Laçında itirdiklərimiz!!! Işğalından 19 il keçir

**AgLaYaN_BuLuD** · 05-17-2011, 05:05 PM

Sabah Laçın rayonun işğalının ildönümüdür. 1992-ci il mayın 18-də erməni işğalçıları rayonunun yüzlərlə mədəni-məişət obyektini, onlarla qəsəbə, kənd və tarixi abidələrini dağıdaraq talan edib. İşğal gününün ildönümü ərəfəsində Ekologiya və Təbii Sərvətlər Nazirliyi Laçında itirdiklərimiz barədə məlumat açıqlayıb.

Təbii sərvətlərlə zəngin olan Laçın rayonunda Turşsu, Qaladərəsi, Ağanus, Xırmanlar, Tiqiq, Turş-tiqiq, Nurəddin, Nağdalı, Hacıxanlı kimi müalicəvi əhəmiyyətli bulaqlar mövcuddur.

Rayonda ümumi ehtiyatları 1124 ton olan 3 civə (Narzanlı, Çilgəzçay, Sarıbulaq), ehtiyatları 4457 min ton olan və əhəng istehsalına yararlı Laçın əhəngdaşı, ehtiyatları 2533 min m3 olan və istismara cəlb edilən üzlük daşı istehsalına yararlı Qoçaz mərmərləşmiş əhəngdaşı, ümumi ehtiyatları 5125 min m3 olan və mişar daşı istehsalına yararlı 2 tuf (Ağoğlan, Əhmədli), ehtiyatları 998 min m3 olan və kərpic-kirəmid istehsalına yararlı Novruzlu gil, ehtiyatları 2144 min m3 olan Quşçu pemza, ehtiyatları 15794 min m3 olan Yuxarı Həkəriçay qum-çınqıl qarışığı, ehtiyatları 10 ton əqiq və 0,9 ton jad olan 2 əlvan bəzək daşı, ümumi ehtiyatları 10449 min ton olan 3 vulkan külü, istismar ehtiyatları 430 min m3/gün olan Minkənd mineral su yataqları vardır.

1961-ci ildə rayon ərazisində nadir təbiət komplekslərini qorumaq üçün yaradılan Laçın Dövlət Təbiət Yasaqlığı 20 min hektar, 1987-ci ildə yaradılan Qaragöl Dövlət Təbiət Qoruğu isə 240 hektar ərazini əhatə edirdi. Qoruqda 68 növdən və 27 fəsilədən ibarət bitki örtüyü vardır.

Laçın Dövlət Təbiət Yasaqlığının ərazisində cüyür, qaya keçisi, çöl donuzu, ayı, turac, kəklik, qaratoyuq kimi nadir fauna növləri məskunlaşıb. Yasaqlığın ərazisindəki Hacışamlı meşəsində dünyada ən qiymətli növ olan qırmızı palıd (qızıl palıd) vardır. Bu ağac Azərbaycanda yalnız həmin yasaqlıqda yayılıb.

Laçın rayonu üzrə 33285 hektar meşə fondu torpaqları vardır ki, bunun da meşə ilə örtülü sahəsi 26647 hektar (80,05 %) idi. Meşələrdə şam, palıd, vələs, göyrüş, ağcaqayın, qarağac, akasiya, qovaq, söyüd, dəmirqara, armud ağacları üstünlük təşkil edirdi.

Rayonda Həkəri çayının sağ sahilində və Zabux kəndində 400 yaşlı 2 ədəd Şərq çinarı, dövlət meşə fondu torpaqlarında 1092 hektar sahəni əhatə edən ardıc, şabalıd və qaraçöhrə ağacları mühafizə edilirdi.

**AgLaYaN_BuLuD** · 05-18-2011, 10:04 AM

[youtube:1bcnsolb]http://www.youtube.com/watch?v=B37sNTW3PWI[/youtube:1bcnsolb]
[youtube:1bcnsolb]http://www.youtube.com/watch?v=q7bBKcveado[/youtube:1bcnsolb]
[youtube:1bcnsolb]http://www.youtube.com/watch?v=P2Hky-MUsQ4[/youtube:1bcnsolb]

**Damla1** · 05-18-2011, 03:43 PM

cox kederlidi coxxxxxxxxx allah rehmet elesin şehidlerimize..bizdende bu sebri alsin ki torpaqlarimizi geri qaytaraq

besdi daha

**anaksunamun** · 05-18-2011, 04:25 PM

Mən baxmadim,çünki yoruldum baxmaqdan bu tip roliklərə..

Çingiz Mustafayev həmin ərəfədə Laçinda ezamiyyətdə olub..Onun «Siz kişi deyilsiz. Arvadsuz! Qorxaqsuz!» sözlərini demək olar ki,unutmuram!Belə bir hakimiyyəti olan daha nə düşünməlidir,nə qədər baxmalidir belə videolara..Baxdiğimiz kifeyət deyilmi.?