Azadlığa həsrət doğum günün mübarək olsun, cənab leytenant!
Artıq neçənci ilindir ki, məhbəsdə qeyd edirsən doğum gününü. Tək qeyd etsən də, əslində sən tək deyilsən, doğum günündə milyonların ürəyi sənin yanındadır həmişə olduğu kimi..Ana-bacı namusunu, vətən sevgisini, bayraq müqəddəsliyini uca tutanlar 6 ildir ki, bu günü səndən uzaqda amma qəlblərində səninlə birgə qeyd edirlər. Doğum günündə sənə hədiyyəm var, cənab leytenant! Aç o hədiyyəni. Kiçik bir kağızda yazılan yazılardan ibarətdir əslində:
“Bağışla bizi, cənab leytenant! O zaman ki, başımız kreslolara qarışdı, o zaman ki, rüşvət azarına tutulduq biz səni çox asanlıqla unutduq.
Bağışla bizi, cənab leytenant! O zaman ki, namus-qeyrəti ölən bəzi üzdəniraqlar özlərini günə çıxarmaq istədilər, təkidlə səni erməni itini yatdığı yerdə öldürdüyünü dedilər..Həmdə necə təkidlə...
Bağışla bizi, cənab leytenant! O zaman ki, konsertlərə pul tökməkdən başımız ayılmadı sənin adına açılmış hesab boş qaldı.
Bağışla bizi, cənab leytenant! O zaman ki, hər ağzı olan danışmağa başladı sənin bizdən istədiyin kimi o “qeyrət ağacları”nın önündə səbr edib susa bilmədik.
Bağışla bizi, cənab leytenant! Utanmadan, qızarmadan, xəcalət çəkmədən doğum gününü qandallı qolların arasında təbrik etməyə belə üz tapırıq..Bağışla bizi... İnanıram ki, bağışlayacaqsan...Çünki, sən ömrünün 30 ilini bizə bağışladığın halda sənin önündə günahkar olmamızı da bağışlayacaqsan... Bağışla bizi... Doğum günün mübarək olsun, ey qəlblərin məhkumu!
Yer imleri