“Azercell”lə “Azerfon” arasında MMS müqaviləsi imzalandı

Ölkədə ilk operatorlar arası MMS xidmətinə start verilib
Aprelin 1-dən etibarən “Azerfon-Vodafone” abunəçiləri şəbəkələrarası MMS (Multimediya Mesaj Servisi) xidmətindən istifadə edərək digər mobil rabitə operatorunun abunəçilərinə MMS göndərə biləcəklər. “Azerfon” MMC və “Azercell Telecom” MMC tərəfindən imzalanan müqaviləyə əsasən hər iki mobil operatorun abunəçiləri öz aralarında MMS göndərmək imkanından yararlana biləcəklər.
Digər şəbəkəyə MMS–in göndərilməsi xidməti MMS xidməti aktivləşdirilmiş bütün “Azerfon-Vodafone” abunəçiləri üçün mümkündür. Digər şəbəkəyə göndərilən bir MMS-in qiyməti 0,15 AZN təşkil edəcək.
Abunəçilərin ünsiyyətini daha da rahat və rəngarəng etmək üçün “Azerfon-Vodafone” yerli və xarici operatorlarla MMS müqavilələrin sayını artıracaq.
Xidmət haqqında əlavə məlumat almaq üçün 077 200 11 77 nömrəsinə zəng etmək və ya [ internet səhifəsinə müraciət etmək kifayətdir.