Ananın qızına

Ananın qızına

Ey əskidən bəri yasa bürünən,
Şərəfli anamın gül üzlü qızı,
Al şəfəqlər içrə indi görünən,
Şərq üfüqlərini pənbə yıldızı.

Bir zaman yurdumun qaranlıq qalan
Bucaqlarında sən ağlamazmıdın?
Hürriyyət eşqilə coşub çırpınan
Anamın ürəyin dağlamazmıdın?

Fəqət indi harda o dərin-dərin
Həzin nalələrin,iniltilərin?
Söylə,ağ günlərə çıxdınmı bu gün?
Zülmün heykəlini yıxdınmı bu gün?...