Xakerliyin sonu

İnternet üzərindən 863 adamı soymuşdu





Aralarında ABŞ, Tayvan və Rusiyanın məşhur iş adamlarının olduğu 40 min insanın bank hesablarından toplam olaraq $863 min oğurlayan türk haker həbs olunub.

ABŞ-ın Federal Təhqiqat Bürosu və Rusiyanın Federal Təhlükəsizlik Xidmətinin "Ruh" adlanlandırdıqları Çingiz Sarı Antalyadakı evində yaxalanıb.

"BMW X5" markalı offrouder almaq istəyən, lakin bunun üçün pulu olmadığı üçün İnternet-bankinqdən yararlanıb fırıldaq yolu ilə para qazanmağa çalışdığını söyləyən türk xakeri ABŞ və Rusiyada ən təhlükəli kibercinayətkarlardan biri sayılır.

Macar iş adamı, indiyədə dəfələrlə hesabından pul oğurladığı Şandor Merefinin adına saxta plastik bank kartı hazırlayan Çingiz Sarı həmin kart vasitəsilə bankomatdan pul çıxarıb. İnterpol da Ş.Merefinin adından istifadə edilən kartın Antalyadakı POS terminaldan pul çıxardığını dəqiqləşdirib və bundan sonra Türkiyə polisi hərəkətə keçib.

Ç.Sarı sevgilisi Nur Kurdem və daha 6 şübhəli şəxslə tutulub.

Türkiyə polisinin "Paravan" adlandırdığı əməliyyat zamanı Çingiz Sarının başçılıq etdiyi, İnternet-bankinq vasitəsilə pul oğurluğu ilə məşğul olan dəstənin 3 üzvü İzmirdə, biri Bursada, biri də Osmaniyyədə tutulub.

"Ruh sarı"nın yaradıcısı və rəhbəri olduğu dəstənin ABŞ, Rusiya, Tayvan, Kanada, Meksika, İspaniya, Bolqarıstan, Almaniya, İspaniya, Cənubi Koreya, Britaniya və Fransada minlərlə insanın kredit kartlarından bilgiləri İnternet vasitəsilə əldə etdikləri sübut olunub.

Çingiz Sarı oğurluqla əldə etdikləri pulların hesabına sevgilisinə avtomobillərin icarəyə verildiyi şirkət yaradıb. Bundan başqa, o, İnternet-kazinoda $15 min uduzub.

Onun evində 6 noutbuk, onlarla saxta kredit kartı, 101 POS-cihaz tapılıb.

O da bəlli olub ki, "Ruh" Sarı kağız üzərində qurduğu saxta şirkətlər vasitəsilə dünyanın müxtəlif banklarından Britaniyanın mərhum baş naziri Uinston Çörçil, amerikalı aktrisa Elizabet Teylor, şou-biznes ulduzu Pamela Anderson və futbolçu Devid Bekhemin adına da pullar çıxarıb.

8O 8O

aferin valla :D

men de bu ishle mesqul olacam