Oskar mükafatı namizədləri

Amerika Kino Akademiyasının prezidenti Sid Qeynis və aktyor Forest Uitaker 2008-ci il "Oskar" mükafatı nominantlarının siyahısını açıqlayıblar.

Siyahıda nomınasiyaların sayına görə “Bencamin Battonun müəmmalı hekayəsi” filmi üstünlüyü ələ alıb. Film 13 kateqoriya üzrə mükafat uğrunda mübarizə aparır.
“İlin ən yaxşı filmi” kateqoriyasında əsas mükafat uğrunda “Frost Niksonun əleyhinə», “Harvi Milk”, “Gecəqondudan olan milyonçu”, “Bencamin Battonun müəmmalı hekayəsi”, "Oxucu" filmləri namizəd göstərilib.
“Ən yaxşı rejissor” nominasiyasında Devid Finçer (“Bencamin Battonun müəmmalı hekayəsi”), Denni Boyl (“Gecəqondudan olan milyonçu”), Ron Hovard (“Frost Niksonun əleyhinə”), Stiven Doldri (“Oxucu”), Has Van Sentin (“Harvi Milk”) yarışacaq.
“Ən yaxşı kişi rolu” nominasiyasında aktyorlar Riçard Ceknis (“Ziyarətçi”), Frenk Lanqella (“Frost Niksonun əleyhinə”), Şon Penn (“Harvi Milk”), Bred Pitt (“Bencamin Battonun müəmmalı hekayəsi”), Mikki Rurk (“Döyüşçü”), “Ən yaxşı qadın rolu” nominasiyasında isə müvafiq olaraq Enn Hetuey (“Reyçel ərə gedir”), Ancelina Coli (“Dəyişmə”), Melisa Leo (“Donmuş çay”), Meril Strip (“Şübhə”), Keyt Uinslet (“Oxucu”) mübarizə aparacaqlar.

Sizin fikriniz nədi namizədlər haqqında?