AZƏRBAYCANLI BOKSÇULAR NOVOSİBİRSKDƏ UĞURLA ÇIXIŞ EDİRLƏR

Novosibirskdəki “Sever” idman kompleksində boks üzrə beynəlxalq turnir keçirilir. Yarışlarda MDB-dən və uzaq xaricdən 7 ölkənin “Dinamo” idman cəmiyyətlərinin aparıcı boksçuları iştirak edir.
91 kq-dək çəki dərəcəsində azərbaycanlı boksçu Cavid Tağıyev yarımfinala çıxmışdır. Yığma komandamızın daha üç üzvü – Əfsun Həsənov (48 kq), İlkin Seyfəddinov (54 kq) və Namiq Hüseynov yarımfinal döyüşlərində iştirak edəcəklər.
Yarışlar mayın 23-dək davam edəcəkdir.