Güleşçilerimiz beynelxalq turnirde 9 medal qazanıblar

Azərbaycanın yeniyetmə yunan-Roma güləşçiləri Gürcüstanın Rustavi şəhərində keçirilən beynəlxalq turnirdə uğurlu çıxış ediblər. “APA-SPORT” agentliyinin Azərbaycan Güləş Federasiyasına istinadən verdiyi məlumatına görə, yarışda mübarizə aparan 11 pəhləvanımızdan 9-u fəxri kürsüyə qalxıb. Bütün rəqiblərinə qalib gələn Eldəniz Əzizli (42 kq) və Araz Vəliyev (58 kq) qızıl medala sahib çıxıblar. Yalnız final görüşündə məğlub olan Murtuza Tağıyevlə (69 kq) Şəhriyar Məmmədov (76 kq) ikinci olublar. Orxan Cabbarlı (42 kq), Sərxan Məmmədov (46 kq), Rəsul Cunayev (50 kq), Orxan Vəliyev (54 kq) və Fuad Əliyev (63 kq) isə bürünc medal qazanıblar.

Qeyd edək ki, yarışda yeniyetmə pəhləvanlarımızla yanaşı, Gürcüstan, Türkiyə, Rusiya və Ermənistan idmançıları da mübarizə aparıblar.

2007-06-07 11:20
525-ci qəzet

Allah hamisinin canini sag elesin! ::yerivar::