Göygöldə kredit yarmarkası keçirilib

Sahibkarlara dövlət dəstəyi davam edir. Növbəti dəfə Göygöl və ətraf rayonlardan 28 sahibkar sevindirilib.
Sahibkarlığa Kömək Milli Fond müvəkkil kredit təşkilatları vasitəsilə Göygöl və ətraf rayonlarda fəaliyyət göstərən 28 sahibkara 360 min manat güzəştli kredit verib.
Dövlət dəstəyindən yararlanan sahibkarlar, aldıqları vəsait hesabına yeni layihələr gerçəkləşdirəcək, təsərrüfatlarını bir az da genişləndirəcəklər.
Tədbir çərçivəsində sahibkarlar üçün seminar-müşavirədə keçirilib. 350 sahibkarın qatıldığı müşavirədə onlara yeni yaradılan istehsal, emal və infrastruktur sahələri haqda, eləcə də güzəştli kreditlərdən istifadə mexanizmi barədə məlumat verilib. Sahibkarlar Göygöl rayonunda inkişaf etdirilməsinə ehtiyac duyulan müxtəlif sahələr üzrə təkliflər veriblər. Xəzər TV