Qız və oğlan toyu...

[
Qız və oğlan toyu.

Bir çox ailələr toyu qız və oğlan toyu adı altında iki yerə bölür. Toyun birini qız tərəfi digərini isə oğlan tərəfi edir. Görəsən bunun nə anlamı var?

Hər ikisini bir yerdə keçirmək mümkün deyilmi? Hər iki tərəf birləşərək daha möhtəşəm toy keçirsələr olmazmı? Qız və oğlan toyunun ayrı olması mütləqdirmi?

Yaxşı deyək bizim qədimdən qalma adətimizdir. Lap gözəl. Gözəl ki, adətimizi yaşadırıq. O adət ki, yalnız adı yaşayır özü yox. Yaxın keçmişdə qız toylarında yalnız xanımlar iştirak edərdi musiqiçilərdən tutmuş aşbazlara kimi hər biri xanımlardan ibarət olurdu. Yəni qadın məclisi keçirirərək ərə gedən qızın başına toplaşıb onun şad gününə sevinirdilər.

Kişi məclisi isə tam fərqli olurdu. Bütünlüklə kişilərdən ibarət.
İndi isə bu məclisləri müasirləşdirərək daha təm tərahlı şəkildə keçirirlər. Qız toyu üçün gəlin başqa tipdə, başqa rəngdə gəlinlik seçimi edir oğlan toyu üçün isə tam başqa modeldə. Qız toyunda qızın qohumları, qonşuları iştirak edirsə, oğlan toyunda da eynən oğlan tərəfinin adamları toyda üstünlük təşkil edir. Bütün bunlar yenicə qurulmuş ailənin artıq ikiyə bölünməsi demək deyilmi? Bütün bunlar ayrı seçkiliyə gətirib çıxarmırmı?

Bir qızın ata ocağından gəlin adı ilə iki dəfə çıxması nə dərəcədə düzgündür?

Bəs sizcə bu adətin əhəmiyyəti nədir?

Qız və oğlan toylarının ayrı-ayrı olmasının səbəbi nədir? Buna ehtiyac varmı?