Bu, sadə bir söz olsa da, məna tutumu çox zəngindir. Bu sözlə Yer üzündə ən mehriban və munis, ən böyük və əzəmətli varlıq olan anamıza xitab edirik. Məşhur şairlər, filosoflar ana haqqında bir-birindən gözəl təşbehlər işlətmişlər. Anaların şərəfinə çoxlu şeirlər yazılıb, mahnılar bəstələnib. “Ana qəlbi möcüzələr xəzinəsidir”, “Ananın məsuliyyəti böyük, vəzifəsi müqqəddəsdir”, “Analar böyük vəzifələrini yerinə yetirdikdə heç bir əvəz almaq fikrində olmurlar” ... Ancaq bu ifadələrdən hər biri nə qədər gözəl səslənsə də, onlardan hər birinin məna yükü nə qədər dərin olsa da, ananın əzəmətini, ucalığını, həyatımızdakı rolunu bütün dolğunluğu ilə tam əks etdirmir. Ana əlçatmaz zirvədə dayanır. Böyük Azərbaycan yazıçısı M.S.Ordubadi bunun təsdiqi kimi yazmışdır: “Ana! Dünyada sənin müqəddəsliyini təyin edə biləcək hələ heç bir ölçü yoxdur, sənin əzəmətini təsvir edə biləcək hələ heç bir kitab yazılmayıb”. Biz “Ana Vətən” deyib ananı havasını udduğumuz, çörəyini yediyimiz, üstündə gəzdiyimiz Vətənə, “Ana dilim” deyib ruhumuzun ifadəsi, varlığımızın təsdiqi olan doğma dilimizə bərabər tuturuq. Bir də ana uca Tanrı ilə müqayisə olunur. “Ana haqqı – Tanrı haqqı” deyib müdriklər. Tanrı yeri-göyü yoxdan xəlq edib,bəşər övladı isə ana bətnində dünyaya göz açır. Bir mahnıda səsləndiyi kimi: Ana, sən həyat verdin mənə... Lakin ana öz övladına yalnız həyat vermir, həm в, min bir çətinliyə qatlaşaraq onu böyüdür. Övladı boya-başa çatanadək ananın çəkdiyi əzab-əziyyəti heç nə ilə müqayisə etmək mümkün deyil. Beşik başında keşik çəkib səhəri gözlərində açan da, biz çətinliyə düşəndə şam kimi əriyən də, böyüdükcə boyumuza baxıb qürrələnən də anadır. Ana təbiətcə zərif məxluq olsa da, mən onu öz balası yolunda göstərdiyi fədakarlıqlara görə qartala bənzədirəm. Həmişə məğrur, qorxmaz, həmişə yüksəklikdə uçan qartala. O, övladını təhlükələrdən qartal şücaəti ilə qorumağa hazırdır, hətta lazım gəlsə, düşmən üstünə şığımaqdan belə çəkinməz. Hər birimizin gələcək həyat yolunun müəyyənləşməsində də ananın rolu əvəzsizdir. Biz ilk tərbiyəni ondan alırıq. Ananın şəxsi nümunəsi, verdiyi öyüd-nəsihətlər dünyagörüşümüzün formalaşmasında mühüm rol oynayır. Mən anam barəsində tez-tez fikirləşirəm. Hər dəfə onun mehriban, nurlu çöhrəsini gözlərim önündə canlandıranda gələcəyə daha nikbin nəzərlərlə baxıram. Eyni zamanda anamın qarşısında borcumu da yaddan çıxarmıram. Öz-özümü sorğu-suala tuturam: Mən anamı necə sevindirə, necə xöşbəxt edə bilərəm? Bəzən xəyal məni uzaqlara aparır, könlümdən anama dünyada ən bahalı hədiyyə almaq, onu bütün işlərdən azad etmək istəyi keçir. Bir dəfə arzumu anamın özünə də bildirdim. Onun sifətinin necə işıqlandığını hiss etdim, dodaqlarında təbəssüm oyandı. Nəvazişli əlləri ilə başımı sığal çəkib dedi: - Mənim bahalı hədiyyəyə ehtiyacım yoxdur. Ana üçün ən böyük hədiyyə övladının düzgün yol tutması, tərbiyəli olması, dərslərini yaxşı oxuması, müəllimlərinin hörmətini qazanmasıdır. Anamın bu sözləri qulaqlarımda həmişəlik həkk olunub. Buna görə də dərslərimə səylə hazırlaşıram. Hər dəfə dərslərimdən “əla” qiymət alanda bunu anam üçün ən yaxşı hədiyyə sanıram.