100 illiyi ərəfəsində "Fənərbağça" neçə həftə idi ki, ciddi transfer həyata keçirmək niyyətində idi. Bu istək bu günlərdə baş tutdu. Xeyli müddət İspaniyanın "Real" klubunun aparıcı üzvlərindən biri Roberto Karlosla danışıqlar aparan "Fənər" onunla ortaq məxrəcə gəlib. Srağagün axşam saatlarında Türkiyəyə gələn müdafiəçinin meneceri Dino Pasaliç "sarı-ərcivəlilər"lə məsələni 15-20 dəqiqəyə həll edib. Hər halda, İstanbul təmsilçisinin vitse-prezidenti Murat Özaydınlı belə deyib. Onun sözlərinə görə klubun azarkeşləri bu transferə görə komandanın prezidenti Aziz Yıldırıma minnətdar olmalıdırlar: "Fənərbağça" özünə lazım olan səviyyəli futbolçunu sırasına qatdı. Buna görə isə hər kəs klubun rəhbəri Aziz Yıldırıma təşəkkür etməlidir. Bundan əvvəl də Karlosla danışıqlar aparırdıq, amma heç nəyə nail ola bilmirdik. Bu gün isə transferi 15-20 dəqiqəyə həyata keçirdik. Hələlik transferin malliyyə tərəfi açıqlanmır. Amma bir şey məlumdur ki, La Liqada mövsüm başa çatan kimi təcrübəli müdafiəçinin müqaviləsi də bitmiş olacaq. Ona görə türklər "Real"a heç bir məbləğ ödəməyəcəklər. Qeyd edək ki, Karlos "Kral klubu"ndan əvvəl Braziliya "Palmeyra"sında və İtaliyanın "İnter" klubunda forma geyinib. Milli komandanın forması altında 132 dəfə meydana çıxan sol cinah müdafiəçisi 69 qola imza atıb. Xatırladaq ki, bundan əvvəl Karlos Türkiyə səhifəsini bağladığını demişdi.
525-ci qəzet