Babək Qalası

Ordubad Babək Qalası

Ordubad rayonunda e.ə. 2-1-ci minilliklərə və orta əsrlərə aid abidə.Biləv kəndi yaxınlığında,Gilançayın sağ sahilindədir.Xalq qəhramanı Babəkin adı ilə bağlıdır.Yaxınlığında orta əsrlərə aid iki aşırımlı körpü var.Əlicəqalaya gedən yolun üstündə yerləçən Babək qalası strateji baxımdan əlverişli mövqedə,uca zirvədə tikilmişdir.Fərdi memarlıq xüsusiyyətlərinə malik qala yonulmuş daşdan inşa edilmişdir.Qala daxilində(c.-ş.-də)dairəvi və dördkünc bina qalıqları var.Müxtəlif həcmli qaya parçalarından inşa edilmiş binalar bir-birinə bitişik tikilmişdir.Divarların salamat qalan hissəsinin hünd.0,8-1 m,qalınlığı 0,5-0,8 m-dir.Evlərin içərisində divara bitişik ocaq qurğusu mövcuddur.Yaşayış evləri sahəsindən e.ə.2-ci minilliyə aid dən daşları,obsidian(dəvəgözü)lövhələri,orta əsrlərə aid boz,qırmızı,qəhvəyi rəngli keramika,tək-tək şirli qab qırıqları tapılmışdır.Babək qalası təbii strateji mövqeyinə,memarlıq və tikinti xüsusiyyətlərinə,arxeloji materiallarına görə Şərur rayonu ərazisində Qalacıq,Qız qalası,Böyükqala,Kiçikqala,Gilançay vadisindəki və s.orta əsr istehkam abidələri ilə yaxın analogiya təşkil edir.Qala Cənubi Azərbaycan-Xüdafərin-Gilan-Naxçıvan-Sünik-Qarabağ karvan ylu üzərində mühüm nəzarət məntəqəsi idi.