“Microsoft” “Office 2010”un buraxılacağı tarixi açıqladı

“Microsoft” korporasiyası “Office 2010” paketinin 12 may 2010-cu il tarixində buraxılacağınıə rəsmi elan edib.
Yeni paketin əvvəlcə biznes-istifadəçiləri üçün açıq olacağı nəzərdə tutulub. Adi istifadəçilər isə müvafiq disklərin çap olunması və yayılması üçün nəzərdə tutulan müddəti gözləməli olacaqlar. “Microsoft” onu da bəyan edib ki, martın 5-dən sentyabrın 30-dək “Office 2007” versiyalarının “Office 2010”dək yenilənməsi proqramı keçiriləcək. Bu dövr çərçivəsində “Office 2007” paketini əldə edən istifadəçilər onu 2010 versiyası ilə pulsuz yeniləmək imkanı qazanacaq.