Mələkxanım Əyyubova

Azərbaycan musiqi aləmində ad çıxarmaq, nüfuz qazanmaq bütün xalq tərəfindən sevilmək hər müğənniyə qismət olmur. Bu şərəfə yalnız əsl istedadlar, öz dəsti-xətti, təkrarolunmaz ifaçılıq manerası ilə fərqlənənlər nail olurlar.

Mələkxanım Əyyubova məhz belə müğənnilərdəndir. İyirmi il bundan əvvəl ilk dəfə “İrs” folklor qrupunun tərkibində səhnəyə çıxan utancaq bir qız bu gün Azərbaycan xalq və professional musiqinin ən gözəl ifaçılarından biri səviyyəsində qalxmışdır.

Onun məlahətli, bənzərsiz səsi, yüksək vokal ustalığı minlərlə pərəstişkarlarının ürəyini fəth etmiş, ona ümumxalq məhəbbəti qazanmışdır.

İnanırıq ki, Mələkxanım Əyyubova hələ uzun illər bundan sonra da öz gözəl sənəti ilə Azərbaycan musiqisinin bütün dünyada layiqli elçisi olaraq qalacakdır, hamımızı yeni-yeni yaradıcılıq nailiyyətləri ilə sevindirəcəkdir.

[

[