"Microsoft"un vitse-prezidenti İlham eliyevle görüşüb

KREYQ MANDİ "WİNDOWS XP" PROQRAMININ AZƏRBAYCAN DİLİNDƏ VERSİYASININ İLK DİSKİNİ DÖVLƏT BAŞÇISINA TƏQDİM EDİB

Dünən prezident İlham Əliyev "Microsoft" şirkətinin baş vitse-prezidenti Kreyq Mandinin rəhbərlik etdiyi nümayəndə heyətini qəbul edib. Dövlət başçısı "Microsoft" şirkətinin prezidenti Bill Qeyts və baş vitse-prezident Kreyq Mandi ilə İsveçrədə keçirdiyi görüşü xatırladıb. İlham Əliyev bu görüş zamanı ölkəmizin "Microsoft" şirkəti ilə əməkdaşlığının konkret istiqamətlərinin müzakirə olunduğunu bildirib. O, hazırda Azərbaycanda informasiya texnologiyaları sahəsinin inkişafına böyük diqqət yetirildiyini deyib və bu baxımdan "Microsoft" şirkəti ilə əlaqələrin genişləndirilməsinin faydalı olacağına əminliyini söyləyib. Kreyq Mandi "Microsoft" şirkətinin prezidenti Bill Qeytsin salamlarını İlham Əliyevə çatdırıb. Azərbaycana ilk dəfə səfər etdiyini deyən qonaq səfər çərçivəsində səmərəli görüşlər keçirdiyini bildirib: "Sizinlə keçirdiyimiz ilk görüş məndə və "Microsoft" şirkətinin prezidenti Bill Qeytsdə çox yaxşı təəssürat yaradıb. Görüş zamanı hiss etdik ki, siz qlobal baxışlara malik lidersiniz. Görüşdə bildirmişdiniz ki, siz enerjinin inkişafına söykənən cəmiyyətdən biliyə arxalanan cəmiyyətə keçməyi fikirləşirsiniz. Bu, ölkənizin gələcəyi baxımından çox önəmlidir". Görüşün sonunda Kreyq Mandi "Microsoft" şirkətinin Azərbaycan üzrə birinci məhsulu olan "Windows XP" proqramının Azərbaycan dilində versiyasının ilk diskini və Bill Qeytsin şəxsən dövlətimizin başçısına göndərdiyi kitabı İlham Əliyevə təqdim edib.

525-ci qəzet

evet işte bu azeri kardeslerimiz acısından süper olmus :aferin:

::yerivar:: SAtisa Cixan kimi alacam