Yeni ekzotik “Hummer” təqdim edildi

“Hummer” avtomobili Azərbaycan vətəndaşının təəccübünə səbəb olmur.
Bakı küçələrində bu avtomobilin müxtəlif versiyalarına rast gəlinir. İmkanlı şəxslərin övladları isə gəlini şadlıq sarayına (bəzən də bəy evinə) “Hummer” limuzinlə aparırlar. “Hummer”in mülki versiyaları hər yerdə şou ulduzları və “papa balaları”nın tərcihinə çevrilib.
“213 Motoring” tüninq firması da bazarin tələbini nəzərə alaraq Hummer H2 – nin ekzotik versiyasını hazırlayıb. “Yüksək keçidli avtomobillə limuzini “birləşdirən” bu modelə bir ox da əlavə edilib. Avtomobildən bundan əlavə bir sıra “estetik əməliyyat” da aparılıb. Şirkət nümayəndəsinin sözünə görə, avtomobildə limuzin rahatlığını təmin edilib. Salonda 2 bar və bir neçə maye kristal ekran quraşdırılıb, qapılar bahalı ağacla işlənib.
Yeni modelin qiyməti 200 000 dollardan yuxarıdır.

[