Tarix bax belə yazılır!

**POWER_RANGERS** · 01-27-2010, 12:07 PM

Azərbaycan yığması futzal üzrə Avropa çempionatında tarixi uğura imza atdı. Macarıstanda keçirilən qitə birinciliyinə qatılan millimiz tarixində ilk dəfə belə bir mötəbər turnirin yarımfinal mərhələsinə adladı. Fanat.az millimizin yarımfinala gedən yoluna bir daha nəzər yetirir.
Millimizin qrup mərhələsindəki ilk oyununda uğursuzluqla üzləşmək ehtimalını tez-tez vurğulanırdı. Hər halda, rəqibimiz sıradan biri yox, meydan sahibi, yəni Macarıstan yığması idi. Azarkeş və doğma meydan amilindən yararlanacaq olan macarların məhz bu səbəbdən şansı yüksək göstərilirdi. Amma millimiz macar səddini 3:1 hesablı qələbə ilə keçdi.
İkinci oyunda rəqibimiz olan Çexiyada çətin komanda idi. Amma komandamız uğurun davamını gətirdi və çexləri darmadağın etdi - 6:1. Həmin Çexiya dünən axşam Avropa çempionatının əsas favoritlərindən olan İtaliyanı mübarizədən kənarlaşdırmaqla nə qədər güclü rəqib olduğunu göstərdi.
Və hələlik son dayanacaq: Azərbaycan - Ukrayna oyunundan öncə yenə rəqib favorit göstərilirdi. Amma millimiz əsas vaxtda sərgilədiyi gözəl oyunundavamını penaltilər seriyasında da davam etdirib, tarixi uğura imza atdı.
İndi komandamız Avropa çempionatının final mərhələsinin yarımfinalındadır. Qarşıda bizi Portuqaliya - Serbiya cütünün qalibi ilə oyun gözləyir. Növbəti qələbə yığmamızı qitənin ən güclü iki komandasındam birinə çevirəcək. Uğurlar Azərbaycan!