Çingiz Mustafayevin şəhid olmasından 18 il keçir

[AgLaYaN_BuLuD]

Qısa həyatı və hətta öz ölümü ilə Çingiz Mustafayev "vətənpərvərlik - dəbdə deyil" kimi fikirləri alt-üst etdi. Çingiz “vətənpərvər” sözünün həqiqi mənasını özünə qaytardı. Əgər onun kimiləri daha çox olsaydı, kim bilir, bəlkə də biz Qarabağı itirməzdik...

O bizim yaddaşımızda elə belə də qaldı - tikə-tikə edilmiş Xocalı körpələrinin nəfəssiz bədənləri üzərində ağlayan Çingiz Mustafayev. Bu, onun ermənilər tərəfindən törədilən qanlı faciə yerində çəkdiyi ilk kadrlar idi. Bütün dünyanı gəzən və erməni separatçılarının vəhşiliyini nümayiş etdirən ilk kadrlar. Yəqin ki, Çingiz elə onda milyonlarla azərbaycanlının ürəyində və beynində Milli Qəhrəman kimi həkk olundu.
Görəsən, Çingiz ömrünün sonuna necə az qaldığını bilsəydi... Yox, o, müharibənin az hiss edildiyi şəhərdə gizlənməzdi, təhlükəli cəbhə müxbiri peşəsindən əl çəkərək artıq tanınmış jurnalist kimi qalmağı üstün tutmazdı. O, Qarabağın taleyi həll olunan, əsgərlərin həlak olduğu, qadın və uşaqların ermənilər tərəfindən girov götürüldürü cəbhəyə doğru can atırdı.

Əgər o bilsəydi... Qorxmadan demək olar ki, o, heç bir təhlükəyə baxmadan ölkəsinin taleyi həll olunan cəbhəyə yenidən qayıdardı. Çingiz Mustafayev təhlükə riskinin nə qədər böyük olduğunu çox yaxşı başa düşürdü, amma həmin vaxt Bakıda hakimiyyət uğrunda mübarizə aparan yalançı vətənpərvərlərdən fərqli olaraq özünü qırağa çəkmədi.

Çingiz üçün Vətən, Azərbaycan anlayışı yəqin ki, “ana”, “həyat”, “ailə” sözlərinin daşıdığı məna ilə bir idi. Onları satmaq olarmı? Məhz buna görə də Çingiz əsgərləri geri çəkilməməyə, vicdana çağırmaq üçün son nəfəsinə qədər qışqırırdı: “Kişisiniz yoxsa, yox?”. Şərq kişisi üçün onun cəsarətini şübhə altına almaqdan o yana heç bir təhqir yoxdur. Kim bilir, bəlkə də bu, onun artıq tarix qarşısında qoyduğu məsələdir. Geri çəkilən əsgərlərə çağırışı ilə o, doğma torpağı müdafiə etməyə kömək etdi. Çingiz Azərbaycana lazımdır. Gün gələcək ki, itirilmiş torpaqlar uğrunda döyüşmək lazım gələcək. Bax onda qorxusuz və məzəmmətsiz arxası ilə digərlərini aparan onlarla, yüzlərlə Çingiz lazım olacaq.

Bu gün Azərbaycanda Çingiz Mustafayev adına radiostansiya, Çinfiz Mustafayev adına fond fəaliyyət göstərir. Amma Çingizin özü yoxdur- 18 il bundan əvvəl o, bizi əbədi olaraq tərk edib.

[fidan494]

Allah rehmet elesin ! Serefle anilasi nadir insanlardandir.
[

[Ruzgar_Gulu]

Allah Rahmet elesin

[vacuum]

Əsil türk oğlu olduğunu sübut edən Çingiz Mustafayev Allah rəhmət eləsin.Mövzuya görə təşəkkür

[AgLaYaN_BuLuD]

[youtube:1v2c0ocv]http://www.youtube.com/watch?v=kUfu9LobcBw[/youtube:1v2c0ocv]

[POWER_RANGERS]

Allah Rəhmət Eləsin

[nauthly_girl]

Allah rəhmət eləsin...
Məncə o şəhid olmasaydi da ya elə ya belə Vətənimizin bu halina aciyib dünyasini dəyişəcəkdi.!Onun çəkilişlərindən həddindən artiq əzab çəkdiyini görmək olar.
Nə deyək ki...Torpaği nurla dolsun.

[Damla1]

Allah şehidlerin hamisina rehmet elesin.Coxlarina şəhid deyirler.Məncə əsil şəhid Cingizdi.Onun anasi fexr etmelidi oğluyla.Cox teesüflerki bele oğullar azdi bizde.Torpaq uğrunda ölen varsa vetendi... Cingiz sözün esil menasinda veten ücün öldü..Qebri nurla dolsun... Cingiz kimi oğullarimiz cox olsun ki torpaqlarimizi ala bilek

[vacuum]

Atatürkün belə sözü var:Bayrağı bayrak edən üstündəki kandır, toprak ugrunda ölen varsa vatandır