2010-cu ilin ən bahalı maşınları

[zeynalov_]

Birinci yer 450 000 dollarlıq "Maybach 62S MSRP" avtomobilinə məxsusdur

Məşhur Amerika jurnalı "Forbes" 2010-cu ildə bazara buraxılacaq 10 ən bahalı avtomobilin siyahısını açıqlayıb. Siyahıya qiyməti 100 000 dollardan yuxarı olan və tanınmış dünya brendləri tərəfindən istehsal edilən avtomobillər daxildir.
Qeyd edək ki, "Aston Martin", "Lamborghini" və "Bugatti" kimi idman üslubunda olan markaların maşınları siyahıdan çıxarılıb.

Beləliklə, gələk ən həyacanlı məqama. Siyahının başında (10-cu yer) dəyəri 115 000 dollara olan "Jaguar XJL Supersport” avtomobili yer alıb. Britaniya istehsalı olan maşın 500 at gücünə malik V5 mühərriki ilə təchiz olunub. O, 100 km/s məsafəni 4,7 saniyəyə qət etmək iqtidarındadır.
Doqquzuncu yerdə İtaliya istehsalı olan 125 000 dollarlıq "Maserati Quattroporte Sport GT S" avtomobilidir.
Səkkizinci yerdə 500 at gücünə malik, 100 km/s məsafəni 3,5 saniyədə arxada qoyan və 145 000 dollar dəyərində olan almaniyalı "Porsche 911 Turbo Cabriolet" durur. Yeddinci yerdə 210 000 dollara dəyərində olan "Mercedes-Benz CL 65 AMG" avtomobili qərarlaşıb.
6-cı pillədə "Rolls-Royce Ghost MSRP" yer alıb. Qiyməti 245 000 dollardır.
2010-cu ilin ən bahalı brendləri arasında 5-ci yeri 621 at gücünə malik "Bentley - Continental Supersports" zəbt edib. Onun dəyəri 275 000 dollardır.
Dördüncü yer "Bentley Mulsanne"yə məxsusdur. Bu limuzinin qiyməti hələ məlum deyil. Belə ki, o, 2012-ci ildə nümayiş olunacaq.
Reytinqin tunc mükafatına "Ferrari 599 GTB Fiorano" layiq görülüb. Onun qiyməti 310 min dollar təşkil edir. Bu maşın 3,7 saniyəyə 100 km/s məsafəni qət edir.
İkinci yer 445 000 dollar qiymətə malik "Rolls-Royce Phantom Drophead Coupe"a məxsusdur.
Reytinqin lideri "Maybach 62S MSRP" seçilib. Onun mühərrik gücü 604, qiyməti isə 450 000 dollardır.

[zeynalov_]

Jaguar XJL Supersport

[zeynalov_]

Maserati Quattroporte Sport GT S

[zeynalov_]

Porsche 911 Turbo Cabriolet

[zeynalov_]

Mercedes-Benz CL 65 AMG

[zeynalov_]

Rolls-Royce Ghost MSRP

[zeynalov_]

Bentley - Continental Supersports

[zeynalov_]

Bentley Mulsanne

[zeynalov_]

Ferrari 599 GTB Fiorano

[zeynalov_]

Rolls-Royce Phantom Drophead Coupe