Azərbaycanda Novruz
Çərşənbələr
Əksər xalqlar o cümlədən Azərbaycanlılar bahar bayramının bir sıra adət-ənənələrini, oyunlarını indiyədək saxlamışlar.
Azərbaycanda Novruz bayramı bir ay əvvəldən qarşılanır, rəsmi bayram şəklini almışdır.
Hər həftənin ikinci günləri su çərşənbəsi, od çərşənbəsi, yel çərşənbəsi və axır (torpaq) çərşənbə günləri qeyd olunur. Çərşənbələrin içində ən vacibi axırıncı – axır çərşənbə axşamıdır. Həmin gün ailəyə səadət, xoşbəxtlik və bütün bədbəxtlikdən uzaq olmaq arzulanır. Bütün evlərdə bayram süfrəsi açılır. Cürbəcür yeməklər, əsasən aş, şirniyatlar: paxlava, şəkərbura, şəkərçörək, şorqoğal, və s. hazırlanır. Xonçanın ortasında səməni, hər ailə üzvünə şam, boyadılmış yumurtalar qoyulur. Stolda yeddi növ yemək - nemət olur. Həmin gün hamı öz evində olmalıdır, ancaq uşaqlar ata-analarına baş çəkib, yenə də evə qayıtmalıdırlar.
Artıq çərşənbələr başlayıb. Dünən od çərşənbəsi idi. Hamınızın çərşənbəsi mübarək olsun! ::aze::
[