dunyanin en kok adami

Dünyanın ən kök adamı 230 kq arıqlayıb


Dünyanın ən kök adamı kimi Ginnesin Rekordlar Kitabına düşən 41 yaşlı meksikalı Manuel Uribe 230 kiloqram arıqlayıb.

2006-cı ildə çəkisi 570 kiloqram olan Uribe tutduğu pəhriz nəticəsində çəkisini 340 kiloqrama endirməyi bacarıb. Uribe hazırda özünü yaxşı hiss etdiyini söyləyib: “Özümü çox yaxşı hiss edirəm. Həkimlərim heç bu qədər yaxşı olmadığımı deyirlər”. Hədəfinin 4 ildə 120 kiloqrama enmək olduğunu söyləyən Manuel bu məqsədlə yataqda idman hərəkətləri etdiyini vurğulayıb.

Uribe 1992-ci ildən köklükdən əziyyət çəkir. Yataq həyatı yaşayan Manuelə Montereydəki evində anası və nişanlısı qulluq edirlər.

Xatırladaq ki, meksikalılar hazırda köklükdə dünya birincisi olan amerikalılarla yarışırlar. Meksika Səhiyyə Nazirliyinin hesabatına görə, əhalinin təxminən yarısı artıq çəkidən əziyyət çəkir.


<a>[</a>